BizimAz.az - Gündəm

Pakistanın yeni baş naziri məlum oldu

16:29 11.04.2022 | Baxış sayı: 4635

Pakistanın yeni baş naziri məlum olub.

AZXEBER.COM xəbər verir ki, Şahbaz Şərif Pakistanın yeni Baş Naziri seçilib.

Şahbaz Şərif 23 sentyabr 1951-ci ildə Lahorda tacik ailəsində anadan olub. 1999-cu ildə hərbi çevrilişdən və general Pərviz Müşərrəfin hakimiyyətə gəlməsindən sonra Şahbaz qardaşı Nəvazla birlikdə Londona qaçıb.

Sürgündən qayıtdıqdan sonra Şahbaz Pakistan Müsəlman Liqası (N) partiyasına rəhbərlik edib.

Elman Rüstəmovun əzəvinə Taleh Kazımov gətirilir

16:17 11.04.2022 | Baxış sayı: 5253

Bu gün Milli Məclisin İqtisadi siyasət, sənaye və sahibkarlıq komitəsinin iclasında Elman Rüstəmovun Mərkəzi Bankın İdarə Heyətinin üzvlüyündən azad edilməsi, Taleh Kazımovun isə Mərkəzi Bankın İdarə Heyətinin üzvü vəzifəsinə təyin edilməsi haqqında Azərbaycan Respublikası Prezidentinin təqdimatları müzakirə edilib.

“Qafqazinfo” Report-a istinadən xəbər verir ki, hər iki təqdimata müsbət rəy verən İqtisadi siyasət, sənaye və sahibkarlıq komitəsi onları Milli Məclisin Plenar İclasında müzakirə üçün tövsiyə edib.

Qeyd edək ki, E.Rüstəmov hazırda Mərkəzi Bankın İdarə Heyətinin üzvü və sədridir. O, İdarə Heyətinin üzvlüyündən azad edilməklə həm də MB sədrliyindən də azad olunacaq. O, 1995-ci ildən Milli Bankın İdarə Heyətinin sədri vəzifəsini icra edir.

“Qafqazinfo” Elman Rüstəmovun yerinə təyin olunması gözlənilən Taleh Kazımovun bioqrafiyasını təqdim edir:

38 yaşlı Taleh Kazımov Bakı şəhərində anadan olub. Ali təhsilini 2000–2004-cü illərdə Azərbaycan Texniki Universitetinin "Avtomatika və kompüter mühəndisliyi" fakültəsində alıb. 2004–2006-cı illərdə isə Azərbaycan Dövlət Neft Akademiyasının ABŞ-ın "Georgia State University" ilə birgə proqramı çərçivəsində maliyyə ixtisası üzrə "Biznesin idarə edilməsi (MBA)" magistr dərəcəsinə yiyələnib. Bundan əlavə, Taleh Kazımov 2012-ci ildə "London Biznes Məktəbi"nin (Böyük Britaniya) və 2014-cü ildə "Harvard Biznes Məktəbi"nin (ABŞ) yüksək ixtisas proqramlarını ("Senior Executive Programme") müvəffəqiyyətlə bitirib.

Taleh Kazımov ənənəvi və rəqəmsal bankçılıq sahəsində kommersiya və investisiya bankçılığı, kredit və risklərin idarə olunması üzrə geniş təcrübəyə malikdir.

O, karyerasını qurmağa gənc yaşlarında başlayıb və təhsil aldığı dövrdə "ATTAS PR", "European Tobacco" şirkətlərində ofis köməkçisi və İnformasiya texnologiyaları üzrə operator kimi işləyib. Maliyyə sektorunda peşəkar fəaliyyətə isə 2004-cü ildən başlayıb. Belə ki, 2004-dən 2006-cı ilədək davam edən dövrdə Taleh Kazımov "Bank Standard" QSC-də müxtəlif vəzifələrdə, o cümlədən Maliyyə və mühasibat uçotu idarəsinin Xəzinədarlıq və fondlar şöbəsində mütəxəssis, Maliyyə nəzarəti departamentinin İdarəetmə və büdcə planlaşması şöbəsində, daha sonra isə Kredit siyasəti departamentinin Korporativ müştərilərin kreditləşmə şöbəsində aparıcı mütəxəssis vəzifələrində işləyib.

