BizimAz.az - Gündəm

Putin hər saatbaşı hərbçilərdən hesabat alır

15:27 21.04.2022 | Baxış sayı: 4223

“Rusiya Prezidenti Vladimir Putin hər saatbaşı Ukraynadakı xüsusi əməliyyatın gedişi ilə bağlı hərbçilərdən hesabat qəbul edir”.

Bunu Rusiya Prezidentinin mətbuat katibi Dmitri Peskov deyib.

Peskov, həmçinin qeyd edib ki, Ukraynadakı xüsusi əməliyyat plan üzrə gedir.

Maska qadağasının ləğvi ilə bağlı təkliflər Operativ Qərargaha göndərilib

15:16 21.04.2022 | Baxış sayı: 3914

“Azərbaycanda karantin rejimi ilə bağlı hazırda qüvvədə olan məhdudiyyətlərin ləğvi ilə bağlı təkliflər Nazirlər Kabineti yanında Operativ Qərargaha göndərilib”.

Bunu TƏBİB-in sədri vəzifəsini icra edən Vüqar Qurbanov jurnalistlərə açıqlamasında bildirib.

Onun sözlərinə görə, nəticələr yaxın müddətdə ictimaiyyətə açıqlanacaq.

İlham Əliyev azad olunmuş ərazilərdə

15:12 21.04.2022 | Baxış sayı: 4944

Azərbaycan Respublikasının Prezidenti İlham Əliyev aprelin 21-də Füzuli rayonunda Köndələnçay su anbarlarında aparılacaq təmir-bərpa işləri, Şuşa rayonunun Daşaltı kəndində Əhmədbəyli-Füzuli-Şuşa avtomobil yolunun və bu yolun üzərindəki tunellərin inşası, Şuşa şəhərində inzibati binanın əsaslı təmiri və konfrans zalının tikintisi ilə tanış olub.

Bununla bağlı AZƏRTAC məlumat yayıb.

Vahid Ələkbərov “Lukoyl”un rəhbərliyindən getdi

15:08 21.04.2022 | Baxış sayı: 4635

Azərbaycan əsilli iş adamı Vahid Ələkbərov “Lukoyl”un Direktorlar Şurasını və şirkətin rəhbəri vəzifəsini tərk edib.

Ardını oxu...

Kamaləddin Qafarov: “Azərbaycan-Gürcüstan münasibətləri yüksələn xətlə inkişaf edir”

