“Bizim və dövlətimizin tarixlə bağlı uzun mühazirələrə vaxtımız yoxdur, ona görə də keçmişi dərindən araşdırmayacağam. Reallıq və gələcək haqqında danışacağam. Ukrayna beynəlxalq səviyyədə tanınmış sərhədlərində mənim arxamdadır və Rusiyanın hər hansı bəyanatlarına və hərəkətlərinə baxmayaraq, belə də olacaq”. Bunu Ukrayna prezidenti Volodimir Zelenski vətəndaşlara videomüraciətində deyib.

Onun sözlərinə görə, Rusiyanın “DXR” və “LXR”i tanıması sülh səylərinə zərbə vurur və danışıqlar proseslərini məhv edir.

Ukrayna dövlətinin başçısı vurğulayıb ki, Ukrayna Rusiyanın hərəkətlərini dövlətin suverenliyi və ərazi bütövlüyünün pozulması kimi qiymətləndirir və “DXR” və “LXR”nin tanınmasının nəticələrinə görə bütün məsuliyyəti Moskvanın üzərinə qoyur. Zelenski həmçinin əlavə edib ki, bu ərazilərin Rusiya tərəfindən tanınması Rusiyanın Minsk razılaşmalarından birtərəfli qaydada çıxması və Normandiya sazişləri çərçivəsində qərarlara məhəl qoymaması anlamına gələ bilər.

“Bu, sülh səylərinə zərbə vurur və danışıqlar formatlarını məhv edir", - o bildirib.

Ukrayna prezidenti vurğulayıb ki, Rusiya öz qərarları ilə faktiki olaraq 2014-cü ildən Donbassın işğal olunmuş ərazilərində olan qoşunlarını leqallaşdırır.

“Səkkiz ildir müharibəni dəstəkləyən ölkə iddia etdiyi kimi sülhü qoruya bilməz”, - deyə Zelenski əlavə edib.

Prezidentin qeyd etdiyi kimi, Ukrayna fərdi və kollektiv özünümüdafiə hüququnu özündə saxlayır. Bundan əlavə, o, yaradılmış ərazi müdafiə sistemini xatırladıb, Ukrayna sərhədlərinin etibarlı mühafizə altında olduğuna inandırıb və vəziyyətin dəyişməsi barədə məlumat verəcəyini vəd edib.

“Sərhədlərimiz etibarlı şəkildə qorunur... Biz təxribatlarla təcavüzkar qoşunların hücumunu yaxşı fərqləndiririk. Vəziyyətin dəyişdiyini və risklərin artdığını görən kimi bütün bunlardan xəbəriniz olacaq. Biz sülhsevər və diplomatik yola sadiqik, onu və yalnız onu gedəcəyik. Biz öz torpağımızdayıq, heç kimdən və heç nədən qorxmuruq, heç kimə borcumuz yoxdur, heç kimə heç nə verməyəcəyik və buna əminik”, - deyə Zelenski yekunlaşdırıb.

Türkiyə Rusiyanın qondarma “LXR” və “DXR”in müstəqilliyini tanınması qərarını pisləyib.

Bu barədə Türkiyə XİN-in rəsmi tvitter hesabında paylaşım edilib.

“Rusiya Federasiyasının qondarma “Donetsk və Luqansk Respublikaları”nı tanıması qərarı Minsk anlaşmalarına qarşı olduğu üçün, Ukraynanın siyasi birliyinin, ərazi bütövlüyünün açıq şəkildə pozulması anlamına gəlir. 

Rusiyanın bu qərarı qəbuledilməzdir və rədd edirik.

Ukraynanın siyasi birliyinin və ərazi bütövlüyünün qorunmasına bağlılığımızı vurğulayır, bütün tərəfləri beynəlxalq hüquqlara riayət etməyə çağırırıq” -  deyə rəsmi Ankara məsələyə münasibətini bildirib.

Bu barədə Rusiya mətbuatı məlumat yayıb.

“Kiyev NATO ölkələrinə təklif olunandan geri qalmayacaq təhlükəsizlik təminatı sistemi almalıdır".

Bunu Ukrayna Prezidenti Volodimir Zelenski deyib. 

“NATO, əslində, Ukraynanın qoşula biləcəyi mövcud təhlükəsizlik ittifaqlarından yeganə qurumdur. Orada bizim üçün açıq qapı mövqeyi var. Amma bu yolda uzun bir məsafə var - illər və aylar, xüsusən də eskalasiya olacaqsa. Bu yolu keçməklə biz zəmanət sistemi əldə etməliyik. Ən azı nəzəri cəhətdən bu, NATO ölkələrinə təklif olunan sistemdən geri qalmamalıdır”, - deyə prezident bildirib.

