“EMA” MMC 1996-cı ildə fəaliyyətə başlaması həm sosial sifariş, həm də iqtisadi zərurət idi. Belə ki, Azərbaycan Milli Məclisi Respublikada aqrar islahatın keçirilməsi haqqında qanunu yenicə qəbul etmişdi. Həmin ilin 13 avqustunda ölkə Prezidenti bu qanunun icra olunmasına dair sərəncam imzalamış, bu kampaniyanın gedişinə nəzarət məqsədilə Nazirlər Kabinetinin yanında Dövlət Komissiyası təşkil edilmişdi. Komissiyasının yaradılması, hüquq- normativ sənədlərinin işlənib hazırlanması islahatın I-ci mərhələsinin başlanğıcı oldu. 1-ci mərhələnin əməli olaraq həyata keçirilməsi isə keçmiş sovxoz və kolxozların tabeliyində olan texnikanın və torpaq sahələrinin kəndlilərə verilməsindən və yeni yaranmış kiçik kəndli təsərrüfatları arasında bölünməsindən ibarət oldu. Respublikada kənd təsərrüfatı məhsullarını istehsal edən yeni istehlakçı – Azərbaycan Fermeri yarandı.




Əlbəttə, respublikada kiçik fermer təsərrüfatlarının yaradılması, ictimai istehsal sektorundan fərdi sektora keçid ölkədə ərzaq probleminin qısa bir zamanda çox asan həll olunması kimi qəbul edilə bilməzdi. Əksinə, kənd təsərrüfatı malları istehsalının sütunu sayılan toxumçuluqda, gübrə və bitki mühafizə vasitələrilə təminatda aqrotexniki tədbirlərin həyata keçirilməsi üçün zəruri texnika (traktorlar, kombaynlar, çiləyicilər, kotanlar, toxum səpənlər, ot biçənlər və s.) təminatında çətinliklərlə üzləşdi.

Çətinliklər sırasında texnika və bitki mühafizə sahəsi ilə əlaqəli məsələlər daha qabarıq nəzərə çarpırdı, çünki ölkənin kənd təsərrüfatının texnika və bitki mühafizəsi vəsaitlərinə olan tələbatını planlı, müntəzəm və lazımi həcmdə təmin edən kənd aqrotexnika və kənd aqrokimya birliyi artıq fəaliyyət göstərmirdi. Yenisi isə yaradılmamışdı. Müasir texnika olmadan və bitki mühafizə vəsaitlərindən istifadə etmədən (gübrələr və pestisidlər) məhsuldarlığı artırmaq, nə də məhsulun keyfiyyətini yaxşılaşdırmaq mümkün deyildi.

Odur ki, ölkəyə texnikaları və bitki mühafizə vəsaitlərini idxal edən və onun satışını təşkil edən bir sabit şirkət iazım idi. Məhz bu zərurətdən “EMA” şirkətinin yaranması və fəaliyyəti mənim qabağıma qoyduğum vacib məsələlərdən biri oldu. Bu gün “EMA” şirkəti yerli fermerlər arasında yüksək reyting və populyarlığa malikdir.

Hazırda Avropanın və Amerikanın bir neçə şirkətinin Azərbaycanda rəsmi distribüteri kimi çıxış edən “EMA” MMC Kənd Təsərrüfatı Nazirliyi ilə bağlamış olduğu, yerli qurumlar üçün maşın və avadanlıqların, müxtəlif növ dərman preparatlarının satınalınmasını nəzərdə tutan müqavilələrdən irəli gələn öhdəliklərinə düzgün əməl edir.