10:25 21.04.2022 | Baxış sayı: 5768

Azərbaycan-Gürcüstan münasibətləri tarix boyu hər iki ölkə üçün daima strateji əhəmiyyət kəsb edib. Əlbəttə ki, ilk növbədə bu münasibətləri Azərbaycan və Gürcü xalqlarının milli maraqları şərtləndirir. Təqdirəlayiq haldır ki, iki qonşu dövlət arasında olan siyasi münasibətlər həm də çoxsaylı iqtisadi layihələrlə dəstəklənir. Diqqət edirsinizsə, Azərbaycanın həyata keçirdiyi bütün enerji və nəqliyyat kommunikasiya layihələri Gürcüstan üzərindən realizə olunaraq Qərbə istiqamətlənir. Azərbaycan şirkətləri qonşu ölkəyə ciddi sərmayə yatıran şirkətlər sırasında olmaqla həm də bu ölkədə ən böyük vergi ödəyiciləridirlər.
Bu sözləri aprel ayının 19-da Azərbaycan parlamenti nümayəndə heyətinin Gürcüstana rəsmi səfərini şərh edərkən mətbuata verdiyi açıqlamasında Milli Məclisin deputatı Kamaləddin Qafarov deyib. Millət vəkili bildirib ki, Azərbaycan və Gürcüstan parlamentlərarası dostluq qruplarının görüşü yüksək səviyyədə baş tutub: “Milli Məclisin sədri Sahibə Qafarovanın başçılığı ilə Azərbaycan parlamenti nümayəndə heyətinin Gürcüstana rəsmi səfəri gözlənildiyi kimi, səmimi şəraitdə keçdi. Səfər çərçivəsində iki ölkənin parlamentlərarası əlaqələr üzrə dostluq qrupları üzvlərinin görüşü də baş tutdu. İlk növbədə Gürcüstan Parlamentinin sədr müavini, Azərbaycanla parlamentlərarası dostluq qrupunun rəhbəri Arçil Talakvadze bizi ölkəsində salamlayaraq, belə görüşlərin keçirilməsinin əlaqələrin möhkəmləndirilməsi baxımından vacibliyini qeyd etdi. O, iki ölkə arasında dostluq, qardaşlıq münasibətlərinin olduğunu deyərək, xalqlarımızın tarix boyu mehriban əlaqələrindən bəhs etdi. Demək lazımdır ki, həqiqətən də istər iqtisadi, istərsə də mədəni-humanitar sahədə iki ölkə arasında münasibətlər tarixi baxımdan bu gün də kifayət qədər sıx və əlaqəlidir. Turizmdən başlamış digər bütün mədəni mübadilələrə qədər ən müxtəlif sahələrdə qarşılıqlı münasibətlər sistemi mövcuddur. İki qonşu ölkə istər beynəlxalq təşkilatlarda, istərsə də regional təşkilatlarda daima bir-birilərini dəstəkləyiblər. İkitərəfli və üçtərəfli diplomatik formatda yeni regional əməkdaşlıq platforması yaratmağa nail olublar”, - deyə K.Qafarov bildirib.
Daha sonra Milli Məclisin deputatı qeyd edib ki, ölkələrimiz arasınada münasibətləri tənzimləyən vacib məqamlardan biri də Azərbaycan və Gürcüstanın qarşılıqlı olaraq bir-birilərinin ərazi bütövlüyünü qeyd-şərtsiz tanımalarıdır: “Hazırda Gürcüstan regionda Azərbaycanın ən yaxın müttəfiqlərindən biridir. Hər iki ölkədə baş verən proseslər, geosiyasi maraqların üst-üstə düşməsi və digər amillər əməkdaşlıq münasibətlərinin daha da yaxşılaşdırılmasına təkan verir. Ölkələrarası diplomatik münasibətlər qurulandan sonra istər regional, istərsə də qlobal məsələlərdə bu iki dövlət həmişə eyni mövqedən çıxış ediblər. Münasibətlərdə ən əsas məqamlardan biri də budur ki, Azərbaycan və Gürcüstan hər zaman qarşılıqlı şəkildə bir-birilərinin ərazi bütövlüyünü qeyd-şərtsiz dəstəkləyiblər. Təsadüfi deyil ki, 2020-ci ilin sentyabr-noyabr aylarında da Azərbaycanın öz ərazi bütövlüyünü bərpa etmək istiqamətində atdığı addımları ilk dəstəkləyən dövlətlərdən biri də Gürcüstan olmuşdu. Qonşu ölkə qətiyyət nümayiş etdirərək işğalçı Ermənistana silah daşıyan dövlətlərə hava və quru nəqliyyat koridorunu bağlamışdı ki, bu da əsl dostluq və səmimi qonşuluq mövqeyinin nümayişi idi. Məhz bu güclü amil belə deməyə əsas verir ki, iki qonşu ölkə arasında münasibətlər bundan sonra da bütün sahələr üzrə inkişaf edəcək və hər iki xalqın maraqlarının təmin olunması üçün daha yaxşı perspektivlər yaranacaq. Təsadüfi deyil ki, bu gün Gürcüstandan iki ixrac neft kəməri və iki ixrac qaz kəmərimiz keçir. Gürcüstanla Azərbaycanı, hər şeydən əvvəl, Bakı-Supsa, Bakı-Tbilisi-Ceyhan, Bakı-Tbilisi-Ərzurum və TRASECA kimi qlobal enerji, nəqliyyat-kommunikasiya layihələri birləşdirir. Həmin layihələr hər iki ölkəni bir-birinə strateji cəhətdən bağlayır. Perspektivdə Şərqdən-Qərbə yükdaşımalarda Azərbaycanın əhəmiyyətli paya sahib olmasını təmin edəcək Bakı-Tbilisi-Qars dəmir yolu xətti qonşu ölkədən keçir. Bunu da nəzərə almaq lazımdır ki, pandemiyadan əvvəlki dövrdə Gürcüstana gələn turistlərin arasında Azərbaycanlılar əhəmiyyətli paya sahib olublar”.
Sonda Kamaləddin Qafarov bunu da bildirib ki, görüş zamanı parlamentlərarası əlaqələr üzrə dostluq qrupları arasında əməkdaşlığın intensivləşdirilməsinin vacibliyi, qanunverici orqanlar arasında münasibətlərin bundan sonra daha da inkişaf etdirilməsinin zəruriliyi qeyd edilib: “Milli Məclisin Gürcüstanla parlamentlərarası əlaqələr üzrə işçi qrupunun rəhbəri Arzu Nağıyev də qeyd edib ki, hər iki ölkənin qanunverici orqanları dövlətlərarası münasibətlərin inkişafında mühüm rol oynayır. Azərbaycan və Gürcüstan parlamentlərində fəaliyyət göstərən dostluq qrupları arasında mütəmadi əlaqələrin qurulması qanun yaradıcılığı sahəsində təcrübə və informasiya mübadiləsi baxımından da çox önəmlidir. Ümid edirəm ki, postpandemiya dövründə nümayəndə heyətlərinin qarşılıqlı səfərləri əlaqələrimizin daha da güclənməsinə təkan verəcək”, - deyə Kamaləddin Qafarov öz fikirlərini tamamlayıb.

