Alkoqol və tütün məhsullarını qaçaqmal şəklində dövlət sərhədindən keçirilməsi cəhdlərinin qarşısı alınıb.
Bizimaz.az Unikal.orga istinadən xəbər verir ki, bu barədə Dövlət Sərhəd Xidməti (DSX) Mətbuat Mərkəzi məlumat yayıb.
Bildirilib ki, DSX-nın sərhəd nəzarəti orqanlarının gömrük əməkdaşları ilə birgə keçirdikləri tədbirlər nəticəsində Bakı-Türkmənbaşı reysi ilə "Bəxtiyar” gəmisində yola düşən Türkmənistan vətəndaşları - 1982-ci il təvəllüdlü Bullarov Qurhanmuhannedə məxsus "Ford-Tranzit” markalı BT-9388-AG dövlət nömrə nişanlı və 1990-cı il təvəllüdlü Kaderon Beglienə məxsus "Toyota” markalı BG-5081-AG dövlət nömrə nişanlı avtomobillərin salonlarında alkoqol və tütün məhsullarını qaçaqmal şəklində dövlət sərhədindən keçirmək cəhdlərinin qarşısı alınıb.
Belə ki, avtomobillərin salonlarında 1524 qutu "Pall Mall”, 490 qutu "Fine”, 800 qutu "Wont”, 10 qutu "Parlament” siqaretləri, 400 ədəd "Mascotte” markalı tütün doldurmaq üçün siqaretlər, 500 qram tütün, 8 ədəd 2,5 litrlik "Georgian ԝine”, 10 ədəd 0,5 litrlik "Rkatsiteli” markalı çaxır, 6 ədəd 1 litrlik adsız suvenir çaxırlar aşkar olunub.