Kənd təsərrüfatı sahəsində müxtəlif xidmətlər həyata keçirən “EMA” şirkəti 2019-cu ildə öz tərəf müqabilləri ilə birgə vaxtaşırı olaraq yerlərdə fəaliyyət göstərən fermerlər üçün seminarlar keçirmişdir.  “Azərbaycan Sənaye Korporasiyası” ASC-nin təşkilatçılığı ilə “Azərtütün ASK” MMC ilə birgə Şəki, Qax, Zaqatala, Balakən rayonlarında tütünçülərlə keçirilən seminarda fermerlər tütünün keyfiyyətinin və məhsuldarlığının  artırılması istiqamətində düzgün aqrotexniki xidmətlərin həyata keçirilməsi, zəruri dəstəyin və nəzarətin təşkil olunması, fermerlərin tütün  tədarükü mövsümündə qarşılaşdıqları çətinliklərin aradan qaldırılması, tütün bitkisi üçün səciyyəvi olan xəstəlik və ziyanvericilərlə mübarizə aparılması, tütünçülükdə geniş istifadə olunan “Royaltac” adlı məhlulun düzgün istifadə qaydaları haqqında təlimatlandırılmış və ümumilikdə bu sahədə böyük əhəmiyyət kəsb edən informasiyaların çatdırılmışdır. Seminarlar “Azərtütün ASK” MMC və Türkiyədən dəvət olunmuş peşəkar mütəxəssislər tərəfindən aparılmış, onlar tütünçülük sahəsində öz təcrübələrini yerli fermerlərlə bölüşmüşlər.

Yayda cənub bölgəsində sitrus meyvə bitkilərinin və çəltik (düyü) bitkisinin düzgün yetişdirilməsinə dair tarla seminarı da əhəmiyyətli oldu. Aran rayonlarında pambıqçılarla keçirilmiş görüşlərdə fermerlərə pambıq bitkisinin aqrotexniki qaydada becərilməsi, kimyəvi preparatlardan düzgün istifadəyə dair məsləhətlər verilib.

Qida Təhlükəsizliyi Agentliyinin, “Azərpambıq” MMC-nin, Türkiyənin meyvəçilik və bitkiçilik sahələri üzrə ixtisaslaşmış “Hektaş” şirkətinin nümayəndələrinin, pambıqçılıqla məşğul olan fermerlərin iştirak etdikləri həmin seminarlarda pambığın becərilməsi zamanı texniki təhlükəsizlik tədbirlərinə riayət olunması, xəstəlik və ziyanvericilərə qarşı aparılan mübarizə tədbirləri barədə fermerlər məlumatlandırılıb, sanitar-gigiyenik normalardan bəhs edilib.

2019-cu il may ayının ortalarında Bakı Ekspo Mərkəzində keçirilən 13-cü Azərbaycan Beynəlxalq Kənd təsərrüfatı sərgisində " EMA" şirkətinin "Əkinçinin dostu!" şüarı altında təqdim etdiyi məhsulları böyük maraqla qarşılandı..

Bəzən bitkilərin məhsuldarlığı və kefiyyəti arzuolunan səviyyədə olmayanda bunu kimyəvi dərmanların kefiyyətinin aşağı olması ilə əlaqələndirirlər. “EMA” MMC-nin prezidenti Əbdülhüseyn Abdullayev isə hesab edir ki, bitkilər arasında xəstəliklərin yayılması aqrotexniki qulluğun düzgün aparılmaması ilə bağlıdır, hər bir halda fermerlər mütəxxəsislərdən məsləhət almalıdır.

Təcrübəli mütəxəssis, bacarıqlı iş adamı Əbdülhüsen Abdullayevə və onun rəhbərlik etdiyi “EMA” şirkətinə yeni 2020-ci ildə də uğurlar arzulayırıq. İnanırıq ki, bu kollektiv Azərbaycanda kənd təsərrüfatı məhsulları istehsalçılarına göstərdikləri köməkliklə ölkə əhalisinin rifah səviyyəsinin mühüm göstəricisi olan ərzaq bolluğunun yaradılması işinə sanballı töhfələr verəcək.

Ema şirkəti Dezinfeksiya, Deratizasiya və Fumiqasiya (DDF) sahələrində mütəxəssisləşən şirkətdir. İqtisadiyyatın bu sahəsində üzərimizə düşən işin vacibliyini yaxşı anlayaraq çalışırıq, ki iqtisadiyyatın bütün sahələrində, ictimayi, yeyinti, istehsalat, ticarət və turizm kimi yerlərin gigiyenik və sağlam mühitini təmin edək.

