Sabah ABŞ Konqresinin Nümayəndələr Palatasının Silahlı Qüvvələr Komitəsi heyəti Türkiyəyə səfər edəcək.
AZXEBER.COM APA-ya istinadən xəbər verir ki, bu barədə Milli Müdafiə Nazirliyindən mənbələr bildirib.
Qeyd olunub ki, milli müdafiə naziri Yaşar Gülər heyəti qəbul edəcək, görüş zamanı terrorla mübarizə, F-16 tədarükü və modernizasiya prosesi müzakirə olunacaq.
usiyada baş verən terror aktını hər kəs gördü. Rusiyada olanları hər gün Türkiyədə törətmək istəyənlər var.
AZXEBER.COM "Report"a istinadən xəbər verir ki, bunu Türkiyə Prezidenti Rəcəb Tayyib Ərdoğan Diyarbəkir şəhərində çıxışı zamanı deyib.
O bildirib ki, Türkiyə terrorçulara, o cümlədən PKK terror təşkilatına qarşı uğurla mübarizə aparır: "Ölkə daxilində PKK-nın mövcudluğu çox azalıb. Buna baxmayaraq, bəzi güclər hələ də ölkəmizə qarşı terrorçulardan istifadə etməyə çalışırlar. Biz buna icazə verə bilmərik. Artıq elə vəziyyət yaranıb ki, terrorçular ölkə daxilində hərəkət edə bilmirlər. Sərhədlərimizdən kənarı isə addım-addım nəzarət altına alırıq”.
Qeyd edək ki, martın 22-də Rusiyanın Moskva vilayətindəki "Crocus City Hall”da terror aktı baş verib. Hadisə nəticəsində 140-a yaxın adam ölüb. Rusiya Prezidenti Vladimir Putin sifarişçilərin və icraçıların tapılaraq cəzalandırılacağını bildirib. İŞİD terror hadisəsi ilə bağlı məsuliyyəti öz üzərinə götürüb.
AZXEBER.COM Türkiyə mətbuatına istinadən xəbər verir ki Ramazan bayramında verəcəyi konsertdən 2,5 milyon TL qazanacağı ilə bağlı xəbərlərlə gündəmə gələn Yıldız Tilbe təqaüdə çıxdığını açıqlayıb.
Lakin müğənni alacağı təqaüdün məbləğini bəyənməyib.
Sosial media hesabında tez-tez paylaşımları ilə diqqət çəkən Yıldız Tilbe bunları yazıb: "Bir ömür xalqa iş üçün verilən maaş budurmu?"
"Ukrayna F-16-ları üçüncü ölkələrin hava limanlarında qanuni hədəfimiz olacaq".
AZXEBER.COM xarici mətbuata istinadən xəbər verir ki, Rusiya Prezidenti Vladimir Putin Rusiya Müdafiə Nazirliyinin Tver vilayətində ordu aviasiya təlim mərkəzinə baş çəkərkən deyib.
Dəfələrlə döyüş təyyarəsi ilə uçduğunu və döyüş təyyarəsi pilotlarının işinin çətin olduğunu bildirən Putin Rusiyanın Su-34 bombardmançı, Su-30 və Su-57 yeni model döyüş təyyarələrinin münaqişə bölgəsində çox yaxşı iş gördüyünü qeyd edib.
Qərb ölkələrinin Ukraynaya F-16 döyüş təyyarələri vermə planı və ukraynalı pilotların yetişdirilməsi ilə bağlı qiymətləndirmələr edən Putin, "Bu, münaqişə bölgəsində heç nəyi dəyişməyəcək. Biz bu gün tankları, zirehli texnikanı və digər hərbi texnikanı, o cümlədən çoxsaylı buraxılış sistemlərini məhv etdiyimiz kimi (F-16 model) təyyarələri də məhv edəcəyik”, - o deyib.
F-16 döyüş təyyarələrinin nüvə silahı daşıma qabiliyyətinə malik olduğuna diqqət çəkən Putin bu təyyarələrlə döyüşərkən bunu nəzərə alacaqlarını bildirib.
