BizimAz.az - Maraqlı

Ərdoğanın hakim ittifaqı Türkiyə parlamentində çoxluq təşkil edir

17:04 30.05.2023 | Baxış sayı: 17098

Prezident Rəcəb Tayyib Ərdoğanın Ədalət və İnkişaf Partiyasının (AKP) rəhbərlik etdiyi Respublikaçılar Alyansı Türkiyənin yeni parlamentində 600 mandatdan 323-nü qazanıb. Bu yekun məlumatları çərşənbə axşamı ölkənin Mərkəzi Seçki Komissiyasının rəhbəri Əhməd Ener açıqlayıb.

“Bütün müraciətlərə baxılıb, qərar qəbul edilib. Mayın 14-də 28-ci parlamentin tərkibinə dair səsvermənin yekun nəticələri komissiya tərəfindən təsdiq edilərək rəsmi qəzetdə dərc olunmaq üçün göndərilib. Ədalət və İnkişaf Partiyası 268 mandat, Yeni Rifah Partiyası - 5, Milliyyətçi Hərəkat Partiyası - 50 (Respublikaçılar Alyansına daxildir) mandat qazanıb. Cümhuriyyət Xalq Partiyası (CHP) - 169, Yaxşı Partiya - 43”, - deyə Yener Türkiyə televiziyasında bildirib.

Türkiyə İşçi Partiyası 4 mandat, siyahılarında kürd yönümlü Xalqların Demokratiya Partiyasından namizədlərin seçildiyi Yaşıl Sol Partiyası isə 61 mandat əldə edib. Yener parlament seçkilərində ümumi fəallığın 87,05 faiz olduğunu, xaricdə isə seçicilərin 53,8 faizinin səsverməyə maraq göstərdiyini bildirib.

CHP və Yaxşı Partiya müxalifətdəki Xalq Alyansının bir hissəsidir. Lakin CHP 169 mandat alsa da, siyahıları üzrə daha 4 partiyanın namizədləri seçkiyə getdiyi üçün onların hamısını təkcə funksionerlərinə verə bilməyəcək. CHP fraksiyasının üzvlərinin 120 nəfərə yaxın olacağı gözlənilir.

Qanuna görə, parlament seçkilərinin rəsmi yekun nəticələri dərc edildikdən sonra üçüncü gün bu qanunverici orqanın iclası keçirilir. Gündəlik - bütün deputatlar tərəfindən andın qəbul edilməsi. Belə ki, TBMM Baş Assambleyasının iyunun 2-də toplanacağı gözlənilir.

Kamaləddin Qafarov: “Azərbaycan Xalq Cümhuriyyətinin yaradılması unikal hadisədir”

10:30 28.05.2023 | Baxış sayı: 38213

GÖRƏN TORPAQ BİLİRMİ QOYNUNDA HEYDƏR YATIR?

14:02 03.05.2023 | Baxış sayı: 215064

Taleyini millətin taleyi ilə bağlayan insanların ömrü də millətin ömrü qədər olur.
Dədə Turxan

Oğulsan, zəhmətə sal, el yolunda üz ömrü,
Hamı yaşaya bilmir bir ömürdə yüz ömrü,
Allah hamıya vermir belə ölümsüz ömrü,
Tanrının yaratdığı ən böyük əsər yatır,
Görən torpaq bilirmi qoynunda Heydər yatır?

Zəlimxan Yaqub.