Bu baxımdan şirkətimiz tərəfdən göstərilən bütün xidmətdə lazım olan bilik və yüksək keyfiyyətli məhsulların istifadəsi olunur. Göstərdiyimiz xidmət ərzində bütün fəaliyyətimiz Beynalxalq DDF standartlarına uyğundur.

Xidmətlərimizdə istifadə etdiyimiz preparatların istehsalçıları dünyanın ən tanınmış və irəlidə gedən istehsalçılarıdır. Onlarla birbaşa və uzunmüddətli əlaqələrimiz sahəsində hər bir müasir preparatın və texnikanın istifadəsini həyata keçirərək partnyorlarımızdan həm xidmət, həm qiymət baxımından irəlidə gedirik. Biz fəxr edirik ki, dünyada ən görkəmli şirkətlər bizi həmişəlik bu sahədə partnyor olaraq seçmişlər.

Bizim broshurlardakı təqdimatda heç olmasa bir neçə dəqiqə ərzində, az da olsa sizin partnyorunuzun ilkin olaraq qısa məlumatını çatdırırıq.

Biz çox yaxşı bilirik ki, broşurlarda verdiyimiz qısa informasiya bizim sizinlə üz üzə danışığımızı əvəz edə biləməz, o baxımdan böyük sevinclə sizinlə görüşməyə hazırıq.

EMA şirkətlər birliyi öz fəaliyyətini 1997-ci ildə Azərbaycan Respublikasının Səhiyyə Nazirliyinin 29869 saylı şəhadətnaməsi ilə qeydiyyata alınmışdır. Şirkətin dezinfeksiya, deritisasiya və fumiqasiya xidməti 2000-ci ildən Səhiyyə Nazirliyi tərəfindən verilən 0148 nömrəli 03.06.2000-ci il , 01170 nömrəli 30.0 .2004 cü il və 026045 nömrəli 03.12.2009-cu il tarixli lisenziyaları əsasında fəaliyyət göstərir.

EMA Şirkətlər Birliyi olaraq həyata keçirdiyimiz kimyavi mübarizə xidmətlərində WHO (Beynəlxalq Səhiyyə Təşkilatı) tərəfindən qəbul olunmuş, müasir tələblərə cavab verən texnologiyalardan və ekoloji cəhətdən zərərsiz, yüksək təsiretmə qabiliyyətinə malik aktiv maddələrdən istifadə edirik.

EMA ŞB əsas prinsipi: xidmət zamanı istifadə lunan preparatları düzgün seçmək, onları zamanında düzgün üsul və texnika ilə tətbiq etmək, dezinfektorların bilik və iş təcrübələrini əsas götürməkdir.

Bizim təcrübəmiz, keyfiyyətimiz, idrəçiliyimiz və daimi təkmilləşməyimiz bizə Azərbaycan Respublikasının Dezinfeksiya, Deratizasiya və Fumiqasiya sahələrində lider olaraq qalmamızın səbəbidir.

Biz müştərilərimizin istəklərini öhdələmək üçün bu sahənin geniş imkanlarını həyata keçiririk. Bütün istifadə edilən preparatlar hamısı yüksək səviyyədə AR-nın KT-tı Nazirliyi tərəfindən sertifikatlaşdırılmışdır.

Əbdülhüseyn Abdullayev

EMA ŞB-in

Dezinfeksiya, Deratizasiya və Fumiqasiya servisinin xidməti göstərdiyi obyektlər

European Tabacco B.T. Mərkəzi
Avropa Otel Qafqaz Resort Otel
Buta Plaza İSR Plaza
Azercell Mc.Donald restoranları
Krown Otel Empire Otel
Sultan restoranı Qlobal T.M
Qoşa qala restoranı Ləzzət şirniyyat evi
C.S.S. catering Oskar restoranı
SAİPEM 5 qazan restoranı
BP Aristokrat restoranı
Dublin restoranı Yenilik ASC
Mesa restoranı Şəms K
Təbəssüm restoranı Fayton restoranı

