Böyük Britaniya Azərbaycana ən çox sərmayə qoymuş ölkə və strateji tərəfdaşdır. Buraya ənənəvi sahələr daxildir, ancaq əminəm ki, artıq yenilənən enerji növlərinə də sərmayə qoyulacaq. Siz bilirsiniz ki, biz bu vacib istiqamətdə addım atmağa yaxınıq.
Trend-in məlumatına görə, bu barədə Azərbaycan Prezidenti İlham Əliyev Böyük Britaniya və Şimali İrlandiya Birləşmiş Krallığının ölkəmizdə yeni təyin olunmuş fövqəladə və səlahiyyətli səfiri Fergus Auldun etimadnaməsini qəbul edərkən bildirib.
Səfirin Azərbaycanda fəaliyyətinə tamamilə fərqli mühitdə başladığını qeyd edən dövlətimizin başçısı deyib: “Qarabağ münaqişəsi başa çatdıqdan sonra regionda vəziyyət tamamilə dəyişib. Biz hesab edirik ki, bu, müsbət dinamikadan bəhrələnmək və regionumuzda davamlı sülhün bərqərar edilməsi üçün fürsətdir”.
Prezident deyib ki, Azərbaycan bu istiqamətdə Böyük Britaniya Hökumətinin dəstəyinə ümid bəsləyir: “Bizə məlumdur ki, ölkənizin də regionla bağlı gündəliyi eynidir – sülh, sabitlik, təhlükəsizlik və əməkdaşlıq. Əminəm ki, qarşıdan gələn illərdə biz sizinlə, buradakı heyətinizlə və hökumət rəsmilərinizlə Ermənistan və Azərbaycan arasında münasibətlərin normallaşdırılması prosesinin sürətləndirilməsi istiqamətində əməkdaşlıq edəcəyik. Yəni, gündəliyimiz olduqca genişdir”.
Torpaqlarımızın işğaldan azad olunması uğrunda şəhidlik zirvəsinə ucalan Vətən müharibəsi şəhidləri Tural Zeynalov, Telman Abışov və Fuad Nəcəfovun xatirəsinə həsr edilən anım mərasimləri keçirilib.
Bu barədə Müdafiə Nazirliyi məlumat yayıb.
Bildirilib ki, mərasimlərdə Müdafiə Nazirliyinin və ictimaiyyətin nümayəndələri, şəhidlərin ailə üzvləri, dostları, döyüş yoldaşları, eləcə də Həzi Aslanov adına Ordu İdeoloji və Mədəniyyət Mərkəzinin əməkdaşları iştirak ediblər.
Əvvəlcə Ulu Öndər Heydər Əliyevin və ölkəmizin ərazi bötövlüyü uğrunda şəhid olanların xatirəsi bir dəqiqəlik sükutla yad olunub. Azərbaycan Respublikasının Dövlət Himni səsləndirilib.
Tədbirlərdə çıxış edənlər Müzəffər Ali Baş Komandanın rəhbərliyi ilə Azərbaycan Ordusunun qazandığı tarixi qələbədən, bu zəfərin qazanılmasında igid oğullarımızın göstərdikləri qəhrəmanlıq və şücaət nümunələrindən danışıblar.
Şəhidlərin ailə üzvləri və yaxınları onlara göstərilən diqqət və qayğıya, eləcə də şəhidlərimizin xatirəsinin uca tutulduğuna görə Azərbaycan Respublikasının Prezidenti İlham Əliyevə və Müdafiə Nazirliyinin rəhbərliyinə minnətdarlıqlarını bildiriblər.
Rusiya ilə İran neft və qaz sənayesində əməkdaşlığı nəzərdə tutan dəyəri 40 milyard dollardan çox olan müqavilələr imzalayıb.
Bu barədə bazar günü İranın neft naziri Cavad Ouci bildirib.
“Biz Rusiya ilə yataqların işlənməsi üçün 4 milyard dollar dəyərində anlaşma memorandumu, həmçinin 40 milyard dollar məbləğində mayeləşdirilmiş təbii qazın (LNG) istehsalı üçün qaz kəmərləri və qurğuların tikintisinə dair saziş imzaladıq”, - o, bəyan edib.
Almaniyanın xarici işlər naziri Annalena Berbok İranda etiraz aksiyalarının amansızca dağıdılmasına cavabdeh olan şəxslərin Avropadakı aktivlərinin dondurulmasına tərəfdar çıxıb.
“Biz Aİ-nin bu qəddar repressiyaya görə məsuliyyət daşıyanlara giriş qadağası qoymasını və onların Aİ-dəki əmlaklarının dondurmasını təmin edəcəyik”, - deyə o, bazar günü bildirib.
Berbok Aİ-nin növbəti sammitində yeni məhdudlaşdırıcı tədbirlərin qəbul ediləcəyini ümid etdiyini deyib.