Kamaləddin Qafarov: “Ulu Öndər dilimizin qorunmasına böyük önəm verirdi”

10:10 20.04.2022 | Baxış sayı: 5459

“Azərbaycan xalqının ümummilli lideri Heydər Əliyevin ana dilimizin yad təsirlərdən qorunması, inkişaf etdirilməsi, saflaşması və dövlət dili səviyyəsinə yüksəlməsi istiqamətində gördüyü işlər birmənalı olaraq Ulu Öndərin Azərbaycan qarşısında olan misilsiz xidmətlərindəndir. Ümummilli lider deyirdi: “Dilimiz çox zəngin və ahəngdar dildir, dərin tarixi köklərə malikdir. Şəxsən mən öz ana dilimi çox sevir və bu dildə danışmağımla fəxr edirəm”. Həqiqətən də Ulu Öndər bütün çətinliklərə sinə gərərək keçmiş SSRİ-də ögey münasibət bəslənilən, sıxışdırılan Azərbaycan dilini bütünlüklə unudulmaq və məhv olmaq təhlükəsindən xilas etdi. Məhz ümummilli liderimizin zəngin təcrübəsi, yüksək intellekti, milli mədəniyyətimizə və mənəviyyatımıza dərindən bələd olması və bağlılığı sayəsində 60-cı illərin sonlarından başlayaraq həyata keçirilən dil siyasəti doğma dilimizin günbəgün saflaşmasına, zənginləşməsinə və inkişaf etməsinə şərait yaratdı”.

Bu sözləri mətbuata verdiyi açıqlamasında Azərbaycan Respublikası Milli Məclisinin deputatı Kamaləddin Qafarov deyib.