Taleh Kazımovun "PAŞA Bank"da fəaliyyəti 2007-ci ilin iyulundan başlayıb. Həmin dövrdə o, Risklərin idarəedilməsi departamentinin meneceri vəzifəsində işləyib, daha sonra Bankın Xəzinədarlıq və pul bazarı departamentinin direktoru vəzifəsini tutub.

2011-ci ilin dekabrından Taleh Kazımov "PAŞA Bank"ın İdarə heyətinin üzvü seçilib, 4 il sonra isə Taleh Kazımov "PAŞA Bank"ın İdarə heyətinin sədri və Baş icraçı direktoru vəzifəsinə təyin olunub və hazırda həmin vəzifələri icra etməkdədir.

Ailəlidir, iki övladı var.

"Sülh danışıqlarına qədər müharibəni dayandırmayacağıq" - Lavrov

16:09 11.04.2022 | Baxış sayı: 4635

Rusiya ilə Ukrayna arasında müharibənin 6-cı həftədə davam etdiyi bir vaxtda Rusiya xarici işlər naziri Sergey Lavrov açıqlama yayıb.

O, sülh danışıqlarına qədər müharibəni dayandırmayacaqlarını vurğulayıb.

"Moskva növbəti sülh danışıqlarına qədər hərbi əməliyyatı dayandırmayacaq", - Lavrov bildirib.

Fransada prezident seçkilərində son nəticələr AÇIQLANDI

09:53 11.04.2022 | Baxış sayı: 4429

Fransada prezident seçkilərində protokolların 97 faizinin hesablanmasından sonra ölkənin hazırkı prezidenti Emmanuel Makron 27,6 faiz səs toplayaraq liderliyini qoruyub saxlayır.

Sağçı “Milli Birlik” partiyasının rəhbəri Marin Le Pen ikinci yerdə (23,41 faiz), solçu “Əyilməz Fransa” partiyasının rəhbəri Jan-Lük Melanşon üçüncü yerdədir (21,95 faiz).

Fransanın metropoliten bölgəsində artıq ikinci tura da namizəd olmayan Melanşon birinci (30,24 faiz), Makron ikinci (30,19 faiz) və Le Pen isə üçüncü yeri (12,97 faiz səs) tutub.

Parisin özündə isə vəziyyət fərqlidir: Fransa paytaxtında Makron 35,33 faiz, Melanşon 30,09 faiz, Zemmur isə 8,16 faiz səs toplayıb. Marin Le Pen 5,54 faiz səslə altıncı yerdə qərarlaşıb.

Fransada prezident seçkilərinin ikinci turu aprelin 24-də keçiriləcək.

Mənbə: RİA Novosti

Ermənistan Azərbaycanın beş təklifini qəbul edib

09:12 11.04.2022 | Baxış sayı: 4017

Ermənistan dövlətlərarası münasibətlərin qurulması üçün Azərbaycanın təqdim etdiyi beş prinsipi qəbul edib.

Bu barədə Prezident İlham Əliyev aprelin 9-da Rusiya Prezidenti Vladimir Putinlə telefon danışığı zamanı bildirib.

Söhbət əsnasında Ermənistan və Azərbaycan arasında postmünaqişə dövründə münasibətlərin normallaşdırılması məsələlərinə və aprelin 6-da Brüsseldə keçirilmiş görüşə dair fikir mübadiləsi aparılıb.

Prezident İlham Əliyev Azərbaycanın Ermənistanla dövlətlərarası münasibətlərin qurulması üçün beş prinsipdən ibarət təqdim etdiyi sənədi və Ermənistan tərəfinin bu prinsipləri qəbul etdiyini xatırladıb.

Mahir Emreli “Dinamo”da ilk qolunu vurdu

09:11 11.04.2022 | Baxış sayı: 5459

Xorvatiyanın “Dinamo” (Zaqreb) komandasında çıxış edən Azərbaycan yığmasının futbolçusu Mahir Emreli klubunda ilk qolunu vurub.

“Qafqazinfo” xəbər verir ki, o, Xorvatiya çempionatında “Riyeka” ilə oyunun 79-cu dəqiqəsində komandasının bərabərlik qoluna imza atıb.

