BizimAz.az - Gündəm

Kamaləddin Qafarov: “8 noyabr Zəfəri- Azərbaycanın qürur və şərəf dastanıdır”

09:55 08.11.2023 | Baxış sayı: 103515

“Üç il bundan öncə Azərbaycan 30 il həllini gözləyən münaqişəni cəmi 44 günə həll etdi. 2020-ci il sentyabrın 27-də başlamış Vətən müharibəsi noyabr ayının 8-də Müzəffər Ali Baş Komandan İlham Əliyevin rəhbərliyi ilə şanlı Azərbaycan Ordusu Şuşanı azad etməklə bütün Qarabağın və ətraf rayonların işğalına, bütövlükdə qondarma “Dağlıq Qarabağ” münaqişəsinə birdəfəlik son qoydu. Şuşanın azad olunmasından iki gün sonra, noyabr ayının 10-da imzalanmış məlum Bəyannamə ilə təkcə Qarabağ münaqişəsinə deyil, ümumiyyətlə Azərbaycan ərazisində ikinci erməni dövlətinin yaradılması ilə bağlı bütün arzu və planlara birdəfəlik rədd etdi.”

Bu sözləri mətbuata açıqlamasında Azərbaycan Milli Məclisinin deputatı Kamaləddin Qafarov deyib.

K.Qafarov bildirib ki, həmin vaxt bəziləri hərbi əməliyyatların 10 noyabrda dayandırılmağını dəstəkləmir, Xocalıya, Xankəndiyə, Xocavəndə niyə girmədiyimizi dönə-dönə sual edirdilər. “Budur, Qələbəmizin üçüncü ili tamam olmamış Azərbaycan bayrağı artıq Qarabağın və Şərqi Zəngəzurun istisnasız olaraq bütün ərazilərində qürurla dalğalanır. Bu il oktyabrın 15-də Ağdərə, Xocalı, Xankəndi, Xocavənd şəhərlərində, eləcə də bir çox digər ərazilərdə Azərbaycan Respublikasının Dövlət Bayrağını şəxsən qaldıran Prezident İlham Əliyev bir daha hər kəsə bildirdi ki, hər işi öz vaxtında görmək lazımdır. Bütün istiqamətlərdə qazanılan uğurların, əldə edilən nailiyyətlərin nəticəsi olaraq işğal altında olan torpaqlarımız düşməndən azad edildi və Azərbaycanın bütün sərhədləri boyunca müqəddəs üçrəngli bayrağımız dalğalandı.”

Deputat vurğulayıb ki, Vətən müharibəsində əldə olunmuş qələbə effektiv ordu quruculuğu işinin və iqtisadi inkişafın nəticəsidir: “30 ilə yaxın dövr ərzində Azərbaycan danışıqlar masasında prinsipiallıq göstərərək, eyni zamanda, güclü ordu yaradırdı. Ordu quruculuğu hər zaman cənab Prezident İlham Əliyevin dövlət siyasətinin prioritet istiqaməti olub. Vətən müharibəsində tarixi Qələbəni əldə etmək üçün həm ölkə daxilində həm də beynəlxalq müstəvidə böyük hazırlıq işləri həyata keçirilib. Ordunun döyüş qabiliyyəti möhkəmləndi, yüksəldi, ordumuz müasir silah-sursat, texnika ilə təchiz edildi. Bir ölkədən asılı olmamaq üçün hərbi texnika bir çox mənbələrdən alındı. Bütün bunlar və əlbəttə ki, Azərbaycanın Vətən müharibəsində qələbəsini təmin edən ən vacib amillərdən biri, ölkəmizdə xalqın öz Prezidentinə olan sonsuz inamı əsasında formalaşmış xalq-iqtidar birliyi, milli həmrəyliyimiz bizi bu Zəfər gününə gətirib çıxardı. Azərbaycan Prezidentinin polad iradəsi, Azərbaycan Ordusunun yenilməz gücü və Azərbaycan xalqının sarsılmaz birliyi tarixi Qələbəni təmin etdi. Bu ilin sentyabr ayında isə cəmi 23 saat davam edən antiterror əməliyyatı Azərbaycanın gücünü bir daha göstərdi və yenə də düşmən ağ bayraq qaldıraraq təslim oldu. Bununla da Azərbaycan bütün ölkə ərazisində tam suverenliyini bərpa etdi. Bu gün xalqımız haqlı olaraq ölkənin Silahlı Qüvvələri ilə fəxr edir. Artıq oktyabr ayının 15-də Xankəndidə Azərbaycanın Dövlət Bayrağını qaldıran möhtərəm dövlət başçımızın dediyi kimi, təkcə ölkəmizin vətəndaşları deyil, dünyada yaşayan on milyonlarla soydaşımız Azərbaycan əsgəri və zabiti ilə, Azərbaycan dövləti ilə haqlı olaraq fəxr edir.”

