Bəzi kütləvi informasiya vasitələrində Ombudsmanın 30 min manata təyyarə icarəyə götürməsi ilə bağlı iddialar yayılıb. Bildirilib ki, İnsan Hüquqları üzrə Müvəkkil təyyarəni 23-31 may tarixləri arasında icarəyə götürüb və hava gəmisi Bakı-Füzuli-Bakı istiqamətində səfər edib.

“Qafqazinfo” xəbər verir ki, Ombudsman aparatı məsələ barədə açıqlama yayıb.

Bildirilib ki, bu iddialar həqiqəti əks etdirmir:

“Yayılmış iddialarla əlaqədar bildirmək istərdik ki, qeyd olunan məlumat həqiqəti əks etdirmir və ölkəmizdə insan hüquqları sahəsində aparılan islahatları, həmçinin Ermənistanın Azərbaycana qarşı törətdiyi cinayətləri hər zaman dünya ictimaiyyətinə çatdıran Müvəkkilin fəaliyyətinə kölgə salmaq məqsədi daşıyır.

Kütləvi informasiya vasitələri nümayəndələrinə müraciət edərək, bu cür qərəzli və əsassız məlumatların yayımlanmasından çəkinməyi tövsiyə edirik. Yekunda bildirmək istərdik ki, Azərbaycan Ombudsmanı bundan sonra da üzərinə düşən vəzifələri şərəflə yerinə yetirməyə davam edəcək”.

“Azərbaycana meymunçiçəyi ilə bağlı testlər və dərmanlar gətiriləcək”.

“Qafqazinfo” xəbər verir ki, bunu “Report”a açıqlamasında səhiyyə naziri Teymur Musayev bildirib.

Onun sözlərinə görə, Azərbaycan səhiyyəsi istənilən epidemik və pandemik çağırışlara cavab verməyə hazırdır: “Meymunçiçəyi ilə əlaqədar bütün lazımi qabaqlayıcı tədbirlər görülüb. Ümumdünya Səhiyyə Təşkilatı tərəfindən ölkəmizə bu günlərdə testlər gətiriləcək. Eyni zamanda meymunçiçəyinin müalicəsi üçün lazım olan və qeydiyyatdan keçmiş bütün dərman preparatları çox qısa müddətdə ölkəmizə gətiriləcək”.

Səhiyyə naziri, həmçinin meymunçiçəyi ilə bağlı əhaliyə müraciət edib. O qeyd edib ki, meymunçiçəyinin geniş yayılmasına bir səbəb yoxdur: “Dünyada bununla bağlı iki minə yaxın hadisə qeydə alınıb. Ancaq indiyədək meymunçiçəyi ilə bağlı birbaşa ölüm hadisəsi qeyd edilməyib. Fürsətdən istfiadə edərək əhalimizə meymunçiçəyi ilə bağlı müraciət etmək istərdim ki, sadə fərdi gigiyena qaydalarına riayət etməklə bu bəladan uzaq dursunlar. Bununla da vətəndaşlarımız normal həyat tərzinə davam edə bilərlər”.

“Rusiyaya qarşı sanksiyalar kontekstində Ermənistan iqtisadiyyatı üçün vəziyyət xoş deyil”.

“Qafqazinfo” xəbər verir ki, bunu Ermənistanın Baş naziri Nikol Paşinyan “Əl-Cəzirə” telekanalına müsahibəsində deyib.

“Şübhəsiz ki, təkcə Rusiyadakı iqtisadi vəziyyət Ermənistan iqtisadiyyatına birbaşa təsir etməyib. Belə ki, ərzaq tədarükü, inflyasiya və digər çoxsaylı amillər ilə bağlı qlobal iqtisadi gərginlik də ölkə iqtisadiyyatına təsir edib”, - deyə Paşinyan söyləyib.

Iyunun 14-də Azərbaycan Respublikasının Prezidenti İlham Əliyev Slovakiyada keçirilmiş minifutbol üzrə Avropa çempionatının qalibi olan milli komandamızın üzvlərini qəbul edib.

Təhsil naziri Emin Əmrullayev “Son zəng” tədbiri ilə bağlı qatıldığı 234 nömrəli məktəbdə məzunları təbrik edib.

“Report”un məlumatına görə, təbrikdə deyilir:

“Məktəbi bitirməyiniz münasibəti ilə bütün məzunları “Son zəng”lə bağlı təbrik edirəm. Bu gün elə günlərdən biridir ki, hər zaman yadda qalacaq. Bu gün həm də məsuliyyətli gündür. Artıq 11 illik böyük məktəb ili geridə qalıb. Bu müddət ərzində öyrəndikləri sinif yoldaşlarından, dostlarından, müəllimlərdən, məktəbdən ayrılıb yeni dünyaya atılırsınız. Yəqin ki, əksəriyyət yay aylarında qəbul imtahanları gözləyir. Bir qismi başqa təhsil, yaxud hərbi xidmət gözləyir. Həyatın sizə hazırladığı hansı hekayədən asılı olmayaraq hər birinizə uğurlar arzulayıram.

Builki “Son zəng” gözəl ilə təsadüf edir. Belə ki, ölkə başçısının sərəncamı ilə Azərbaycanda 2022-ci il “Şuşa ili” elan olunub. Şuşa ilinin məzunları olmaq hər kəs üçün qürurvericidir. Hər birimiz Azərbaycanın şanlı Qələbə tarixinin şahidi olmaqdan qürur duyuruq.

Eyni zamanda məzun olduğunuz dövrdən sonra Azərbaycanın ərazi bütövlüyünün tam bərpa edilməsi yəqin ki, hər birinizin həyatında əsaslı rol oynayacağını vurğulaya bilərəm. Bu il məktəbi bitirib müxtəlif ixtisaslara yiyələnəcəksiniz. Bir ixtisas mütləq olacaq. İnanıram ki, bir qisminizin işi, peşəsi məhz işğaldan azad olunmuş torpaqların bərpasına sərf ediləcək. Öz əmək fəaliyyətinizi şanlı və şərəfli işə yönəldəcəksiniz.

Müəllimləri də xüsusi təbrik edirəm, çünki bu gün siz öz əməyinizin bəhrəsini görürsünüz. Valideynlərə də təbrik düşür. Övladlarını 11 il hazırlayıb məktəbə göndərmək çətin dövrləri arxada qoyurlar.

Bu gün ölkədə 91 mindən artıq məzun məktəbi bitirir. Azərbaycan gənc ölkədir, əhalinin təxminən 2/3-sinin yaşı 40-dan aşağıdır. Gənc xalq olmağımızın üstünlüyü odur ki, ölkənin inkişafında, rifahında rolu böyükdür. Bu gün ən vacib arzum ondan ibarət olacaq ki, harada hansı peşədə olmalarından asılı olmayaraq daim Azərbaycanın inkişafına töhfə verən vətəndaşlar olasınız”.