Zelenski ilə Consona verilən hədiyyə simvola çevrildi

09:09 11.04.2022 | Baxış sayı: 3708

Böyük Britaniyanın Baş naziri Boris Conson Ukraynaya səfəri zamanı bu ölkənin Prezidenti Volodimir Zelenski ilə Kiyevi gəzib.

“Qafqazinfo” xəbər verir ki, liderlərin əllərində keramikadan hazırlanmış xoruz fiqurları ilə çəkilmiş şəkilləri qısa zamanda gündəm olub.

Foto barədə Ukraynanın Müdafiə Nazirliyi də sosial şəbəkə hesabında paylaşım edib.

“Ukraynanın dözümlülüyünün simvolu Kiyevdə gəzinti zamanı Lera Polyanskova tərəfindən Zelenski və Boris Consona təqdim edildi.

Prokip Bidasyukun xoruz şəklində eyni keramika küpü ruslar tərəfindən dağıdılmış Borodyankada möcüzəvi şəkildə salamat qalıb.

Xarabaların ortasında, yarım tonluq rus bombası ilə yarı dağıdılmış binanın divarında möcüzəvi şəkildə qablar olan bir şkaf var. Heç nə olmamış kimi, üstündə də keramika xoruzu... Bu foto Ukraynada geniş yayılıb: "O, salamat qalıbsa, bacararıq!", - paylaşımda deyilir.

Kamaləddin Qafarov: “2018-ci ilin Prezident seçkiləri ölkəmizin böyük zəfərlərinin əsasını qoydu”

10:26 10.04.2022 | Baxış sayı: 4738

“ 2018-ci il aprelin 11-də Azərbaycan xalqı növbəti dəfə də müdrik seçim edərək cənab İlham Əliyevi yenidən Ölkə Prezidenti seçdi. Ölkənin səsvermə hüququna malik olan vətəndaşlarının 74.3 % -nin iştirak etdiyi və müxtəlif partiyaları təmsil edən 8 namizədin qatıldığı şəffaf, azad, demokratik şəraitdə keçirilən seçkilərdə Yeni Azərbaycan Partiyasının Sədri cənab İlham Əliyev seçicilərin mütləq əksəriyyətinin – 86,03 faizinin səsini qazanaraq Azərbaycan Respublikasının Prezidenti seçildi. Andiçmə mərasimindəki çıxışında Prezident İlham Əliyev demişdir: “Biz gələcəyə baxmalıyıq və baxırıq. Növbəti illərdə görüləcək işlər haqqında bizim çox aydın təsəvvürümüz, planlarımız, proqramlarımız var... Ona görə mən əminəm ki, bütün Azərbaycan xalqı və biz hamımız gələcəyə çox böyük nikbinliklə baxırıq. Hamımızın amalı ondan ibarətdir ki, ölkəmiz daha da güclənsin, daha da qüdrətli dövlətə çevrilsin, Azərbaycan vətəndaşları daha da yaxşı yaşasınlar.” Azərbaycan xalqı 2003-cü ildən sonra ardıcıl olaraq üç dəfə məhz Heydər Əliyev siyasi kursuna öz dəstəyini verdi və yalnız İlham Əliyevi ölkə rəhbərliyində görmək istəyini birmənalı şəkildə ifadə etdi. 2018-ci ilin aprel ayının 11-də Prezident İlham Əliyevə xalq tərəfindən verilən dəstək həm də ölkəmizdə hər kəsin dövlətin apardığı siyasi kursu dəstəklədiyinin ən bariz göstəricisi oldu.”

Bu sözləri mətbuata verdiyi açıqlamasında Azərbaycan Respublikası Milli Məclisinin deputatı Kamaləddin Qafarov deyib.

