“Rusiya Prezidenti Vladimir Putin Ukrayna ilə bağlı təmas və danışıqlara hazırdır”.

Bu barədə Rusiya Prezidentinin sözçüsü Dmitri Peskov bildirib.

O, həmçinin Rusiya dövlət başçısının bu məsələ ilə bağlı ABŞ-də prezident seçkilərində qələbə qazanmış Donald Trampla da danışıqlara hazır olduğunu əlavə edib.

Meymunçiçəyi virusu yeni ştamı ilə yenidən gündəmə gəlib.

Sentyabrdan bu günə qədər 3 mindən çox insana yoluxan virusun yeni ştamı bu dəfə ABŞ-də qeydə alınıb.

İnfeksionist Aytən Ziyadova "Xəzər Xəbər"ə açıqlamasında bildirib ki, virusun tərkibi COVID-dən fərqli olduğundan geniş kütləyə yoluxma halı gözlənilən deyil. Eyni səbəbdən virusun mutasiyası da müşahidə edilmir.

Aytən Ziyadova qeyd edib ki, hazırda bu virusa ölkəmizdə rast gəlinməsə də, bütün ilkin tədbirlər görülüb və vəziyyət mütəxəssislər tərəfindən diqqətdə saxlanılır. Bununla yanaşı, meymunçiçəyi istisna hallarda öldürücü xarakter daşıya bilir.

İnfeksionistin sözlərinə görə, meymunçiçəyi virusu koronavirus kimi gizli yayılmır. Birbaşa təmas yolu ilə yoluxur və irinli səpkilərlə müşahidə olunur. Yoluxan şəxsdə yüksək hərarət və əzələ ağrısı müşahidə edilir.

slam İnqilabı Keşikçiləri komandirləri dəfələrlə iddia ediblər ki, İranın hərbi gücünün regionda istənilən düşmənlə üz-üzə gəlmək imkanı var. Hətta ABŞ-ın bölgədəki hərbi bazaları və İsrail şəhərlərini ballistik raketlərlə hədəf ala biləcəklərini də dəfələrlə dilə gətiriblər.

Tehran rejimi bu bəyanatlar fonunda yanvarın 16-da İraqın Ərbil şəhərində “Falcon Group”un rəhbəri Peşrev Dizayinin evini hədəf alıb. Bu şirkət İraqda neft-qaz, tikinti və təhlükəsizlik daxil olmaqla, müxtəlif sektorlarda fəaliyyət göstərir.

“Falcon” şirkətinin amerikalı tərəfdaşlar da daxil olmaqla, onlarla xarici agentlik və şirkətlə mühafizə sahəsində müqavilələri var.

ABŞ-ın Ərbildə olan bazasına yaxın yerdə yerləşən Dizayinin evinin dörd raketlə hədəfə alınması daha çox ABŞ-a bu raketlərin dəqiqliyini nümayiş etdirmək üçün mesajdır. Demək istəyir ki, İran istəsə, ABŞ-ın bazalarını da dəqiq atəşlə vura bilər. Lakin bütün təhdidlərinə baxmayaraq, SEPAH ABŞ hərbi qüvvələri ilə birbaşa toqquşmadan çəkinir. İndiyə qədər İran hərbi qüvvələri və ona bağlı olan proksi qüvvələr heç bir ABŞ bazasına ciddi zərbə vurmayıb. Bəzi hallarda da İranın ABŞ bazalarına hücumu əvvəlcədən razılaşmalar əsasında baş verib.

Bu hücumlar əslində İrana daha çox daxildə lazımdır. Son bir neçə ayda İsrail ordusu Suriyada SEPAH-ın Qüds qüvvələrinin bir neçə yüksək səviyyəli komandirini öldürüb. Kirmanda Qasım Süleymaninin anım mərasimində partlayış nəticəsində İranın dinc vətəndaşları həlak olub. İran son günlərdə qisas alacağına dair bir çox təbliğat xarakterli fəaliyyətlər aparır. Daxildə və xaricdə ona qarşı hücumların cavabsız qalmayacağını bildirir. Bu səbəbdən nəsə etməsi qaçılmaz idi. İranlı komandirlər dəfələrlə “ağır qisas”dan danışıblar.

