Bu gün Azərbaycanda Novruz bayramının İlaxır çərşənbəsi - Torpaq çərşənbəsi qeyd olunur.

Bizima.az xatırladır ki, digər çərşənbələrdən fərqli olaraq, xalq axırıncı çərşənbəni xüsusi təntənə ilə keçirir.

İlaxır çərşənbədə bütün günü davam edən mərasim axşam şənlikləri ilə daha da gurlaşır. Üzərlik yandırılır, tonqallar alovlanır, tonqallar üstündən tullanılır, bacalardan torbalar sallanır, qurşaq atılır, qulaq falları qurulur. Axır çərşənbədə yaşından və cinsindən asılı olmayaraq hamı tonqalın üstündən tullanmalıdır, tonqalı söndürmək olmaz, o özü sönəndən sonra cavan oğlan və qızlar həmin tonqalın külünü yığıb, evdən kənar bir yerə, çölə atmalıdır. Bu o deməkdir ki, tonqalın üstündən tullanan bütün ailə üzvlərinin bədbəxtçiliyi atılan küllə birlikdə ailədən uzaqlaşdırılır. Axırıncı çərşənbə axşamı yalnız yaxşı sözlər danışılması adət hesab olunur.

Qədim el adətlərinə və inanclara görə, həmin gün evdən duz, su, pul, çörək, od, kirbit, neft, ağartı verməzlər. Axır çərşənbə günü ailə üzvlərinin sayına görə şam yandırılır, adətə görə şamı yarımçıq söndürməzlər. Həmçinin axır çərşənbə gecəsi ürəyində niyyət tutub yatılmalıdır. Deyilənə görə, ilin axır çərşənbə gecəsini öz evində qeyd etməlisən. Əks halda Novruzu yeddi il dalbadal başqa yerdə qarşılayacaqsan.

Xatırladaq ki, fevralın 22-də Su, martın 1-də Od, 8-də Yel (Hava) çərşənbəsi qeyd olunub. Yaz fəsli Azərbaycana martın 20-si saat 19:33-də daxil olacaq.

Nazirlər Kabinetinin qərarına əsasən bu il mart ayının 20, 21, 22, 23, 24-ü Novruz bayramıdır. Martın 20-si bazar gününə təsadüf etdiyi üçün Əmək Məcəlləsinin 105-ci maddəsinin 5-ci bəndinə əsasən iş və istirahət günlərinin yeri dəyişdiriləcək, 25 mart qeyri-iş günü olacaq. Beləliklə, 19, 26 və 27 mart tarixləri də şənbə və bazar günlərinə təsadüf etdiyi üçün Novruz bayramı ilə əlaqədar 9 gün ardıcıl (19, 20, 21, 22, 23, 24, 25, 26 və 27 mart) iş olmayacaq.

Rusiyanın Ukraynada apardığı hərbi əməliyyatlar nəticəsində indiyədək 90 uşaq həlak olub. Bu barədə Ukraynanın Baş Prokurorluğu məlumat yayıb.

Bildirilib ki, 100-dən çox uşaq xəsarət alıb. 

Prezident İlham Əliyev Xurşidbanu Natəvanın 190 illiyinin qeyd edilməsi haqqında Sərəncam imzalayıb. Sərəncamda deyilir:

Bakı Şəhər İcra Hakimiyyətində paytaxt rayonlarının icra hakimiyyəti başçıları və müvafiq təsərrüfat strukturları rəhbərlərinin, Dövlət Şəhərsalma və Arxitektura Komitəsi yanında Bakı Şəhər Memarlıq və Şəhərsalma Baş İdarəsi və Fövqəladə Hallar Nazirliyinin nümayəndələrinin iştirakı ilə müşavirə keçirilib. Tədbirdə Bakı şəhəri ərazisində qanunsuz tikintilərlə bağlı vəziyyət və bu halların qarşısının alınması məsələləri müzakirə edilib. Bu barədə Bakı Şəhər İcra Hakimiyyətinin Mətbuat Xidmətindən məlumat verilib.

Müşavirədə çıxış edən Bakı Şəhər İcra Hakimiyyətinin başçısı Eldar Əzizov martın 3-də prezident İlham Əliyevin çıxışı zamanı Bakı şəhərində qanunsuz tikintilərlə bağlı tutduğu iradlar və bu neqativ halların qarşısının alınması ilə bağlı verdiyi tapşırıqlar barədə məlumat verib. 

Bildirilib ki, son vaxtlarda rayon İcra Hakimiyyəti başçılarına qanunsuz tikililərlə mübarizə tədbirlərinin gücləndirilməsi ilə bağlı dəfələrlə tapşırıqlar verilib, buna baxmayaraq rayon icra hakimiyyətləri başçıları, onların aparatının məsul əməkdaşları bu vacib məsələni daimi nəzarətdə saxlamayıb və nəticədə ərazidə qanunsuz tikintilərin artmasına şərait yaranıb.

Müşavirədə paytaxt ərazisində aparılan monitorinq zamanı aşkar edilən qanunsuz tikililər barədə video film nümayiş etdirilib.

Toplantıda paytaxtın hər bir Rayon İcra Hakimiyyəti başçısının rayon ərazisindəki bütün məsələlərlə bağlı şəxsi məsuliyyət daşıdıqları vurğulanıb və bildirilib ki, RİH-nin qanunsuz tikintilərə qarşı Bakı Şəhər Memarlıq və Şəhərsalma Baş İdarəsinin Şəhərsalma Nəzarəti şöbəsi ilə birgə fəal əməkdaşlıq etməlidirlər.