Millət vəkili bildirib ki, 2018-ci ildə keçirilmiş seçkilər bir daha göstərdi ki, Azərbaycan xalqı ölkənin siyasi arenasında destruktiv mövqelərdə duran radikal və xain qüvvələri görmək istəmir: “Prezident İlham Əliyevin rəhbərliyi altında 2003-cü ildən bəri uğurla həyata keçirilən düşünülmüş balanslı xarici siyasət sayəsində 2018-ci ilədək artıq bir çox yüksək nəticələr əldə olunmuşdu. O cümlədən, Prezidentimizin Azərbaycanın BMT, Avropa Şurası, ATƏT, NATO və bütün digər nüfuzlu beynəlxalq təşkilatların yüksək tribunasından daha qətiyyətlə çıxış etməsi və bir çox məsələlərdə beynəlxalq aləmin onun rəyinə hörmətlə yanaşmasına nail olması üçün münbit şərait yaranmışdı. Ölkəmizin beynəlxalq nüfuzunun günbəgün artması Azərbaycan vətəndaşlarını da ürəkən sevindirirdi. Belə olan şəraitdə, mövcud hakimiyyətə qarşı radikal müxalif mövqelərdən çıxış edən qüvvələr xalqın dəstəyini ala bilməzdilər və almadılar. Seçkilərdə iştirak edən vətəndaşların mütləq əksəriyyətinin Prezident İlham Əliyevə səs verməsi, birmənalı olaraq xalqın bütün radikal qüvvələrə verdiyi “yox” cavabı idi. Azərbaycan xalqı 2018-ci ildə bir daha bəyan etdi ki, sözügedən qüvvələrin Azərbaycanın siyasi səhnəsində yeri yoxdur”.

Millət vəkili vurğulayıb ki, ölkəmizin müstəqil və uğurlu xarici siyasət yürütməsinə imkan yaradan əsas amillərdən biri də iqtisadi inkişafın davamlılığıdır: “Prezident İlham Əliyev öz çıxışlarında dəfələrlə belə bir fikri səsləndirib: “Ancaq iqtisadiyyatı güclü olan ölkələr müstəqil siyasət apara bilərlər”. Dövlətimizin başçısı məhz bu baza prinsipinə əsaslanaraq davamlı iqtisadi islahatların təşəbbüskarı kimi çıxış edir.

2003-2018-ci illər tariximizə möhtəşəm iqtisadi yüksəliş dövrü kimi daxil olmuşdur. Bu gün ölkəmizin xarici əməkdaşlıq istiqamətləri arasında enerji sahəsi xüsusi yer tutur və bu sahədə Prezident İlham Əliyevin rəhbərliyi ilə müstəqil siyasət yürüdən Azərbaycan öz təbii sərvətlərinin əsl sahibi olaraq beynəlxalq əməkdaşlıq əlaqələrini milli maraqlar və qarşılıqlı faydalılıq prinsipləri əsasında reallaşdırır. Azərbaycan istər regional, istərsə də beynəlxalq səviyyədə ölkələrarası əməkdaşlıq və təhlükəsizlik məsələlərinə mühüm töhfələr verir. 2003-2018-ci illərdə iqtisadiyyatın neft-qaz sektoruna xüsusi diqqət göstərilirdi. Ulu Öndər Heydər Əliyevin təməlini qoyduğu Bakı-Tbilisi-Ceyhan neft kəməri 2006-cı ildə istifadəyə verildi və ölkə böyük gəlirlər əldə etməyə başladı. 2007-ci ildə istifadəyə verilmiş Bakı-Tbilisi-Ərzurum qaz kəməri Azərbaycanı qaz ixrac edən ölkəyə çevirdi. 2014-cü il sentyabrın 20-də “Cənub Qaz Dəhlizi”nin təməli qoyulub. 2018-ci il 29 may tarixində Bakıda “Cənub Qaz Dəhlizi”nin, 12 iyun tarixində isə Əskişəhərdə bu dəhlizin mühüm hissəsi olan Trans-Anadolu (TANAP) qaz boru kəmərinin açılışı oldu. Təbii ki, bütün bu hadisələr Azərbaycanın iqtisadi gücünün artmasını təmin etdi və ölkəmizin beynəlxalq arenalarda mövqeylərini daha da möhkəmləndirdi. Birmənalı olaraq vurğulanmalıdır ki, Prezident İlham Əliyevin siyasətində həyata keçirilən əsas prioritetlər Vətənin müdafiəsi və xalqın rifahıdır”.

