Ölkənin yeganə ali aqrar təhsil müəssisəsi olan, ikinci böyük şəhəri Gəncədə yerləşən Azərbaycan Dövlət Aqrar Universitetində (ADAU) əvvəlki illərdə keçirilmiş beynəlxalq yay məktəblərinin ölkənin aqrar potensialının təbliğində rolunu və 2022-ci ilin Azərbaycan Respublikasında “Şuşa ili” elan edilməsini nəzərə alaraq 2022-ci ilin 17-27 iyul tarixlərində “Azərbaycanın işğaldan azad olunmuş ərazilərinin aqrar potensialı” mövzusunda 3-cü Beynəlxalq yay məktəbi təşkil olunacaq.

Məktəbin təşkilində məqsəd dünyanın müxtəlif ölkələrinin ali təhsil müəssisələrini təmsil edən tələbələrini bir araya gətirməklə, onları işğaldan azad olunmuş ərazilərə dəyən zərərlər və burada aqrar potensialın bərpası istiqamətində görülən işlərlə yaxından tanış etməkdir.

Yay məktəbində ölkəmizin və xarici ali təhsil müəssisələrinin aparıcı alimlərinin, beynəlxalq təşkilatların, dövlət və biznes strukturlarının nümayəndələrinin işğaldan azad olunmuş ərazilərdə aqrar sahənin inkişafı, “Ağıllı kənd”, “Ağıllı kənd təsərrüfatı”, “Elektron kənd təsərrüfatı”, “Aqroturizm”, qlobal iqlim dəyişikliyi və onun aqrar sahənin inkişafı, aqrar gənclik, aqrar təhsil istiqamətləri, habelə Qarabağın tacı, Azərbaycanın mədəniyyət paytaxtı elan edilən Şuşanın tarixi, mədəniyyəti, burada aparılan abadlıq-quruculuq işlərinə dair mühazirələr dinləniləcəkdir.

Proqram çərçivəsində iştirakçıların respublikanın müxtəlif bölgələrinə, işğaldan azad olunmuş ərazilərdə aqrar layihələrin icra olunduğu yerlərlə, habelə Şuşa şəhərinə səfərləri təşkil olunacaqdır.

Müraciət üçün tərcümeyi-hal-CV, motivasiya məktubu, tələbə bileti və təhsil müəssisəsinin tövsiyə məktubu shusha@adau.edu.az və kushvar.mammadova@adau.edu.az elektron poçt ünvanına göndərilməldir.

Qeyd edək ki, iştirakçıların yaşayış və qidalanması ödənişsizdir. Yay məktəbinə müraciət 31 may 2022-ci il tarixinə qədərdir.

“Biz ərazi bütövlüyümüzü bərpa etmək, sülh və əmin-amanlıq şəraitində yaşamaq istəyirik. Artıq sülh sazişini imzalamağın vaxtı gəlib”.

AZƏRTAC xəbər verir ki, bunu Prezident İlham Əliyev ADA Universitetində keçirilən “Cənubi Qafqaz: İnkişaf və əməkdaşlıq” mövzusunda beynəlxalq konfransda bildirib.

Dövlətimizin başçısı deyib ki, artıq belə tədbirlər istər Avropada, istərsə də Rusiya, Türkiyə və Amerikada keçirilə bilər, bununla da biz ictimai diplomatiyanı, xalq diplomatiyasını başlaya bilərik.

“Bu cür tədbirlərə hətta Ermənistandan da mütəxəssislər dəvət oluna bilər. Yəni, nifrət deyil, sülh təbliğatçıları olan mütəxəssislər də bu cür tədbirlərə dəvət edilə bilərlər. Yəni, bu özü gözəl bir bünövrə olar”, - deyə Prezident İlham Əliyev vurğulayıb.

Azərbaycanda Ramazan bayramı namazının vaxtı açıqlanıb.

Qafqaz Müsəlmanları İdarəsinin (QMİ) sədr müavini Fuad Nurullayev APA-ya açıqlamasında bildirib ki, bayram namazı Göy məscid və Əjdərbəy məscidində mayın 2-si saat 09:00-da, Təzə Pir məscidində isə saat 10:00-da qılınacaq.

“Digər məscidlər də namazlarını saat 09:00 və ya 10:00-da təşkil etməkdə azaddırlar”, - o qeyd edib.

Xatırladaq ki, Azərbaycanda Ramazan bayramı 2-3 may tarixlərində qeyd ediləcək.

Sumqayıt şəhərinin Hacı Zeynalabdin qəsəbəsində yerləşən “Azərsun Sənaye Parkı”nın ərazisində baş vermiş yanğın saat 08:24-də söndürülüb. 

Bu barədə  FHN-dən bildirilib.

Məlumata görə, hazırda ərazidə konstruksiyaların söküntüsü və müvafiq tədbirlər görülür. Hadisə nəticəsində xəsarət alan olmayıb. 

FHN-in və Baş Prokurorluğun müstəntiqlərindən ibarət yaradılan istintaq qrupu tərəfindən hadisənin başvermə səbəbləri araşdırılır. Araşdırmanın nəticələri barədə ictimaiyyətə əlavə məlumat veriləcək.