Bakı və Bakı ətrafı bağ-bağçalar, həyət yanı sahələr

Xidmət sisteminin fəaliyyət istiqamətləri
- Dezinfeksiya-mikrob və virus əleyhinə mübarizə
- Dezinfeksiya-həşəratlar əleyhinə mübarizə
- Dezinfeksiya-gəmiricilər əleyhinə mübarizə
- Fumiqasiya-qaz üsulu ilə həşərat və gəmiricilər əleyhinə mübarizə
- İlan əleyhinə mübarizə
- Alaq otlarına qarşı mübarizə
- Bitkilərdə olan xəstəliklər və ziyanvericilər əleyhinə mübarizə

Mübarizə tədbirləri
- Sahə haqqinda ümumi məlumat
- Sahənin infrastrukturunun və fəaliyyət planının öyrənilməsi
- Yarana biləcək və olan ziyanvericilərin təyin olunması
- Təyin olunmuş ziyanvericiyə görə uyğun preparation seçimi
- Sahəyə və seçilmiş preparata uyğun texnikanın seçimi
- Mübarizə aparılan sahəyə xəbərdar edici lentin çəkilməsi və lövhələrin qoyulması
- Mübarizədən sonrs sahəyə təkrar baxış
- Mübarizə zamanı istifadə olunan preparatların sertifikatlarının əlaqədar şəxsə verilməsi

EMA ŞB-yi DDF servisində istifadə edilən preparatlar

Storm - Almaniya BASF
Tədbiq sahəsi - anbarlar, bunkerlər, istixanalar, kommunal sahələri, əkin sahələri və bağ-bağçalardır.

Üstünlükləri:
- İstifadəyə hazır
- Təsir uzun müddətli
- Kirlənmir, nəm çəkmir
- Gəmiricilər üçün cəzb edici
- Dada malik
- Bütün növ gəmiricilər üçün tədbiq olunur
- İstifadədə təhlükəsizdir

Famarin - Türkiyə HEKTAŞ
- Famarin - toz halındadır
- Famarin - siçanların gəzdiyi yerlərə, yuva ağızlarına səpilir və siçanların ayaq və tüklərinə yapışır
- Təsiri siçan tərəfindən yeyilib yeyilməməsindən asılı deyil.Siçan davamlı olaraq təmizlik baxımından ayaq və tüklərini yalayır və toz yalama yolu ilə orqanizmə keçir. Famarin qana keçdikdə qanda laxtalanma azalır və daxili qanaxma baş verir. Bu cer ölüm tədricən olduğu üçün siçanlar açığa çıxır və ölü siçanları tapıb atmaq asanlaşır.Bu səbəbdən Famarindən istifadə zamanı gizli və əl çatmayan yerdə siçan ölüsünün çürüyüb pis iy verməsi mümkün deyil.

Ecoreks - Alfa SE

- Tədbiq sahələri - parklar, uşaq oyun yerləri, baxçalar, məktəblər
- Restoranlar, otellər, bir sözlə bütün yaşayış. Istehsal və iaşə sahələrində tədbiq olunur.

Üstünlükləri
- Ağcaqanad, milçək, tarakan, bit, birə, gənə, əqrəb.
- Bir sözlə bütün yeriyən və uçan həşəratlara qarşı tədbiq olunur.
- 2 aydan 4 aya qədər davamlı qalıcı qalır.
- Aşağı dozada yüksək nəticələr əldə edilir.

Serpa - GEL
- Tarakanla mübarizədə müəyyən yerlərə çiləyici ilə intektisid çiləmək mümkün olmur. Buna misal açıq elektrik xətlərini göstərmək olar. Ümumiyyətlə Serpa Gel bütün bağlı sahələrdə istifadə olunur (mətbəx, hamam).

