Rayonun ən böyük kəndi olan Dağkəsəmənin camaatı uzun illərdi ki, RİH-nin inzibati-ərazi dairəsi üzrə nümayəndəsi Fazil Bayramov və bələdiyyə sədri Ariz Bayramovdan mütəmadi olaraq şikayətçi olmalarına baxmayaraq, başbilənlər nədənsə bu iki şəxs haqqında tədbir görmürlər. Görünür ki, həmin şəxslərlə Ağstafa Rayon İcra Hakimiyyətində onları müdafiə edənlərlə aralarında üstüörtlü nəsə vardır. Bu da hamıya məlumdur. Sadəcə kənd camaatı öz abırından utanır.
Aldığımız məlumata görə, rayona yeni təyin olunmuş icra başçısı Nizaməddin Quliyev bu günlərdə kənddə abadlıq-quruculuq işlərinə start verdiyi dönəmdə kəndin bu rəhbər şəxslərinə sözünü deyib. Lakin hələ ki nəticə yoxdur.
Budur, hər iki şəxs, yəni kəndin icra nümayəndəsi Fazil Bayramov və bələdiyyə sədri Ariz Bayramov son nəticədə icra başçısı Nizaməddin Quliyevi də aldadaraq, 1994-cü ildə Füzuli istiqamətində gedən döyüşlərdə şəhid olmuş Məmmədov Eldəniz Sübut oğlunun adına əbədiləşdirilmiş bulağı da təhqior etməli oldular. Belə ki, kəndə tez-tez baş çəkən, əhalinin problemləri ilə yerində maraqlanan icra başçısı Nizaməddin Quliyev Eldəniz Məmmədovun adına verilmiş bulaqdan su gəlmədiyi üçün göstəriş verib ki, təcili olaraq bura gələn suyu bərpa edin. Kəndin uzn illərdi ki, “qoçuları” hesab edilən icra nümayəndəsi və bələdiyyə sədri gecə plan cızaraq, su xəttini bərpa etmək əvəzinə, yaxınlıqdan keçən arx suyundan şəhid bulağına su xətti çəkirlər. Yəni, icar başçısı görsün ki, bulaqdan artıq su gəlir. Bu da hər iki kənd nümayəndəsniun axırıncı fırıladağı... Məsələ burasındadır ki, həmin bulaqla kəndin tam orta məktəbi arasında cəmi 50 metr məsafə var. Susuzlayan məktəb şagirdləri yalnız bu bulaqdan su içməyə başlayıblar. ...Uşaqdılar, onlar haradan bilsinlər ki, şəhid bulağından saf su deyil, arx suyuy gəlir. Bu da birbaşa şagirdlərin tezliklə infeksion xəstəliklərə düçar olması deməkdir.
Bu qədər kəndi yeyib-dağıtmalarına baxmayaraq, bələdiyyə sədri Ariz Bayramov yenidən növbəti bələdiyyə seçkilərində iştirak etmək üçün namizədliyini verib. O da məlumdur ki, Ariz Bayramov icra hakimiyyətindən bələdiyyə olamsı haqqında “dabro” sunu da alıb. İşdi seçilsə, yəqin ki, kənd camaatı eşitdiklərinin təsdiqinə əmin olacaq.
Bələdiyyə sədri Ariz Bayramovla icra nümayəndəsi Fazil Bayramov əmi uşaüğıdırlar. İcta nümayəndəsi üstəlik hələ bir dəfə də kənddə həmin vəzifədə işləyib, lakin işində yol verdiyi nöqasnlara görə işindən azad edilib. Sonradan “qayıdış” edilərək yenidən icra nümayəndəsi təyin olunub.
O da məlumdur ki, hər iki əmiuşağı işlədiyi müddət ərzində çox şeylərə sahib olublar. Onların öz dədə yurdlarından əlavə, Bakıda evləri, kənddə torpaq sahələri, Ağstafanın təzə məhəllə deyilən yerində əlavə mülkləri, iki-iki minik avtomobilləri və sairələri vardır. Dövlətin əmlakını talan edən bu şəxslərin, siz deyin gözünə şəhid bulağı görünər, yoxsa görünməz?
Cənab Prezident İlham Əliyev həmişə öz çıxışlarında belə insanlara, acgöz məmurlara qarşı mübarizə apardığı halda, Ağsafanın icra başçısı Nizaməddin Quliyevin hər iki şəxsə son sözünü deməkdə ləngiməsi sual doğurur...
Zaur Vəliyev