Bu günlərdə Vətənimizin hər bir yerində qədirbilən xalqımız, Türk dünyası, beynəlxalq ictimaiyyət Azərbaycan xalqının Böyük oğlu, Ulu Öndər Heydər Əliyevin anadan olmasının 100 illiyini böyük hörmət və ehtiramla qeyd edir.
Ulu Öndər Heydər Əliyev 1969-cu ildə hakimiyyətə gəldikdən sonra qısa bir zaman kəsiyində şərəfli bir yol keçməklə nəinki Azərbaycanda, keçmiş SSRİ-də, eləcə də bütün dünyada tanınan, hörmət və rəğbət bəslənilən dövlət adamı, siyasi lider kimi hər kəsi heyrətləndirə biləcək bir fenomenə çevrildi. SSRİ kimi böyük bir dövlətin ən aparıcı sahələri, çətin və mürəkkəb məsələlərin həlli ona tapşırılmışdır. Yaşadığı dövrdə mürəkkəb və çətin beynəlxalq məsələlərin həllində belə ona təcrübəli və özünü təsdiqləmiş uğurlu bir siyasətçi, ən etibarlı güc mənbəyi-qüvvə kimi baxırdılar.
Sovetlər birliyinin rəhbərliyinə təzəcə gətirilən Mixail Qorbaçov Heydər Əliyevin bilik və bacarığına, sovet xalqı arasında və beynəlxalq aləmdə olan böyük hörmət və nüfuzuna qısqanclıq hisslərini gizlədə bilmirdi. Ona görə də Sov.İKP-nin Mərkəzi Komitəsinin Baş Katibi seçilən ilk gündən Heydər Əliyevi hakimiyyətdən uzaqlaşdırmaq üçün min bir yollar axtarırdı. Şübhəsiz ki, onun bu çirkin niyyətini onun əlaltıları, xüsusilə də fürsət gözləyən erməni millətçiləri duymuşdular. Nəhayət, 1987-ci ildə Mixail Qorbaçovun təkidli israrı ilə Heydər Əliyev SSRİ rəhbərliyindən uzaqlaşdırıldı. Bununla da bütövlükdə SSRİ hakimiyyətinin bütün rəhbər işçilərinin Azərbaycana olan təzyiqləri daha da gücləndi. Təəssüf ki, bu təzyiqlərə müqavimət göstərməyə qadir olan bir qüvvə, lider qalmamışdı.
Mixail Qorbaçovun çəkindiyi siyasətçilərin hakimiyyətdən bir-bir uzaqlaşdırılması ona çirkin ideyalarını həyata keçirməsi üçün geniş imkanlar yaratdı. Heç kəsin ağlına belə gəlməyən SSRİ-nin dağılması prosesi böyük bir sürətlə baş verdi. Hakimiyyətsizlik bütün sahələrdə özünü göstərməyə başladı. Separatizm, milli hisslər, anarxiya tüğyan edirdi. Bundan məharətlə istifadə edən ermənilərin Azərbaycana qarşı torpaq iddiaları sürətlə böyüdü, qarşıdurmaya, müharibələrə çevrildi, böyük qırğınlara səbəb oldu. Mixail Qorbaçovun komandası belə proseslərin qarşısını almağa nəinki qadir idi, əksinə müxtəlif yollarla separatçılara dəstək də göstərirdilər. Bu da baş verən proseslərin coğrafiyasını daha da genişləndirirdi. Nəticə etibarilə Sovetlər birliyi qısa bir zamanda dağıldı, milli respublikalara parçalandı, hər birinə acınacaqlı bir sosial-iqtisadi durum miras qaldı.
Onlardan biri də Azərbaycan Respublikası idi. Burada vəziyyət daha acınacaqlı idi. Yaxın keçmişdə bizim torpaqlarda bərqərar olan qonşu Ermənistan dövləti bizimlə müharibə aparırdı, torpaqlarımızın bir hissəsi zəbt olunmuşdu. Respublikada hakimiyyətə gələn qüvvələr isə ölkəni idarə edə bilmirdilər. Dövlət strukturları öz funksiyalarını yerinə yetirə bilmirdilər, hər yerdə özbaşınalıq görünürdü. Baş verən bütün proseslər xalqımızın dövlətçiliyini süquta sürükləyirdi. Daxili çəkişmələr, Ermənistanın təcavüzü, ölkəni idarə edənlərin təyin etdiyi siyasətin doğurduğu fəsadlar böyük çətinliklər yaratmış, dövlət müstəqilliyinin taleyini sual altına almışdı.
Belə bir vaxtda öz azadlıq mübarizəsini daha əzmlə davam etdirən Heydər Əliyev min bir çətinliklə Vətənə qayıtdı. Böyük xalq sevgisi ilə qarşılandı. Bundan vahiməyə düşən mövcud hakimiyyət onun Bakıda qalmasını əngəllədi.
Naxçıvana getməli olan Heydər Əliyev tezliklə Naxçıvan Muxtar Respublikasının Ali məclisinə sədr seçildi. Atılan qətiyyətli addımlar, görülən böyük işlər, tarixləşən hadisələr bütün Azərbaycan xalqının coşqusuna səbəb oldu. Ölkədə isə vəziyyət dözülməz idi. Paytaxt Bakıda hərc-mərclik hökm sürürdü. Dünyada Heydər Əliyevin bacarıqlı bir siyasətsi olduğunu qəti əmin olan ziyalılar onu öz yerində, ölkə rəhbərliyində görmək istəyirdilər. Bununla bağlı yerli və xarici mətubatda bir çox cəsarətli çıxışlar edirdilər. Həmin günlərdə professor Zahid Qaralovun yazdığı “Heydər dağına kölgə salmaq olmaz” adlı 3 silsilə məqaləsi cəmiyyətdə böyük əks-səda doğurdu. Heydər Əliyevin Müdafiəsi Komitəsi yarandı və Zahid Qaralov onun sədri oldu. Belə bir vaxtda başda ziyalılar olmaqla Azərbaycan xalqı ayağa qalxaraq Heydər Əliyevin hakimiyyətə gətirilməsi tələbini irəli sürdülər.
Heydər Əlirza oğlu Əliyev 15 iyun 1993-cü ildə xalqın səsinə səs verərək öz xilaskarlıq missiyasını həyata keçirdi, hakimiyyətə yenidən qayıtdı. Tarixə çevrilən bu gün xalqımızın müstəqillik uğrunda apardığı bütün mübarizələrdə qazandığı ən böyük uğuru, dövlətimizi və xalqımızı hər cür bəlalardan xilas tarixi -Milli Qurtuluş Günü oldu.
Müstəqilliyimizin ilk illərində təhsilmizin idarə olunması da səriştəsiz insanların əlinə düşdüyündən, onlar mövcud təhsil strukturlarını belə tamamilə dağıtdılar və yerinə isə heç nə yarada bilmədilər. Heydər Əliyev görkəmli dövlət xadimi olmaqla yanaşı, həm də böyük alim-pedaqoq idi. Əsl müəllim kimi dövlətin inkişafında təhsilin verə biləcəyi böyük bəhrəni, xalqın və dövlətin inkişafındakı əvəzsiz rolunu uzaq görənliklə görürdü. “Mən dünyada müəllimdən yüksək ad tanımıram”-deyərək, özünü müəllimliyə həsr etmiş insanı ən şərəfli insan hesab etdiyini bildirdi. O, elə qurtuluşun günlərindən “Təhsil millətin gələcəyidir” fəlsəfi fikrini ortaya ataraq ölkə ziyalılarını bu müqəddəs əməlin reallaşmasına dəstək verməyə səslədi. Respublikamızın əsaslı dəyişməsində və yeniləşməsində təhsil islahatlarının bütün islahatların önündə durmasını ardıcıl siyasətə çevirən Heydər Əliyev 31 avqust 1994-cü ildə Bakı şəhərinin təhsil işçiləri ilə görüşündə bir daha bildirdi: “İndi Azərbaycan müstəqil dövlətdir. Respublikamız müstəqil dövlət kimi Azərbaycanın öz milli ideologiya konsepsiyasını yaradaraq, inkişaf etdirərək, şübhəsiz ki, təhsil sahəsini də milli məqsədlər, mənafelər əsasında qurmalıdır”.
Heydər Əliyev 24 sentyabr 1998-ci ildə Azərbaycan Müəllimlərinin 11-ci qurultayına ünvanladığı təbrik məktubunda yazırdı: “Azərbaycanın öz müstəqilliyini bərpa etməsi digər sahələrdə olduğu kimi, təhsil sistemi qarşısında da böyük vəzifələr qoymuşdur. Müstəqillik dövrünün tələblərinə cavab verən yeni təhsil sisteminin yaradılması üçün köklü islahatların həyata keçirilməsi zəruri və təxirəsalınmazdır". Bu gün müstəqil Azərbaycanda inkişaf etmiş bütün sahələrdə Heydər Əliyevin zəhməti və imzası vardır. Respublikaya rəhbərlik etdiyi bütün dövrlərdə Azərbaycan elminə, mədəniyyətinə xüsisi qayğı və diqqət göstərmişdir.
Heydər Əliyevin gərgin əməyi, ideyaları nəticəsində qurulan müstəqil Azərbaycan dövləti əbədiliyə doğru dönməz bir yola başladı, tezliklə uğurlar bir-birinin ardınca sıraya düzüldülər... Müstəqil Azərbaycan Dövləti xalqına xoşbəxtlik bəxş etməklə yanaşı, dünyanın sayılıb seçilən qabaqcıl bir ölkəsinə çevrildi.
İndi hər bir azərbaycanlı üçün Ümummilli lider Heydər Əliyevin keçdiyi şərəfli həyat yolu Vətən ünvanlı, Vətən sevdalı əqidə və inam məktəbinə çevrilmişdir. Bu məktəbdə öyrədilən əsas dərslik Heydər Əliyevin şah əsəri: Müstəqil Azərbaycan Dövlətidir. Bu məktəbdə Azərbaycan xalqının işıqlı gələcəyinə sonsuz sevgi və inam nümunəsinə çevrilən Heydər Əliyevin böyük ömrü, onun keçdiyi şərəfli həyat yolunda, atdığı cəsarətli addımlarda, hər kəsi heyrətləndirən və bir çoxunun da qibtə etdiyi ilahi ağıl və gücün fövqündə daha aydın görünür. Bu məktəbdə Heydər Əliyev şəxsiyyətinin möhtəşəmliyinə vurulan hər kəsin düçüncəsinə ilk növbədə onun: “Azərbaycanın dövlət müstəqilliyi əbədidir, sarsılmazdır, dönməzdir” ideyası hakim kəsilir, bu müqəddəs sevdalarla da onun yolunu tutaraq dövlətinin və xalqının layiqli əsgərinə çevrilir.
Heydər Əliyev bəşər övladının tuta biləcəyi ən yüksək mövqeyin fövqündə-xalq sevgisi qazanaraq Ümummilli liderə, inam, and, qürur yerinə çevrilərək Ulu Öndər oldu.
Ümummilli lider Heydər Əliyev ölməz ideyaları, hər zaman müdrikliyi, möhtəşəmliyi ilə Azərbaycan xalqının ürəyinin ən uca yerindədir. Dədə Turxan yazır: “Taleyini millətin taleyi ilə bağlayan insanların ömrü də millətin ömrü qədər olur.”. Nə qədər ki, Azərbaycan xalqı, dövləti var, onun hər bir uğurunda Heydər Əliyevin xeyir-duası var. Elə 44 günlük Zəfər Qələbəsində olduğu kimi, Heydər Əliyevin hər bir ideyası bütün dövrlərdə xalqımızın gözünə işıq, qoluna qüvvət, dizinə taqət olacaqdır. Onun şah əsəri, çiçəklənən Müstəqil Azərbaycan Dövləti cahan mülkündə Günəş kimi əbədi parlayacaqdır!
Bəli, gündən-günə çiçəklənən Müstəqil Azərbaycan Respublikasının ən böyük uğurları isə hələ qabaqdadır. Bu gün dövlət müstəqilliyinin əbədi, sarsılmaz, dönməz olmasına sonsuz əminliklə inanan xalqımız hamılıqla, Azərbaycanın xalq şairi Zəlimxan Yaqubun təbirincə-belə deyir:

Neçə sönməz ocağın, yanan şamın eşqinə.

Müqəddəs əqidənin, saf inamın eşqinə.

Bu gün hamının olan tək İLHAMIN eşqinə.

Salamlar olsun sənə! Salamlar olsun sənə!

VİDADİ ÖMƏR OĞLU ORUCOV
pedaqogika üzrə elmlər doktoru

İlham Əliyev Azərbaycanı daha qüdrətli dövlətə cevirdi

14:01 11.04.2023 | Baxış sayı: 17510

2018-ci il aprelin 11-də Azərbaycan xalqı növbəti dəfə də seçim edərək cənab İlham Əliyevi yenidən ölkə prezidenti seçdi. Ölkənin səsvermə hüququna malik olan vətəndaşlarının 74.3 % -nin iştirak etdiyi və müxtəlif partiyaları təmsil edən 8 namizədin qatıldığı şəffaf, azad, demokratik şəraitdə keçirilən seçkilərdə Yeni Azərbaycan Partiyasının Sədri cənab İlham Əliyev seçicilərin mütləq əksəriyyətinin – 86,03 faizinin səsini qazanaraq Azərbaycan Respublikasının Prezidenti seçildi.

Andına sadiq lider

Həmin dövrdə bir coxları cənab Prezident İlham Əliyevin yenidən seciləcəyi təqdirdə ümidləri tam doğrultmayacağı haqda mənfi fikirdə idilər.Lakin secildikdən sonra andiçmə mərasimindəki çıxışında Prezident İlham Əliyev bir daha bəyan etdi ki,azərbaycan xalqı hec vaxt yanılmayır.

-“Biz gələcəyə baxmalıyıq və baxırıq. Növbəti illərdə görüləcək işlər haqqında bizim çox aydın təsəvvürümüz, planlarımız, proqramlarımız var... Ona görə mən əminəm ki, bütün Azərbaycan xalqı və biz hamımız gələcəyə çox böyük nikbinliklə baxırıq. Hamımızın amalı ondan ibarətdir ki, ölkəmiz daha da güclənsin, daha da qüdrətli dövlətə çevrilsin, Azərbaycan vətəndaşları daha da yaxşı yaşasınlar”.