Üstünlükləri:
- Istifadəsi asan və rahatdır
- Maksimum təsirli
- Zəncirvari təsir ( ölü həşəratlar digər həşəratlar üçün belə yemdir, bu səbədən 5 gün ərzində nəticə əldə etmək olar)

Aqualner

- Aqualner Amerika Ətraf Mühitin Qorunması Təşkilatı tərəfindən təsdiqlənmiş, yüksək texnologiyaya malik, təbii solvent (portağal iyi) açıq sahə insektisididir. Baryer təsiri milçəklərə 100%, ağcaqanadlara qarşı 99% təsirlidir.

Brodi Mumblok - gəmiricilərə qarşı
- Gəmiricilərin əsas məskəni zibillik, boş sahələr və kanalizasiyalardır. Şəhər içində gəmiricilərə qarşı mübarizənin 1-ci mərhələsi kanalizasiyalardan başlanmalıdır. Bunlar üçün ən uyğunu 
Brodi Mumblokdur. Nəm çəkmir və 3-4 ərzində tam nəticə görünür.

Deltamix T - EC
- Tərkibi deltametrin.
- Bütün növ həşəratlara təsirlidir.
- Az iyli

Zaur Vəliyev

 

Azərbaycan Respublikasının Prezidenti İlham Əliyevin xalqımızın sosial rifahının yaxşılaşdırılması istiqamətində qətiyyətlə və əzmlə apardığı inqilabi islahatlar 1,5 milyon nəfərdən çox üzvü olan həmkarlar ittifaqları tərəfindən də fəal surətdə dəstəklənir.

Rayonun ən böyük kəndi olan Dağkəsəmənin camaatı uzun illərdi ki, RİH-nin inzibati-ərazi dairəsi üzrə nümayəndəsi Fazil Bayramov və bələdiyyə sədri Ariz Bayramovdan mütəmadi olaraq  şikayətçi olmalarına baxmayaraq, başbilənlər nədənsə bu iki şəxs haqqında tədbir görmürlər. Görünür ki, həmin şəxslərlə Ağstafa Rayon İcra Hakimiyyətində onları müdafiə edənlərlə aralarında üstüörtlü nəsə vardır. Bu da hamıya məlumdur. Sadəcə kənd camaatı öz abırından utanır.

Təhsil şöbəsinin müdiri Nizaməddin Babanlının komandası məktəbləri kabinetlərindən idarə edirlər

 

Qazax Rayon Təhsil Şöbəsinin müdiri vəzifəsini daşıyan Nizaməddin Babanlı harada işləyibsə kimlərəsə zəif, aciz kadr kimi görünüb.Və həmişə özünə yaxşı olub. Əslində belə adamlar həyatda daha qorxulu olurlar. Yalandan söz verib əməl etmir, kimlərəsə badalaq qurmaqda pərgar olur, stolu yalandan zəbt edir, dövlətin mənafeyindən çox öz şəxsi mənafeyini güdür. Belə kadrlarda harada işləyibsə həmin sahəni ölü bir vəziyyətə salıblar.

Bu yaxınlarda Qazaxda təhsil sistemində apardığımız xırda bir araşdırma onu göstərdi ki, rayonun məktəblərində vəziyyət, nizam-intizam bərbad gündədi. Nizaməddin Babanlı, necə deyərlər “başının çibinini qoruyur”. Yenə də müəllimlər hər maaş alan kimi direktorların siyahısında adlarının qabağına üstəgələk qoydurur, üstəlik “xeyirə xərcləyin ifadələri” də işlədirlər. Guya Qazaxdakı məktəblərdən rahat şəkildə yığılan pullardan Nizaməddin Babanlının və ya digərlərinin xəbəri yoxdu?

Bu günlərdə Qazaxın Xanlıqlar kənd tam orta məktəbində baş verən hadisə də rayon ictimayyəti, ziyalılar tərəfindən birmənalı qarşılanmayıb. Məktəbin direktoru Şofiq Qədimov Nizaməddin Babanlı kimisinin bəlkə də səriştəsizliyindən istifadə edərək paytaxtda var-gəl edən bir şagirdin adını 8 ildir sinif jurnalına yazdırıb. Adı var, özü yox şagird Bakıda cinayət hadisəsi törətdikdən sonra məsələnin üstünü hüqüq-mühafizə orqanları açıb. Nəticədə, işi hələlik Şofiq Qədimovu vəzifədən uzaqlaşdırılmaqla müvəqqəti bağlayıblar. İndi rayonda hamını düşündürən bir  məslələ də var ki, təhsil şöbəsində hər gün məktəbləri yoxlayan müfəttişlər görəsən  hara baxıblar? Necə ola bilər ki, dərsə gəlməyən bir şagirdin adını məktəb direktoru 8 il rayon təhsil şöbəsindən gizli saxlaya bilib?

