BizimAz.az - Gündəm

117 saylı Oğuz-Qəbələ seçki dairəsi üzrə Milli Məclisin deputatı Aqiyə Naxçıvanlı Oğuzda növbəti dəfə seçiciləri ilə qəbul keçirmişdir - FOTOLAR

12:38 14.06.2022 | Baxış sayı: 5356

Hər ay mütəmadi olaraq seçicilərlə görüş keçirən deputat Aqiyə Naxçıvanlı iyun ayında da Oğuz rayonunda onları fərdi şəkildə qəbul etmiş və müraciətlərini dinləmişdir.

Oğuz və Qəbələ rayonlarından qəbula gələn seçicilər sosial-məişət problemləri ilə yanaşı əfv, təhsil, sahibkarlığa dəstək, turizm və sair məsələlərlə bağlı deputata müraciətlər etmişlər. Müraciətlərin əksəriyyəti yerindəcə həllini tapmiş, digərləri aidiyyəti üzrə müvafiq orqanlara yönələndirilmiş və bəzi vətəndaşlara isə hüquqları izah olunmuşdur.

Qəbula gələn seçicilər onların müraciətlərinin dinlənilməsinə və həlli üçün göstərilən köməkliklərə görə deputat Aqiyə Naxçıvanlıya razılıqlarını ifadə etmiş, onlarla keçirilən hər görüşün ölkə Prezidenti cənab İlham Əliyevin çıxışlarında vurğuladığı kimi – “vətəndaş-məmur münasibətlərində yeni düşüncə tərzinin formalaşdırılması və bu münasibətlərin sağlam zəmində qurulması” prinsiplərinə sadiqliyin ifadəsi olduğunu bildirmişlər.

AİA.Az

Kamaləddin Qafarov: “Şuşa Bəyannaməsi beynəlxalq əhəmiyyətli tarixi sənəddir”

09:29 14.06.2022 | Baxış sayı: 4841

“2021-ci il iyunun 15-də Azərbaycan Prezidenti İlham Əliyev və Türkiyə Prezidenti Rəcəb Tayyib Ərdoğan tərəfindən Şuşada imzalanmış Müttəfiqlik Bəyannaməsi iki ölkə arasında əlaqələr tarixində tamamilə yeni bir mərhələ açmış oldu. Şuşa Bəyannaməsi, Şuşada yanaşı dalğalanan Azərbaycan və Türkiyə bayraqları türk dünyasının gücünə güc qatan Türkiyə-Azərbaycan birliyini və qardaşlığını bütün dünyaya bəyan edən daha bir mesaj oldu. Bu tarixi sənəd ölkələrimiz arasında müttəfiqliyin geostrateji əhəmiyyətini artırmaqla bərabər, münasibətlərimizin bütün müstəvilərdə davamlı inkişafının təminatçısı kimi də qiymətləndirilməlidir. Şuşa Bəyannaməsi sayəsində rəsmən müttəfiqlik zirvəsinə ucalmış Türkiyə və Azərbaycan münasibətləri bu gün artıq siyasət, beynəlxalq müstəvidə birgə əməkdaşlıq, iqtisadiyyat, enerji təhlükəsizliyi, nəqliyyat, mədəniyyət, təhsil, ordu quruculuğu və digər strateji sahələri əhatə edir.”

Bu sözləri mətbuata açıqlamasında Azərbaycan Respublikası Milli Məclisinin deputatı Kamaləddin Qafarov deyib.

Deputat bildirib ki, Şuşa Bəyannaməsi bölgədə ümumi inteqrasiya proseslərini stimullaşdırır və sürətləndirir: “ Şuşa Bəyannaməsi bölgədə, eləcə də bütün Cənubi Qafqaz regionunda sülhün və təhlükəsizliyin əsas qarantı kimi çıxış edən vacib tarixi sənəddir. Bu müttəfiqliyin ən önəmli tərəfi də məhz hərbi sahədə əməkdaşlığın təmin edilməsidir. Bəyannamədə müdafiə sahəsində əməkdaşlıq və qarşılıqlı hərbi yardım məsələləri öz əksini tapıb. Azərbaycan və Türkiyə bundan sonra da hər zaman bir yerdə olacaq və bir-birinin təhlükəsizliyini təmin edəcək. Bu isə eyni zamanda bütün Cənubi Qafqazda sülhə və təhlükəsizliyə zəmanət deməkdir. Eyni zamanda, Şuşa Bəyannaməsi Qarabağ ərazisində yaşayan erməni əsilli Azərbaycan vətəndaşlarının da cəmiyyətə inteqrasiyası üçün əlavə imkanlar yaradır”.