Ukraynaya veriləcək bu təyyarələrin NATO hava limanlarından istifadə ediləcəyi təqdirdə nə ediləcəyinə aydınlıq gətirən Putin "Təbii ki, bu təyyarələr üçüncü ölkələrin hava limanlarından istifadə edilərsə, harada olurlarsa olsunlar bizim üçün qanuni hədəfə çevriləcəklər" - deyə xəbərdarlıq edib.
Putin ABŞ-ın müdafiə xərclərinin Rusiyadan çox olduğuna diqqət çəkərək, Rusiyanın NATO ilə döyüşməyi planlaşdırdığı iddialarının absurd olduğunu bildirib.
Putin Rusiyanın Baltikyanı ölkələrə və Polşaya mümkün hücumunu da "cəfəngiyyat” adlandırıb.
Ağ Ev İsrailin baş naziri Benyamin Netanyahunun Rəfah danışıqları üçün ABŞ-yə nümayəndə heyəti göndərməyə razı olduğunu açıqlayıb.
AZXEBER.COM Qərb mətbuatına istinadən xəbər verir ki, bu barədə Ağ Evin sözçüsü Karine Jin-Pier mətbuat konfransında mövzu ilə əlaqədar açıqlamalar veri
Sözçü Netanyahunun ofisinin nümayəndə heyətinin səfərinin vaxtının dəyişdirilməsi ilə bağlı razılığa gəldiyini və ABŞ və İsrailin yeni tarixi müəyyən etmək üçün danışıqlara başladığını bildirib.
Refaha qarşı ola biləcək quru hücumlarını müzakirə etmək üçün görüşün başqa vaxta keçiriləcəyini ifadə edən Piers "Rəfah əməliyyatları haqqında danışmaq üçün burada görüş keçirilməsinə dair razılaşmanın edildiyini unutmamalıyıq", - deyib.
Xatırladaq ki, martın 25-də Birləşmiş Millətlər Təşkilatının Təhlükəsizlik Şurası (BMT TŞ) Qəzzada dərhal atəşkəs tələb edən qətnamə qəbul edib və bunun daimi və davamlı atəşkəsə çevriləcəyi güman edilib.
ABŞ qanun layihəsinə veto qoymadığı üçün Netanyahu Rəfaha mümkün quru hücumunu müzakirə etmək üçün Vaşinqtonda keçirilməsi planlaşdırılan görüşə İsrail nümayəndə heyətini göndərməkdən vaz keçib.
Azərbaycanın İnsan Hüquqları üzrə Müvəkkili (Ombudsman) Xankəndidə erməni əsilli sakinlərlə görüşüb, həssas əhali qrupları üçün yaradılmış sığınacağa baş çəkib.
Bu barədə AZXEBER.COM-a Ombudsman Aparatından məlumat verilib.
Qeyd edilib ki, Ombudsman Səbinə Əliyeva Xankəndi şəhərində erməni əsilli sakinlərlə görüşüb, Əmək və Əhalinin Sosial Müdafiəsi Nazirliyi tərəfindən həssas əhali qrupları üçün yaradılmış sığınacaqda olub.
S.Əliyeva müəssisədə, eləcə də müəssisədən kənarda yaşayan və xidmətlərdən faydalanan erməni əsilli sakinlərin hüquq və azadlıqlarının təmini vəziyyəti ilə maraqlanıb, Ombudsmanın səlahiyyətləri barədə ətraflı məlumat verib. Eləcə də psixoloq və sosial işçilər tərəfindən sakinlərə göstərilən sosial xidmətlər, qida təminatı monitorinq olunub.
Qəbul edilmiş şəxslərin müraciətləri dinlənilib və onlar göstərilən münasibətdən, yaradılmış şəraitdən razılıq ediblər.
Başçəkmə zamanı Ombudsmanın 24 saat fəaliyyət göstərən 916 Çağrı Mərkəzi barədə məlumatı özündə əks etdirən plakatlar müəssisəyə təqdim olunub.