Son nəticədə Nizaməddin Babanlı və rəhbərlik etdiyi şöbənin müvafiq cavabdehləri nə üçün səhlənkarlıqlarına görə cəzalarını almayıblar? Aldığımız məlumata görə Nizaməddin Babanlı kimya sahəsi üzrə elmlər namizədidir. Qazaxda böyük bir müəllim ordusunun bəlkə də belə namizədə ehtiyacı yoxdur. Çünki məktəb direktorları məktəblərdə öz bildiklərini edirsə, Nizaməddin müəllim kimə və nəyə lazımdır? Artıq “xəstə dissertasiyalara” da ehtiyac duyulmur. Özü də Nizaməddin Babanlı kimilərinin timsalında.

 P.S. Rayonda olarkən baş vermiş hadisəni araşdırmaq məqsədi ilə Nizaməddin Babanlı ilə görüşdük. Təhsil şöbəsinin müdiri suallarımızı dinlədikdən sonra bildirdi ki, hamısı cəzalarını alacaqlar. Bəs Siz hansı cəza alacaqsınız sualına Babanlı əsəbləşərək belə cavab verdi.

- Mənim nə günahım var. Bu işdən mənim xəbərim olmayıb. Olanlar da cəzalarını alacaqlar.

Maraqlı cavabdır elə deyilmi, rayon mərkəzindən 7 kilometr aralı Xanlıqlar kəndində 8 il məktəbdə “ölü can” – şagirdin adı dərs jurnalına yazılır, amma Təhsil Şöbəsinin müdiri deyir ki, mənim nə günahım var?  

Rayonda olan zaman öyrəndik ki, son illər Qazax rayon icra hakimiyyətinin başcısı Rəcəb Babaşovun rəhbərliyi ilə bir sıra uğurlara imza atılıb. Rayon ictimayyəti, sakinlər bu uğurlardan fəxarət hissi ilə danışırlar.( bu barədə gələn sayımızda)

Amma bu uğurlara hələ də kölgə salanlar iş başındadır.Rayon ictimayyəti elə bu sahələrdən biri olan Təhsil Şöbəsindən danışdılar.

Ətraflı gələn sayımızda.

 Zaur Vəliyev

 

Müstəqim Məmmədovun dövründə görülən işləri görməmək ücün yalnız kor olmaq lazımdır