Müşavirədə ərazisində daha çox qanunsuz hallara yol verilmiş bəzi İcra Hakimiyyəti başçılarına ciddi xəbərdarlıq edilib, qanunsuz tikinti halların qarşısının alınması ilə bağlı təcili və təxirəsalınmaz tədbirlərin görülərək bu barədə 2 ay müddətində hesabat verilməsi tapşırılıb.

Müşavirədə həmçinin yaz mövsümü ilə əlaqədar şəhərdəki park, istirahət bağları, “Abad məhəllə”lərdə cari təmirlərin aparılması, ağac və yaşıllıqlara qulluq göstərilməsinə nəzarətin artırılması ilə bağlı müvafiq tapşırıqlar verilib.

Rusiyanın Ukraynaya irəli sürdüyü 6 tələb üzə çıxıb.

 Bunu Venesuela Prezidenti Nikolas Maduro “TeleSUR” telekanalına açıqlamasında bildirib.

“Onun məqsədi (iqtisadi müharibə-red.) xammal, ərzaq və enerji təchizatında qeyri-sabitlik yaratmaqla bütöv ölkələri və regionları boğmaqdır”, - Venesuela Prezidenti qeyd edib.

Maduronun fikrincə, bu müharibə iqtisadi mərhələdən nüvə silahından istifadə riski də daxil olmaqla, real silahlı qarşıdurmaya keçə bilər: “Dünyada real nüvə müharibəsi təhlükəsi var”.

Martın 10-u gecədən səhər saatlarınadək Rusiya sülhməramlılarının müvəqqəti yerləşdiyi Azərbaycan ərazisindəki qanunsuz erməni silahlı dəstəsinin üzvləri Ağdam rayonunun Çuxurməhlə, Qurdlar, Xıdırlı, Qaradağlı və Qasımlı yaşayış məntəqələri istiqamətlərində yerləşən mövqelərimizi müxtəlif çaplı silahlardan fasilələrlə atəşə tutub.

Qeyd olunan istiqamətlərdə təxribatların qarşısını almaq məqsədilə Azərbaycan Ordusunun bölmələri tərəfindən cavab tədbirləri görülüb. Əməliyyat şəraiti bölmələrimizin nəzarəti altındadır.

"Putin Ukrayna kimi, Avropanı da bölmək istəyir. Əminəm ki, Moldova, Gürcüstan, Baltikyanı ölkələr və hətta Polşa təhlükə altındadır. Rusiya başqa bir dövlətə hücum etmək imkanına sahibdirsə, bütün qitə təhlükə altındadır”.

“Qafqazinfo” xəbər verir ki, bunu Almaniyanın həftəlik "Die Zeit" qəzetinə açıqlamasında Ukrayna Prezidenti Volodimir Zelenski bildirib.

“Mənim üçün ən yaxşı qorunma budur. Rusiya işğala hazırlaşanda Putin ukraynalıların ölkəsini belə bir güclə müdafiə edəcəyinə inanmırdı. Kremlin, Sovet İttifaqının Hitlerə qarşı olduğu kimi, bu müharibənin bizim üçün bir vətənsevərlik müharibəsi olacağını gözləmirdi. Putinin adamları Ukraynanı tanımır, amma biz beləyik. Bu Qərbdəki bir çox insanın dərs alması lazım olan bir prinsipdir”.

Zelenski Kiyevdə olduğunu bildirib. O, ABŞ-ın onu ölkədən çıxarmağı təklif etməsi ilə bağlı da danışıb:

“Xeyr! Amerikalılar məni səhv tanıyıb, mən xalqımla qalıram”.

Ukrayna lideri Qərbin Ukraynaya hərbi dəstəyinin vaxtında yerinə yetirilmədiyini vurğulayıb:

“Bu olmadı. Dedim, Ukraynanı elə bir formada dəstəkləyin ki, təhlükəsizliyimiz təmin olunsun. Bu da edilmədi. İndi işğal altındayıq. Rus birlikləri şəhərlərimizi məhv edir, insanları küçələrdə güllələyir. Anlayırsınız? Hətta qaçqınları da öldürürlər. Raketləri iqamətgahları, universitetləri və kilsələri vurub. Bu, barbarlıqdır. Bəli, silah alırıq, amma barbarlıq qurtarmadığı üçün daha çoxuna ehtiyacımız var”.

Zelenski sanksiyaların kifayət etmədiyini söyləyib:

“Qərb şirkətləri hələ də müxtəlif bəhanələrdə Rusiya bazarında qalır. Bu sanksiyalar daha da sərtləşməlidir”.

Ukrayna Prezidenti Rusiyanın nüvə müharibəsi təhlükəsinin blef olduğunu düşünür:

“Qatil olmaq ayrı, intihar ayrı şeydir. Nüvə silahından hər hansı istifadə yalnız ondan istifadə edənin deyil, iştirak edən hər kəsin sonudur. Bunun əvəzinə Putinin hədəsi zəifliyini göstərir. O, nüvə silahından yalnız təhdid kimi istifadə edir. Mən əminəm ki, Rusiya nüvə silahından istifadə cəhdinin fəlakətli nəticələrindən xəbərdardır”.

Həmyerlimiz Rəşad İbadov Ukraynada insanlara 20 ton pomidor və xiyar paylayıb.

Tezliklə 100 ton naringini də insanlara pulsuz paylayacağını deyib.

Qeyd edək ki, bundan əvvəl həmyerlilərimizin Ukraynada pulsuz çörək, ət və meyvə paylaması ilə bağlı görüntülər yayılmışdı.