Güclü iqtisadiyyat.güclü həyat deməkdir

Seçkilərdə yenidən qələbə qazanmasının əsasında Azərbaycanın son 20 il ərzində onun rəhbərliyi altında inkişaf dövrünü yaşaması, ölkəmizin qarşısında dayanan vəzifələrin uğurla icra edilməsi kimi ciddi amillər dayandı. Azərbaycan Prezidenti cənab İlham Əliyevin respublikamızın inkişafı, xalqımızın əmin-amanlıq şəraitində yaşamasının təmin edilməsi üçün verdiyi bütün vədlər həyatda öz təsdiqini tapmışdır. 20 il ərzində Azərbaycan bir sıra qabaqcıl ölkələrin onilliklər boyu keçdiyi inkişaf mərhələsini sürətlə adlayaraq, modernləşmə yoluna qədəm qoymuşdur. Ölkə başçısı İlham Əliyev dəfələrlə cıxışında qeyd edib ki, “Ancaq iqtisadiyyatı güclü olan ölkələr müstəqil siyasət apara bilərlər”.

2003-2018-ci illər tariximizə möhtəşəm iqtisadi yüksəliş dövrü kimi daxil olub. Azərbaycanda 2003-cü ildən başlayan yeni islahatlar nəticəsində ölkədə çox mühüm dəyişikliklər baş vermiş və bir sıra nailiyyətlər əldə olunub: “Ulu Öndər Heydər Əliyevin təməlini qoyduğu Bakı-Tbilisi-Ceyhan neft kəməri 2006-cı ildə istifadəyə verildi və ölkə böyük gəlirlər əldə etməyə başladı. 2007-ci ildə istifadəyə verilmiş Bakı-Tbilisi-Ərzurum qaz kəməri Azərbaycanı qaz ixrac edən ölkəyə çevirib. 2014-cü il sentyabrın 20-də “Cənub Qaz Dəhlizi”nin təməli qoyuldu. 2018-ci il 29 may tarixində Bakıda “Cənub Qaz Dəhlizi”nin, 12 iyun tarixində isə Əskişəhərdə bu dəhlizin mühüm hissəsi olan Trans-Anadolu (TANAP) qaz boru kəmərinin açılışı oldu.

Azərbaycan dövlətçiliyinin əsasları ciddi şəkildə möhkəmlənib, dövlətimiz güclənib, onun qüdrəti daha da artıb, iqtisadiyyatımız bir neçə dəfə yüksəlib, Azərbaycanın Beynəlxalq müstəvidə mövqeyi xeyli dərəcədə güclənmişdir. Dövlətimizin başçısının uğurlu fəaliyyət modeli bütün dünyanın qabaqcıl ölkələri tərəfindən qəbul olunmuş, Prezident İlham Əliyev görkəmli dövlət xadimi kimi beynəlxalq miqyasda böyük nüfuz qazanmışdır. Prezident İlham Əliyevin həyata keçirdiyi, elmi cəhətdən əsaslandırılmış, məqsədyönlü iqtisadi siyasət nəticəsində ölkəmizdə böyük uğurlar qazanılmış, demokratik inkişaf, suverenlik və özünütəminetmə prinsiplərinə söykənən müstəqil Azərbaycan dünyada ən sürətlə inkişaf edən ölkələr arasında ən qabaqcıl yerlərdən birini tutmuşdur.

Uğurlu diplomat

Azərbaycan ərazilərinin uzun illər boyu davam edən işğalına tezliklə son qoymaq üçün dövlətin daha da gücləndirilməsi, ölkə daxilində islahatların sürətləndirilməsi ilə çevik idarəetmənin qurulması kimi taleyüklü vəzifələr yerinə yetirilməli idi.

2018-ci ildə keçirilmiş seçkilərin nəticələri bir daha göstərdi ki, radikalların Azərbaycanın siyasi səhnəsində yeri yoxdur. Xarici qrant, ianə hesabına fəaliyyət göstərən, öz dövlətinə qarşı çıxış edən, bir çox hallarda milli satqınlıq nümayiş etdirən ünsürlərə Azərbaycan xalqı bir daha öz yerini göstərdi.

Prezident İlham Əliyevin bütün diplomatik addımları milli maraqlardan çıxış etməklə zərgər dəqiqliyi ilə hesablanıb və bir çox halda siyasi opponentlərin intellekti imkan vermir ki, onlara vaxtında düzgün adekvat reaksiya versinlər. Belə unikal və uzağagedən siyasi məqsəd daşıyan addımlardan birini Prezident İlham Əliyev 2011-ci ilin iyun ayında atdı. Azərbaycan Qoşulmamaq Hərəkatına üzv oldu. Bu xəbəri eşidən kimi radikal siyasi ünsürlər hay-həşir qaldırdılar ki, mövcud iqtidar Azərbaycanı Avroatlantik məkana inteqrasiya xəttindən uzaqlaşdırır. Bu az qala dövlətçiliyimizin itirilməsinə bərabərdir və s.
Sonralar həmin ünsürlər öz aralarında etiraf etmək məcburiyyətində qalacaqlar ki, İlham Əliyevin bu siyasi gedişinin arxasında dayanan əsl mətləbi vaxtında dərk edə bilməyiblər. Mətləb isə ondan ibarət idi ki, mahir diplomat və dövlət xadimi olan İlham Əliyev Azərbaycanın dünyanın nəhəng universal beynəlxalq təşkilatı olan BMT TŞ-ya üzv olmasını əsas siyasi hədəf kimi müəyyən etmişdi. Bu hədəf xarici siyasət fəaliyyətinin çeviklik əmsalının kəskin artımı hesabına reallaşa bilərdi. Bu halda tərkibində 193 dövlətin olduğu BMT-dən sonra sayca ikinci mövqedə dayanan Qoşulmamaq Hərəkatına (QH) (120 dövlət) üzvlük həmin məqsədin reallaşması üçün əlavə və geniş imkanlar pəncərəsi aça bilərdi. Elə belə də oldu. 2011-ci il oktyabrın 24-də BMT TŞ-ya keçirilən seçkilərdə QH üzvləri Azərbaycanın lehinə səs verdilər. Azərbaycan 155 səs ilə iki il müddətinə BMT TŞ-nın qeyri-daimi üzvü seçildi. Azərbaycan Respublikası müstəqilliyinin 20-ci ildönümündə tarixinin növbəti şanlı səhifəsini yazdı. Onun müəllifi böyük intellekt, iradə və qətiyyət sahibi olan Prezident İlham Əliyev idi.

Azərbaycan dövləti dünyada multikultural dəyərlərin inkişaf etdiyi çoxmillətli ölkə kimi tanınır. Respublikamız müxtəlif mədəniyyətlərin qovuşduğu məkanda yerləşməklə sivilizasiyalararası dialoqun təmin olunmasında mühüm rol oynayır. Azərbaycanda müxtəlif mədəniyyətlər arasında vəhdət və qarşılıqlı təsirin mövcud olması müasir cəmiyyətimizin əsas xüsusiyyətlərindən biridir.

Gənclər millətin varlığının və gələcək inkişafının təməl daşıdır. Bu mövqedən çıxış edərək ötən illər ərzində ölkəmizdə gənclərlə bağlı məqsədyönlü dövlət siyasəti həyata keçirilmişdir. Onun əsas qayəsini dövlətçiliyə, milli-mənəvi dəyərlərə sadiq və yüksək intellektual potensiala malik Azərbaycan gəncliyinin formalaşdırılması təşkil etmişdir. Bu sahədə atılan addımlar gənclərin cəmiyyətimizdə özlərini təsdiq etməsində mühüm rol oynamış, onların vətənimizə layiq vətəndaşlar kimi yetişməsinə böyük təsir göstərmişdir.

Zəfərə qazanan Ali Baş Komandan

İlham Əliyevin prezidentliyi dövrü eyni zamanda Azərbaycan Ordusunun sürətli inkişaf dövrüdür: “Təchizat, silah-sursat, texnika, döyüş qabiliyyəti baxımından ordumuz güclü ordular sırasına daxil olub. 2016-cı idə Aprel döyüşləri, 2018-ci ildə Günnüt əməliyyatı bütün dünyaya Azərbaycan Ordusunun gücünü, qələbə əzmini, ədalətin bərpa olunacağını göstərdi".

Bu gün Azərbaycanın regionda və dünyada yaratdığı yeni bir reallıq var: “Nəhayət ki, Azərbaycan Ordusu Müzəffər Ali Baş Komandanın rəhbərliyi ilə 30 ilə yaxın davam edən erməni işğalına son qoyaraq 44 günlük müharibə nəticəsində ölkənin ərazi bütövlüyünü, tarixi ədaləti, beynəlxalq hüququ bərpa etetdi. Azərbaycanın mədəniyyət paytaxtı hesab edilən Şuşa şəhəri azad edildikdən dərhal sonra, noyabrın 10-da Azərbaycan Prezidenti, Ermənistanın baş naziri və Rusiya Prezidenti münaqişə zonasında atəşin və bütün hərbi əməliyyatların tam dayandırılması barədə bəyanat imzaladılar. Bunulada Azərbaycan öz ərazi bütövlüyünü bərpa etdi".