K. Qafarov Şuşa Bəyannaməsinin işğaldan azad olunmuş ərazilərə yeni sərmayə qoyuluşunun stimullaşdırılması məsələsində rolunu vurğulayaraq deyib: “İşğaldan azad olunmuş ərazilərimizin və ümumilikdə regionun investisiya potensialı çox yüksəkdir və bu potensial getdikcə artır. Bu artım isə, birmənalı olaraq bölgədə yeni iqtisadi münasibətlərin formalaşmasına səbəb olacaq. Xüsusilə Şuşa və ətraf ərazilərin gözəl turizm imkanları açılacaq. Şuşa Bəyannaməsi regional sülhün və təhlükəsizliyin qarantı kimi çıxış etməklə, bölgəyə investisiya axınını da stimullaşdıracaq. Çünki istənilən investor üçün öz sərmayəsini yatırmağa hazırlaşdığı bölgəyə qarşı irəli sürdüyü ən vacib tələb məhz təhlükəsizlik və sabitliklə bağlıdır.”

Millət vəkili bildirib ki, 2021-ci il iyunun 15-də Azərbaycan və Türkiyə Prezidentləri tərəfindən Şuşada imzalanmış Müttəfiqlik Bəyannaməsi ölkələrimizin imkanlarının birləşdirilməsini və maraqlarının birgə müdafiəsini nəzərdə tutan unikal tarixi sənəddir: “Faktiki olaraq Şuşa Bəyannaməsi Ulu Öndər Heydər Əliyevin “Bir millət, iki dövlət” və Mustafa Kamal Atatürkün “Azərbaycanın sevinci bizim sevincimiz, kədəri bizim kədərimizdir” kəlamlarının strateji müttəfiqlik konsepsiyasına çevrilməsini təsdiq edən bir tarixi sənəd oldu. Türkiyə və Azərbaycan indiyə qədər də bütün məsələlərdə bir yerdə olublar, bundan sonra da bu birlik davam edəcək. Bu gün Şuşa Bəyannaməsinin ölkələrimiz və xalqlarımız üçün əhəmiyyətini olduğu qədər dəyərləndirmək qeyri-mümkündür. Çünki bu Bəyannamə mahiyyət etibarı ilə gələcəyimizə, hər iki ölkənin stabil, inkişaf edən və təhlükəsiz gələcəyinə hesablanmış bir sənəddir. Təsadüfi deyil ki, bu tarixi sənədin imzalanması Azərbaycanda mövcud olan bütün siyasi qüvvələr tərəfindən birmənalı olaraq dəstəklənmişdir. Şuşa Bəyannaməsi ölkədə fəaliyyət göstərən 48 siyasi partiya tərəfindən birgə bəyanatla təqdir edilmişdir. Birmənalı olaraq Şuşa Bəyannaməsini Azərbaycan və Türk xalqlarının şanlı keçmişinə bir sədaqət və gələcək nəsillərə ən dəyərli bir nəsihət nümunəsi olduğunu deyə bilərik”.

AİA.Az

Ermənilər sülhməramlıları atəşə tutdu... - ölən var

16:41 13.06.2022 | Baxış sayı: 4120

İyunun 12-də axşam saatlarında Laçın keçidindən keçərək getmək istəyən sülhməramlılar atəşə tutulub.

Cəbhə.info xəbər verir ki, cavab atəşi ilə bir silahlı zərərsizləşdirilib. Dərhal hərəkətə keçən Qarabağdakı sülhməramlıların komandanlığı atəş açanların erməni silahlı dəstənin üzvləri olduğunu aydınlaşdırıb və atəş açan 4 erməni həbs edilib.

Bu barədə erməni mediası məlumat yayıb. Ermənilərin "Lragir.am" saytının yazdığına görə, Laçın keçidindən keçməklə sülhməramlı missiyanın bir kalonu Ukraynaya səfər etməliydi:

"Lakin ermənilər sülhməramlı missiyanın Qarabağdan getməsinin qarşısını almaq üçün bu təxribata əl atıb".

