“İndi yeni hökumətlə bağlı olan münasibətləri hələ ki, təhlil etmək çətindir. Çünki mənim şəxsən yeni Prezidentlə görüşüm olmayıb. Əgər olsa və nə vaxt olsa, onda mən bu barədə danışa bilərəm”.

“Ümid edirəm ki, sülh müqaviləsi ilə bağlı bizim bütün şərtlərimiz də qəbul ediləcək”.

Biz Suriyanın bölünməsinə razı olmayacağıq”.

Bunu Türkiyə Prezidenti Rəcəb Tayyib Ərdoğan Nazirlər Kabinetinin iclasındakı çıxışı zamanı deyib.

Türkiyə lideri bildirib ki, Suriyada baş verən inqilabla bu ölkədə və bölgədə yeni dövr başlayıb:

“Biz Suriyanın bölünməsinə razı olmayacağıq. Bununla bağlı risk görsək, lazımi addımlar atacağıq. Fərqli xəyallar quranlar son hadisələrdən sonra həqiqətlə üzləşiblər.

Türkiyə varlığını və təhlükəsizliyini qorumaq üçün nələrə qadir olduğunu artıq sübuta yetirdi. İş yenə o yerə çatsa, bir gecə anidən gələ bilərik. Hər kəs öz hesablamalarını buna uyğun aparmalıdır. Bildirmək istəyirəm ki, terror baronları adından milləti təhdid edənlərə imkan verməyəcəyik. Separatçı təşkilat və onun Suriyadakı uzantıları üçün vaxt daralır”.

“2025-ci ilin sosial paketinin icrasına start verilib. Azərbaycan Prezidenti İlham Əliyevin imzaladığı “Əhalinin sosial rifahının yaxşılaşdırılması sahəsində tədbirlərin davam etdirilməsi haqqında” Sərəncamına uyğun olaraq, bu aydan bır sıra artımlar qüvvəyə minib”.

“Qafqazinfo” xəbər verir ki, bunu Milli Məclisin deputatı Vüqar Bayramov bildirib.

Deputat qeyd edib ki, Azərbaycanda 3 milyon vətəndaşı əhatə edəcək sosial paketin əsas elementlərindən biri də məhz maaş artımlarıdır: “Azərbaycan Prezidentinin imzaladığı sərəncama uyğun olaraq, bu aydan ölkədə minimum aylıq əməkhaqqının məbləği 345 manatdan 16 faiz artımla 400 manata çatdırılıb. Bu o deməkdir, bu aydan etibarən həm dövlət, həm də özəl sektorda 400 manatdan az maaş vermək mümkün olmayacaq. Yəni, minimum əməkhaqqı alan vətəndaşlarımız yanvar ayı üçün maaşlarını 16 faiz artımla alacaqlar.

Minimum əməkhaqqındakı artım sadəcə aşağı maaş alanların deyil, eləcə də vahid tarif cədvəlinin (VTC) bütün pillələri üzrə əməkhaqlarında artımları təmin edəcək.

Belə ki, dövlət büdcəsindən maliyyələşdirilən sahələrdə çalışan işçilərin aylıq tarif (vəzifə) maaşları da təxminən bir ay müddətində bu Sərəncama uyğunlaşdırılacaq və artırılacaq. Sosial, elm, səhiyyə, mədəniyyət, gənclər və idman, kənd təsərrüfatı, ekologiya və ətraf mühitin mühafizəsi, mənzil-kommunal, nəqliyyat və rabitə, meliorasiya, su təsərrüfatı və balıqartırma sahələrində çalışan dövlət qulluqçusu statusu olmayan işçilərin də əməkhaqqı artacaq. Bu artımlar isə Nazirlər Kabineti tərəfindən qərar imzalandıqdan sonra ödəniləcək”.

V.Bayramov pensiya artımları ilə bağlı məsələyə də aydınlıq gətirib: “Mövcud qanunvericiliyə əsasən, pensiyalar hər il yanvar ayında əvvəlki ildə orta aylıq əməkhaqqında artım faizinə uyğun olaraq indeksasiya olunaraq artırılır. Hələlik dəqiq artım faizi bəlli olmasa da, artımlar məhz bu aydan hesablanır. 2024-cü ilin ilk 10 ayının yekunlarına əsasən, ölkə üzrə orta aylıq əməkhaqqı təxminən 8 faiz artıb. Dəqiq rəsmi göstərici isə gələn ayın əvvəllərində elan ediləcək.

2024-cü ildə orta aylıq əməkhaqqında artımla bağlı rəsmi statistika fevral ayının ilk 10 günündə bəlli olduğu üçün indeksasiya da məhz o zaman aparılacaq. Pensiya artımları yanvarın 1-dən hesablanır, amma artımlar fevral ayında ikisi birlikdə ödəniləcək. Deməli, pensiyaçılar artımları gələn aydan etibarən alacaqlar. Amma yanvar ayı üçün hesablanmış artım da fevral ayının pensiya məbləğinə əlavə olunacaq.

Qeyd edim ki, indeksləşdirmə bütün növ əmək pensiyalarına şamil olunur. “Əmək pensiyaları haqqında” Qanunun 4-cü maddəsinə əsasən, əmək pensiyalarının 3 növü təsbit olunub. Bunlar yaşa görə əmək pensiyası, əlilliyə görə əmək pensiyası və ailə başçısını itirməyə görə əmək pensiyasıdır. Deməli, vətəndaşımız növündən asılı olmayaraq əmək pensiyası alırsa, onun pensiya məbləğinə artım hesablanacaq.