Heydər Əliyev yolu qələbəyə apardı

Ölkəmizin ərazi bütövlüyünün təmin edilməsi 30 illik dövr ərzində Azərbaycan dövlətinin daha da güclənməsi üçün aparılan uğurlu islahatların və uzaqgörən xarici siyasətin məntiqi nəticəsidir. Xalqımız öz Prezidentinə inanır, etimad göstərir. Bundan sonra da xalq öz Prezidentinin ətrafında sıx birləşəcək”.

Zəmanəmizin dühası Heydər Əliyevdən “Ona özüm qədər inanıram və gələcəyinə böyük ümidlər bəsləyirəm” qiymətini alan Prezident İlham Əliyev Azərbaycanın bugünkü və gələcək inkişafının təminatçısıdır. Cənab İlham Əliyevin rəhbərliyi altında Azərbaycan son 20 il ərzində özünün milli dövlət quruculuğu və idarəçiliyinin növbəti şərəfli mərhələsini yaşayır.

Azərbaycan xalqı öz liderinin müzəffər Ali Baş Komandan İlham Əliyevin ətrafında sıx birləşərək bütün dünyaya öz gücünü, mətinliyini, mübarizliyini nümayiş etdirdi.

Azərbaycan Prezidenti İlham Əliyev yeni prezidentliyi dönəminin ilk ilində həyata keçirdiyi düşünülmüş və məqsədyönlü siyasətlə ölkəmizin inkişafı, xalqımızın əmin-amanlıq şəraitində yaşamasının təmin edilməsi üçün verdiyi bütün vədləri vaxtında və yüksək səviyyədə yerinə yetirmişdir.

Azərbaycanın əldə etdiyi uğurlar xalqımızın bir il bundan əvvəl keçirilən prezident seçkilərində cənab İlham Əliyev kimi uzaqgörən siyasi lideri dəstəkləməklə düzgün mövqe tutduğunu bir daha sübut edir.

Ceyhun Cahangirov

Goranboy rayon Quşcular kənd Hakim Cəfərov adına tam orta məktəbin direktoru,

YAP Goranboy rayon təşkilatının fəalı.

Kamaləddin Qafarov: “Azərbaycan Almaniya ilə əməkdaşlığa böyük önəm verir”

10:24 22.03.2023 | Baxış sayı: 21218

“Bu gün Azərbaycanın yüksək səviyyədə əlaqələrə malik olduğu Avropa ölkələrindən biri də Almaniyadır. Martın 13-də Azərbaycan Respublikasının Prezidenti İlham Əliyevin Almaniya Federativ Respublikasının Kansleri Olaf Şoltsun dəvəti ilə bu ölkəyə etdiyi işgüzar səfəri də, şübhəsiz, mövcud əlaqələrin bundan sonra daha sürətli inkişafına xidmət edəcək. Prezident İlham Əliyev tərəfindən təqdim olunan aydın strateji istiqamətlər, bu və ya digər sahələr üzrə qeyd edilən konkret rəqəmlər alman biznesinin nümayəndələri üçün son dərəcə maraqlı perspektivlərin olduğunu nümayiş etdirdi.”

Bu sözləri mətbuata açıqlamasında Milli Məclisin deputatı Kamaləddin Qafarov bildirib.

Deputat deyib: “Möhtərəm dövlət başçımızın alman biznesinin aparıcı təmsilçilərinə təqdim etdiyi məlumatlarda Azərbaycanın iqtisadi cəhətdən tam müstəqil olması faktı öz əksini tapmış oldu ki, bu da ən mühüm cəhətlərdən biridir. Prezidentimiz birmənalı olaraq vurğuladı ki, ölkəmiz iqtisadi cəhətdən müstəqildir və bu, ötən illər ərzində dövlətin ən əsas hədəflərindən biri olub. Dövlət başçımızın açıqlamalarında son iyirmi il ərzində əsasən enerji sektoru sayəsində sürətli iqtisadi artımın olduğu, bu gün yeni hədəf kimi iqtisadiyyatımızın daha çox şaxələndirilməsinin müəyyən edildiyi qeyd olundu. Rusiya-Ukrayna müharibəsi başlayandan sonra Azərbaycana qaz təchizatı və ya mövcud qaz təchizatının artırılması ilə bağlı 10-dan çox Avropa ölkəsindən müraciət olunub. Bunun müqabilində ölkəmiz tərəfdaşlarının ehtiyaclarını qarşılamaq üçün hər şeyi edir. İri xarici şirkətləri maraqlandıra biləcək perspektivli fəaliyyət istiqamətlərindən biri də 30 il ərzində işğal altında olmuş Qarabağ və Şərqi Zəngəzurun azad edilmiş torpaqlarında aparılan yenidənqurma işləri ola bilər.”

Martın 14-də Prezident İlham Əliyevin Almaniya Federativ Respublikasının Prezidenti Frank-Valter Ştaynmayerlə və kansler Olaf Şoltsla keçirdiyi təkbətək və geniş tərkibdə görüşlərin gedişində bir çox mühüm məsələlərin müzakirə olunduğunu qeyd edən K.Qafarov deyib: “Almaniyanın dövlət və hökumət başçıları ilə keçirilən görüşlərdən sonra Azərbaycan Prezidenti və Almaniyanın kansleri keçirdikləri mətbuat konfransında müzakirə olunan məsələlərə dair açıqlamalar verdilər. Bu zaman bir daha qeyd olundu ki, Azərbaycan və Avropa İttifaqı Şərq Tərəfdaşlığı çərçivəsində daha da sıx əməkdaşlıq etmək istəyir. Bu istiqamətdə çox önəmli addımlar atıldığını qeyd edən dövlətimizn başçısı keçən il Avropa İttifaqı ilə Azərbaycan arasında imzalanmış enerji təhlükəsizliyi üzrə strateji tərəfdaşlığa dair anlaşma memorandumunun əhəmiyyətini bir daha vurğuladı. Mətbuat konfransında Ermənistan-Azərbaycan münasibətlərinin mövcud durumu barədə açıqlama verən dövlətimizin başçısı 30 ilə yaxın müddət ərzində davam edən erməni işğalı, xalqımızın məruz qoyulduğu etnik təmizləmə nəticəsində torpaqlarımızın 20 faizinin işğal altına düşdüyünü və bir milyon azərbaycanlının Ermənistan tərəfindən öz doğma torpaqlarından qovulduğunu, qaçqın-köçkün vəziyyətinə düşdüyünü bir daha Avropa ictimaiyyətinin diqqətinə çatdırdı. 2020-ci ilin sentyabr-noyabr ayları ərzində Azərbaycanın apardığı ədalətli Vətən müharibəsi nəticəsində öz ərazi bütövlüyünü döyüş meydanında bərpa etdiyini vurğulayan Prezident İlham Əliyev 28 il ərzində BMT Təhlükəsizlik Şurasının 4 qətnaməsini icra etməyən Ermənistanın cəmi 44 gün ərzində öz məğlubiyyəti ilə barışmalı olduğunu qeyd etdi. Lakin bu gün Azərbaycan Ermənistanla münasibətlərində ədavət səhifəsini çevirməyə hazırlaşdığını bütün dünyaya nümayiş etdirir. Dövlətimizin başçısı mətbuat konfransındakı çıxışında da birmənalı olaraq bildirdi ki, bu gün sülhün zamanı çatıb. Bu məqsədlə Azərbaycan Ermənistana 5 prinsip əsasında sülh müqaviləsini təklif edib. Ermənistan bu şansı qaçırmamalıdır və Cənubi Qafqazda sülh və əməkdaşlıq dövrü başlanmalıdır”.

Milli maraqların təminatı etibarlı əllərdədir

12:50 09.03.2023 | Baxış sayı: 21218

“Azərbaycan Respublikasının milli təhlükəsizlik konsepsiyasının təsdiq edilməsi haqqında” Azərbaycan Respublikası Prezidentinin 23 may 2007-ci ildə imzaladığı sərəncamı ilə tanış olduqda məlum olur ki, xalqımızın və dövlətimizin təhlükəsizliyi müasir tələblərə cavab verən standartlara uyğun şəkildə təmin edilir. Bu gün dünyada baş verən sürətli dəyişikliklər şəraitində dövlətlər və bütövlükdə bəşəriyyət terrorçuluq, etnik separatizm və münaqişələr, transmilli mütəşəkkil cinayətkarlığın artması, kütləvi qırğın silahlarının yayılması, separatizm,təbii ehtiyatların tükənməsi ilə üzləşir. Dünya ölkələri ilə qarşılıqlı əməkdaşlıq sahəsində əldə edilmiş mühüm nailiyyətlər Prezident İlham Əliyevin müstəqil dövlətçilik istedadının parlaq reallıqlarıdır. Qürur hissi ilə demək olar ki, bu gün dünyada Azərbaycan Respublikası qədər hərtərəfli şəkildə inkişaf edən və yüksək beynəlxalq imicə malik olan ölkələr çox deyildir.