İran Ərbilə hücumla göstərmək istəyir ki, Qərb şirkətləri ilə işləyən kürd iş adamını hədəfə alaraq, MOSSAD-ın Ərbildəki qərargahını dağıdıb. İran mətbuatı xəbərləri yalnız bu istiqamətdə dərc edir. Amma həm İraq hökuməti, həm də Kürdüstan Regional hökuməti bu ittihamları rədd edir, İsrail isə belə hallara həmişəki kimi susur.

Eyni zamanda, çərşənbə axşamı səhər saatlarında Xuzistandan Suriyanın İdlib şəhərinə bir neçə ballistik raket atılıb. İslam İnqilabı Keşikçiləri Korpusu Kirmandakı son hücumlara cavab olaraq İŞİD-in İdlibdəki bazasını hədəf aldığını iddia edir.

“Təhrir əş-Şam” qruplaşması həmin ərazidə mövcud olsa da, orada İŞİD-in bazası olduğunu sübut edən heç bir sübut yoxdur.

Amma məhz Xuzistandan İdlibə qədər olan məsafəni nəzərə alsaq, görünür, İran özünün “Xeybərşekan” raketinin gücünü - 1450 km məsafəni nümayiş etdirmək istəyir. Həmin raketlər İranın digər ərazilərində və Suriyaya daha yaxın mövqelərdə də mövcuddur. Amma Xuzistandan raketləri atmaqla Təl-Əvivə mesaj verdi.

Ukrayna Prezidenti Vladimir Zelenski Milad bayramı ilə əlaqədar Rusiya Prezidenti Vladimir Putinin atəşkəs elan etməsi təklifini rədd edib.

Yeni il gecəsi Ukraynanın işğal altında olan Donetsk vilayətinin Makeyevka şəhərində Rusiya ordusunun ağır itkilər verməsini artıq ölkənin Müdafiə Nazirliyi də təsdiq edib. Bir o fərqlə ki, Ukrayna ordusunun 400 nəfərədək hərbçinin öldürülməsi iddiasına qarşı Rusiya tərəfi ölənlərin sayının 89 nəfər olduğunu bildirir.

Axar.az xəbər verir ki, bu sözləri təhlükəsizlik üzrə ekspert Ərəstun Oruclu qeyd edib.

Ekspert hücumun hansı şəraitdə baş verməsindən danışıb:

“Hadisə belə olub. Rusiya ordusuna səfərbər olunanlardan 600-dək hərbçi Makeyevkadakı texniki-peşə məktəbinin binasına yerləşdirilib və Yeni il gecəsi Ukrayna ordusu həmin binanı M142 HİMARS sistemlərindən atəşə tutub. Nəticədə bina yerlə-yeksan olub və hələ də dağıntılar altından ölənlərin nəşi çıxarılmaqdadır. Verilən məlumatlarda bu da göstərilir ki, binaya dörd reaktiv mərmi düşüb”.

Ərəstun Oruclu itkilərdə Rusiya hərbi komandanlığının ciddi səhvləri olduğunu vurğulayıb:

“Partlayışın belə dağıdıcı olmasının səbəbi təkcə həmin dörd mərmi deyil. Belə ki, Rusiya ordusunun komandanlığı binanın yaxınlığında döyüş texnikasını da yerləşdiribmiş və zərbə nəticəsində həmin texnikada olan mərmilər də detonasiya edib. Amma məsələ yalnız bununla da bitmir. Məlum olub ki, hərbçilərin yerləşdirildiyi binada hərbi sursat da yerləşdirilib. Amma binanın hədəfə alınmasını asanlaşdıran səbəb kimi Yeni il başlayanda hərbçilərin kütləvi şəkildə mobil telefonlarını açaraq ailələrilə danışması göstərilir. Bunu Rusiya MN-in rəsmisi də təsdiq edib. Başqa bir detal kimi də hərbçilərin cəbhə xəttinə yaxın təhlükəli ərazidə yerləşdirilməsi qeyd olunur. Belə ki, Rusiya ordusunun komandanlığı hərbçilərin yerləşdirildiyi binanın Ukraynanın əlindəki HİMARS sistemlərinin vurmaq imkanı çatan məsafədə olduğunu biliblər. Yəni komandanlıq ən azı bunu bilməli idi, bunun hansısa bəhanəsi ola bilməz.