"Allah mənə yer üzünün cənnətini göstərdi"

15:06 13.06.2022 | Baxış sayı: 4738

"Allah mənə yer üzünün cənnətini göstərdi. Bundan böyük xoşbəxtlik varmı? Arzu edirəm ki, övladımı Allah buyurduğu kimi tərbiyə edim".

Müğənni Elnur Məmmədov "7 Canlı" proqramın;n qonağı olub və Məkkə ziyarətinə gedən sənətçi bu haqda danışıb:

"Otağımdan "Kəbə" evinə mənzərə açılırdı. Oradan hər kəsə video çəkib göndərirdim. Həmkarlarıma deyirdim ki, mənə dua edin, 20 ildir övladım olmur".

Verilişlərə az qatılan E.Məmmədov "Bu sənəti bir istək, bir arzu ilə seçdim. Yalnız xalqa xidmət etmək. Bu sənətdən mən heç nə güdmürəm. Gül versinlər və ya nəsə oxuyum və bunun qarşılığında nəsə alım. Xeyr! Allah mənə can sağlığı veribsə, əziyyət çəkib istədiyimə nail ola biləcəyəm. Məsələn, evdir, ailəmi qorumaq, saxlamaq kimi şeylər başqadır. Sənət baxımından istədiyimə nail olmuşam" sözlərini əlavə edib.

Təhsil naziri məktəblilərin Şamaxıda düşdükləri qəzadan danışdı

14:59 13.06.2022 | Baxış sayı: 4738

əhsil naziri Emin Əmrullayev məktəblilərin Şamaxıda düşdükləri yol qəzasından danışıb.

Nazir jurnalistlərə açıqlamasında bildirib ki, dövlət səviyyəsində keçirilən kütləvi tədbirlər zamanı müvafiq təhlükəsizlik tədbirləri görülür. Lakin müxtəlif valideyn qruplarının təşkil etdikləri tədbirlərə nəzarət çətin prosesdir.

E.Əmrullayev onu da qeyd edib ki, məsələ Bakı Şəhər Təhsil İdarəsinin nəzarətindədir:

"Biz istənilən halda məktəblilərin yanındayıq və çalışırıq ki, prosesdə hər-hansı mürəkkəbləşmə olmasın”.

Prezident Bakıda yeni salınmış parkda

15:39 08.06.2022 | Baxış sayı: 5871

Prezident İlham Əliyev paytaxtın Səbail rayonunda yeni salınmış “Çəmbərəkənd” parkında yaradılan şəraitlə tanış olub.

“Qafqazinfo” xəbər verir ki, Bakı Şəhər İcra Hakimiyyətinin başçısı Eldar Əzizov dövlətimizin başçısına parkda görülən işlər barədə məlumat verib.

Bildirilib ki, paytaxtın Həsən Seyidbəyli küçəsində istifadəsiz ərazidə salınmış yeni parkda yaşıllaşdırma işləri aparılıb, 1200 metr uzunluğunda piyada yolları salınıb, sakinlərin mənalı istirahəti və asudə vaxtlarını səmərəli keçirmələri üçün hər cür şərait yaradılıb. Parkda estakada üzərində piyadalar üçün 147 metr uzunluğunda körpü salınıb, şəhər mənzərəli iki terras düzəldilib, müasir standartlara cavab verən fəvvarə inşa edilib, ərazidə iaşə obyekti, sanitar qovşaq və inzibati bina tikilib. Ərazinin relyefinə uyğun olaraq sürüşmənin qarşısını almaq üçün istinad divarı çəkilib. Həmçinin ərazidə müasir idman və uşaq əyləncə qurğuları quraşdırılıb. Ərazisi 4 hektar olan parkın yaşıllıq sahəsinə qazon örtük döşənib, 50 mindən çox müxtəlif növ ağac, kol və güllər əkilib.

Prezident İlham Əliyev yeni parkdan paytaxtın mənzərəsini seyr edib.