Miliət vəkili bildirib ki,Ulu Öndərin həyata keçirdiyi dil siyasəti ümummilli liderin bütün dövrlərdə inamla yürütdüyü dövlət quruculuğu siyasətinin tərkib hissəsi olub: “Ulu Öndər Heydər Əliyev Azərbaycan respublikasının rəhbəri olduğu ilk illərdən ana dilinin sosial-siyasi, ideoloji problemləri ilə bilavasitə məşğul olub. Tarix üçün o qədər də böyük olmayan, təxminən onillik bir müddətdə görkəmli dövlət xadimi həqiqətən tarixi əhəmiyyət kəsb edən vacib məsələlərin həllinə nail olub. İlk növbədə məhz Heydər Əliyevin səyləri nəticəsində Azərbaycan dili artıq sovet dönəmində dövlət dili statusu Azərbaycan SSR-in Konstitusiyasında və digər müvafiq qanunlarında öz əksini tapıb. Bununla da Moskvanın kəskin etirazlarına baxmayaraq, respublikamızda rus dili ilə yanaşı, Azərbaycan dilinin də rəsmiliyi təmin edilib. Həmçinin Ulu Öndərin səyləri ilə həmin dövrdə respublikada Azərbaycandilli təhsilin və maarifin inkişafına xüsusi qayğı göstərilib, bir sıra digər respublikalarda fərqli olaraq, Azərbaycanda gəncliyin ana dilində təhsilinə üstünlük verilib. Azərbaycan dilində mətbuatın, elm və mədəniyyətin tərəqqisi üçün mühüm tədbirlər həyata keçirilib, Azərbaycanın böyük yazıçıları öz əsərlərini, demək olar ki, yalnız ana dilində yazırdılar. Həmçinin qeyd olunmalıdır ki, məhz Ulu Öndər Heydər Əliyevin respublikaya rəhbərlik etdiyi illərdə Azərbaycan dilinin tarixi o zamana qədər görünməmiş dəqiqlik və ardıcıllıqla araşdırılıb, elmi-maarifləndirici kitablar, dərsliklər nəşr olunub, ana dilini araşdıran alimlərin əməyi yüksək qiymətləndirilməklə, Azərbaycan dilinin nüfuzu bir daha təsdiq edilib. Nəhayət ən əsası, ümummilli liderimiz bütün rəsmi və qeyri-rəsmi tədbirlərdə Azərbaycan dilində danışmaqdan çəkinməyərək, ana dilimizə verdiyi yüksək dəyəri vurğulayıb, dilimizin ictimai-siyasi mövqeyinin yüksəlməsinə zəmin yaradıb. Birmənalı olaraq demək lazımdır ki, bu gün Azərbaycan dilinin hərtərəfli inkişafı, onun beynəlxalq münasibətlər sisteminə - diplomatiya aləminə yol açması, yüksək nüfuz qazanması və dünyanın mötəbər kürsülərindən eşidilməsi Ulu Öndər Heydər Əliyevin yorulmaq bilməyən fəaliyyətinin və yürütdüyü müdrik, uzaqgörən dil siyasətinin məntiqi nəticəsidir”, - deyə K.Qafarov qeyd edib.

Millət vəkili bu məqamı da vurğulayıb ki, Ulu Öndər müstəqillik illərində imzaladığı bir sıra mühüm sənədlərlə Azərbaycan dilinin inkişafını və qorunmasını təmin edib: “Azərbaycan öz müstəqilliyini bərpa etdikdən sonra dil məsələsi yenidən gündəmə gəldi. Ümummilli Lider Heydər Əliyevin şəxsi təşəbbüsü ilə 31 oktyabr -11 noyabr 1995-ci il tarixləri arasında dövlət dili məsələsi Milli Məclisdə müzakirə olundu və yekdilliklə müstəqil Azərbaycan Respublikasının dövlət dili Azərbaycan dili qəbul edildi. Beləliklə, 12 noyabr 1995-ci ildə qəbul olunan Azərbaycan Respublikasının yeni Konstitusiyasının 21-ci maddəsi Azərbaycan dilini Azərbaycan Respublikasının dövlət dili elan etdi. Bütün bunlarla yanaşı, Ümummilli Lider doğma dilimizi daha yüksək zirvələrə qaldırmaq məqsədilə bir sıra zəruri tədbirlər həyata keçirdi. Ulu Öndər Heydər Əliyevin imzaladığı “Azərbaycan dilinin tətbiqi işinin təkmilləşdirilməsi haqqında” 18 iyun 2001-ci il tarixli və “Azərbaycan əlifbası və Azərbaycan dili gününün təsis edilməsi haqqında” 2001-ci il 9 avqust tarixli fərmanları bu baxımdan xüsusi əhəmiyyət kəsb edir. Belə ki, bu fərmanlardan irəli gələn tələblərə uyğun olaraq ölkə ərazisində yaşayan hər kəs, bütün Azərbaycan vətəndaşları doğma dilimizi öyrənməli, bütün dövlət sənədləri bu dildə aparılmalıdır. Bundan başqa, 2 yanvar 2003-cü ildə “Azərbaycan Respublikasında dövlət dili haqqında” Azərbaycan Respublikası Qanunu”nun qəbul edilməsi dilimizin inkişaf etdirilməsi istiqamətində Ümummilli Liderin atdığı mühüm tarixi addımlardan biri oldu. Beləliklə, Ulu Öndər Azərbaycan dilinin qorunması və inkişaf etdirilməsi kimi tarixi missiyasını da bütünlüklə həyata keçirmiş oldu”, - deyə Kamaləddin Qafarov öz fikirlərini tamamlayıb.