Onun sözlərinə görə, ölkənin özünü müdafiə etdiyi indiki şəraitdə bu, yeganə alternativdir.

Zelenski qeyd edib ki, Ukrayna üçün sabitlik zəmanəti olan sənəd Rusiya və ABŞ tərəfindən imzalanmalıdır.

“Biz Normandiya formatlı kollektivlə yola düşməyəcəyik və heç kim düşməyəcək. Dövlətlər və Rusiya da daxil olmaqla, güclər oturub imza atacaqlar ki, belə bir yol var. Amma ölkəmizin təhlükəsizliyi ilə bağlı üç-dörd-beş punkt olmalıdır. Onda bu, danışıq hesab ediləcək”, - deyə Ukrayna Prezidenti bildirib.

Tərtər rayon prokurorluğundan "bizimaz.az"a bildirilib ki, 18 fevral 2022-ci ildə rayonun Çaylı kəndi ərazisində təmir işləri aparan zaman Azərbaycan Avtomobil Yolları Dövlət Agentliyinin əməkdaşları 1963-cü il təvəllüdlü Alışah Səfərov və 1965-ci il təvəllüdlü Faiq Səfərov mina partlayışı nəticəsində müxtəlif dərəcəli bədən xəsarətləri alıblar.

Prokurorluq əməkdaşları tərəfindən hadisə yerinə baxış keçirilib, məhkəmə-tibb ekspertizası təyin edilib.

Faktla bağlı araşdırma aparılır.

Ermənistan Xarici İşlər Nazirliyinin Azərbaycan SSR-in Dağlıq Qarabağ Muxtar Vilayətinin (DQMV) radikal ermənilərinin aqressiv separatçılığının əsasını qoyan 20 fevral 1988-ci il tarixli qeyri-qanuni qərarını dəstəkləyən bəyanatı qətiyyətlə qınayırıq.

Bu barədə Azərbaycan Xarici İşlər Nazirliyinin bəyanatında qeyd olunur.

XİN bildirib ki, sözügedən qondarma qərar SSRİ Konstitusiyasına, DQMV haqqında 1981-ci il Qanununa, habelə bütün digər müvafiq normativ hüquqi aktlara ziddiyyət təşkil edib.

“Ermənistanın aqressiv erməni separatçılarını dəstəkləməsi və Azərbaycana qarşı ərazi iddialarından çıxış edərək təcavüzkar siyasət həyata keçirməsi Azərbaycanın ərazilərinin bir hissəsinin 30 ilə yaxın hərbi işğal altında qalmasına, bu torpaqlarda qanlı etnik təmizləməyə, bir milyon azərbaycanlının fundamental hüquqlarının pozulmasına səbəb olub”, - deyə Azərbaycan XİN-in bəyanatında göstərilib.

Bildirilib ki, Ermənistan XİN-in “dirçəliş” kimi qiymətləndirdiyi aqressiv separatçılıq bölgədə onilliklər ərzində davam edən geniş miqyaslı fəlakətə gətirib çıxarıb.

Bu vəziyyət bölgənin uzun illər ərzində sülh və təhlükəsizlik şəraitində inkişafına ciddi əngəl törədib:

“Hazırda bölgədə beynəlxalq hüququn bərqərar olduğu və iki dövlət arasında münasibətlərin normallaşması istiqamətində cəhdlərin edildiyi bir vaxtda Ermənistan XİN-in xalqlararası nifaqı təşviq edən bəyanatla çıxış etməsi bir tərəfdən bu ölkənin məsuliyyətsiz davranışını, digər tərəfdən isə baş verən son hadisələrdən hələ də dərs çıxarmadığını göstərir.

Ermənistan XİN-in nəzərinə çatdırırıq ki, belə bir destruktiv yanaşmanın heç bir gələcəyi yoxdur”.

Azərbaycandan AVRONEST Parlament Assambleyasının komitə iclaslarında iştirak etmək üçün İrəvana gedəcək deputatların adları açıqlanıb.

Tədbirlərdə Milli Məclisin deputatları, AVRONEST PA-da Azərbaycan nümayəndə heyətinin üzvləri Tahir Mirkişili və Soltan Məmmədov iştirak edəcəklər.

Deputatlar iclaslarda müzakirə olunacaq məsələlərə Azərbaycan tərəfinin mövqeyini bildirəcəklər.

Qeyd edək ki, səfər fevralın 22-də baş tutacaq.