Bütün bunlar Rusiya ordusunun komandanlığının yol verdiyi səhvlərin (müharibə dövründə bunlar cinayət sayılır) hələ hamısı deyil”.

Ekspert bu qədər itkinin Rusiyada xalq üçün ağır psixoloji zərbə ola biləcəyini vurğulayıb:

“Ukrayna şəhərlərinin intensiv raket atəşinə tutulduğu bir dövrdə Makeyevka dramı təkcə ukraynalıların qisas əməliyyatı və canlı qüvvə itkiləri baxımından Rusiya üçün faciə deyil; eyni zamanda əsl faciə hadisənin indi baş verməsidir. Belə ki, bir qədər əvvəl Rusiyada ordunun şəxsi heyətinin sayının 350 min nəfərədək artırılması elan olunub. Bunu da yalnız yeni səfərbərlik yolu ilə həyata keçirmək olar. Müxtəlif mənbələr həmin səfərbərliyin (2-ci dalğanın) yanvarın ilk günlərində başlayacağını bildiriblər. Baş verən faciə bu mənada Rusiya əhalisi üçün ağır psixoloji zərbə ola bilər. Səfərbərliyin ilk mərhələsində ölkədən yüz minlərlə gəncin qaçdığını nəzərə alsaq, bu dəfə yayınanların sayının dəfələrlə çox olacağını təsəvvür etmək çətin deyil. Hərçənd ki, Rusiyadan daxil olan məlumatlarda sərhədlərin bağlanacağı da bildirilir. Digər tərəfdən çağırış yaşında olanların hətta yaşadıqları şəhərləri və regionları tərk etməsinə də məhdudiyyətlər tətbiq olunacağı haqqında informasiyalar var. Bunun fiziki olaraq necə ediləcəyi məlum olmasa da, səfərbərliklə bağlı başqa bir ehtimal da yetərincə real görünür. O, Rusiyadakı daxili vəziyyəti gərginləşdirəcək. İlk səfərbərlik artıq göstərdi ki, ruslar onsuz da təqdim olunduğu qədər “vətən uğrunda” ölməyə hazır deyil”.

Oruclu iqtisadi vəziyyətin ağırlaşmasının hakimiyyət daxilində çəkişmələri artıracağını da bildirib:

“Ölkədəki sosial-iqtisadi vəziyyətin daha da ağırlaşması isə əhalidə "vətənpərvərliyin" hərarətini bir qədər də aşağı salacaq. Bu da öz növbəsində ictimai-siyasi gərginliyin artmasına təsir edə bilər. Onsuz da sözügedən sahədə vəziyyət ürəkaçan deyil. Hələlik savaş kabinetlər daxilində getsə də, zaman-zaman onun əlamətləri üzə çıxmağa başlayır. Məsələn, Putinin (Kremlin) yaratdığı qoçu (və ya cəza) dəstələrindən birinin başçısı, “Putinin aşpazı” kimi tanınan Yevgeniy Priqojin bu günlərdə birbaşa Baş Qərargah rəisi Valeri Gerasimovu hədəfə aldı.

Hər kəsə bəllidir ki, Putinin şəxsi tapşırığı olmadan bunu heç kəs, hətta “Vaqner” özəl hərbi şirkətinin sahibi də edə bilməz. Bu isə o deməkdir ki, Moskva kabinetlərindən başlayan və asta-asta media məkanına keçən hakimiyyətdaxili savaş növbəti mərhələdə Moskvanın və digər böyük şəhərlərin küçələrinə də yol aça bilər. Amma tərəflərin sivil siyasi mübarizə resurslarından dəfələrlə çox hərbi gücə malik olduğunu və buna güvəndiyini nəzərə aldıqda mübarizənin “Kalaşnikov” avtomatından tutmuş təyyarələrin və tankların da cəlb olunması ilə yekunlaşacağı istisna olunmur. Belə təcrübə də Rusiyanın yaxın tarixində artıq iki dəfə olub. Obrazlı ifadə etdikdə, indi əsas sual da budur ki, Ukrayna ordusunun Makeyevkada atdığı HİMARS-lar növbəti mərhələdə Moskvanın, Sankt-Peterburqun, Samaranın və digər Rusiya şəhərlərinin küçələrində partlayacaqmı?”