Dahilər dahisi, ay Heydər baba!
Ümumilli Lider Heydər Əliyevin Əziz və Unudulmaz Xatirəsinə
Sən dünyaya gəldin adi bir insan,
Yaşayıb yaratdın bir an durmadan!
Talehin hökmü ilə Ulu Yaradan,
Daim arxan oldu, ay Heydər baba!
Yetişdin xalqına, ağır günündə,
Sipər oldun doğma xalqın önündə.
Bütövlük şəxsində, söz əməlində,
Müdrik sərkərdə idin, ay Heydər baba!
Açıb gözümüzü aydın sabaha,
Səslədin sən bizi Günəşə, Aya.
Şöhrətin yayıldı bütün dünyaya,
Şöhrətdən səngərli, ay Heydər baba!
Müsəlləh əsgər tək öz mövqeyindən,
Geri çəkilmədin, qorxub heçnədən.
Döyüşdün sonadək zaman-zaman sən,
Zamanın insanlıq nümunəsisən.
Xalqa arxalandın, millətə yandın,
Daima vətəni düşündün, andın.
Ədalət yolunu müqəddəs sandın,
Tanrı arxan oldu, ay Heydər baba!
Gülzar Şəmkirli
Hazırladı: Jurnalist Afət İlkin