“Azovstal”dan əsir götürülən hərbçilər Rusiyaya aparılıb

11:12 08.06.2022 | Baxış sayı: 4532

Ukraynanın Mariupol şəhərində yerləşən “Azovstal” zavodundan əsir götürülən mindən çox ukraynalı hərbçi Rusiyaya göndərilib.

“Qafqazinfo” xəbər verir ki, bu barədə məlumatı Rusiyanın hüquq-mühafizə orqanlarında olan mənbəyə istinadən “TASS” agentliyi yayıb.

Sözügedən hərbçilərin istintaq aparmaq üçün Rusiyaya göndərildiyi bildirilir.

Mənbə qeyd edib ki, hazırda hüquq-mühafizə orqanları “Azovstal” döyüşçülərini sorğulayır.

Bununla yanaşı, yaxın zamanlarda digər bir qrup ukraynalı hərbçilərin Rusiyaya göndərilməsi planlaşdırılır.

Bu barədə məlumat hələ ki rəsmi olaraq təsdiq olunmayıb.

Xatırladaq ki, may ayında Rusiya ordusu “Azovstal” zavodunda müdafiə olunan ukraynalı hərbçiləri əsir götürüb. Bunun ardınca onların əsir götürülən rusiyalı hərbçilər ilə mübadilə edilməsi imkanları müzakirə olunmağa başlayıb. Rusiya Müdafiə Nazirliyinin məlumatına görə, 2500-ə yaxın ukraynalı hərbçi əsir götürülüb. Ölkə mediası həmin əsirlərin “Donetsk Xalq Respublikası”nın ərazisinə aparıldığını yazır.

Kamaləddin Qafarov: “Bu sərgi neft-qaz sənayesi üzrə vacib beynəlxalq platformadır”

16:13 06.06.2022 | Baxış sayı: 5562

“İyunun 1-də paytaxtda Xəzər regionunun neft-qaz və enerji sektorunda ən nüfuzlu tədbir hesab olunan Bakı Enerji Həftəsinə start verilmişdir. İyunun 4-dək davam edəcək Bakı Enerji Həftəsi özündə üç ayrı layihəni ehtiva edir – 27-ci Beynəlxalq Xəzər Neft və Qaz, 10-cu Yubiley Xəzər Beynəlxalq Energetika və Bərpa Olunan Enerji sərgilərini və əvvəllər Xəzər Neft və Qaz Konfransı adı ilə tanınan Bakı Enerji Forumunu. Bu il 30 ölkədən 249 şirkətin qatıldığı Bakı Enerji Həftəsinin ən böyük tədbiri 27-ci Beynəlxalq Xəzər Neft və Qaz sərgisidir. Bu layihə Azərbaycan Respublikasının müstəqillik əldə etdiyi tarixdən bəri keçirilən ilk sərgidir və regionda neft-qaz sənayesinin əsas tanınmış beynəlxalq platforması olmaqla hər il Xəzəryanı regionun əsas neft-qaz layihələrinin müzakirəsi və enerji təhlükəsizliyinin təmin olunması məqsədilə ən yüksək səviyyəli rəhbər işçilərini öz meydançasında bir araya gətirir.

“Xəzər Neft və Qaz” sərgisinin keçirilməsi təşəbbüsü ümummilli lider Heydər Əliyev tərəfindən dəstəklənib. O vaxtdan bu sərgi neft, qaz və energetika sahəsində aparıcı mütəxəssislərin görüş yeri olub, burada gələcək əməkdaşlığa dair memorandumlar, müqavilələr imzalanıb.”

Bu sözləri mətbuata verdiyi açıqlamada Milli Məclisin deputatı Kamaləddin Qafarov deyib.