Son günlər sosial şəbəkələrdə  Ziya Mahmudov adlı Tərtər rayon sakininin çəkib sosial şəbəkələrdə, Youtube kanallarından birində yaydığı videokadrlarda Tərtər Rayon İcra Hakimiyyətinin başçısı Müstəqim Məmmədovla bağlı bəzi məlumatlar yayılmaqdadır. Hətta bəzi həmkarlarımız bir azda irəli gedərək Ziya Mahmudovun kimliyini,məqsədini belə dəqiqləşdirməmiş cəbhə bölgəsində yerləşən rayonun rəhbərliyi haqqında həmin məlimatları öz saytlarında yerləşdirməklə sanki böyük iş görmüş kimi öyünməkdən belə cəkinmirlər. 
İlk əvvəl qeyd edək ki, Tərtər rayonu cəbhə bölgəsində yerləşir, illərdir düşmənlə üz-üzə qəhrəmancasına, mərd-mərdanə dayanıb. Yəni bu rayonun sosial-iqtisadi cətinlikləri digər rayon və şəhərlərdən həmişə fərqli olubdur. Düşmənin atəş nöqtəsində yerləşən bir rayonda yaşamağı və işləməyi tərtərlilərdən və burada calışan rayon rəhbərliyindən başqa hec kəs bilə bilməz. Bu rayonun sakinlərivə rəhbərliyi  müharibənin ən cətin dövründə belə dövlətə və dövlətciliyə həmişə sadiq olublar. 
Ən maraqlısı da odur ki, düşmənlə üz-üzə dayanan Tərtər rayonu haqqında ara-bir dəqiqləşdirilməmiş,düşmənin dəyirmanına su tökənlər tərəfindən xoşagəlməz informasiyalar yayılmaqdadır. Təbii ki, müharibə şəraitdə yaşayan tərtərlilər hec vaxt belə xəbərlərə inanmayıblar. Bu günədək yüzlərlə Ziya Mahmudov kimiləri Tərtər rayonu haqqında hec də xoş olmayan, kimlərinsə sifarişi ilə müxtəlif səpkili  xəbərləri məqsədyönlü şəkildə yayıblar. Amma nə tərtərlilər, nədə ki bu rayonunu rəhbərliyi belə xəbərlərə fikir verməyərək üzərlərinə düşən vəzifələri layiqincə yerinə yetiriblər.
Son vaxtlar ölkə prezidentinin apardığı islahatlar nəticəsində bir necə rayonun rəhbərliyinin dəyişməsi öz aləmlərində Ziya Mahmudov kimilərinin və belələrinə havadarlıq edənlərin işinə yaman yarıyıb. Cox maraqlıdır ki, belələri hələ də unudub ki, islahatlar kimlərinsə yaratdığı şounun nəticəsi ilə deyil, ölkə başcısının iradəsi ilə həyata kecirir.  Qeyd edək ki,hansısa rayon rəhbərliyi haqqında qərəzli şəkildə  məlumatlar yaymaqla hələ bu günədək hec kəs istədiyinə nail olmayıb.
O ki qaldı ökə başcısının 7 may 2014-cü il tarixli Sərəncamı ilə Tərtər Rayonu İcra Hakimiyətinin başçısı vəzifəsinə təyin edilmiş Müstəqim Məmmədova, həm respublika rəhbərliyi, həm də rayon sakinləri hec vaxt bu təyinatdan narazı qalmayıb. Cünki icra başcısı Müstəqim Məmmədov həmişə əməlləri ilə tərtərlilərin rəğbətini qazanıb. Onun rayona rəhbərlik etdiyi dövrdə həm rayon mərkəzində, həm də kəndlərdə görülən işləri görməmək ücün gərək insan kor ola. Bunu biz yox, tərtərlilər deyir. Odur ki, gedin Tərtəri gəzin, əziz bəzi "həmkarlarım".
Baxın görün düşmənlə üz-üzə dayanan Tərtərdə sahibkarlıq fəaliyyəti ilə bağlı onlara necə şərait yaradılıb? Baxın görün rayonun mərkəzi kücələri və yaşayış binalarının ətraflarına necə asfalt cəkilib? Cəbhə böyu kəndlərdə vəziyyət necədir? Yol,işıq,qaz kimi problemlər necə həll olunub? Baxın görün Tərtər son illər necə inkişaf edib? 
P.S. Nəyinki Tərtərdə, bütün rayonlarda Ziya Mahmudov kimiləri yuzlərlədi. Amma ən əsası Ziya Mahmudov deyil, onun arxasında duran qüvvələrdir. O quvvələr ki, rayon rəhbərliyi onların arzularını puc edib, sifarişlərini yerinə yetirmir. Belə olan halda da həmin qüvvələr də Ziya Mahmudov kimilərini yaradır.

Zaur Vəliyev

Çox hörmətli cənab Prezident!