AİA.Az

Gədəbəy rayonunda şəhid Rzayev Əli Rəsul oğlunun məzarı ziyarət olunub - FOTOLAR

17:06 14.04.2022 | Baxış sayı: 8755

AİA.Az xəbər verir ki ,bu gün- 14.04.2022-ci il tarixdə YAP Gədəbəy rayon Təşkilatının sədri Rüstəm Nağıyev, Gədəbəy RİH başçısının Vətən müharibəsi iştirakçıları və şəhid ailələri ilə işin təşkili şöbəsinin müdiri Elçin Zeynalabdiyev, Gədəbəy rayon Ağsaqqallar şurasının sədri Kərəm Məmmədov, Gədəbəy rayon Cümə məscidinin imamı Rövşən Mustafayev eləcə də rayon ictimaiyyəti və kənd sakinlərinin iştirakı ilə 44 günlük vətən müharibəsində vətənimizin müdafiəsi uğurunda öz canından keçən Şəhidimiz- rayonun Novosaratovka kənd sakini Rzayev Əli Rəsul oğlunun doğum günü münasibətilə məzarı ziyarət olundu, məzarına tər güllər düzdülər. Ailələri ilə söhbətlər aparılıb onların qayğı və problemləri dinlənildi.

Allahdan bütün Şəhidlərimizə rəhmət diləyir, onları dərin ehtiramla anır, ruhları qarşısında baş əyirik

Kamaləddin Qafarov: “Azərbaycanın xarici siyasəti bölgədə müharibə risklərinin azalmasına xidmət edir” :

11:51 14.04.2022 | Baxış sayı: 4326

“Azərbaycan istər postmünaqişə dövrünün birinci ilində, istərsə də cari ilin ilk üç ayı ərzində ölkə qarşısında duran bütün vəzifələri uğurla icra etmiş, bütün sahələrdə yüksək nəticələr qazanmışdır. 2021-ci il məhz müharibədən sonra keçən birinci il kimi ölkəmiz və xalqımız üçün böyük əhəmiyyət kəsb etmişdir. Keçən il Azərbaycan eyni zamanda iki böyük məsələnin həllinə nail olmuşdur. Bu vəzifələrdən biri işğaldan azad edilmiş torpaqlarımızda bərpa işlərinə start vermək, digəri isə bu proseslərə paralel olaraq Azərbaycanın Cənubi Qafqazda yaratdığı yeni reallıqları beynəlxalq müstəvidə planlı şəkildə qəbul etdirmək idi. Artıq bu gün hər iki istiqamət üzrə əldə edilmiş nəticələr göz qabağındadır”.

Bu sözləri mətbuata verdiyi açıqlamasında Azərbaycan Respublikası Milli Məclisinin deputatı Kamaləddin Qafarov deyib.