Millət vəkili bildirib: “Ölkə Prezidenti cənab İlham Əliyevin hər il sərginin açılış mərasimində iştirakı bu layihənin yüksək statusunu və Azərbaycan üçün əhəmiyyətini bir daha təsdiqləyir. 27-ci Beynəlxalq Xəzər Neft və Qaz Sərgisinin rəsmi açılış mərasimində etdiyi çıxışında da dövlət başçısı vurğuladı ki, Azərbaycanın müstəqillik illərində öz enerji təhlükəsizliyinə yatırdığı sərmayələri və tərəfdaş ölkələrin diqqətini ölkəmizə cəlb etmək baxımından da Xəzər Neft və Qaz Sərgisi təşkilatçılarının rolu həqiqətən çox əhəmiyyətli və vacib olub. Prezident İlham Əliyev ölkəmizin müstəqillik illərində bu sahədə əldə etdiyi nailiyyətlərin tarixini bir daha xatırladaraq qeyd etdi ki, ötən əsrin sonunda Azərbaycandan Gürcüstanın Qara dənizdəki Supsa limanına gedən birinci neft boru kəmərinin açılışı baş tutdu. Bunun sayəsində Azərbaycan ixraca başlaya bildi və bir çox ölkələrin tələbatlarını təmin etdi. Eyni zamanda, ölkəmiz tərəfdaşlarla birgə qaz yataqlarının, xüsusən də, dünyada ən iri qaz yataqlarından biri sayılan “Şahdəniz” yatağının kəşfiyyatına başladı”.

K.Qafarov sözünə davam edərək deyib: “Prezident İlham Əliyev öz çıxışında Cənub Qaz Dəhlizinin böyük önəm daşıdığını qeyd etdi. XXI əsrin ən böyük layihələrindən biri olan Cənub Qaz Dəhlizi dörd seqmentdən – “Şahdəniz Mərhələ-II”, Cənubi Qafqaz Boru Kəməri, TANAP və TAP qaz boru kəmərlərindən ibarətdir. Prezident İlham Əliyevin təşəbbüsü ilə yaradılan Cənub Qaz Dəhlizi Məşvərət Şurası çərçivəsində nazirlərin toplantısına hər dəfə Azərbaycan ev sahibliyi edir. Bu isə ölkəmizin layihədə aparıcı rolunu təsdiqləyən mühüm amillərdən biridir. Cənub Qaz Dəhlizinin sonuncu hissəsi olan TAP layihəsi 2020-ci ilin dekabr ayının 31-də – Dünya Azərbaycanlılarının Həmrəyliyi Günündə tamamlandı. Bu nəhəng layihənin dəyəri 33 milyard ABŞ dollarıdır. Cənub Qaz Dəhlizi layihəsi həm də müasir tarixdə çox azsaylı layihələrdən biridir ki, onun icrasına bütün aparıcı beynəlxalq maliyyə institutları öz töhfəsini vermişdir. Bu gün dünyada, o cümlədən Avropada əlavə qaz mənbəyinə tələbat artmaqdadır. Cənub Qaz Dəhlizi layihəsinin tamamlanmasından sonra Azərbaycan beynəlxalq bazarlara, o cümlədən Avropa bazarlarına ixracı artıra bilib. Keçən il Azərbaycan 19 milyard kubmetr təbii qaz ixrac edib - Türkiyəyə 8,5 milyard, İtaliyaya demək olar ki, 7 milyard kubmetr. Yerdə qalan həcm komandanın başqa üzv ölkələrinə - Gürcüstana, Yunanıstana və Bolqarıstana ixrac olunub. Beləliklə, Azərbaycan beynəlxalq bazarlara enerji resurslarının etibarlı təchizatçısı statusunu daha da möhkəmləndirib.”

Sonda millət vəkili hazırda ölkəmizdə bərpa olunan enerji növlərinin istehsalı sahəsində də böyük iş aparıldığını qeyd edib: “ Azərbaycan bərpa olunan enerji növlərinin istehsalı baxımından da kifayət qədər böyük potensiala malikdir. Bu gün ölkəmiz bu sahədə dünyanın aparıcı enerji şirkətləri olan “ACWA Power” və “Masdar” şirkətləri ilə əməkdaşlıq edir. Hazırda ölkədə biri günəş, digəri isə külək olmaqla, iki elektrik stansiyası inşa olunur ki, onların birgə istehsal gücü 470 meqavatdır. Gələn il bu tipli iki stansiya istifadəyə veriləcəkdir və bu, Prezident İlham Əliyevin də öz çıxışında qeyd etdiyi kimi, yalnız başlanğıcdır. Xəzər dənizinin Azərbaycan sektorunun enerji potensialı 150 min meqavat təşkil edir. Bundan başqa, İkinci Qarabağ müharibəsi nəticəsində işğaldan azad olunan ərazilərin, xüsusilə də Kəlbəcər və Laçının potensialı 9-10 min meqavat təşkil edir. Burada, ilk növbədə, külək və günəş enerjisi istehsalı nəzərdə tutulur. Hazırda neft və qaz sahəsində strateji tərəfdaş olan SOCAR və BP azad olunmuş Cəbrayıl rayonunda 200 meqavatdan artıq gücə malik elektrik enerjisi stansiyasının inşasını müzakirə edirlər.Bütün bunlar Azərbaycanın Avropa ölkələrinin enerji təhlükəsizliyi məsələsində rolunun getdikcə artmasına və ölkəmizin beynəlxalq mövqelərinin daha da möhkəmlənməsinə xidmət edəcəkdir”.