Xatırladaq ki, İranda etirazlar sentyabrın 17-də 22 yaşlı Məhsa Əmininin dəfnindən sonra başlayıb. Rəsmi versiyaya görə, xanım çadranı düzgün taxmadığına görə onu əxlaq polisi saxlayıb. Dindirilmə zamanı o, infarkt keçirib və bu səbəbdən dünyasını dəyişib. Lakin sosial şəbəkələrdə Əmininin polis tərəfindən döyülməsi ilə bağlı məlumatlar yayılıb.
Türkiyə Rusiya Prezidenti Vladimir Putinin Qərblə yeni müqavilə bağlamaq istəyini anlayır.
Bizimaz.az xəbər verir ki, bu barədə Türkiyə Prezidentinin sözçüsü İbrahim Kalın CNN telekanalına müsahibəsində deyib.
Kalının sözlərinə görə, Kreml hesab edir ki, sabiq prezidentlər M.Qorbaçov və B.Yeltsinin dövründə imzalanmış sazişlər mövcud vəziyyəti əks etdirmir və ona görə də Rusiya yeni müqavilə bağlamaq istəyir.
"Türkiyə Ukrayna münaqişəsinin həlli ilə bağlı danışıqların bərpası ehtimalının olduğuna inanır. Əsas məsələ bunun nə vaxt baş tutacağı və ondan əvvəl nə qədər zərərin olacağıdır", - Ərdoğanın sözçüsü vurğulayıb.
Oktyabrın 9-u axşam saatlarında Ermənistan silahlı qüvvələrinin bölmələri Basarkeçər rayonunun Yuxarı Zağalı, İstisu, Yuxarı Şorca və Cil yaşayış məntəqələri istiqamətlərində yerləşən mövqelərindən Ordumuzun Kəlbəcər rayonunun Əlibayramlı, İstisu və Zəylik, Gədəbəy rayonunun Novoivanovka yaşayış məntəqələri istiqamətlərində yerləşən mövqelərini müxtəlif çaplı atıcı silahlardan istifadə etməklə atəşə tutub.
“Bizimaz/az” xəbər verir ki, bu barədə Müdafiə Nazirliyi məlumat yayıb.
Bildirilib ki, Azərbaycan Ordusunun qeyd olunan istiqamətlərdə yerləşən bölmələri tərəfindən adekvat cavab tədbirləri görülüb.
AİA.Az xəbər verir ki, 4-5 oktyabr, 2022-ci il tarixində Qlobal Əməkdaşlıq və Analitik Araşdırmalar Mərkəzi İctimai Birliyinin təşkilatçılığı ilə “Elmi platformaların inkişafı üzrə yol xəritəsi: nailiyyətlər, problemlər və perspektivlər” adlı beynəlxalq elmi-praktik konfransı öz icrasına başlamışdır. Azərbaycan Respublikasının Qeyri-Hökümət Təşkilatlarına Dövlət Dəstəyi Agentliyinin maliyyə dəstəyi ilə baş tutan beynəlxalq elmi konfrans Bakı Dövlət Universitetinin tərəfdaşlığı ilə öz icrasına başladı.
Beynəlxalq elmi-praktiki konfrans açılış mərasimini Azərbaycan Respublikasının Dövlət Himni ilə başlayaraq, “Qlobal Əməkdaşlıq və Analitik Araşdırmalar Mərkəzi” ictimai birliyinin layihə meneceri Pərvanə Xıdırova açılış mərasimini elan etdi.Bildirdi ki, Qeyri-Hökumət Təşkilatlarına Dövlət Dəstəyi Agentliyinin kiçik qrant müsabiqəsinin nəticələrinə əsasən, “Elmi platformaların inkişafı üzrə yol xəritəsi: nailiyyətlər, problemlər və perspektivlər” adlı layihəsi qalib seçilmişdir.
Müasir dövrdə davamlı elmi inkişafın təmin olunmasında əsas vəzifələrdən biri beynəlxalq elmi informasiya məkanına inteqrasiya olmaqdır.Aparılan elmi-tədqiqatlar, innovasiya fəaliyyətinin sürətlə inkişaf etməsi və bu tədqiqatlara olan istinadlar, araşdırmaların qlobal təsirə malik olduğunun göstəricisidir. Azərbaycanda elm və təhsilin keyfiyyətini artırmaq və elmi nəticələri dünyaya çatdırmaqda dəstək vermək layihənin əsas məqsədidir. Layihə çərçivəsində təşkil edilən tədbirlər Azərbaycanda dərc edilən elmi jurnalların beynəlxalq standartlara uyğun formada hazırlanması və Azərbaycan elminin beynəlxalq arenada daha da uğurlu təqdimatına kömək etməkdir. Bakı Dövlət Universitetinin Elm və innovasiyalar üzrə prorektoru Hüseyn Məmmədov, elmi jurnallar üçün beynəlxalq standartlara uyğunlaşma, beynəlxalq bazaların xidmətlərindən səmərəli istifadəni təmin etmək, elmi jurnalların tədqiqat məlumatlarını yaymaq üçün müvafiq plaftormaların yaradılmasının təmin edilməsinin vacibliyini diqqətə çatdırdı.