İnternetdən istifadənin artması və tətbiqlərin şaxələndirilməsi ilə fişinq, xakker hücumları və maliyyə kiber təhdidlərində artım müşahidə olunur.
AZXEBER.COM xarici mediaya istinadən xəbər verir ki, koronavirus səbəbiylə internetdən istifadənin artması kiberhücumçuları da hərəkətə keçirib. Xüsusilə 2020-ci ildə kiberhücumların sayında rekord artım qeydə alınıb.
Koronavirusla birlikdə artan kiberhücumlar bu gün də intensiv şəkildə davam edir.
Araşdırmaçı Mert Değirmenci izah edib ki, istehlakçıların kibertəhlükəsizliklə bağlı ən böyük narahatlığı mobil təhdidlərdir.
2022-ci ildən 2023-cü ilə qədər təhlükəli proqramların sayında 30% artım aşkar etdiklərini ifadə edən Değirmenci bu hücumların həm qurumların, həm də şəxslərin maddi itkilərə məruz qalmasına və fəaliyyətlərini dayandırmasına səbəb olduğunu bildirib.
Değirmenci mobil təhdidlərin də istehlakçıları narahat edən əhəmiyyətli mənbələrdən biri olduğuna diqqət çəkib.
Mobil qurğular kibercinayətkarların əsas hədəflərindən biridir, çünki onların tərkibində şəxsi məlumatlar var. Keçən il mobil kiber təhlükələr 120% artsa da, xüsusilə reklam proqramları və casus proqramlar geniş yayılıb.
Cinayətkarlar mobil cihazlara zərərli proqramlar, saxta mesajlar və hədəflənmiş hücumlar kimi üsullarla sıza bilər. Bu, şəxsi məlumatların oğurlanmasına və zərərli məqsədlər üçün istifadə edilməsinə səbəb ola bilər.
İstehlakçıların ilk növbədə saxta e-poçt, mesaj və ya telefon zənglərini tanımaq və şübhəli məzmuna qarşı diqqətli olmaları lazım olduğunu vurğulayan Değirmenci bu barədə xəbərdarlıq edib:
"Naməlum mənbələrdən gələn fayllar və ya keçidlər açılmamalıdır. Güclü və unikal parollardan istifadə etmək vacibdir. Kibertəhlükəsizliklə bağlı yeniliklərdən xəbərdar olmaq üçün təhlükəsizlik proqramlarından istifadə edilməli və məlumat yeniləmələri mütəmadi olaraq izlənilməlidir. İstifadəçilər bu proqram təminatının mütəmadi olaraq yeniləndiyinə də əmin olmalıdırlar. Bu tədbirlər istehlakçıların kibertəhlükələrə qarşı müdafiəsini gücləndirə və onların şəxsi məlumatlarının təhlükəsizliyini təmin edə bilər”.
Azərbaycanda ikiqapılı, fərdi konstruksiya əsasında hazırlanan, habelə əllə idarə olunan əlilliyi olan şəxs üçün avtonəqliyyat vasitələrinin taksi minik avtomobilləri kimi istismarına yol verilməyəcək.
“Report” xəbər verir ki, bu, Nazirlər kabinetinin bu gün təsdiq etdiyi “Müntəzəm və taksi minik avtomobili ilə sərnişin daşımalarında istifadə olunan avtonəqliyyat vasitələrinin texniki göstəriciləri, daxili və xarici tərtibatına dair tələblər”də öz əksini tapıb.
Məlumata görə, taksi minik avtomobilləri ABS əyləc sistemi, salonu normal işıqlandırma sistemi, tam hava tənzimləyicisi (sərinlətmə və isitmə funksiyalı), sürücü və bütün sərnişinlər üçün təhlükəsizlik kəməri ilə təchiz edilməlidir.
Azərbaycanın milli təhlükəsizlik orqanlarının yaradılmasının 105-ci ili tamam olur.
Bu əlamətdar tarix Azərbaycan Xalq Cümhuriyyətində dövlət təhlükəsizliyinin təmin olunması məqsədilə 1919-cu il martın 28-də kəşfiyyat və əks-kəşfiyyat xidmətinin yaradılması ilə bağlıdır.