AİA.Az

Kamaləddin Qafarov: “TEKNOFEST” Azərbaycan-Türkiyə birliyinin daha bir təntənəsi idi”

11:26 02.06.2022 | Baxış sayı: 5150

“İki dost və qardaş ölkə, strateji müttəfiqlər olan Azərbaycan və Türkiyə öz birliklərinin sarsılmazlığını növbəti dəfə bütün dünyaya nümayiş etdirdilər. Mayın 26-29-da Bakıda ilk dəfə keçirilən “TEKNOFEST Azərbaycan” Aerokosmik və Texnologiya Festivalı bu birliyin daha bir bariz təzahürü oldu. Azərbaycan Prezidenti İlham Əliyev və Türkiyə Prezidenti Rəcəb Tayyib Ərdoğanın bu festivalda, həmçinin paytaxtda 7 saylı “ASAN xidmət” mərkəzinin və “Bilim Bakı” mərkəzinin açılışında birgə iştirakı əsl qardaşlıq nümunəsi kimi dünyaya təqdim edildi.”

Bu sözləri mətbuata açıqlamasında Milli Məclisin deputatı Kamaləddin Qafarov deyib.

Millət vəkili qeyd edib ki, bu möhtəşəm tədbir eyni zamanda ölkələrimizin və xalqlarımızın gələcək inkişafını təmin edəcək etibarlı bazanın formalaşdırılması baxımından da böyük əhəmiyyət kəsb etdi: ““TEKNOFEST Azərbaycan” festivalının daha bir özəlliyi də ondadır ki, bu tədbirdə gənc nəslin ölkələrimiz arasında olan qardaşlığa hansı töhfələr verə biləcəyi də aydın şəkildə öz təzahürünü tapdı. Mahiyyət etibarı ilə “TEKNOFEST”-in əsasında duran əsas ideya özündə müstəqillik, qardaşlıq, elm və müasirlik kimi vacib amilləri ehtiva edir. Bu gün həm Azərbaycanın, həm də Türkiyənin bu qabaqcıl yenilikləri uğurla tətbiq etməkdə qərarlı və bacarıqlı olmaları artıq heç kəsdə şübhə doğura bilməz. Azərbaycanın apardığı və tarixi Qələbə ilə başa vurduğu 44 günlük Vətən müharibəsi də müasir texnologiyaların ağıl və cəsarətlə bir araya gəldiyi zaman əldə edilə bilməyəcək heç bir nəticənin olmadığını bütün dünyaya göstərdi. Məhz bu səbəbdən də ölkələrimizin texnologiyalar sahəsində dayanıqlı inkişafı hazırda bütün dünyanın diqqətini cəlb edir. Prezident İlham Əliyevin dediyi kimi, Türkiyənin artan gücü bizi gücləndirir və biz bir-birimizə güc qataraq böyük dünya çapında bir güc mərkəzinə çevrildik. Həqiqətən də Azərbaycan xalqı üçün son dərəcə önəmli olan bir gündə, 28 May-Müstəqillik Günündə Azərbaycan və Türkiyə Prezidentlərinin birlikdə olmaları hər iki ölkənin parlaq gələcəyinin ən böyük təminatıdır.

Türkiyə Respublikasının Prezidenti Rəcəb Tayyib Ərdoğanın festivalda çıxışı zamanı ötən illərin sınaqlarında inkişaf edərək zirvəyə ucalmış qardaşlıq salnaməsinin önəmli səhifələrini xatırladaraq demişdir:” 1915-ci ildə Çanaqqalada,1918-ci ildə Gəncədə, Bakıda və Azərbaycanın digər bölgələrində ürəklərimiz və biləklərimiz ortaq mübarizəmizdə yenidən bərabər olmuşdur.”