K.Qafarov qeyd edib ki, Azərbaycan heç zaman müharibə başlamaq niyyətində olmayıb və yalnız 30 il davam edən beynəlxalq riyakarlıq qarşılığında bu addımı atmaq məcburiyyətində qalıb: “Azərbaycan heç zaman müharibə tərəfdarı olmayıb. Lakin 30 il ərzində dünya birliyi, beynəlxalq təşkilatlar münaqişənin sülh yolu ilə həlli, Azərbaycanın ərazi bütövlüyünün bərpası istiqamətində bircə real addım belə atmadılar. Həm işğalçıya, həm də işğala məruz qalmış tərəfə eyni münasibət bəslənildi və beynəlxalq qətnamələr kağız üzərində qaldı. Hətta dünyanın ən nüfuzlu beynəlxalq təşkilatı sayılan BMT də işğalçı Ermənistana təzyiq göstərməkdə acizlik nümayiş etdirdi və tərəfləri sülhə çağıran bəyanatlarla kifayətləndi. BMT Təhlükəsizlik Şurasının Ermənistan silahlı qüvvələrinin işğal olunmuş Azərbaycan ərazilərindən dərhal çıxarılmasını tələb edən 4 qətnaməsi isə 27 il kağız üzərində qaldı və icra olunmadı. Ermənistanın aramsız davam edən təxribatçı addımları, bəyanatları, hərəkətləri müharibəni qaçılmaz etdi və II Qarabağ savaşının başlanması tarixi zərurətə çevrildi. Azərbaycan son anadək münaqişənin sülh yolu ilə həllinə nail olmaq üçün bütün imkanları sınadı. Bu, əlbəttə ki, dövlətimizin və Azərbaycan Prezidenti cənab İlham Əliyevin humanistliyindən, insansevərliyindən irəli gələn bir hal idi. Lakin nə Ermənistan, nə də onun havadarları bu şansı düzgün dəyərləndirə bilmədilər. Sonda Azərbaycan özünün bütün ölkə ərazisində tam suverenliyini təmin etdi. Bununla da illərlə həllini gözləyən münaqişə başa çatdı və bütün dünya Cənubi Qafqazın yeni reallıqlarını qəbul etməli oldu” .

Tədbirdə əvvəlcə Dövlət Himni səsləndirilib, sonra ölkənin ərazi bütövlüyü uğrunda canlarından keçən şəhidlərin əziz xatirəsi bir dəqiqəlik sükutla yad olunub.

Çıxış edən Universitetin rektoru Zəfər Qurbanov bildirib ki, Azərbaycan xalqının əzmi və iradəsi, iqtisadi gücü, müasir ordu quruculuğu və xalq-iqtidar birliyi ölkəmizin qələbəsini təmin edən mühüm amillər olub. Müzəffər Ali Baş Komandan İlham Əliyevin rəhbərliyi ilə Azərbaycan Ordusu 44 günlük rəşadətli döyüşlərdə düşmənə diz çökdürüb, torpaqlarımızı işğalçılardan təmizləyərək, ərazi bütövlüyümüzü bərpa edib. Tarixi ədalət bərpa olunub. Şəhidlərə rəhmət diləyir, qazilərə can sağlığı arzulayırıq.