Artıq 27 ildir ki, ölkəmizin təhlükəsizlik orqanlarının əməkdaşları 28 mart tarixini peşə bayramı günü kimi qeyd edirlər. Xalqımızın ümummilli lideri Heydər Əliyevin 1997-ci il martın 23-də imzaladığı sərəncamla hər il martın 28-i Azərbaycan Respublikasının təhlükəsizlik orqanlarının əməkdaşları tərəfindən peşə bayramı kimi qeyd olunur.
Ölkəmizdə milli təhlükəsizlik orqanının tarixi 1919-cu il martın 28-də Azərbaycan Xalq Cümhuriyyətinin hərbi naziri Səməd bəy Mehmandarovun əmri ilə Hərbi Nazirliyin Baş Qərargahı nəzdində kəşfiyyat və əks-kəşfiyyat bölməsinin təşkil olunması ilə başlayıb. Qurumun ilk rəhbəri Məmmədbağır Şeyxzamanlı, sonra onun qardaşı Nağı Şeyxzamanlı təyin edilib. Sovet dövründə qurum əvvəlcə Fövqəladə Komissiya (ÇK) adlanıb, bir müddət Daxili İşlər Xalq Komissarlığının (NKVD) tərkibində fəaliyyət göstərib, sonra Dövlət Təhlükəsizlik Komitəsi təşkil olunub. Yetmiş illik sovet hakimiyyəti dövründə respublikamızda fəaliyyət göstərən dövlət təhlükəsizliyi orqanının vəzifəsi, əsasən, mövcud quruluşu qorumaq, ideologiyaya zidd düşüncə tərzinin yayılmasının qarşısını almaq olub.
Uzun müddət bu xüsusi xidmət orqanında milli kadrların yüksək vəzifə tutmasına imkan verilməyib. Yalnız gənc yaşlarından özünün yüksək intellekti, təşkilatçılıq və idarəçilik bacarığı, fitri kəşfiyyatçı istedadı ilə böyük nüfuz və etimad qazanan ulu öndər Heydər Əliyev Azərbaycanın dövlət təhlükəsizliyi orqanında rəhbər vəzifələr tutduqdan sonra şəxsi heyətdə yerli və milli kadrların sayının artırılması, onların irəli çəkilməsi, eyni zamanda, azərbaycançılıq ruhunda tərbiyəsi mümkün olub. Ümummilli lider Heydər Əliyevin 1967-ci ildə Dövlət Təhlükəsizlik Komitəsinin sədri təyin edilməsi ilə Azərbaycanın təhlükəsizlik orqanlarının tarixində tamamilə yeni mərhələ başlanıb. Mənalı və şərəfli ömrünün 25 ilini milli təhlükəsizlik orqanlarında xidmətə həsr edən ümummilli lider o illər ərzində təhlükəsizlik sistemində əsaslı dönüş yaradıb, milliləşdirmə siyasətinin əsasını qoyub və bu məqsədə nail olub. Ulu öndərin əsasını qoyduğu bu siyasət müstəqil Azərbaycanda dünya tərəfindən qəbul edilən və təqdir olunan sabitliyin bərqərar olmasında müstəsna rol oynayıb.
Ulu öndər Heydər Əliyev Azərbaycan təhlükəsizlik orqanlarındakı fəaliyyəti ərzində mühüm işlər görüb. Onun bilavasitə rəhbərliyi ilə uğurlu əməliyyatlar həyata keçirilib, bu orqanların milliləşdirilməsi istiqamətində gərgin səylər göstərilib. Dahi rəhbər xidmətdə hər zaman nizam-intizama, tabeliyindəki əməkdaşların göstərişləri dəqiq icra etməsinə xüsusi önəm verib. Heydər Əliyevin təhlükəsizlik təşkilatında əsasını qoyduğu peşəkarlıq məktəbi hazırda da layiqincə davam etdirilir. Xüsusi xidmət orqanlarının səmərəli fəaliyyəti üçün onun müəyyənləşdirdiyi meyarlar DTX-nin əməliyyat heyəti tərəfindən həmişə rəhbər tutulur.