Mən Lerik rayonun sabiq icra başçısı Babaəli Məmiş oğlu Ağayevlə Lerik rayonunda tikilmiş və Lerik rayon İcra Hakimiyyətinə məxsus olan hotellə bağlı söhbətlərim şəxsən olub. Babaəli Məmiş oğlu Ağayev mənim xahişimi qəbul etdi, məsələ ilə bağlı mənə xeyli açıqlamalar verdi. O, bildirdi ki, “Lerik rayonuna ikinci dəfə icra başçısı təyin olunanda həmin hoteli tikmək qərarına gəldim. Bakıdan və ölkənin digər bölgələrdən qonaqlarımız olurdu. Onları yerləşdirməkdə çətinliklər çəkirdik. Odur, rayonun büdcəsi hesabına İcra Hakimiyyəti aparatı üçün hotel tikdirmək qərarına gəldim. Aidiyyəti təşkilatları bir yerə topladım, vəsait ayrıldı, tikintini vaxtında başa çatdırdıq”.

Mən Babaəli müəllimdən soruşdum ki, həmin hoteli kimsə sata və ya özəlləşdirə bilərmi? O, mənə cavabında dedi: “Xeyr, heç vaxt belə bir məsələ mümkün olan iş deyil. Hotel Lerik rayon İcra Hakimiyyəti aparatına məxsusdur. Onun satılıb özəlləşdirilməsi tamamilə qanunsuzdur”. Bu, iki dəfə Lerik rayonunda rəhbər vəzifədə işləmiş, daha dəqiq desək, sovetlər dönəmində Lerik rayon Partiya Komitəsinin birinci katibi və müstəqillik dövründə isə Lerik rayon İcra Hakimiyyətinin başçısı təyin olunmuş şəxsiyyətin dedikləri idi.

Qayıdaq məsələnin mahiyyətinə. Mən özüm də Lerik rayon İcra Hakimiyyəti aparatında məsul vəzifələrdə işləmişəm. Lerik rayon İcra Hakimiyyəti başçısının ən ucqar ərazisi olan Osyodərə ərazisində icra nümayəndəsi, Lerik rayon İcra Hakimiyyəti aparatında isə hüquq şöbəsində hüquqşünas vəzifələrində bir neçə il çalışmışam. Mənim özümün də işlədiyim müddətdə Bakıdan, respublikanın digər rayonlarından qonaqlarımız olurdu. Həmin qonaqlar İcra Hakimiyyəti aparatının ikimərtəbəli hotelində yerləşir və istirahət edirdilər. Şəxsən iki çağırış Milli Məclisin deputatı olmuş, Lerikin hörmətli ziyalılarından sayılan Miri Qənbərov həmişə İcra Hakimiyyəti aparatının sözügedən hotelində qalardı. Miri müəllim çox vaxt vətəndaşları elə hotelin qarşısında açıq havada qəbul edərdi. Miri müəllim yalnız əhaliyə kömək edər, rayonun daxili işlərinə heç vaxt qoşulmazdı. Bu hoteli tikdirən Babaəli Ağayevə də həmişə öz minnətdarlığını bildirərdi. O, deyərdi ki, “çox sakit bir guşə seçilib, halal olsun Babaəli müəllimə”.

Son vaxtlar Lerik rayon İcra Hakimiyyətinə məxsus olan o hotel qanunsuz olaraq kimlərəsə peşkəş edilib. Məndə olan məlumata görə, həmin hoteli özəlləşdirən vətəndaş onu bir qədər təmir etdikdən sonra artıq 120 min dollara satışa çıxarıb. İndi sual olunur: Cənab Prezident, Lerik rayon İcra Hakimiyyətinə məxsus olan hoteli kim və hansı məqsədlə bu günə qoyub? Bəs sabah Lerik rayonuna bir qonaq gələrsə, o, harada yerləşəcək?

Sizdən xahiş edirəm ki, baş vermiş bu qanunsuz hərəkət haqqında tədbir görəsiniz. Axı, həmin hotel leriklilərin vəsaiti hesabına tikilib. Hotel leriklilərə məxsusdur. Tədbir görməyinizi xahiş edirəm.

Mövzuya qayıdacağıq...

İbadov İlham Mürvət oğlu Tarix: 29.10.2019-cu il

Lerik rayonu, Azərbaycan Jurnalistlər Telefon: 050 673 45 45

Birliyinin üzvü, sabiq dövlət qulluqçusu