Dövlət qulluğuna qəbul olmaq istəyən şəxslərin müsabiqənin test imtahanı mərhələsinə hazırlaşmalarına kömək məqsədilə növbəti sınaq imtahanı keçiriləcək.

Dövlət İmtahan Mərkəzinin (DİM) mətbuat xidmətindən verilən məlumata görə, sınaq imtahanı AA, AB, AC, BA, BB qrupları üzrə 2 fevralda baş tutacaq.

İmtahan saat 10:00-da başlayacaq. Namizədlər imtahanı Mərkəzin Nəsimi rayonu, Abdulvahab Salamzadə küçəsi, 28 ünvanında yerləşən binasında xüsusi ayrılmış zallarda kompüter vasitəsilə elektron formada verəcəklər.

Qeyd olunan imtahanda iştirak etmək üçün online qeydiyyat 2 fevral tarixində saat 9:00-da başa çatacaq. Qeydiyyatdan keçmək üçün https://azvision.az/redirect.php?url=http://eservices.dim.gov.az/dqq/Exam/TestExamRegCom keçidinə daxil olmaq lazımdır.
Sınaq imtahanında iştirak etmək istəyənlər DİM-in saytında “Şəxsi kabinet”lərini yaratmalıdırlar. Kabinet yaradılan zaman onun pul hesabı da açılır. Sınaq imtahanında iştirak etmək üçün ödənişin məbləği 30 manatdır.

“Şəxsi kabinet”də olan hesaba vəsait daxil etmək üçün müxtəlif ödəniş üsullarından (ətraflı məlumat payment.dim.gov.az saytında verilmişdir) yararlanmaq olar. “Şəxsi kabinet” yaradıldıqdan və hesaba lazımi vəsait qoyulduqdan sonra sınaq imtahanlarında iştirak etmək üçün DİM-in saytında online qeydiyyatdan keçmək lazımdır.

Bakı Şəhəri üzrə Təhsil İdarəsi (BŞTİ) tərəfindən ümumi təhsil müəssisələrində Gənclərin çağırışaqədərki hazırlığı üzrə rəhbər, uşaq birliyi təşkilatı rəhbəri və laborant vəzifələrinə, o cümlədən BŞTİ-nin nəzdində fəaliyyət göstərən Təlimə Dəstək Mərkəzinə (TDM) işə qəbul üzrə elan edilmiş müsabiqələrin test imtahanı mərhələsinin vaxtı və yeri dəqiqləşib.

Daxili İşlər Nazirliyi (DİN) polis orqanlarında vakant olan orta rəis heyəti vəzifələrinə xidmətə qəbulla əlaqədar müsabiqə elan edib.

DİN-dənverilən məlumata görə, respublikanın şəhər, rayon polis orqanlarında (Naxçıvan Muxtar Respublikası, Bakı, Sumqayıt şəhərləri və Abşeron rayonu istisna olmaqla) polis sahə rəisi, əməliyyat müvəkkili və yetkinlik yaşına çatmayanlarla profilaktiki işin təşkili üzrə inspektor vəzifələrinə xidmətə qəbulla əlaqədar müsabiqə keçirilir.

Cəmi 100 vəzifənin komplektləşdirilməsi ilə əlaqədar keçirilən müsabiqə test imtahanlarından və müsahibədən ibarətdir. Test imtahanları – “Azərbaycan Respublikasının daxili işlər orqanlarında xidmət keçmə haqqında Əsasnamə”nin tələblərinə cavab verən namizədlərlə qanunvericilik aktları və nəzəri bilik sahələri üzrə test imtahanının proqramı, eləcə də, məntiqi nəticə çıxarmaq qabiliyyətini əhatə edən suallar üzrə Azərbaycan Respublikasının Dövlət İmtahan Mərkəzi, müsahibə – test imtahanından müvəffəqiyyətlə keçmiş iştirakçılarla Daxili İşlər Nazirliyinin Mərkəzi Müsabiqə Komissiyası tərəfindən keçirilir.

Müsabiqədə Azərbaycan Respublikasının dövlət ali təhsil müəssisələrində hüquqşünas və müəllim (pedaqoq) ixtisası üzrə təhsil almış, yaşı 28-dən yuxarı olmayan, həqiqi hərbi xidmət müddətini tam başa vurmuş (kişilər üçün), özü və yaxın qohumları məhkum olunmamış, "Azərbaycan Respublikasının daxili işlər orqanlarında xidmət keçmə haqqında Əsasnamə"də müəyyən olunmuş şərtlərə cavab verən Azərbaycan Respublikasının vətəndaşları (daxili işlər orqanlarında xidmətə bərpa olunan və yaxud yenidən qəbul edilən orta və böyük rəis heyəti vəzifələrində işləmiş şəxslər istisna olmaqla) iştirak edə bilərlər.

Hacıqabul (1), Xaçmaz (1), Xızı (1), Qubadlı (1), Qusar (1), Saatlı (1), Sabirabad (1), Yardımlı (1) və Şirvan (1) şəhər, rayon polis şöbələrində vakant yetkinlik yaşına çatmayanlarla profilaktiki işin təşkili üzrə inspektor vəzifəsi üçün müsabiqədə yalnız göstərilmiş rayonlarda yaşayış yeri üzrə qeydiyyatda olan və azı üç il pedaqoji staja malik şəxslər iştirak edə bilərlər.

Bakı, Sumqayıt şəhərlərində və Abşeron rayonunda (Naxçıvan Muxtar Respublikası istisna olmaqla), qeydiyyatda olan yalnız subay namizədlər respublikanın rayonlarında yaşayış şəraitləri nəzərə alınmaqla müsabiqəyə buraxılacaqlar.

