Ötən il Xaçmaz rayon Heydər Əliyev adına Mədəniyyət Mərkəzində Quba, Şabran və Siyəzən rayon mədəniyyət işçiləri ilə görüş keçirilmişdir. Görüşdə Mədəniyyət Nazirliyinin strukturunun və idarə edilməsinin təkmilləşdirilməsi müzakirə olunmuşdur.

Qeyd edək ki, Ölkə başçısının 15 yanvar 2019-cu il tarixli Fərman bu görüşün keçirilməsində əsas mayak hesab olunurdu. Həmin Fərmanda zamanın tələblərinə cavab verən effektiv mədəniyyət siyasətini həyata keçirmək qarşıya vəzifə kimi qoyulurdu. Tədbirin gedişində iştirak edən mədəniyyət işçilərinin əksəriyyəti Prezidentin fərmanından irəli gələn məsələləri müzakirə edir, yeni nailiyyətlər üçün çıxış yollarını axtarmağa çalışırdılar. .İştirakçılar nəhayət islahatların mədəniyyət sahəsinə də gəlib çatdığını alqışlayırdılar. Lakin tədbirin sonunda idarə tərəfindən komissiya yaradılması və rayonlarda fəaliyyət göstərən klub və kitabxanalarda monitorinqlərin aparılması ilə bağlı qəbul edilən qərar rəhbərlikdən başqa heç kəsin ürəyincə olmadı. Belə ki, iştirakçıların məhz bu sual düşündürürdü.

-Niyə məhz klub və kitabxanalar?

Düzdür, Fərmanda məhz bu sahələrdə müasir tələblərə cavab veriləcək tələblər qoyulmuşdur. Amma buna baxmayaraq həmin görüşdə çıxış edənlərin əksəriyyəti mədəniyyətin bütün sahələrində islahatlardan danışırdılar. Axı necə olur ki, yenə klub və kitabxanalarda monitorinq aparılır?

Bu suala hələ də həmin görüşdə iştirak edənlərdən başqa heç kəs cavab verə bilməz. Çünki onların hamısı çox gözəl bilirlər ki, monitorinq adı altında 5 rayonun klub və kitabxanalarında «xüsusi komissiya» tərəfindən «təftiş» başlayacaq. Və belə də oldu. İdarənin bütün rəhbər strukturları klub və kitabxanalara hücuma keçdi. Görüşdən sonra idarənin rəisi Nazim Abayevin otağında keçirilən qapalı iclasda yalnız yaxın çevrəsi iştirak etmişdir. Qapalı keçirilən görüşdə nədənsə ölkə başçısının Fərmanı deyil, nazirin müavini Rafiq Bayramovun necə razı salınması üçün yollar müzakirə edilib. Deyilənə görə, iclasda idarənin Siyəzən üzrə məsləhətçisi Zəminə Qədirli bildirib ki, axı rayondan 13 kitabxananı biz yeni monitorinq eləmişik. Amma buna baxmayaraq idarəni öz ənənələri ilə idarə edən rəis bildirib ki, Rafiq Bayramovun göstərişi dərhal icra edilməlidir. Kim işləmək istəmirsə, ərizə yazıb getsin.

Ən maraqlısı odur ki, həmin monitorinqin nəticələri bugünədək ictimayət üçün açıqlanmayıb. Belə ki, idarənin rəisi saytında ötən il keçirilən görüşdən sonra nəticələr haqda heç bir məlumata rast gəlinmədi.

Sonda onu da qeyd etmək lazımdır ki, Dövlət Təhlükəsizlik Xidmətinin əməkdaşları Mədəniyyət Nazirliyində keçirilən əməliyyat zamanı nazir müavini Rafiq Bayramov saxlanılmışdır. Amma bu günədək Nazim Ağayev hələ də Xaçmaz Regional Mədəniyyət İdarəsinin rəisidir.

Kolxoz sədri mədəniyyət idarəsinin müdiri olanda nələr baş verir?

Qazaxın keçmiş başçısı Ayaz Əsgərov mənə dedi ki, get, hara şikayət edirsən, et

Hə, iş ki, qaldı avara ilə axmağa, demək, farağat bir şeyə nəsib olmazsan. Cəmiyyətin avara və axmaq adamları illah ki, vəzifə tutalar, o zaman atovun da öyü yanır, anovun da. Dad etməyə heyin belə qalmır...

Vallah, adamın ağlına hərdən elə şeylər gəlir ki, istər-istəməz matun-mutun quruyur, az qalırsan, əsəbindən dodaqlarını gəmirib yeyəsən. A.Əsgərovun hərəkəti adama məhz bu cür təsir edir.

Rəhmətlik dədələr deyərdi ki, çoxbilmişlik sadəcə bir biclikdir. Adam çoxbilmişlik edəndə, ona küncdə-bucaqda bic adam deyirlər. Bəlkə də dünyanın qol-qıçını yeyənlər də elə bic adamlardı - yəni çoxbilmişlərdi. Belə çıxır ki, çoxlarına rejim qorxusu yaşadan Ayaz Əsgərov da bu prinsipi öz missiyasının əsas dayağı hesab edir.

Danılmaz faktdır ki, dövlət qurmaq, müstəqil yaşamaq bəşər tarixində heç də bütün xalqlara nəsib olmur. Bu mənada, etiraf olunası haldır ki, dünya siyasətində böyük iz buraxmış fenomen şəxsiyyət Heydər Əliyevin qurub-yaratdığı milli dövlətçilik tarixin bizə bəxş etdiyi sərvətdir və onun dəyərini dərk etməliyik. Çoxumuz bu sərvətə sahib çıxsaq da, təəssüf hissilə qeyd etməliyik ki, bir sıra hallarda bu dəyəri itirən şəxslərə də rast gəlinir. Məsələn, Qazax Rayon İcra Hakimiyyətinin keçmiş başçısı Ayaz Əsgərovun şəxsində bu fakt özünü labüd göstərir. Açığı, onun saxtakarlıq ifadə edən əməlləri dövlətimizin uğurlu inkişafına ləkə vurur və bu hal müstəqil və demokratik Konstitusiyamızın - Ana Qanunumuzun müəllifi Heydər Əliyevin qurduğu müstəqil dövlətçilik prioritetlərinə ziddir.

