Milli Məclisin deputatları ulu öndər Heydər Əliyevin zəngin irsini təbliğ edəcəklər.

“Report” xəbər verir ki, bu barədə parlamentin Aqrar siyasət komitəsinin 2023-cü il üzrə yaz sessiyasının qanunvericilik işləri planında əksini tapıb.

Sənəddə qeyd edilib ki, sessiya ərzində 2023-cü ilin “Heydər Əliyev ili” elan edilməsi ilə əlaqədar yerlərdə görüşlər keçirmək və ulu öndərin zəngin irsinin təbliğ etmə nəzərdə tutulur.

Ümummilli lider Heydər Əliyevin anadan olmasının 100 illiyi ilə bağlı əfv sərəncamı imzalanacaq.

Komitə sədri bildirib ki, artıq Əfv Komissiyasının üç iclası keçirilib:

“360-dan çox sənədə baxılıb. Düşünürəm ki, iclaslar may ayına kimi davam edəcək”.

Azərbaycan Respublikasında koronavirus (COVID-19) infeksiyasına 59 yeni yoluxma faktı qeydə alınıb, 72 nəfər müalicə olunaraq sağalıb.

Bu barədə Bakıvaxtı.az-a Nazirlər Kabineti yanında Operativ Qərargahdan bildirilib.

Verilən məlumata görə, COVID-19 üçün götürülən analiz nümunələri müsbət çıxmış şəxslərdən 7 nəfəri vəfat edib.

Azərbaycanda indiyədək ümumilikdə 827 738 nəfərin koronavirus infeksiyasına yoluxması faktı müəyyən edilib. Onlardan 817 388 nəfər müalicə olunaraq sağalıb, 10 075 nəfər vəfat edib, aktiv xəstə sayı 275 nəfərdir.

Ölkədə son sutka ərzində 2 908, hazırkı dövrədək isə 7 475 435 test aparılıb.

“May ayında keçiriləcək prezident seçkiləri Türkiyənin taleyini həll edəcək. Yəni, Cümhuriyyətin 100 illiyində keçiriləcək seçki Cümhuriyyət tarixinə qızıl hərflərlə yazılacaq”.

Bunu Bakıvaxtı.az-a politoloq Cümşüd Nuriyev Türkiyədə keçiriləcək prezident seçkiləri barədə danışarkən bildirib.

Onun sözlərinə görə, təbii ki, bu seçkidə Türkiyənin indiki prezidenti Rəcəb Tayyib Ərdoğanın alternativi “6-lar” adlandırılan qüvvələr olacaq:

“Yəni, burda əsas rol oynayan Meral Akşener, Kamal Kılıçdaroğlunun erməni kökənli olmaları iddia edilir. Ümumiyyətlə, bunların türklüyü yoxdur. Aydındır ki, HDP də PKK-nın təmsilçisidir. Bunlar özləri belə bir araya gələ bilmirlər. Meral Akşenerlə CHP başqanı Kamal Kılıçdaroğlu arasında çox ciddi qarşıdurma var. Meral Akşenerin Türkiyə siyasətinə necə düşdüyü məlumdur, indi xalqı ətrafına toplamaqla özünü duruya çıxarmaq istəyir. Kamal Kılıçdaroğlunun isə özünə götürdüyü soyad saxtadır. Bu adamın əsl soyadı Karabulutdu, anası erməni, atası kürddür. Heyf Atatürkdən ki, onun partiyasına indi belə bir soykökü qarışıq olan, türkə nifrət edən adam rəhbərlik edir”.

C.Nuriyevin dediyinə görə, Ərdoğanın yanında olan kürdlər var ki, türkdən daha çox türkdür:

“Yəni, burda söhbət millətdən yox, Kamal Kılıçdaroğlunun tutduğu mövqedən gedir. O, daha çox erməni mövqeyindən çıxış edir. Qısa demək olar ki, Türkiyədə bu “6-lıq”ın heç bir rolu yoxdur. Bilirsiniz ki, numerologiyaya görə “6” həm də şeytan rəqəmidir. Bu “6-lıq”dan çıxsa-çıxsa bir şeytanın namizəd çıxa bilər. Ərdoğan isə heç də zəif deyil. Hazırda o, ilk “10-luq”da oturan, dünyanın siyasi arxitekturasını formalaşdıran bir siyasətçidir. Ona görə də, Ərdoğanla istər debatlarda olsun, istərsə də seçkidə, kiminsə üz-üzə gəlmək ehtimalı yoxdur. İndidən demək olar ki, Ərdoğan bu seçkilərdə 65-75% səs yığacaq. Hələ təbliğat başlamamış bunu proqnozlaşdırıram. Amma səs sayı çox da ola bilər”.

Cümşüd Nuriyev vurğulayıb ki, Rəcəb Tayyib Ərdoğan Türkiyənin və bütün Türk dünyasının lideridir: “Azərbaycan da maraqlıdır ki, Türkiyədə Ərdoğan qalib olsun”.

Nuranə Daxilqızı

Əmək və Əhalinin Sosial Müdafiəsi Nazirliyi tərəfindən yanvarın 23-də saat 10:00-dan ms.sosial.gov.az portalı üzərindən onlayn satışı başlanan mənzillərdən artıq böyük hissəsi bron edilib.

Nazirlik mənzilləri bron etmiş şəxslərin nəzərinə çatdırır ki:

• bron etdikləri vaxtdan 10 gün ərzində nazirliyin tabeliyindəki Sosial Xidmətlər Agentliyi tərəfindən onların hər biri ilə fərdi qaydada əlaqə saxlanılacaq və mənzilin alqı-satqı vaxtı və yeri barədə onlara məlumat veriləcək;

• portalda seçdiyi mənzili bron etmiş şəxs tərəfindən həmin mənzilin dəyəri tam ödənilərək notarial qaydada alqı-satqı müqaviləsi imzalanacaq;

• alqı-satqı prosesi bitdikdən sonra mənzil həmin vətəndaşın mülkiyyətinə veriləcək;

• bir mənzili 3 şəxs bron edə bilər, əgər ilk bron etmiş şəxs həmin mənzili almaqdan imtina etdikdə və ya onunla alqı-satqı prosesi baş tutmadıqda, mənzili almaq hüququ onu bron etmiş digər şəxsə keçəcək.

Xatırladaq ki, satışa çıxarılan mənzillər Bakının Ramana, Ümid, Kürdəxanı qəsəbələrində, Abşeron və Samux rayonlarındakı yeni yaşayış binalarında yerləşir.

Hər biri çıxarışlı və tam təmirli olan mənzillər istifadə olunmayıb və onları banklara müraciət etməklə ipoteka krediti ilə də almaq olar.

Hər kəs satılan mənzillərdən istədiyi sayda mənzil ala bilər.

Mənzillərin portal üzərindən satışı bu il iyulun 1-dək davam edəcək.

Yayımlanmış videotəlimatda (https://www.youtube.com/watch?v=FdY-CV9RwIw) portaldan istifadə etməklə mənzilin onlayn qaydada alınması və satışı qaydası barədə ətraflı məlumat əldə etmək olar.