K.Qafarov açıqlamasının sonunda deyib: “Bu baxımdan möhtərəm dövlət başçımızn həyata keçirdiyi müstəqil xarici siyasətin ən əhəmiyyətli nəticələrindən biri kimi məhz Vətən müharibəsində əldə olunmuş möhtəşəm tarixi Qələbəmizi göstərmək lazımdır. Müharibənin 44 günü ərzində Ali Baş Komandanın rəhbərliyi ilə dövlətimiz beynəlxalq hüquq prinsiplərini, xüsusilə BMT Nizamnaməsinin 51-ci maddəsini rəhbər tutaraq öz ərazilərini azad etmək hüququndan istifadə etdi və genişmiqyaslı əks-hücum əməliyyatlarını böyük uğurla həyata keçirdi. Azərbaycan Prezidenti cənab İlham Əliyevin yürütdüyü düşünülmüş praqmatik xarici siyasət sayəsində bu gün Azərbaycanla daha yaxın əlaqələr qurmaq istəyən ölkələrin sayı durmadan artır. Ermənistan tamamilə təcrid edilmiş vəziyyətə düşüb. Dövlət başçımızın yorulmaz fəaliyyəti nəticəsində bütövlükdə dünyada bu müharibə ilə bağlı artıq tam konkret və həqiqəti əks etdirən təsəvvür formalaşıb. Məhz bu siyasət sayəsində Qarabağ münaqişəsi sona çatdı, Ermənistan və onun bütün dünyada olan havadarları Azərbaycanın Cənubi Qafqazda yaratdığı yeni geosiyasi və geostrateji reallıqları qəbul etməyə məcbur oldular”.

Aia.az

Rüstəm Nağıyev: “Azərbaycan bütün qələbələrini ləyaqətlə qazanır”

17:22 09.04.2022 | Baxış sayı: 12154

Bu gün Azərbaycan idmanın inkişaf səviyyəsinə görə dünyada aparıcı ölkələrdən biri kimi tanınır. Ötən illər ərzində idmançılarımızın istər kütləvi, istərdə fərdi idman növlərinə görə əldə etdikləri uğurlar Azərbaycanın idman ölkəsi kimi qazandığı beynəlxalq statusu daha da möhkəmləndirmişdir. Dövlətin yürütdüyü idman siyasəti nəticəsində idman uğurlarımızın qarşıdakı illərdə də davam edəcəyi bu gün heç kimdə şübhə doğurmur. Ölkə Prezidenti cənab İlham Əliyevin uğurla həyata keçirdiyi inkişaf strategiyasının məntiqi nəticəsi olaraq ölkəmiz bütün sahələrdə regionun lider dövlətinə çevrilmişdir. Dövlətimizin iqtisadi qüdrətinin ildən-ilə artması idmanın tərəqqisinə də müsbət təsir göstərmişdir. Hazırda nəinki paytaxtımızda, eləcə də regionlarda bir çox Olimpiya kompleksləri, müasir idman qurğuları istifadəyə verilmiş, maddi-texniki baza möhkəmləndirilmişdir. Bütün bu işlər, əlbəttə ki, idmançılarımızın yerli və beynəlxalq turnirlərdə uğur qazanmalarında müstəsna rol oynamışdır.

44 günlük Vətən müharibəsi nəticəsində torpaqlarımızın işğaldan azad edilməsi bu gün yaşadığımız möhtəşəm qürur hissini bizlərə bəxş etdi və bu hiss hər kəsi doğma Azərbaycanımızın bundan sonra daha da güclənməsi, daha sürətli inkişafı naminə bir qədər də yüksək əzmlə çalışmağa, yeni nailiyyətlər əldə etməyə sövq edir. Artıq iki ildir ki, Azərbaycan idmançıları dünyanın ən mötəbər idman arenalarında qalib ölkənin təmsilçiləri kimi çıxış edirlər. Heç şübhəsiz bu amilin özü də qələbələrə aparan yolda ən böyük bir stimuldur. Bir neçə gün bundan əvvəl Macarıstanın paytaxtı olan Budapeşt şəhərində keçirilmiş Avropa çempionatında güləşçilərimiz bir daha xalqımızı sevindirmiş, böyük qələbə ilə Vətənə qayıtmışlar. 16 medal qazanan idmançılarımız Azərbaycanın beynəlxalq idman nüfuzunu daha da yüksəltmişlər. Azərbaycan Respublikasının Prezidenti cənab İlham Əliyev aprelin 8-də Avropa çempionatında iştirak edən Azərbaycan millisinin üzvlərini qəbul edərkən etdiyi çıxışında da vurğuladı ki, Avropada istənilən idman növündə birinci olmaq böyük uğur hesab edilə bilər. Eyni zamanda da güləş bizim ənənəvi idman növümüz olduğu üçün, bu qələbənin Azərbaycan üçün önəmi daha yüksəkdir. İdmançılarımız artıq bundan sonra istənilən bir yarışa çıxanda hər zaman xatırlamalıdırlar ki, müzəffər ölkəni və qalib xalqı təmsil edirlər. Dövlət başçımızın qeyd etdiyi kimi, Azərbaycanın həm gənclər, həm də böyüklər arasında Avropada birinci yeri tutması onu göstərir ki, güləşdəki ənənələrimiz yaşayır və Azərbaycanda güclü gənc nəsil yetişir. Bu isə Azərbaycanın gələcək qələbələrinin əsasıdır.