Daha sonra BDU-nun İqtisadi və sosial coğrafiya kafedrasının müdiri Çingiz İsmayılov “Elm və təhsildə davamlı inkişaf strategiyasının əsas prinsipləri” mövzusunda geniş şərh verdikdən sonra sözü Macarıstanın Pecs Universitetinin doktarantı Rima Məmmədova verdi. Rima xanım “Elmi-tədqiqat qrantlarının elmi məhsuldarlığa təsiri” adlı təqdimatını konfrans iştirakçılarının diqqətinə çatdırdı. Təqdimatdan sonra, Türkiyənin Dokuz Eylul Universitetinin professoru Ahmet Nazmi Üste “ Elmi-tədqiqat və tezislərin konseptual və nəzəri çərçivəsinin strukturlaşdırılması” ilə bağlı, Manisa Celal Bayer Universitetinin mütəxəssisi Dr.Ülviyye Sanili Aydın isə “Elmi məqalələrinin hazırlanması metodikası” mövzusunda onlayn formatda geniş çıxış etdilər.
Çıxışdan sonra “Qlobal Əməkdaşlıq və Analitik Araşdırmalar Mərkəzi” İctimai Birliyinin sədri Xəyalə Məmmədovanın “Elmin inkişafında elmmetriyanın rolu və beynəlxalq elmi jurnalların tələbləri” adlı təlimi ilə konfransın birinci gününü başa vurdular.
05 oktyabr, 2022-ci il tarixində, konfransın ikinci günündə layihə meneceri Pərvanə Xıdırova iştirakçıları salamlayaraq, “5 oktyabr -Müəllimlər Günü” münasibəti ilə dəyərli müəllimləri təbrik edərək, Bəxtiyar Vahabzadənin müəllimlərə həsr elədiyi şeirlə tədbiri açıq elan etdi.Təbrikdən sonra Bakı Dövlət Universitetinin Kriminalistika kafedrasının müdiri Kamil Səlimova verdi. Kamil müəllim “Elmdə etik qaydalar və alimin müəlliflik hüquqlarının qorunması” mövzusunda konfrans iştirakçıları üçün geniş məruzə etdi. Təşkil edilən çay-kofe fasiləsindən sonra onlayn formatda Çin Xalq Respublikasının Siçuan Universitetinin elmi mütəxəssisləri Faiq Ağabalayev və Mohammad Maruf Hasan “Elmi tədqiqatlarda idarəçilik sistemi:Çin təcrübəsi “ adlı mövzuda geniş çıxış etdilər. Onlayn məruzədən sonra Layihə rəhbəri və Qlobal Əməkdaşlıq və Analitik Araşdımalar Mərkəzi İB-nin sədri Xəyalə Məmmədova konfrans iştirakçıları üçün “ Beynəlxalq təcrübədə elmi-tədqiqatlarda problemlər və elmi məqalələrin yazılma qaydaları” adlı maraqlı təlim keçirdi. Layihə çərçivəsində nəzərdə tutulan addımlardan biri də “ ELMİ REDAKTORLAR ÜÇÜN MƏLUMAT KİTABÇASINI” təşkilat sədri konfrans iştirakçılarına təqdim etdi. Kitabçanın məqsədi; elmi jurnalın beynəlxalq səviyyədə qəbul edilmiş meyarlara uyğun olaraq, effektivlik, davamlılıq və keyfiyyət səviyyəsini qiymətləndirməsinə kömək etmək üçün lazımi məsələləri müzakirə etməyə yardım etməkdir.
Tədbirin sonunda konfrans iştirakçıları və mühazirəçilər SERTİFİKATLA təltif olundular.