“Müzəffər Ali Baş Komandan, Prezident İlham Əliyevin rəhbərliyi və Rəşadətli Ordumuzun gücü ilə torpaqlarımızı cəmi 44 gün ərzində azad edərək Zəfər qazandıq. Bu il isə antiterror əməliyyatı zamanı Azərbaycan öz suverenliyini bərpa etdi. Artıq bayrağımız Xankəndidə, Xocalıda və Qarabağın hər yerində dalğalanır. Ulu Öndər Heydər Əliyevin layiqli davamçısı Prezident İlham Əliyevin uğurlu siyasəti nəticəsində Azərbaycan qüdrətli dövlətə çevrilib”, - deyə Gəncə Şəhər İcra Hakimiyyətinin baçısı Niyazi Bayramov çıxışnda qeyd edib.

Türkiyənin Gəncədəki Baş konsulu Rəcəp Öztop da xalqımızı Zəfər bayramı münasibətilə təbrik edərək, Azərbaycan-Türkiyə münasibətlərinin bütün sahələrdə artan templə davam etdiyini deyib.

AMEA-nın Gəncə Bölməsinin sədri, akademik Fuad Əliyev və YAP Gəncə Şəhər Təşkilatının sədri Bayram Aslanov çıxışlarında 44 günlük Vətən müharibəsində Azərbaycanın hərbi müstəvidə əldə etdiyi Qələbənin nəticələrini siyasi-diplomatik müstəvidə daha da gücləndirib, yeni uğurlara imza atdığını diqqətə çatdırıblar.

Sonra Zəfər Gününə həsr olunan videoçarx tədbir iştirakçılarına nümayiş olunub.

Çıxış edən ADAU tələbələri - Vətən müharibəsi iştirakçısı Eşqin Bayramov, Həşim Həşimov və Ruhin Qasımov 44 gün davam edən döyüşlərdə Rəşadətli Ordumuzun qəhrəmanlıqlarından söz açıblar.

Daha sonra tələbələr tərəfindən hazırlanan ədəbi-bədii hissə təqdim olunub. Bədii hissədə tələbələrin ifasında təqdim olunan vətənpərvər ruhda şeir və musiqi nömrələri tədbir iştirakçıları tərəfindən maraqla qarşılanıb.

Sonda bir qrup Vətən müharibəsi iştirakçısı fəxri fərmanla təltif olunub.

Bizimaz.az

Xəbər lenti

Prezident Viktor Orbanla görüşdü - YENİLƏNİB

Mikayıl Cabbarov Peter Siyarto ilə GÖRÜŞDÜ

Kamaləddin Qafarov: “8 noyabr Zəfəri- Azərbaycanın qürur və şərəf dastanıdır”

Laçında “Bayraq yürüşü” keçirilib - FOTO

Veteranlar bu ödənişdən AZAD EDİLDİ

ADAU-da 8 Noyabr – Zəfər Gününə həsr olunan tədbir keçirilib

Azərbaycan Dövlət Aqrar Universitetində (ADAU) 8 Noyabr – Zəfər Gününə həsr olunan tədbir keçirilib.

Bakıda ali məktəb, metro tuneli və səfirlik üçün inzibati binanın tikintisi ilə bağlı ekoloji qiymətləndirmə aparılıb -Foto

Dövlət Bayrağı haqqında yeni standart qəbul edildi

Məhkəmə ekspertizası: "Vaqif Xaçatryan Meşəli hadisələrini törədərkən anlaqlı..."

Kamaləddin Qafarov: “Azərbaycan Türk dövlətləri ilə əməkdaşlığa böyük əhəmiyyət verir”