Xəbər lenti

İran ABŞ-a MEYDAN OXUDU: Yox olacaq
 

“ABŞ-a aid PUA-nı vurmaq açıq mesajdır”.

Bizimaz.az xəbər verir ki, bunu İran Silahlı Qüvvələri İnqilab Keşikçiləri Korpusunun komandiri Hüseyn Selami deyib.

General bildirib ki, bu, İranın düşmənlərinə açıq ismarışdır: “İnqilab Keşikçilərinin Aviasiya-Kosmos Qüvvələri bu səhər sərhədlərimizi pozaraq milli təhlükəsizliyimizə qəsd edən casus təyyarəsini vurdu. Sərhədlər bizim qırmızı xəttimizdir. Onu keçən geri qayıtmayacaq və yox olacaq. Bizim heç bir ölkə ilə savaşmaq niyyətimiz yoxdur, amma müharibəyə hazırıq”.

Qeyd edək ki, İran Silahlı Qüvvələri İnqilab Keşikçiləri Korpusu rəsmi internet saytında ABŞ ordusunun “RQ-4 Global Hawk” tipli pilotsuz uçuş aparatını Oman körfəzinin hava məkanında vurduğunu açıqlamışdı.

ABŞ Hava Qüvvələrinin ən yaxşı PUA sistemlərindən olan “RQ-4 Global Hawk” kəşfiyyat təyyarəsi “Northrop Grumman” şirkəti tərəfindən istehsal olunub. PUA-nın 24 saat havada qalmaq potensialı var. 16 km hündürlükdən uçaraq kəşfiyyat işi apara bilir.


istinad


 

Kanadanın Alberta əyalətində 9 mindən çox insan meşə yanğınları səbəbindən evlərini tərk etmək məcburiyyətində qalıb.
 
Bu barədə “Global News” portalı məlumat yayıb.
 
Bildirilir ki, bölgədə son 40 ilin ən güclü quraqlığı yaşanıb, meşə yanğınları may ayının sonundan etibarən tüğyan edir.
Bazar ertəsi əyalətdə üç rayon təxliyyə olunub, yanğının miqyası isə genişlənməkdə davam edir. Nəşrin bildirdiyinə görə, yanğın 324 min ha ərazini əhatə edir.
 
Hazırda 2400-dən çox yanğınsöndürən Alberta ərazisində meşə yanğınları ilə mübarizəyə cəlb olunub.
© 2017 www.bizimaz.az - Bütün hüquqlar qorunur.
Saytda yerləşdirilmiş hər bir materiala olan hüquqlar Azərbaycan Respublikasının qanunvericiliyinə, həmçinin müəlliflik hüququ qanunlarına əsasən qorunur.
Müəlliflərin mövqeyi redaksiyanın mövqeyi ilə uyğun gəlməyə bilər. Saytdakı materiallardan istifadə zamanı istinad zəruridir.
Ünvan: Bakı AZ 1073 Mətbuat prospekti, 529-cu məhəllə, "AZƏRBAYCAN" nəşriyyatı, 2-ci mərtəbə, 44-cü otaq
Tel:(+944 12) 510 24 66; Mob:(+994 50) 346 25 52;
Təsisçi: Z.Vəliyev
Baş redaktor: Asif (Talıboğlu) Şükürov