Millət vəkili vurğulayıb ki, tarixi Şuşa Bəyannaməsinin imzalanmasından sonra Türkiyə və Azərbaycan münasibətləri artıq rəsmi olaraq müttəfiqlik zirvəsinə ucaldı: “Möhtərəm Prezidentimiz cənab İlham Əliyevin də öz çıxışında dediyi kimi, Şuşa Bəyannaməsi Azərbaycan və Türkiyə arasında strateji əhəmiyyət kəsb edən bütün əməkdaşlıq istiqamətlərini əhatə edir. O cümlədən, beynəlxalq müstəvidə birgə əməkdaşlıq, siyasi münasibətlər, iqtisadi-ticarət əlaqələri, mədəniyyət, təhsil, idman, gənclər siyasəti. Həmçinin Bəyannamədə enerji təhlükəsizliyi, Cənub Qaz Dəhlizinin Türkiyə, Azərbaycan və Avropa üçün önəmi xüsusi olaraq qeyd olunub. Müttəfiqlik Bəyannaməsi ölkələrimizin imkanlarını birləşdirdi”.

Kamaləddin Qafarov sonda festivalın siyasi əhəmiyyətini qeyd edərək deyib: “Teknofest Azərbaycan” festivalının daha önəmli bir cəhəti də Türkiyə-Azərbaycan münasibətlərinin ən yüksək səviyyədə olduğunun və getdikcə daha da şaxələndiyinin və möhkəmləndiyinin bütün dünyaya nümayişi oldu. Azərbaycan Prezidenti cənab İlham Əliyev festivalda etdiyi çıxışında məhz bu məqamı xüsusi olaraq vurğuladı. Dövlətimizin başçısı qeyd etdi ki, ötən əsrin 90-cı illərinin əvvəlində Azərbaycan öz müstəqilliyini bərpa etdikdən sonra ötən illər ərzində qardaş Türkiyə daim ölkəmizin, xalqımızın yanında olub. Biz hər zaman bu qardaşlıq dəstəyini hiss etmişik, bu gün də hiss edirik və bu gün Türkiyə-Azərbaycan yenə də bir yerdədir. Türkiyə-Azərbaycan qardaşlığı, birliyi xalqlarımız üçün inkişaf yolunun əsas istiqamətidir. Azərbaycan və Türkiyə daim bir-birinə dəstək göstərir. Bizim ölkələr yaxşı günlərdə də, çətin günlərdə də hər zaman bir-birinin yanında yer alırlar. Prezident İlham Əliyev xüsusi olaraq vurğuladı ki, Türkiyə və Azərbaycan yanaşı inamla addımladıqca, bölgəmizdə sülh və əmin-amanlıq da möhkəm və sarsılmaz olacaq”.

aia.az

“Optimal Elektronika” 25 yaşını möhtəşəm kampaniya ilə qeyd edəcək

21:51 01.06.2022 | Baxış sayı: 8137

Hər kəs öz ad günündə yaxınlarından və doğmalarından hədiyyələr gözləyir. “Optimal Elektronika” MMC isə öz ad günündə də özünə yaxın və doğma bildiyi müştərilərini sevindirmək barədə düşünür.

İyunun 4-də Optimalın 25 yaşı tamam olur. Bu münasibətlə şirkətin “İnqilab” filialında iyunun 4-də, 5-də və 6-da möhtəşəm kampaniya keçiriləcək:

* 25 aylıq faizsiz kredit;
* məişət texnikası və TV-lərə nağd alışda 25% endirim;
* üstəlik, möhtəşəm hədiyyələr!

Kampaniyaya iyun ayının 4-də saat 12:00-da start veriləcək.

Qeyd: Hədiyyələr yalnız tədbir günü verilir və hədiyyə üçün əvvəlcədən mağazaya yaxınlaşaraq qeydiyyatdan keçməyiniz mütləqdir.

Əlaqə nömrəsi: (055) 909-02-77

“Optimal” – hər zaman məsləhətdir!

80 -dən səhifə 676

Xəbər lenti

İyunun 12-də axşam saatlarında Laçın keçidindən keçərək getmək istəyən sülhməramlılar atəşə tutulub.