Müasir Azərbaycanın banisi və qurucusu, Azərbaycan təhlükəsizlik orqanlarının fəxri rəhbəri Heydər Əliyev deyirdi: “Dövlətin təhlükəsizlik, yaxud kəşfiyyat orqanı o vaxt qalib gəlir, öz vəzifəsini layiqincə yerinə yetirir ki, orada peşəkar kadrlar və iş üslubu olsun”.
Bu sahədə ciddi keyfiyyət dəyişikliklərinin əldə olunması Prezident İlham Əliyevin də diqqət mərkəzindədir. Ölkədə güclü ordu quruculuğu siyasəti yürüdən dövlətimizin başçısının uğurlu islahatları sayəsində təhlükəsizlik orqanlarının fəaliyyəti yeni müstəviyə qalxıb. Təhlükəsizlik məsələsinə hər zaman kompleks və sistemli yanaşan Prezident İlham Əliyev bu sahədə struktur islahatlarının aparılmasını da diqqət mərkəzində saxlayır. Bu islahatların mühüm tərkib hissəsi kimi, Azərbaycan Prezidenti İlham Əliyevin 2015-ci il 14 dekabr tarixli Fərmanı ilə Milli Təhlükəsizlik Nazirliyinin ləğv olunaraq onun əsasında Dövlət Təhlükəsizliyi Xidmətinin və Xarici Kəşfiyyat Xidmətinin yaradılması, ilk növbədə, xüsusi xidmət orqanlarının fəaliyyətinin səmərəliliyini artırmağa, yeni dövrün tələblərinə uyğunlaşdırmağa və dövlət idarəetmə strukturunu təkmilləşdirməyə yönəlib. Bu islahatlar antiterror koalisiyasının fəal üzvlərindən olan Azərbaycanda sabitliyin təmin olunmasına, terrorçuluğa və qaçaqmalçılığa qarşı mübarizə tədbirlərinin daha da gücləndirilməsinə geniş imkanlar açıb. Təsadüfi deyil ki, son illərdə terrorçuluq fəaliyyəti ilə məşğul olan onlarla silahlı dəstə zərərsizləşdirilib, onların tərkibinə daxil olanlar cinayət məsuliyyətinə cəlb ediliblər. Bu dövrdə transmilli cinayətkarlıqla mübarizə sahəsində də ciddi uğurlar qazanılıb. Son illərdə ölkə ərazisindən tranzit daşınması planlaşdırılan tonlarla narkotik maddə aşkarlanaraq dövriyyədən çıxarılıb, kibertəhlükəsizliyin təmin olunması istiqamətində bir sıra uğurlu əməliyyatlar həyata keçirilib.
Ölkəmizdə təhlükəsizlik orqanlarına göstərilən yüksək diqqət və qayğı göstərir ki, təhlükəsizlik mühitinin formalaşması, ölkəmizin suverenliyi və ərazi bütövlüyünün qorunması, xalqımızın təhlükəsizliyinin daha etibarlı müdafiəsi Azərbaycan dövlətinin fəaliyyətinin mühüm tərkib hissəsidir.
Azərbaycanın təhlükəsizlik orqanları peşə bayramlarını artıq unudulmaz hisslərlə - Qələbə əhvali-ruhiyyəsi ilə qeyd edirlər. Vətən müharibəsində düşmənə sarsıdıcı zərbə vurulmasında və şanlı Zəfərin qazanılmasında, eləcə də işğaldan azad edilmiş ərazilərimizdə təhlükəsizliyin etibarlı şəkildə təmin olunmasında Azərbaycanın xüsusi xidmət orqanlarının özünəməxsus payı var. Müharibənin nəticələrinin təhlili və əldə olunan təcrübə milli təhlükəsizliyin etibarlı təminatı, Silahlı Qüvvələrimizin müdafiə qabiliyyətinin artırılmasında önəmli amil olub.