Milli təhlükəsizlik sabitliyimizin qarantıdır

Qeyd edim ki,dövlətin və millətin mövcudluğu üçün zəruri olan təhlükəsizlik və milli maraqlar bir-birini tamamlamalıdır. Belə ki, təhlükəsizlik mühiti olmadan milli maraqlar, milli maraqlar təmin edilmədən isə təhlükəsizlik şəraiti yaradıla bilməz. Təhlükəsizlik, bu baxımdan informasiya təhlükəsizliyi ölkənin, millətin, xalqın və nəhayət, hər bir vətəndaşın riayət etməli olduğu yaşam tərzi kimi sabitliyin qarantıdır.

Azərbaycan Respublikasının milli təhlükəsizliyinin əsasını dövlətin müstəqilliyinin, suverenliyinin, ərazi bütövlüyünün, konstitusiya quruluşunun, milli maraqlarının, vətəndaşlarının hüquq və mənafelərinin daxili və xarici təhdidlərdən qorunması və təmin edilməsi təşkil edir ki,bunun da hərtərəfli təminatı üçüç bütün strukturlar səfərbər olunub.

Bu gün Azərbaycan mühüm coğrafi və geosiyasi əhəmiyyəti olan bir regionda yerləşir. Onun yürütdüyü daxili və xarici siyasət dünyanın və regionun aparıcı dövlətlərinin maraqlarına toxunur və onların diqqətindən kənarda qalmır. Bu reallıq həm bölgənin, həm də ölkənin daxili təhlükəsizlik mühitinə birbaşa təsir göstərir. ABŞ və Qərbi Avropanın böyük ölkələri, regionun Rusiya, Çin, Türkiyə, İran kimi böyük dövlətləri və b. geosiyasi aktorlar Cənubi Qafqazda, Orta Asiya və bütövlükdə Avrasiyada öz maraqları çərçivəsində fəal geosiyasət reallaşdırır ki, bu da Azərbaycanın həm regional, həm də beynəlxalq maraqlarından yan keçmir.

Həm daxildə,həm də xaricdə milli maraqlar daima qorunmalıdır

Milli maraqlar deyəndə əsas inkişafı onun formalaşması və təmin olunması ilə bağlıdır. Müasir dövrdə ölkələrin milli inkişaf tələbləri daxili və xarici siyasətini - sosial-iqtisadi və siyasi-hüquqi inkişafının vəzifələrini və səviyyəsini, respublikanın coğrafi və geosiyasi mövqeyini, milli-tarixi ənənələrinin qorunmasını və inkişaf etdirilməsini, dövlətin suverenliyinin və milli təhlükəsizliyinin təmin olunmasını və s. çoxsaylı vəzifələrin həyata keçirilməsini tələb edir. Bütün bunlar öz əksini geosiyasət elminin "milli maraq" kateqoriyasında tapır.

Belə ki, ictimai maraqlar dövlətin daxili siyasətini müəyyənləşdirən qanunlar sistemi ilə bağlıdır və onunla tənzimlənir. Milli maraqlar isə əsasən dövlətin xarici siyasət sahəsinə aiddir və beynəlxalq aləmlə təmasda onun rəsmi fəaliyyətinin əsasını təşkil edir. Lakin bu fərqlərə baxmayaraq hər bir ölkənin ictimai və milli maraqları bir-birini tamamlayır.

Keçid dövrünü yaşayan ölkələrdə isə ictimai və milli maraqlar arasındakı qarşılıqlı təsir və birbaşa bağlılıq özünü daha qabarıq şəkildə büruzə verir. Butün bu formulaları Azərbaycan Respublikasına da şamil etmək olar. Azərbaycanın daxili siyasətində vətəndaşların əsas maraqlarını hakimiyyət qurumları, ictimai-siyasi təşkilatlar və digər yerli strukturlar ifadə edirsə, milli maraqları beynəlxalq aləmdə və ölkə daxilində əsasən Azərbaycan dövləti və onun müvəkkil etdiyi qurumlar həyata keçirir.

Milli maraq çərçivəsi dünya ölkələrinin yuxarıda sadalanan universal təhlükəsizlik ölçülərini nəzərə almaqla yanaşı, həm də məxsusi təhlükəsizlik təhdidlərinə əsaslanan bəzi xarakterik xüsusiyyətləri ilə şeçilir.

Hər birimiz milli təhlükəsizliyimiz üçün səfərbər olmalıyıq

Müstəqilliyinə nail olduqdan ölkəmiz milli təhlükəsizliyinin əsas problemlərindən biri ölkənin vahid informasiya siyasətinin formalaşdırılması və onun təhlükəsizliyinin təminatı, milli informasiya mühitinin yaradılması, qorunması və idarə edilməsi ilə bağlı olub. Hələ ölkəmizdə ''İnformasiya, informasiyalaşdırma və informasiyanın mühafizəsi haqqında'' Qanun 1998-ci il aprelin 3-də qəbul edilib. Azərbaycan Respublikasının Prezidenti İlham Əliyev "İnformasiya təhlükəsizliyi sahəsində fəaliyyətin təkmilləşdirilməsi tədbirləri haqqında" Fərman imzaladıqdan sonra ölkəmizdə milli informasiya təhlükəsizliyi üzrə mükəmməl strategiyanın yeni mərhələsi başladı. Milli maraqların və milli təhlükəsizliyin təmin olunması üçün dövlət öz sərəncamında olan bütün maddi və mənəvi vasitələrdən, daxili və xarici resurslardan - iqtisadi, siyasi, ideoloji, diplomatik və s. mexanizmlərdən istifadə edir.

Milli maraqların təminatında informasiya təhlükəsizliyi vacib amildir

Müharibə şəraitində yaşayan Azərbaycan üçün informasiya təhlükəsizliyi, dövlət sirri olan hərbi məlumatların yayılmaması ən vacib məsələlərdir və milli təhlükəsizliyə informasiyaların ciddi zərər yetirməməsi baxımından olduqca əhəmiyyətlidir. Bunun üçün informasiya təhlükəsizliyini qorumaq məqsədilə ictimai maarifləndirmə kampaniyasına da ehtiyac vardır. Bu yolda vətəndaş cəmiyyətinin üzərinə müxtəlif vəzifələr düşür.
Beləliklə dövlətin malik olduğu iqtisadi vasitələr qarşıya qoyulan məqsədlərə nail olmaq üçün iqtisadi resurslardan istifadə etməyi və xarici iqtisadi imkanlardan bəhrələnməyi nəzərdə tutur. Təsadüfi deyildir ki, respublikamızın iqtisadi tərəqqinin davamlılığını təmin edən milli inkişaf modelinə dünya miqyasında da ciddi maraq göstərilir.

Əsası Ulu Öndər Heydər Əliyev tərəfindən qoyulan və Azərbaycanı yüksəldən inkişaf strategiyasının əsaslarının nə dərəcədə uzaqgörənliklə müəyyənləşdirildiyni real nəticələr əsasında sübut edir. Çünki güclü iqtisadiyyata və maliyyə mənbələrinə malik olmaqla dövlətin beynəlxalq aləmdə öz mövqeyini möhkəmləndirməsi mümkündür.

Hüquqi dövlət quruculuğunun məqsədyönlü inkişafının əsas şərtlərindən biri ölkənin milli təhlükəsizliyinin təmin edilməsi sayılır. Ulu öndər H.Ə.Əliyevin layiqli davamçısı, cənab Prezident İlham Əliyevin rəhbərliyi altında həyata keçirilən tədbirlərlə ölkə həyatının bütün sahələrində uğurlu nəticələr əldə edilmiş, müstəqilliyimizin əsasları xeyli dərəcədə möhkəmlənmiş, hüquqi və demokratik dövlət, vətəndaş cəmiyyəti quruculuğu yeni, özünün daha yüksək mərhələsinə çatmışdır. 44 günlük Vətən müharibəsi də məhz milli maraqların təmin olunmasına xidmət etdi.Dövlətimizin sərhədlərinin bərpası milli maraqların təmin edilməsi istiqamətdə görülmüş ən vacib məsələdir.

Ceyhun Cahangirov

Goranboy rayon Quşcular kənd Hakim Cəfərov adına tam orta məktəbin direktoru,

YAP Goranboy rayon təşkilatının fəalı.

Qarabağda və sərhəddə gərginlik: Azərbaycan nə edəcək? - TƏHLİL

14:15 06.03.2023 | Baxış sayı: 17201

Rusiya sülhməramlı qüvvələrinin müvəqqəti yerləşdikləri Azərbaycan ərazilərində baş verən yeni hərbi toqquşmada siyasi səbəblər arayışına çıxarkən üç məqam əlimizə ipucu kimi keçir:

- Rusiya xarici işlər naziri Sergey Lavrov Azərbaycana gəldi, ardınca Hindistana gedərək Ermənistanın xarici işlər naziri Ararat Mirzoyanla görüşdü;

- Azərbaycan Qarabağdakı ermənilərlə təmasları bərpa edərək Rusiyanın tormozlamaq istədiyi prosesdəki qıfılları sındırdı;

- Ermənistanın baş naziri Nikol Paşinyan Almaniyaya səfərə getdi.