Minimum pensiya məbləği isə gələn aydan 280 manatdan 320 manata çatdırılacaq. Bu o deməkdir ki, minimum pensiya alanlar artıq gələn aydan artırılmış məbləği alacaqlar”.

Deputatın sözlərinə görə, Prezidentin digər sərəncamı ilə isə bu aydan etibarən ehtiyac meyarı 285 manata çatdırılıb: “Ehtiyac meyarının artırılması ünvanlı sosial yardım proqramı çərçivəsində vətəndaşlarımızın aldığı yardım məbləğinin bu ildən artmasına səbəb olacaq. Bu 900 manat gəliri olan və 5 üzvü olan ailədə aylıq sosial yardım məbləğinin orta hesabla 450 manatdan 525 manatadək yüksəlməsi deməkdir.

Artımların ödənilməsinə gəldikdə isə, yeni ehtiyac meyarı ünvanlı sosial yardım proqramı çərçivəsində yeni yardım almağa başlayanlara şamil olunacaq. Yəni, əgər vətəndaşın müraciətinə bu ay müsbət cavab verilib ona yardım ödənilməsi ilə bağlı qərar veriləcəksə, o artırılmış məbləğlə yardımı bu aydan alacaq.

Prezidentin imzaladığı 23 dekabr 2024-cü il tarixli sənədə əsasən, Nazirlər Kabineti (NK) sosial müavinətlərin və təqaüdlərin məbləğlərinin artırılması ilə bağlı təkliflərini üç ay müddətində dövlət başçısına təqdim etməlidir. NK tərəfindən təkliflər təqdim olunduqdan sonra müavinət və təqaüdlərin artırılması ilə bağlı sənəd imzalancaq. Bununla da müavinət və təqaüdlərin artırılması həyata keçiriləcək”.

Bu gün Azərbaycanda bələdiyyə seçkisinin təşviqat kampaniyası başlayır.

Ukrayna Prezidenti Volodimir Zelenski yanvarın sonunda ABŞ-nin yeni seçilmiş Prezidenti Donald Trampla sülh danışıqlarına başlamağa hazır olduğunu bildirib.

Ukrayna lideri bu barədə ABŞ-li jurnalist Leks Fridmana müsahibəsində bildirib.

Eyni zamanda, Zelenski Tramp və Rusiya Prezidenti Vladimir Putinlə birlikdə üçlü şəkildə danışıqlar masasına oturmaqdan imtina edib.

"Düşünürəm ki, yanvarın 25-də və ya başqa bir gün, siz sadəcə olaraq, 25 yanvar deyirsiniz, mən etiraz etmirəm. Həmin gün mənim doğum günümdür. Və biz ilk növbədə Trampla otururuq. Biz onunla razılaşırıq ki, müharibəni necə dayandıra bilərik, Putini necə dayandıra bilərik. Bizim onunla oturmağımız vacibdir. Bundan sonra artıq rusiyalılarla söhbət baş tuta bilər. Və məhz bu şəkildə, yoxsa birbaşa üçümüz otura bilmərik. Siz hələ mənimlə elə danışırsınız ki... Bilirsiniz necə? Sanki Putin artıq danışıqlar masasına oturmaq istəyir, amma Ukrayna istəmir. Bu belə deyil", - deyə Zelenski qeyd edib.

Eyni zamanda, o vurğulayıb ki, növbəti mərhələ Avropa İttifaqı ilə nizamlanma üzrə danışıqlar olmalıdır və yalnız bundan sonra Rusiya ilə.

Həmçinin müsahibə zamanı Zelenski bildirib ki, Ukrayna gələcək hücumları dəf etmək üçün silahla təmin olunarsa, atəşkəslə razılaşacaq. O izah edib ki, silahların çatdırılmasında gecikmələrlə bağlı vəziyyətin təkrarlanmasını istəmir.

Xəbər verdiyimiz kimi, Çində insan metapnevmovirusu (HMPV) yayılıb.

Qazaxıstanda da yeni yayılan virusa yoluxma faktı qeydə alınıb.

Belə ki, 30 nəfərdə metapnevmovirus aşkarlanıb.

Qeyd edək ki, metapnevmovirusa daha çox 14 yaşa qədər uşaqlar və 60 yaşdan yuxarı şəxslərdə rast gəlinir.

Dövlət Təhlükəsizliyi Xidməti (DTX) tərəfindən aparılmış daha bir xüsusi araşdırma nəticəsində həbs edilən şəxsin mühakiməsi başlayır.

“Azərbaycan dövləti öz oğul və qızlarının fəaliyyətini, qəhrəmanlığını həmişə layiqincə qiymətləndirib. Bu dəfə də ekipaj heyətinin qəhrəmanlığı layiqincə qiymətləndirildi”.

Çeçenistan hakimiyyəti bir gün əvvəl bildirmişdi ki, “Ramzan Kadırovun göstərişi ilə onlar Bakıdan Qroznıya uçan AZAL təyyarəsinin qəzaya uğraması nəticəsində həlak olanların və yaralananların bütün ailələrinə maddi və digər yardım göstərməyə hazırdırlar”.