Məlum olduğu kimi, 1996-cı ildə dünyasını dəyişən Vanqanın gələcək üçün proqnozlarının əksəriyyəti doğru çıxıb Məsələn, ABŞ-dakı 11 sentyabr hadisələri, İngiltərənin AB-dən ayrılması, İŞİD-in ortaya çıxması, 2000-ci ildə Rusiyanın “Kursk” adlı sualtı gəmisinin qəzaya uğraması və s.
Bəs, Vanqanın 2019-cu il üçün hansı proqnozları var idi?
Beləliklə, Vanqa ABŞ prezidenti Donald Trampın sirli bir xəstəliyə düçar olacağını proqnozlaşdırmışdı. Onun proqnozuna görə, həmin siyasətçi tinnitus xəstəliyinə tutulacaq, ürək bulanması olacaq, o, kar qalacaq.
Qeyd edək ki, ABŞ-ın Kuba və Çindəki diplomatlarında da oxşar simptomlar var idi. Vanqaya görə, bu, təsnif edilmiş silahların yan təsiri ilə əlaqəli ola bilər. Bundan əlavə, o, prezidentin qohumlarından birinin ağır qəzaya düşəcəyini də deyibmiş.
Digər proqnozlarına görə isə 2028-ci ilə qədər planetdə qlobal aclıq aradan qaldırılacaq. 2256-cı ilə qədər insanlar ilk dəfə bir nüvə gücünə sahib olacaq və Yerdən müstəqillik tələb edəcək Martian koloniyası yaradacaqlar.
2033-cü ildə qütb buzlaqları əriyəcək, dünya okeanının səviyyəsi yüksələcək, 2043-cü ildə yenidən bir müsəlman ölkəsi Avropaya hökmranlıq edəcək, ABŞ iqlim dəyişikliyi edə bilən silahlar yaradacaq. 2076-cı ildə sinif ayrılığı aradan qalxacaq, bütün dünyada kommunizm rejimi hakim olacaq. 2084-cü ildə yenidən təbiət dəyişikliyi olacaq. 2088-ci ildə yeni xəstəlik ortaya çıxacaq, insanlar saniyə-saniyə qocalacaq.
Bu xəstəliyin dərmanı 2091-ci ildə tapılacaq. 2125-ci ildə Macarıstanda kosmosdan siqnal veriləcək, bu zaman insanlar yenidən Vanqanı xatırlayacaq. 2130-cu ildə isə yadplanetlilərin tövsiyyəsi ilə su altında koloniyalar tikiləcək. 2154-cü ildə heyvanlar yarım insan şəklində olacaq. 2167-ci ildə yeni bir din ortaya çıxacaq, 2288-ci ildə yadplanetlilərlə yenidən əlaqə yaradılacaq, 2299-cu ildə Fransada İslama qarşı toqquşmalar olacaq, 3005-ci ildə Marsda savaş başlayacaq, 3797-ci ildə isə dünyanın sonu gələcək və bütün canlılar məhv olacaq. İnsanlar yeni bir Günəş sistemində yenidən var olacaqlar.
Qeyd edək ki, xərçəng xəstəliyinə tutulan Vanqa ölməzdən əvvəl öncəgörmə qabiliyyətinin Fransada 10 yaşında bir qıza keçəcəyini demişdi.(Musavat)