Millət vəkilinin fikrincə, cari ilin ilk üç ayı ərzində Azərbaycanda müşahidə olunan dinamik inkişaf ötən il ölkəmizdə gedən proseslərin məntiqi davamıdır: “Postmüharibə dövründə Azərbaycanın əldə etdiyi nailiyyətlərdən danışarkən, ölkəmizin beynəlxalq təşkilatlarla təmasları və fəal əməkdaşlığı xüsusi qeyd olunmalıdır. Prezident İlham Əliyev aprelin 12-də keçirilmiş və bu ilin birinci rübünün yekunlarına həsr olunan müşavirədə etdiyi çıxışında bu məsələyə xüsusi diqqət yetirərək bildirib ki, dünyanın aparıcı beynəlxalq təşkilatları tərəfindən yeni reallıqların qəbul edilməsi Azərbaycanın böyük uğurudur. Bu baxımdan bir müddət əvvəl BMT xətti ilə Şuşa şəhərində Azərbaycanın BMT-yə üzvlüyünün 30 illiyinə həsr edilmiş beynəlxalq tədbirin keçirilməsi çox əlamətdar hadisə idi. BMT Azərbaycanın ərazi bütövlüyünü qeyd-şərtsiz tanıyır. Ölkəmiz BMT-yə üzv olandan sonra işğal dövründə BMT və qurumun Təhlükəsizlik Şurası Azrbaycanın xeyrinə bir neçə ədalətli qərar qəbul etmişlər. Lakin bu qərarlar 30 ilə yaxın bir müddətdə kağız üzərində qaldı. Nəhayət, Azərbaycan Qarabağ münaqişəsini öz gücünə, birtərəfli qaydada həll etdikdən sonra BMT-nin də üzərindən böyük bir məsuliyyət götürüldü. Yeri gəlmişkən, Şuşada keçirilən bu tədbirin önəmini vurğulayan maraqlı məqamlardan biri də bu beynəlxalq tədbirin Ermənistanda kütləvi isterikaya səbəb olması idi. Dövlət başçısının qeyd etdiyi kimi, postmüharibə dövründə

Azərbaycanın Avropa İttifaqı ilə təmasları daha intensiv xarakter almışdır. Aİ birmənalı olaraq postmünaqişə dövrünün reallıqlarını qəbul edib. Bunun nəticəsi olaraq Avropa İttifaqı Şurasının Prezidenti Şarl Mişelin təşəbbüsü ilə dekabr və aprel aylarında üçtərəfli görüşlər keçirilib. Bu görüşlərin nəticəsi olaraq qəbul olunmuş yekun sənəddə “Dağlıq Qarabağ” adı və “münaqişə” sözü yoxdur. Çünki Azərbaycan birmənalı olaraq bəyan edib ki, münaqişə artıq həll olunub və Azərbaycan ərazisində “Dağlıq Qarabağ” adlı inzibati ərazi vahidi mövcud deyil. Bu gün artıq inamla demək olar ki, Avropa İttifaqı Azərbaycan-Ermənistan əlaqələrinin normallaşması ilə yaxından məşğuldur və həqiqətən də bu normallaşmada maraqlıdır.Bu normallaşmaya doğru ilk addımın atılması üçün Azərbaycan 5 prinsipdən ibarət təklif vermişdir və Ermənistan tərəfi də bu təklifə müsbət yanaşmışdır. Beləliklə, Azərbaycanın ərazi bütövlüyü qəbul edilir və Ermənistan Azərbaycana qarşı ərazi iddiasından əl çəkir. Bu, çox müsbət haldır və Cənubi Qafqazda davamlı sülhün və stabilliyin bərqərar olması üçün vacib şərtdir.”