“Bu cür ənənəvi görüşlər bizim planlarımızı və məqsədlərimizi, görülən işləri beynəlxalq ictimaiyyətə çatdırmaq baxımından çox əhəmiyyətlidir”.

Ermənistan müxalifəti ölkə hakimiyyətini devirmək üçün müxtəlif yollara əl atmağa davam edir. Son olaraq Daşnaksütyun Partiyasının üzvü Armen Rustamyan bu məqsədlə Moskvaya yollanıb.

Ermənistan KİV-in iddiasına görə, A.Rustamyan Moskvaya müxalifətin fəaliyyətini Kremllə koordinasiya etmək və Nikol Paşinyanı devirmək üçün razılıq almaq niyyəti ilə gedib.

Rusiya paytaxtında ölkənin yüksək vəzifəli məmurları ilə əlaqə yaratmağa çalışan müxalifət nümayəndəsinin cəhdləri boşa çıxıb. Sadəcə bir məmurla (aşağı vəzifəli) görüşə bilən A.Rustamyan kömək ala bilməyəcəyini və Kremlin Paşinyanla çalışdığı cavabını eşidib.

Beləliklə, Ermənistan müxalifəti Moskvadan əliboş qayıdıb, o, nəinki planlarına razılıq əldə edib, hətta Kreml tərəfindən dinlənilməsinə belə ehtiyac görülməyib.

Qeyd edək ki, Ermənistan müxalifəti ölkədə hakimiyyəti ələ keçirmək və mövcud hakimiyyətə təzyiq göstərmək üçün son günlər aksiyalar təşkil edir. Lakin əsasən Azərbaycana qarşı separatçı fikirlərin, sülh prosesinə xələl gətirəcək tələblərin önə sürüldüyü aksiyalar ictimaiyyətdə gözlənilən dəstəyi ala bilmir.

Pentaqon rəhbəri Lloyd Ostinin ABŞ-ın Rusiyanı zəiflətmək niyyəti ilə bağlı bəyanatı Vaşinqtonun Moskva ilə uzunmüddətli qarşıdurmaya hazır olduğuna dəlalət edir.

“The New York Times” qəzetinin jurnalisti Devid Sanger bazar ertəsi qəzetin saytında dərc olunmuş məqaləsində bununla bağlı öz şərhini verib.

Bazar ertəsi səhər saatlarında ABŞ-ın müdafiə naziri Kiyevə səfərindən sonra Polşada çıxışı zamanı Vaşinqtonun Ukraynadakı hadisələr kontekstində məqsədlərindən danışarkən ABŞ-ın “Rusiyanın zəiflədiyini görmək istədiyini” qeyd edib. Beləliklə, jurnalistin fikrincə, Vaşinqton Ukraynada “münaqişənin transformasiyasını” ifadə edib ki, bu da hazırda “Vaşinqton və Moskva arasında daha çox birbaşa qarşıdurma” ilə xarakterizə olunur.

Sanger vurğulayıb ki, Rusiyanın Ukraynada müharibə əməliyyatları başladığı zaman ABŞ Prezidenti Co Bayden “bu müharibəni ABŞ və Rusiya arasında toqquşmaya çevirmək istəmədiyini” bəyan etmişdi. Müəllif ABŞ Dövlət Departamentindəki mənbələrə istinadən bildirir ki, Pentaqon rəhbərinin “diqqətlə planlaşdırılmış” bu bəyanatı yaxın aylarda ABŞ-ın “bu və ya digər formada sülh danışıqları”nda Ukraynaya dəstəyini göstərmək üçün nəzərdə tutulub.

“Uzunmüddətli perspektivdə isə Ostinin bəyanatı Vaşinqtonun “hakimiyyət və nüfuz üçün Moskva ilə illərlə qarşıdurmaya” hazırlaşdığını göstərir”, – deyə Sanger bildirib.

Onun sözlərinə görə, bu strategiya ABŞ üçün “bəzi riskləri” də bərabərində gətirir.

Mənbə: Rambler.ru

Xəbər verdiyimiz kimi, Bakıda “Lexus” markalı, 10 VX 707 dövlət nişanlı avtomobilin sürücüsünün motosiklet sürücüsünü vurmasını və təhqir etməsini əks etdirən görüntülər yayılıb.

Məsələ ilə bağlı Daxili İşlər Nazirliyinin mətbuat xidmətinin inspektoru, polis mayoru Anar Qafarov “Qafqazinfo”ya açıqlamasında bildirib ki, yayılan görüntülərdən məlumatlıdırlar.

Onun sözlərinə görə, artıq yayılan görüntülərlə bağlı araşdırmalara başlanıb:

“Hadisə araşdırıldıqdan sonra nəticəsi barədə ictimaiyyətə əlavə məlumat veriləcək”.

Qeyd edək ki, sosial şəbəkələrdə “Lexus”un sürücüsünün Dadaşov Sultan Tofiq oğlu olduğu bildirilir.

Azərbaycanda Ramazan bayramı namazının vaxtı açıqlanıb.