Hər üç səbəbi bir araya toplayanda bu, Ermənistanın Azərbaycanla sərhəddə təxribatların müəllifinə çevrilmək potensialını ortaya qoyması ilə nəticələndi.

Paralel olaraq Qarabağda Azərbaycan hərbçiləri ilə silahlı insident yaradan ermənilərə qahmar çıxaraq məsələni İrəvanın daxili gündəliyi kimi qələmə verməyə cəhd etdi.

Azərbaycanın Ermənistanla sərhədinin Kəlbəcər, Daşkəsən və Gədəbəy istiqamətlərində yerləşən hərbi mövqelərinin minaatanlardan da istifadə edilməklə atəşə tutulması Avropa İttifaqının monitorinq qrupunun fəaliyyətindəki əsl niyyətləri açır.

Qarabağdakı təxribatlar isə Rusiyanın sülhməramlı kontingentinin fəaliyyətindəki qaranlıq nöqtələri göstərir.

Bir sözlə, Azərbaycan proseslərdə monopoliya yaratmaq istəyən iki tərəflə savaşır: Bir tərəfdən Rusiya, digər tərəfdən isə Qərblə. Elementar məntiq isə söyləyir ki, sərhəddəki təxribat Rusiyanın marağındadır, çünki Kreml bununla Aİ-nin sərhəddəki mandatına kölgə salmaq istəyir. Hərçənd ki, Azərbaycan özü də Aİ-nin monitorinq missiyasının Bakının razılığını almadan sərhədə gəlişinə qarşıdır.

Ermənistanın hansısa bəyanatlardan, görüşlərdən ruhlanaraq silaha əl atması yeni bir təcrübə deyil, Azərbaycan isə sifarişçiləri müəyyən etməlidir.

Sifarişçilərin hansı məqsədlərlə Ermənistana dəstək vermələrində yeni detallar tapmaq Azərbaycanın sonrakı addımları üçün vacibdir və sülhlə hərbi əməliyyatlar arasındakı incə sərhədi təyin etmək bacarıqlarını artırır.

Azərbaycanın sərhədlərə aid məntiqi maksimal məqsədlərin təmininə söykənir və qarşıda bəzi vəzifələr durur.

Birincisi, Qazaxın yeddi kəndi və Naxçıvanın Kərki kəndini işğaldan azad etmək vacibdir.

İkincisi, mümkündür ki, sərhədin Tovuz, Gədəbəy istiqamətlərində də Azərbaycan əraziləri üçün təhdid ola biləcək və Ermənistanın nəzarətində olan yüksəkliklər mövcud olsun. Azərbaycan həmin yüksəkliklərə də nəzarəti ələ keçirməlidir.

Üçüncüsü, sərhədin Kəlbəcər, Daşkəsən, Laçın, Zəngilan, Qubadlı, Naxçıvan istiqamətlərində sərhədlərin delimitasiyasını və demarkasiyasını Zəngəzur dəhlizi layihəsi kontekstində inkişaf etdirmək lazımdır.

Dördüncüsü, Azərbaycan sərhəddəki planları ilə sərhəddə yerləşməyən Qarabağ iqtisadi rayonunda təhlükəsizliyin təmini arasında güclü koordinasiya qurmalıdır.

Qarabağda ən böyük hərbi risk həmin ərazilərdə qalan qeyri-qanuni erməni silahlı dəstələridir, deməli, Azərbaycan onların zərərsizləşdirilməsi üçün iki ssenarini nəzərdən keçirə bilər:

- Ermənilərin Azərbaycanın ictimai-siyasi həyatına inteqrasiya işini sürətləndirməklə həmin silahlıları “ya Azərbaycanın Konstitusiyası altında hüquqi cəzalanmaq, ya da ölkə ərazilərini tərk etmək” dilemması qarşısında qoymaq;

- İnteqrasiyaya maneə yaradan erməni silahlı dəstələrinə hərbi güc tətbiqi ilə cavab vermək.

Hamısı bir-birilə əlaqədədir, deməli, Azərbaycan ərazi bütövlüyünü, sərhədlərinin toxunulmazlığını, milli maraqlarını davamlı inkişafda, təhlükəsizlik mühitində həlledici məcmu kimi görür.

Ona görə də sərhəddən Qarabağa axa biləcək təhdid plazmasının qarşısını almaqdan ötrü Azərbaycan Laçın-Xankəndi yolunda özünün yoxlama postunu qurmalı, qanunsuz silah daşınmasını bloklamalıdır. Azərbaycan son olaydan sonra əlini gücləndirərək bu istiqamətdə çalışacaq.

Azərbaycan regional gücə çevrilir, bir çox meqalayihədə ön cərgədə dayanır, iqtisadi maraqlar hətta Ermənistana dəstək olan bir çox dairəni də Bakının cazibəsinə salır.

Azərbaycan üçün qalır Ermənistana siyasi və hərbi dəstək kanallarını kəsmək və yəqin ki, buna da nail olunacaq.

Yəni beynəlxalq birlik, o cümlədən Avropa, Avropa İttifaqı, ABŞ, Böyük Britaniya və Rusiya mümkün hərbi əməliyyatlar ssenarisində Ermənistana həlledici dəstək göstərməzlər.

Sərhəddəki və Qarabağdakı hadisələr proqnoz səsləndirməyə əsas verə bilər ki, Azərbaycan Prezidenti İlham Əliyevlə Ermənistan baş naziri Nikol Paşinyan arasında gözlənilən Brüssel görüşünə maneə yaratmaq istəyənlər var – bu, əsasən, Rusiyadır. Qərbin maneələri isə təmaslara qarşı deyil, fərqli məntiqə əsaslanır.

Ancaq proses həlledici tormozlayıcı bir xüsusiyyət qazanmayıb, hətta mümkündür ki, Azərbaycan təxribatlara cavab olaraq güc tətbiqini həyata keçirib, daha üstün stimulla danışıqlara yollansın...

Aqşin Kərimov

"Azərbaycan gəncliyi etibarlı gələcəyimizdir"

15:17 31.01.2023 | Baxış sayı: 23072

Gənclərə həmişə böyük diqqət və qayğı ilə yanaşan, onların problemlərinin həlli istiqamətində həyata keçirilən tədbirlərə xüsusi önəm verən, bu siyasəti müasir müstəqil Azərbaycan dövlətinin fəaliyyətinin ən mühüm istiqamətlərindən biri kimi dəyərləndirən Ümummilli Lider Heydər Əliyev tərəfindən əsası qoyulmuş dövlət gənclər siyasəti ölkə gəncliyinin inkişafında dərin izlər buraxıb. Ulu Öndərin 1997-ci il fevralın 2-də imzaladığı Fərmana əsasən, hər il fevralın 2-si Azərbaycan Gəncləri Günü elan edilib. Həmin vaxtdan etibarən bu gün MDB məkanında və Şərqi Avropa ölkələri arasında ilk dəfə olaraq Azərbaycanda təntənəli şəkildə qeyd edilməyə başlanıb. Bir çox sahədə olduğu kimi, bu sahədə də Azərbaycan bir çox ölkələri qabaqlayıb.

Ümummilli Lider Heydər Əliyev gənclər sahəsində dövlət siyasətinin uğurla həyata keçirilməsi məqsədilə bütün dünyaya nümunə olacaq daha bir addım atıb - bu sahənin zəruri qanunvericilik bazasının formalaşdırılmasını təmin edib. Gənclərin sosial, iqtisadi və s. problemlərinin həllinə yönələn, onların öz qabiliyyətlərini inkişaf etdirmələrinə kömək edən fərman və sərəncamlar, Dövlət proqramları bu qəbildəndir. Qanunlar, fərman, sərəncam və Dövlət proqramları gənc nəslin mütəşəkkil qüvvə kimi formalaşmasına, onların mənəvi-ideoloji cəhətdən tam yetkinləşməsinə, sosial problemlərinin həllinə, faydalı məşğulluğunun təmin olunmasına son dərəcə müsbət təsir göstərib.

Azərbaycan gəncliyi bu diqqət və qayğını yüksək dəyərləndirməklə yanaşı, öz məsuliyyətini dərk edir və möhtərəm Prezidentimiz cənab İlham Əliyevin müəyyənləşdirdiyi strateji vəzifələrin uğurla həyata keçirilməsinə, respublikamızın dinamik inkişaf edən qüdrətli dövlətə çevrilməsi prosesinə öz töhfəsini verməyə çalışır. Dövlət başçısının Fərmanı ilə Azərbaycan Respublikası Gənclər və İdman Nazirliyi yanında Gənclər Fondunun yaradılması əsası Ulu Öndər tərəfindən qoyulmuş gənclər siyasətinin elmi-nəzəri əsaslara bağlılığının, əməli nəticəliliyinin, davamlılığının daha bir əyani sübutudur.