Millət vəkili qeyd edib ki, Azərbaycan müəllifi olduğu yeni regional reallıqların yaratdığı imkanlardan bütün bölgə ölkələrinin yararlanmalarının tərəfdarıdır: “Azərbaycanın təkcə özünün deyil, həmçinin bütün bölgənin gələcək inkişafına dair son dərəcə aydın təsəvvürləri və real planları var. Dövlət başçımızın da qeyd etdiyi kimi, Azərbaycan öz məqsədlərinə çatmaq üçün bundan sonra da bütün imkanlardan istifadə edəcək. Bu məqsədlər isə Cənubi Qafqazda sülhün və əmin-amanlığın bərqərar olmasına, müharibə risklərinin böyük dərəcədə azalmasına xidmət edir. Lakin Azərbaycan sülh uğrunda çalışmalarına rəğmən işğalı, işğal dövründə qarşılaşdığı erməni vəhşiliyini də heç zaman unutmamalıdır. Azərbaycan Prezidentinin öz çıxışında toxunduğu uncə bir məqamı xüsusi olaraq vurğulamaq lazımdır. Prezidentimiz dedi ki, bu gün Azərbaycan güclü, Ermənistan isə zəif tərəfdir. Ermənistanın bütün davranışı da məhz bu amillərə söykənir. Həqiqətən də əgər biz bir xalq olaraq 1990-cı illərin əvvəllərində Ermənistan tərəfindən bizə qarşı aparılmış etnik təmizləmə və işğal siyasətini, Xocalı soyqırımını, digər qətliamları unutsaq, tarix bunu bizə bağışlamaz. Azərbaycan 30 il ərzində tam siyasi və iqtisadi müstəqilliyə nail oldu. Bu müstəqillik bizə 44 günlük Vətən müharibəsində qalib gəlmək və gələcək ordu quruculuğunu da öz gücümüzə əsaslanaraq aparmaq imkanı verib. Azərbaycan postmüharibə dövründə də yeni, müasir silahları, texnikaları almaqda davam edir. Müharibədən sonra yeni qoşun növü – Komando növü yaradılmışdır və Hadrutda birinci Komando hərbi bazasının açılışında Prezident İlham Əliyev şəxsən iştirak etmişdir. Həmçinin İkinci Qarabağ müharibəsində xüsusi qəhrəmanlıq göstərmiş Xüsusi Təyinatlı Qüvvələrin şəxsi heyətinin sayı artırılır və bu proses indi də davam edir. Azərbaycan bütün Cənubi Qafqazda sülhün və sabitliyin əsas qarantıdır”

AİA.Az

Rusiya MN-dən xəbərdarlıq: Təxribat davam edərsə, Kiyevi vuracağıq

09:46 14.04.2022 | Baxış sayı: 3708

Rusiya Silahlı Qüvvələri Kiyevə zərbə endirə biləcəyini açıqlayıb.

Bu barədə Rusiya Müdafiə Nazirliyinin məlumatında bildirilib.

"Biz Ukrayna qoşunlarının təxribat cəhdlərini və Rusiya ərazisindəki hədəflərə zərbələr endirdiyini görürük. Belə təxribat davam edərsə, Rusiya Silahlı Qüvvələri qərarqəbuletmə mərkəzlərinə, o cümlədən Kiyevdə Rusiya ordusunun indiyədək çəkindiyi mərkəzlərə zərbələr endirəcək”, - deyə Rusiya MN-dən bildirilib.

Toyuq əti bahalaşıb?

09:40 14.04.2022 | Baxış sayı: 5047

Azərbaycan Quş Əti, Yumurta İstehsalçıları və İxracatçıları Assosiasiyası da bahalaşmanın olduğunu təsdiqləyib. Qurumun rəhbəri Mürvət Həsənli bildirib ki, toyuq məhsullarının bahalaşması yalnız yemlə əlaqəli deyil.

Mürvət Həsənli onu da əlavə edib ki, yemin bahalaşması daha çox Rusiyanın Ukraynaya hərbi müdaxiləsi ilə əlaqədardır. Buna görə hər iki ölkə ixraca müəyyən məhdudiyyətlər qoyub. Hətta Argentina da soya satışına limit tətbiq edib.

86 -dən səhifə 676

Xəbər lenti