Amerikalı model Cici Hadid “Double Vision” Rəqəmsal Yaradıcılıq Platforması üçün kamera qarşısına keçib.

“Qafqazinfo” xəbər verir ki, o, fotolarını instaqram hesabında izləyiciləri ilə bölüşüb.

Modelin şəkillərinə 1 milyon 300 mindən çox bəyənmə gəlib.

Fotolar “Luigi & Lango” (Luci Murenu və Lanqo Henzi) tərəfindən çəkilib.

Aktrisa Pərvin Abıyeva film və seriallardan aldığı qonorarını açıqlayıb.

Kult.az xəbər verir ki, bu haqda Pərvin qonaq olduğu "Dəyişən cavab" verilişində deyib.

O bildirib ki, gününə 1000 manat qonorar tələb edir:

"Son 7 ildir ki, mən heç bir seriala çəkilmirəm. Film sahəsinə gəldiyim zaman bir günə 500 manata çəkilmişəm. Seriallardan gələn təklifi qəbul etmirəm. Bir neçə dəfə təklif gəlib, amma mən qəbul etməmişəm. Misal üçün gedib rejissorla danışıb deyirəm ki, çəkilirəm, amma günü 1000 manata. Razılaşırlar. Amma 1 ayda çəkilməli olan serialı mənə 10 gündə çəkdirirlər".

2023-сü ilin “Spotify” şəbəkəsindəki  reytinq nəticələr açıqlanıb.

Azərbaycanda fəaliyyət göstərən yerli sənətçilər içərisində ilk pillənin sahibi Xalq artisti Röya Ayxan olub.

İl ərzində müğənninin ifalarını 358 mindən çox “Spotify” istifadəçisi səsləndirib. Röya Ayxanın 5,3 milyondan çox “stream” alan mahnıları 297 min saatdan çox qulaq asılıb.

Pop ulduzunu dünyanın 142 ölkəsində dinləyiblər.

Qeyd edək ki, Xalq artisti “Spotify”da ilk pillədə olduğu üçün sevənlərinə video müraciət ilə təşəkkürünü bildirib.

Son günlər konsert proqramları ilə gündəmdə olan məşhur müğənni Hadisə sosial şəbəkə hesabında paylaşımı ilə diqqət çəkib.

Bakıvaxtı.az xəbər verir ki, Hadisə çəhrayı rəngli uzun libası ilə fotosessiya etdirib.

Müğənninin sözügedən paylaşımına qısa zamanda xeyli bəyənmə və şərh gəlib.

Sosial media izləyicilərinin araşdırmasına əsasən, sənətçinin libasının qiyməti ortaya çıxıb.

Belə ki, paltarın qiyməti təxminən 79 473 84 TL-dir (təqribən 501.524,55 manat).

Xəyalə Rza

“Mənim dərdim var. Ömür boyu yadımdan çıxmayacaq. Heç çıxmasın da”.

Bu sözləri müğənni Xatun Əliyeva “O üz” verilişində deyib. 

Sənətçi bir müddət əvvəl dünyasını dəyişən stilist qardaşı Balaşa yas saxlaya bilməməsinin səbəbini açıqlayıb: “Hərdən nəsə deyirlər. Deyirəm, nə istəyirsiniz məndən? Görürsünüz ki, mənim qardaşım rəhmətə gedib, bəzənirəm, toya gedirəm. Yas saxladım ki, ona? Nə istəyirsiniz məndən? Uşaqlar, karantin olmasaydı, kənarda bir az pulum olsaydı, bir il ona yas tutardım, heç bəzənməzdim. Deyirlər, həkimin də işi var, müəllimin də. Onlar mənim kimi bəzənmirlər axı. Onlar gözəl olmağa çalışmırlar axı, geyim, toy libası seçmirlər. Bizim işimiz çox çətindir. Bir də görürsən, kimsə məndən inciyir, yazır, cavab vermirəm. Deyirəm ki, mən sənə nə etmişəm ki? Dərdimi çəkməyə də qoymursunuz”.

Xalq artisti Röya Ayxan 14 Fevral - Sevgililər Günü münasabətilə şənlik təşkil edib.

Müğənni Bakıdakı villasında keçirdiyi gecəyə dostlarını dəvət edib.

Gecədə Əməkdar artist Abbas Bağırov, müğənnilər Hacı Nazim Məmmədov, Rüfət Axundov, Cin, aparıcı Nəsib Nur, stilist Elnur Həsənov yer alıb.

Tədbirdə Röyanın oğlu Hüseyn də iştirak edib.

Məşhur amerikalı aktrisa, müğənni və model Zendaya “Hörümçək adam: Evə yol yoxdur” (“Spider-Man: No Way Home”) filminin Los-Anceles premyerasında açıq-saçıq görünüşü ilə göz qamaşdırıb.

Onun “qırmızı xalı”ya çıxdığı dərin dekolteli geyimində ən çox diqqət çəkən məqam isə nazik geyimin üzərindəki tor printi olub.

Üzündəki maskanı təqdimatdan sonra çıxaran aktrisa möhtəşəm makiyajı ilə də bütün nəzərləri öz üzərinə toplayıb.

Sosial şəbəkə istifadəçiləri aktrisanın görünüşünü birmənalı qarşılamayıb. Bəziləri onun çox açıq-saçıq geyimini tənqid ediblər və onsuz da gözəl olan ulduzun buna ehtiyacı olmadığını bildiriblər. Əksəriyyət isə Zendayanın çox zərif göründüyünü və möhtəşəm qadın olduğunu bildiriblər.