Bu gün hər birimiz fəxr edirik ki, Müzəffər Ali Baş Komandanın qətiyyəti və uzaqgörən rəhbərliyi, rəşadətli Azərbaycan Ordusunun peşəkarlığı və qələbə əzmi, xalqımızın mətanəti sayəsində torpaqlarımız işğaldan azad edilib. Azad edilən torpaqlarımızda görüləcək quruculuq-abadlıq işlərində, doğma diyarımızın yenidən çiçəklənməsində gənclərimizin də iştirakı mühüm əhəmiyyət kəsb edir. Azərbaycan gənclərinin ölkə həyatında yüksək fəallığı, vətənpərvərliyi, dövlətə və Vətənə bağlılığı gənclərimizin bu prosesdə də fəal iştirak edəcəklərini deməyə güclü əsas yaradır.

Vətən müharibəsi zamanı gənclərin dövlətə, Vətənə bağlılığının nə qədər əhəmiyyətli olduğuna şahidlik etdik. Könüllü olaraq Vətən savaşında iştirak etmək istəyən gənclərin sayının xeyli artması, Ali Baş Komandan tərəfindən qismən səfərbərliyin elan olunması gənclərin Ali Baş Komandana dəstəyinin bariz nümunəsi idi. Bütün bunların məntiqi nəticəsi olaraq Azərbaycan gəncliyi 44 günlük müharibədə düşmən üzərində parlaq qələbənin əldə olunmasında xüsusilə fərqləndi.

Qloballaşma dövründə milli maraqlara və milli dəyərlərə əsaslanan, beynəlxalq təcrübəni nəzərə alan Azərbaycan dövlətinin gənclər siyasəti gəncləri ölkədə gedən proseslərdə həm iştirakçı, həm də bəhrələnən sosial qrup kimi qəbul edir. Bunun nəticəsidir ki, ötən dövr ərzində gənclər siyasəti və gənclərlə iş sahəsində bir sıra mühüm nəticələr əldə edilib. Gənclər ictimai həyatın bütün sahələrində təşəbbüskar kimi çıxış edir, irimiqyaslı layihələrin icrasına qoşulur, idarəetmədə rolunu artırır, vətənpərvərlik ruhu və vətəndaşlıq mövqeyi möhkəmlənir. Gənc nəslin fəaliyyətinin ana xətlərindən biri də könüllülük hərəkatı ilə bağlıdır.

Azərbaycan Respublikası Prezidentinin 1 oktyabr 2019-cu il tarixli 1454 nömrəli, Gənclər Fondunun fəaliyyətinin dəstəklənməsi ilə bağlı əlavə tədbirlər haqqında Sərəncamı ilə ölkənin şəhər və rayonlarında fəaliyyət göstərən Heydər Əliyev mərkəzlərində Gənclər Fondunun tabeliyində Gənclərin İnkişaf və Karyera Mərkəzinin nümayəndəliklərinin yaradılması və fəaliyyətinin təmin edilməsi tapşırılmışdır. Gənclərin dövlət tərəfindən onlar üçün yaradılmış imkanlardan tam şəkildə yararlanmasının təmin edilməsi ilə bağlı GİKM-lərin fəaliyyəti gənclərin hərtərəfli inkişafının təmin olunması, habelə ümummilli lider Heydər Əliyevin dövlətçilik fəlsəfəsini, azərbaycançılıq məfkurəsini gənc nəslin daha dərindən mənimsəməsi işinə töhfə vermək istiqamətində qurulub. Gənclərin İnkişaf və Karyera Mərkəzinin (GİKM) sayca 51-ci nümayəndəliyi Naftalan şəhərində yerləşən Heydər Əliyev Mərkəzində fəaliyyətə başlayıb.

Ölkəmizin gələcək sosial-iqtisadi tərəqqisində mühüm rol oynayan təhsil sisteminin inkişafı, yüksək intellektə malik gənc kadrların yetişdirilməsi Heydər Əliyev Fondunun prezidenti hörmətli Mehriban xanım Əliyevanın daim diqqət mərkəzindədir. Gənclər siyasətinin uğurla reallaşdırılmasında Mehriban xanım Əliyevanın təşəbbüsü və rəhbərliyi ilə həyata keçirilən səmərəli layihələr həmçinin, gənclərin mənəvi-intellektual və yaradıcı potensialının möhkəmləndirilməsinə xidmət edir.

Hazırda ölkəmizdə uğurla həyata keçirilən gənclər siyasətinin nəticəsidir ki, sosial həyatın bütün sferalarında onlar çoxluq təşkil edirlər. Təbii ki, bu, gənc kadrların irəli çəkilməsi ilə bağlı qarşıya qoyulan vəzifənin reallaşmasının göstəricisidir. Azərbaycanda gəncliyə dövlət qayğısı sabaha və uğurlara hesablanan bir siyasətdir, bu siyasət sağlam və intellektual nəslin formalaşmasına xidmət edir.

Naftalan şəhər sakini Fuad Əliyev

Davos Forumu dünyada yeni inkişaf modelini formalaşdırır

11:35 26.01.2023 | Baxış sayı: 24102

Azərbaycan Respublikasının Prezidenti İlham Əliyev yanvar ayında Dünya İqtisadi Forumunun illik toplantısı çərçivəsində Davosda kecirilən tədbirlərə qatılıb. Qeyd edək ki,bu il Davos Forumunda rekord sayda - 130 ölkədən 2 700-ə qədər nümayəndə iştirak edirdi. 50-dən çox ölkənin dövlət və hökumət başçısı, yüzlərlə şirkətlərin rəsmiləri ikitərəfli əlaqələr qurmaq üçün Davos Forumunda iştirak edirlər.

İkitərəfli əlaqələr getdikcə genişlənir

Azərbaycan Prezidenti İlham Əliyev 17-ci dəfədir ki, bu Forumda iştirak edir. Bu iştirakla Azərbaycan özünün həm inkişafının təqdimatını keçirir, həm beynəlxalq və regional məsələlərin müzakirəsində iştirak edir, eyni zamanda ikitərəfli əlaqələr də qurmağa çalışır. Davos Forumu kimi tanınan Dünya İqtisadi Forumunun saytında Azərbaycan Prezidenti İlham Əliyevin kecirdiyi görüşlərlə bağlı xəbərləri,iştirak etdiyi plenar iclaslarla bağlı məlumatları gördükdə fikirləşirdim ki, ölkəmizin gələcəyi ücün cox vacib addımlar atılır. Prezident İlham Əliyev hər il Davos Forumunda iştirak etməklə Azərbaycanın uğurlarını dünyaya çatdırır. Bununla da, biz ilk növbədə Azərbaycanın beynəlxalq aləmdə təqdimatının şahidi oluruq. Cənab Prezident İlham Əliyevin güclü siyasi iradəsi sayəsində Azərbaycanın bütün dünya miqyasında nümunəvi sayılan və bir sıra mütərəqqi cəhətləri ilə fərqlənən yeni keyfiyyətli inkişaf modeli formalaşıb.

İqtisadi tendensiyalar daima müzakirə olunur

Beləki, Dünya İqtisadi Forumu qlobal iqtisadi prosesləri, gündəmi və sosial-siyasi prosesləri müzakirə etmək üçün siyasətçiləri, iş adamlarını və ictimai təşkilatları bir araya gətirən ən böyük platformalardan biridir.

Azərbaycan ilə Dünya İqtisadi Forumu arasında uğurlu əməkdaşlığın aparıldığını və bu əməkdaşlığın hər iki tərəfdən böyük önəm verildiyini qeyd etmək lazımdır. Forumda dünya iqtisadi tendensiyaları haqqındakı ətraflı məlumatlara geniş çıxış imkanı verir.

Yanvarın 18-də Azərbaycan Respublikasının Prezidenti İlham Əliyevin Davos Dünya İqtisadi Forumu çərçivəsində “Yeni enerji reallığının istiqamətləndirilməsi" mövzusunda keçirilən dəyirmi masada iştirak yuxarıda qeyd etdiyim kimi ölkəmiz ücün böyük əhəmiyyət kəsb edir.

Prezident İlham Əliyev bu tədbirlərdə sadəcə çıxışlar etmədi, həmçinin iqtisadiyyatımızın daha da inkişaf etdirilməsi, yeni investisiyaların cəlb olunması üçün beynəlxalq korporasiyaların rəhbərləri ilə görüşlər keçirərək onlara ölkəmizə dəvət edib uğurlara birgə imza atmaq ücün mesajlar verdi. Bu görüşlər ölkədə sənayeləşmə prosesinə təsir göstərə biləcək bir addımlardır ki, nəticə etibarilə iqtisadiyyatımızın şaxələndirilməsinə xidmət edir. Cənab Prezident İlham Əliyev Forum çərçivəsində dövlət və hökumət başçıları ilə kecirdiyi görüşlərdə də qarşılıqlı əlaqələrin daha da genişləndirilməsi məsələləri müzakirə olunurdu.