Bu gün böyüməkdə olan gənc nəsilin vətənpərvərlik ruhunda tərbiyə alması, milli ruhda formalaşması dövlətin əsas prioritetidir: Öz çıxışında bu məsələyə xüsusi toxunaraq Prezident İlham Əliyev bir daha vurğuladı ki, Azərbaycan dövləti gəncliyin milli-vətənpərvər ruhda formalaşmasına nail olmaq üçün bütün imkanlardan istifadə edir. Vətənpərvərliyi daha da gücləndirən amillərdən biri, əlbəttə ki, Azərbaycanın tarixi-hərbi Zəfəridir və eyni zamanda, idmanda əldə olunan möhtəşəm uğurlardır. Hətta idmana çox marağı olmayan Azərbaycan vətəndaşları da həmişə idman arenalarında əldə edilmiş qələbələrin xəbəri gələndə sevinirlər. Çünki hər belə qələbə ləyaqətli gənc nəslin yetişdiyinə dəlalət edir. Sevindirici haldır ki, Azərbaycan idmançıları da öz qələbələrini yalnız ləyaqətli çıxışları ilə əldə edirlər. Dövlət başçımız da bu məqama xüsusi toxunaraq dedi ki, ədalət, məğlub edilmiş tərəfə müəyyən dərəcədə mərhəmət hisslərinin göstərilməsi xalqımıza xas olan xüsusiyyətlərdən biridir. Biz düşməni və ya idman rəqibini hər zaman məhz qaydalar çərçivəsində, ləyaqət prinsipi əsasında məğlub etmişik. Çünki bizim üçün qələbədən daha vacib olan ləyaqətdir və biz müharibəni ləyaqətlə aparmışıq.

Bu gün hər bir Azərbaycan vətəndaşı öz əməyi ilə ölkəmizi gücləndirir. Məhz buna görə də Azərbaycan bütün dünyada sürətlə inkişaf edən ölkə kimi tanınır. Prezident İlham Əliyevin dediyi kimi, Azərbaycan dünyada nadir ölkələrdəndir ki, öz taleyini özü həll edir, müəyyən edir, öz siyasətini müstəqil şəkildə aparır və istər döyüş meydanlarında, istər siyasi arenalarda qələbə qazanır.

Rüstəm Nağıyev,
YAP Gədəbəy rayon təşkilatının sədri

AİA.Az

Papa Rusiya-Ukrayna müharibəsində tərəf tutmayacaq

15:05 08.04.2022 | Baxış sayı: 4635

Roma Papası Fransisk Kiyevə səfəri vəziyyətində münaqişədə tərəf tutmayacaq.

“Qafqazinfo” TASS-a istinadən xəbər verir ki, bu barədə Vatikanın dövlət katibi (hökumət başçısı) kardinal Pyetro Parolin bildirib.

"Əlbəttə ki, Papa həmişə olduğu kimi bu və ya digərinin lehinə mövqe nümayiş etdirməyəcək”, - Parolin qeyd edib.

Qeyd edək ki, daha əvvəl Papa Ukraynaya səfər edə biləcəyinə dair qeyri-müəyyənliyini ifadə edib. Onun sözlərinə görə, o, səfərə hazırdır, lakin bunu bacarıb-bacarmayacağını bilmir.

Xatırladaq ki, Roma Katolik Kilsəsinin rəhbəri dəfələrlə Ukraynada atəşkəsin lehinə çıxış edib və münaqişənin diplomatik yolla həllinə çağırıb. O, ukraynalı qaçqınlara dəstəyini ifadə edib və öz emissarları vasitəsilə yardım göndərib.

88 -dən səhifə 676

Xəbər lenti