Müharibənin başa çatmasından sonra da milli təhlükəsizlik orqanları işğaldan azad olunan ərazilərdə xidməti fəaliyyətlərini uğurla davam etdirirlər. Prezident İlham Əliyevin “Azərbaycan Respublikasının işğaldan azad olunmuş ərazilərində müvəqqəti xüsusi idarəetmənin təşkili haqqında” 2020-ci il 29 oktyabr tarixli Fərmanına uyğun olaraq, qısa müddətdə Dövlət Təhlükəsizliyi Xidmətinin Cəbrayıl, Zəngilan, Füzuli, Qubadlı rayonlarında və Xocavənd rayonunun Hadrut qəsəbəsində yerli şöbələri xidmətə başlayıb. 2020-ci ilin dekabrında Azərbaycan Respublikası DTX-nin Şuşa rayon idarəsinin yeni inzibati binasının təntənəli açılışı və həmin mərasimin davamı olaraq, məşhur Cıdır düzündə DTX-nin Mədəniyyət mərkəzi tərəfindən 30 ildən sonra ilk dəfə möhtəşəm konsert proqramının təşkili təkcə xüsusi xidmət orqanlarının şəxsi heyətinə deyil, hər bir azərbaycanlıya unudulmaz hisslər bəxş edib.
2021-ci ilin martında DTX-nin Xətai və Suraxanı rayon idarələrinin yeni inzibati binalarının istifadəyə verilməsi, ərazi orqanları əməkdaşlarının əməliyyat-xidməti fəaliyyətlərini daha səmərəli və peşəkar təşkili üçün davamlı olaraq yaradılan yüksək şərait, eləcə də müasir maddi-texniki təminat və təchizat Prezident, Silahlı Qüvvələrin Ali Baş Komandanı İlham Əliyevin Azərbaycan təhlükəsizlik orqanlarına qayğısının növbəti təzahürü olub.
Vətən müharibəsi zamanı, həm də müharibədən sonrakı dövrdə məkrli qüvvələr tərəfindən respublikamızın informasiya təhlükəsizliyinə yönələn təhdidlərin və kiberhücumların qarşısının alınması, savaş dövründə hərbi obyektlərimizin xüsusi rabitə avadanlıqları ilə təminatı, radiostansiyaların işinin səmərəli təşkili üçün digər qurumlarla birgə lazımi tədbirlər görülüb. Eyni zamanda, son zamanlar İran xüsusi xidmət orqanlarının Azərbaycana qarşı aktiv şəkildə həyata keçirdiyi kəşfiyyat-pozuculuq fəaliyyəti ilə mübarizə istiqamətdə kəsərli tədbirlər görülür.
DTX-nin əməkdaşlarının 44 günlük Vətən müharibəsində tarixi Qələbənin qazanılmasına verdikləri töhfələrə həsr edilmiş “Görünməyən qəhrəmanlar” adlı sənədli film çəkilib. Azərbaycan təhlükəsizlik orqanlarının 100 illik tarixindən bəhs edən “Azərbaycan təhlükəsizlik orqanları - 100 il. Təhlükəsizlik tariximizin səhifələrindən (1919-2019)” adlı kitab işıq üzü görüb.
Bu gün peşə bayramlarını böyük ruh yüksəkliyi ilə qeyd edən Azərbaycan dövlət təhlükəsizliyi və xüsusi xidmət orqanlarının əməkdaşları peşəkarlıqla, müasir iş üslubu ilə çalışaraq xalqımızı və müstəqil dövlətimizi xarici qəsdlərdən və düşmən qüvvələrin təxribatlarından qətiyyətlə qoruyurlar. Eləcə də milli təhlükəsizliyin təmin edilməsində, xarici xüsusi xidmət orqanlarının kəşfiyyat-pozuculuq fəaliyyətinin qarşısının alınmasında, beynəlxalq terrorçuluğa, transmilli mütəşəkkil cinayətkarlığa, dini ekstremizmə qarşı mübarizədə xalqımıza və dövlətçiliyimizə sədaqət və əsl vətənpərvərlik nümunələri göstərirlər.