Dünyada yeni enerji reallığı yaranır

Davos Forumuna əsasən Azərbaycan bu gün elektrik enerjisinə çıxış imkanına görə ikinci yerdədir. Azərbaycanda qazlaşdırma səviyyəsi 96 faiz təşkil edir. Biz 16 min kilometr yol, 3 mindən çox məktəb və 700 xəstəxana inşa etmişik. Lakin bunlar dövlət sərmayəsinin bir hissəsi idi. İndi bizə nə lazımdır? Bizdən yaxşı idarəçilikdə, şəffaflıqda, hesabatlılıqda, həyat və yaşayış standartları ilə bağlı meyarların Avropa İttifaqının standartlarına daha da yaxınlaşması üçün yeni yanaşma tələb olunur. Azərbaycan Avropanın enerji təhlükəsizliyində mühüm rol oynayır. Ölkələr bu təbii sərvətdən necə istifadə edir? Bu mövzuda biz cənab Prezidentin Forumda mükəmməl çıxışlarıının şahidi olduq. Davos Forumu timsalında Azərbaycan ona görə güclüdür ki, ölkəmiz bölgəsəl düzəni dəyişən transmilli layihələrə müəlliflik edir. Orta Asiya, Xəzər regionunda reallaşan layihələrdə Azərbaycan aparıcı rol oynayır. Bütövlükdə, Davos İqtisadi Forumu Azərbaycanın iqtisadi-siyasi maraqları baxımından çox böyük imkanlar açır.

Yeni dəhliz,yeni fikir

Qeyd edək ki,Orta Dəhliz layihəsi, Mərkəzi Asiya, Qafqaz və Avropa ölkələri arasında daha da sıx əməkdaşlıq imkanları, Avropa bazarlarına təbii qaz ixracı həcminin artırılması perspektivləri və Avropa ictimaiyyətini maraqlandıran bir çox digər vacib məsələlər son dövrlərdə cənab Prezident İlham Əliyevin istər Avropa, istərsə də Orta Asiya ölkələrinə etdiyi çoxsaylı səfərlər də əməkdaşlıq əlaqələrinin şaxələnməsinə xidmət edir. Məhz bu baxımdan da Azərbaycanın iştirakçısı olduğu bütün digər beynəlxalq layihələr kimi, Orta Dəhliz layihəsinə də mühüm töhfələr verdiyini əminliklə demək olar.

Biz cənab Prezidentin hər dəfə Davos Forumu kimi nüfuzlu platformadan istifadə edərək Azərbaycan həqiqətlərini, habelə ölkəmizin təşəbbüsü və iştirakı ilə həyata keçirilən mühüm regional nəqliyyat və enerji layihələrinin əhəmiyyətini dünya liderlərinin, ictimaiyyətinin diqqətinə çatdırdığının şahidi olduq.Və inanırıq ki,cənab Prezidentimizin bütün səfərləri kimi Davos Forumundakı son iştirakı da ölkəmiz ücün xüsusi əhəmiyyəti olacaqdır.

Ceyhun Cahangirov

Goranboy rayon Quşcular kənd Hakim Cəfərov adına tam orta məktəbin direktoru,

YAP Goranboy rayon təşkilatının fəalı.

Kamaləddin Qafarov: “Azərbaycan Çinin təşəbbüsünə regionda dəstək verən ilk ölkə olub”

12:18 23.01.2023 | Baxış sayı: 22248

“Hazırda Azərbaycanla Çin arasında qarşılıqlı əməkdaşlıq üçün kifayət qədər möhkəm platforma formalaşıb. Ölkə Prezidenti İlham Əliyevin yanvarın 17-də Davosda Çinin CGTN televiziya kanalına müsahibəsinin gedişində dövlətmizin başçısına ünvanlanan suallar bunu deməyə əsas verir ki, dövlətlərarası münasibətlərdən başqa, Çin ictimaiyyətinin Azərbaycana, ölkəmizdə gedən proseslərə marağı kifayət qədər böyükdür. Prezident İlham Əliyevin dediyi kimi, ölkələrimiz arasında 30 il ərzində davam edən siyasi münasibətlər Azərbaycanla Çinin bir-birinə etibar edən dost və tərəfdaş ölkələr olduğunu nümayiş etdirir. Önəmli məqamlardan biri budur ki, ölkələrimiz beynəlxalq təsisatlar çərçivəsində səmərəli əməkdaşlıq edirlər və bir-birinin ərazi bütövlüyünü və suverenliyini hər zaman dəstəkləyirlər.”

Bu sözləri mətbuata açıqlamasında Milli Məclisin deputatı Kamaləddin Qafarov deyib.

Deputat qeyd edib ki, Azərbaycanla Çin arasında iqtisadi əməkdaşlıq əlaqələrinin formalaşmasında və inkişafında “Bir kəmər, bir yol” layihəsinin xüsusi rolu var: “Hələ 2013-cü ildə Çin Avrasiya ölkələri arasında infrastrukturun yaradılmasına və qarşılıqlı əlaqələrin qurulmasına yönələn “Bir kəmər, bir yol” adlı yeni iqtisadi inkişaf strategiyası elan etmişdi. Strategiyanın əsas məqsədi malların Şərqdən Qərbə güzəştli şərtlərlə birbaşa daşınması üçün ticarət dəhlizinin yaradılması idi. Hələ o dövrdə Azərbaycan Çinin irəli sürdüyü “Bir kəmər, bir yol” təşəbbüsünə Qafqaz regionunda dəstək verən ilk ölkə oldu. 2019-cu ildə Pekində keçirilmiş 2-ci “Bir kəmər, bir yol” Beynəlxalq Əməkdaşlıq Forumunun gedişində Azərbaycan Prezidenti İlham Əliyevlə görüşündə Çin Xalq Respublikasının Sədri Si Cinpin demişdi ki, Azərbaycan Avrasiya məkanında əməkdaşlıq üzrə Çinin əsas tərəfdaşlarından biridir və Böyük İpək Yolunun bərpasında təbii tərəfdaşdır. Çin lideri “Bir kəmər, bir yol” layihəsi çərçivəsində Trans-Xəzər nəqliyyat dəhlizinin əhəmiyyətini də xüsusi qeyd etmişdi. Öz növbəsində Prezident İlham Əliyev CGTN-ə müsahibəsində xüsusi olaraq vurğuladı ki, “Bir kəmər, bir yol” təşəbbüsü çox böyük coğrafiyanı əhatə edən, vaxtında irəli sürülmüş müdrik bir təşəbbüs idi. Azərbaycanın bu təşəbbüsə ilk günlərdən fəal şəkildə qoşularaq hələ mövcud olmayan infrastruktura investisiya yatırmağa başlaması, artıq dövlətimizin məhz gələcəyə hesablanmış iqtisadi siyasətinin müdrikliyinin daha bir göstəricisidir. Azərbaycan bu təşəbbüsün ilk dəfə irəli sürüldüyü gündən keçən 10 il ərzində layihənin rellaşdırılması istiqamətində çox böyük işlər görüb. O cümlədən, Xəzər dənizində ən böyük ticarət limanı olan Ələt Beynəlxalq Dəniz Ticarət Limanı inşa edilib. Hazırda bu limanın yükaşırma qabiliyyəti 15 milyon tondur və bu göstərici 25 milyon tona qədər artırılacaq. Xəzər dənizi ilə yükləri daşımaq üçün Bakıda gəmiqayırma zavodu inşa olunub. Beləliklə, açıq dənizə çıxışı olmayan Azərbaycan beynəlxalq, logistik və nəqliyyat mərkəzinə çevrilib. Cənab Prezident öz müsahibəsində bir məqamı da xüsusi vurğuladı ki, “Bir kəmər, bir yol” təşəbbüsü həmçinin digər marşrutlar, xüsusilə Şimal-Cənub marşrutu üzrə daşımaları fəallaşdırıb. İndi artıq Şimal-Qərb marşrutu üzərində işlər aparılır. Bu, uğurla inkişaf edən qlobal layihədir və marşrut üzərində yerləşən bütün ölkələr artıq bunun faydasını görürlər.”

K.Qafarov daha sonra deyib: “Dövlətmizin başçısı müsahibəsində müasir dünyada getdikcə dərinləşən qütbləşmə prosesi fonunda Qoşulmama Hərəkatının mövcud potensialından düzgün istifadə edilməsinin zəruriliyini diqqət mərkəzinə çəkdi. Cənab Prezident Azərbaycanın timsalında müasir dünyada qarşılıqlı yardım və paylaşmaların nə qədər vacib olduğunu vurğuladı. Qeyd olundu ki, Azərbaycan pandemiya dövründə 80-dən artıq ölkəyə tibbi, humanitar və maliyyə dəstəyi göstərib. Həm də ölkəmiz bunu könüllü olaraq, hər hansı təmənna güdmədən edib. Cənab Prezident İlham Əliyevin dediyi kimi, əgər dünya liderləri ambisiyalar və virtual liderlik uğrunda mübarizədən əl çəksələr, silahları yerə qoyaraq bəşəriyyətin üzləşdiyi yoxsulluq, aclıq, bir çox ölkələr üçün içməli suyun və elektrik enerjisinin əlçatan olmaması kimi fundamental problemlərə diqqətlərini yönəltsələr, bu zaman dünya daha gözəl və daha təhlükəsiz olar.”

2 -dən səhifə 24

Xəbər lenti