Bu gün Prezident, Müzəffər Ali Baş Komandan İlham Əliyevin rəhbərliyi ilə rəşadətli ordumuzun 44 günlük Vətən müharibəsində işğalçı Ermənistan üzərində qazandığı şanlı Qələbəmizin sevincini yaşayırıq. Qırx dörd günlük Vətən müharibəsində təcavüzkar Ermənistanın işğalçılıq siyasətinə və erməni faşizminə son qoyuldu, ölkəmizin ərazi bütövlüyü təmin olundu. Azərbaycan tarixi Zəfəri ilə BMT Təhlükəsizlik Şurasının qətnamələrini özü icra edərək beynəlxalq hüququ və tarixi ədaləti bərpa etdi. Bu gün 30 ilə yaxın müddətdə yağı tapdağında olan Qarabağda indi üçrəngli Azərbaycan bayrağı dalğalanır. Mənfur düşmən üzərində qazandığımız qələbə Müzəffər Ali Baş Komandan İlham Əliyevin böyük sərkərdəlik qabiliyyətinin, Azərbaycan Ordusunun gücünün, xalqımızın birlik və həmrəyliyinin, cəmiyyətimizin monolitliyinin parlaq təzahürüdür. 44 günlük Vətən Müharibəsi zamanı Azərbaycanın qazandığı şanlı qələbə düşmən üçün tarixi dərs oldu. Bu tarixi dərs 30 il ərzində Ermənistanın Azərbaycana qarşı apardığı işğalçılıq, talançılıq üçün böyük bir cavab zərbəsi oldu. Azərbayacan öz qətiyyətli Ali Baş Komandanı, güclü ordusu, yenilməz xalqı sayəsində torpaqlarını düşmənlərdən təmizlədi. Artıq bu torpaqlarda çiçəklər açır. Artıq bu torpaqlar öz sahibindədir. Artıq bundan sonra bu torpaqlar yenidən inkişaf edəcək, yenidən buralarda Azərbaycan xalqı yaşayıb-yaradacaq. Prezdentin dediyi kimi, artıq işğaldan azad edilmiş torpaqlarımıza böyük qayıdışın vaxtıdır. Qarşıda duran ən önəmli vəzifələr Qarabağın bərpası, işğaldan azad olunmuş ərazilərə "Böyük Qayıdış” prosesinin həyata keçirilməsidir. Bu prosesin artıq xeyli hissəsi qısa zamanda həyata keçirilib. İlk olaraq Qarabağ və Şərqi Zəngəzur bölgələrində xeyli ərazinin minalardan təmizlənməsi işləri görüldü. Əhmədbəyli-Füzuli-Şuşa “Zəfər yolu”nun inşası, Kəlbəcər və digər rayonlarda elektrik xətlərinin çəkilməsi, işğaldan azad edilmiş ərazilərdə 7 ay ərzində tikilmiş birinci hava limanı olan Füzuli beynəlxalq hava limanının tikilib istifadəyə verilməsi, Zəngilanın Ağalı kəndində ilk “Ağıllı kənd” layihəsi çərçivəsində aparılan işlər "Böyük Qayıdış” prosesi çərçivəsində görülən işlərin bir hissəsidir. Prezident İlham Əliyev tez-tez azad olunmuş ərazilərə səfər edərək Azərbaycan xalqının Qarabağa böyük qayıdışını qısa zamanda təmin edilməsi üçün görülən işləri diqqətdə saxlayır. Prezident öz çıxışı zamanı “Böyük Qayıdış”ın aprel döyüşlərindən sonra Cəbrayıldan başladığını qeyd edib: “Bizim “Böyük Qayıdış”ımız Cəbrayıldan başlamışdır və İkinci Qarabağ müharibəsindəki birinci ciddi uğurumuz da məhz Cəbrayıl şəhəri ilə, Cəbrayıl rayonu ilə bağlıdır. Cəbrayılın azad olunması artıq beş il bundan əvvəl başlamışdı. Aprel döyüşləri nəticəsində Cocuq Mərcanlı kəndinə insanları qaytarmaq üçün imkanlar əldə edildi. Strateji yüksəkliklər işğalçılardan azad olunandan sonra Cocuq Mərcanlıya həyatın qayıtması artıq mümkün olmuşdur və bu, bizim önəmli qələbəmiz idi. Çünki bu, uzun fasilədən, atəşkəsdən sonra ilk böyük qələbəmiz idi”. Bəli, 6 il öncə Cəbrayılda əsası qoyulan "Böyük Qayıdış”ın 44 günlük Vətən Müharibəsi ilə qalan hissələri də tamamlandı. Bu Böyük Qayıdış vətəndaşlarımızın işğaldan azad edilmiş ərazilərdə dayanıqlı məskunlaşmasında və bu ərazilərin ölkənin iqtisadi fəaliyyətinə qoşulmasında bir körpü olacaqdır.
Abdulla Əliyev, Sarvan kənd tam orta məktəbin hərbi rəhbəri, Vətən müharibəsi iştirakçısı
Böyük Britaniya Azərbaycana ən çox sərmayə qoymuş ölkə və strateji tərəfdaşdır. Buraya ənənəvi sahələr daxildir, ancaq əminəm ki, artıq yenilənən enerji növlərinə də sərmayə qoyulacaq. Siz bilirsiniz ki, biz bu vacib istiqamətdə addım atmağa yaxınıq.