Əslində, icra başçıları cəmiyyətlə bağlı bütün riskləri və mövcud vasitələri dəyərləndirməli, ölkənin xoşbəxt gələcəyini təmin edəcək yeni perspektivlər haqqında addımlar atmalıdır. Ancaq Ayaz Əsgərovun çirkin əməlləri bu perspektivlərə kölgə salır. Diqqət yetirək: keçmiş başçı öz vəzifəsindən sui-istifadə edərək  pul mənimsəyib. Ayaz Əsgərov təkcə Qazax rayonunda mənə 50 min manatlıq zərər vurub. Bildiyimə görə, o, bir neçə insana da fırıldaq gəlib, rayonun abadlığı üçün mal və materialdan istifadə edib, lakin pul odəməyib. Pulu tələb edəndə isə dövlət məmuru şəxsən mənə dedi: Get, hara şikayət edirsən et.

Açığı, məmurdan bu cür cavab almaq təəccüb doğurur. Və şübhəsiz o, indi də başqa bir rayonun başçısı olaraq orada yeni üsüllara əl atır, əhalini narazı salmaqla, iş adamlarının başına oyun acmaqla məşğuldur.

Cənab Prezident! Çox istəyirəm ki, dövlət hər zaman haqq-adələtin arxasında dursun, bu vicdansız və xəyanətkər şəxs haqqında cinayət işi açılsın, istintaqda bizdən də izahat alınsın. Yalnız onda inanaram ki, haqq-ədalət var və o, bərqərardır.

Bəli, dövlətin əleyhinə işləmək dövlətə xəyanətdir. Bəzi məmurlar öz çirkin əməlləri ilə dövlətə də, xalqa da xəyanət edirlər. Maraqlıdır ki, onlar vəzifəyə təyin edilərkən saxtalıqlarını görmək olmur. Ola bilsin o dərəcədə ustadırlar ki, bunu gizlədə bilirlər. Bəlkə də...

Məmmədov Qalib Binnət oğlu

Əlaqə nömrəsi: (055) 584-99-24

Şərəfli yolun yolçusu...

Bütün dünyanı cənginə alan koronavirus pandemiyasının mənfi təsiri Azərbaycan Respublikasından da yan keçməmişdir. Pandemiya dünya ictimaiyyətinin fəaliyyətinin demək olar ki, bütün sahələrinə, o cümlədən iqtisadi münasibətlər sisteminə təsir etmişdir. Yaranmış çətinliyin qarşısını müvəffəqiyyətlə almaq üçün Azərbaycan Respublikasının dövlət başçısının və Birinci vitse-prezidentin birbaşa rəhbərliyi altında həyata keçirilən tədbirlərə dövlətin bütün imkanları səfərbər edilib və qarşıya qoyulan məqsədlərə nail olmaq üçün bu imkanlardan səmərəli şəkildə istifadə edilir.

2020-ci ilin birinci yarısında ölkə iqtisadiyyatında artım əldə olunmuşdur. Belə ki, dövlət sektoru üzrə 900 min iş yeri qorundu, onların hər birinin əməkhaqqısı ödənildi. Eyni zamanda, özəl sektorda 110 min əmək müqaviləsi, 17 faizlik bir artım meydana çıxdı. Əmək müqaviləsi ilə özəl sektorda işləyən insanların sayı 751 minə çatıb.

Hesabat dövründə sənayenin qeyri-neft sektorunda 11 faiz, kənd təsərrüfatında 2,2 faiz artım əldə olunmuşdur. Bitkiçilik məhsulları istehsalında artım dinamikası davam etmişdir. 2020-ci ilin 6 ayı ərzində ötən ilin müvafiq dövrü ilə müqayisədə 6,2 faiz çox tərəvəz, 5,3 faiz çox meyvə və giləmeyvə, 9,7 faiz çox kartof istehsal edilib. İnflyasiya birrəqəmli olmaqla 2020-ci ilin 5 ayı ərzində 2,9 faiz təşkil etmişdir.

Neft-qaz məhsulları istisna olmaqla, istehlakçılar tərəfindən ölkə ərazisində ticarət və ictimai iaşə fəaliyyəti göstərən nöqtələrdən alınmış mallara görə ödənilmiş ƏDV-nin geri qaytarılması layihəsi mayın 1-dən başlamışdır. Ötən dövr ərzində 10 milyon 400 min çek üzrə daxil olmuş müraciətlə bağlı artıq 2,7 milyon manat ƏDV istehlakçılara qaytarılıb, 2,4 milyon manat isə 30 gün tamamlananda qaytarılacaq.

Bildiyiniz kimi, Azərbaycan Respublikasının 2020-ci il dövlət büdcənin gəlirləri 24 milyard 134 milyon 500 min manat, xərcləri isə 26 milyard 894 milyon 700 min manat təşkil etmişdir.

 Son vaxtlar gündəmdə olan Prezident Aparatının sabiq rəhbəri Ramiz Mehdiyev bütün sosial şəbəkələri zəbt edib. Hamı ondan yazır. Bizim yazmağımıza nə söz nə də ehtiyac var. Biz biraz lap kiçiklərdən yazmaq istədik ki, görən bu kiçik idarə, müəssisə rəhbərləri kimə və necə xidmət göstərirlər.