Müsabiqə qaliblərinin təyinatı zamanı ilk növbədə həmin rayonda yaşayış şəraiti olanlara üstünlük veriləcək və təyinatlarından sonra onların xidməti iş yerləri Daxili İşlər Nazirliyinin Bakı, Sumqayıt şəhərlərində və Abşeron rayonunda yerləşən polis orqanlarına beş il müddətində dəyişdirilməyəcəkdir.

Müsabiqədə iştirak etmək istəyən şəxslər http://www.mia.gov.az/index.php?/az/content/29799/ ünvanda yerləşdirilmiş elektron ərizə formasını şəxsən dolduraraq elektron poçt vasitəsi ilə bki@mia.gov.az ünvanına Daxili İşlər Nazirliyinin Baş Kadrlar İdarəsinə göndərməlidirlər.

Elektron ərizənin Daxili İşlər Nazirliyinin Baş Kadrlar İdarəsində qeydiyyata götürülməsi barədə elektron poçt vasitəsi ilə müvafiq məlumat aldıqdan sonra namizədlər yaşadıqları ərazi polis orqanlarına aşağıdakı sənədləri şəxsən təqdim etməlidirlər:

- şəxsiyyət vəsiqəsi;

- ali təhsil haqqında diplom;

- hərbi bilet (kişilər üçün);

- əmək kitabçası (olanlar üçün);

Təqdim olunmuş sənədlər əsasında şəxsin müsabiqədə iştirakı üçün zəruri sənədləşmə aparılır.

Müsabiqədə iştirak edəcək şəxslərin sağlamlıq vəziyyəti və fiziki hazırlıq səviyyəsi daxili işlər orqanları əməkdaşları üçün müəyyən olunmuş normativlər üzrə yoxlanılır.

“Daxili işlər orqanlarında xidmətə qəbul olunmaq üçün namizədlərlə müsabiqənin keçirilməsi Qaydaları”, test imtahanının proqramları və fiziki hazırlıq üzrə ödəniləcək normativlər Daxili İşlər Nazirliyinin www.mia.gov.az ünvanlı Veb-saytında yerləşdirilib.

Müsabiqədə iştirak etmək üçün sənədlər 2018-ci il yanvar ayının 22-dən fevral ayının 21-dək hər gün (istirahət günləri istisna olmaqla) saat 10-dan 17-dək şəhər, rayon polis orqanlarında qəbul olunur.

Əlavə məlumat almaq üçün əlaqə telefonları:

(012) 590-92-37; 590-92-54; 590-93-27; 590-93-45; 590-93-64; 590-95-23.

Vergilər Nazirliyində yeni nazirin təyinatından sonra aparılan islahatlar çərçivəsində indiyə qədər 64 nəfər yüksək vəzifəli məmur öz kresloları ilə vidalaşmalı olub.

Azərbaycan Respublikasının prezidenti İlham Əliyevin sədrliyi ilə Nazirlər Kabinetinin 2017-ci ilin sosial-iqtisadi inkişafının yekunlarına və qarşıda duran vəzifələrə həsr olunan iclası keçirilib.

Dövlətimizin başçısı iclasda giriş nitqi söyləyib.

Sonra maliyyə naziri Samir Şərifov, əmək və əhalinin sosial müdafiəsi naziri Səlim Müslümov və “Azərkosmos” Açıq Səhmdar Cəmiyyətinin sədri Rəşad Nəbiyev çıxış ediblər.

Prezident İlham Əliyev iclasda yekun nitqi söyləyib.

 

2018-ci ilin yanvar ayı üçün şəhər və rayonlarda vətəndaşların  mərkəzi icra hakimiyyəti orqanları rəhbərlərinin qəbulu cədvəli açıqlanıb.

“2018-ci ilin dövlət büdcəsində sosialyönümlü xərclərin həcmi 7,7 milyard manat nəzərdə tutulub. Bu, cari ilin göstəricisi ilə müqayisədə 650 milyon manatdan çoxdur”.

Oxu.Az-ın məlumatına görə, bunu maliyyə naziri Samir Şərifov “AzTV”-yə müsahibəsində bildirib. O qeyd edib ki,  növbəti ildə sosialyönümlü layihələrə əlavə vəsait ayrılıb. Təkcə əməkhaqqı fondu üzrə 4,2 mlrd. xərc nəzərdə tutulub:

“Təhsilə ayrılan xərclər də xüsusi böyük çəkiyə malikdir. Gələn il təhsil xərcləri 2 milyard manat səviyyəsində olacaq. Bu rəqəm cari illə müqayisədə 211 milyon manat çoxdur. Bu, kifayət qədər yüksək artımdır”.

Müəllimlərin əməkhaqlarının əhəmiyyətli dərəcədə artdığını önə sürən nazir deyib ki, həm məktəb direktorlarının, həm də müəllimlərin əməkhaqları yüksəlib: 

“Artıq çox bacarıqlı, savadlı, səriştəli müəllimlər yüksək maaş almaq imkanı qazanıblar. Diaqnostik qiymətləndirmələr başa çatdırılır və sınaqdan keçən müəllimlər məvaciblərini artırmaq imkanı əldə edirlər.

2018-ci ildə bu tendensiyanın davam edəcəyini deyən nazir qeyd edib ki, diaqnostik qiymətləndirmələrin başa çatdırılır və sınaqdan keçən müəllimlər məvaciblərini artırmaq imkanı qazanırlar.

Maliyyə naziri əlavə edib ki, orta hesabla müəllimlərin əməkhaqları 35% artıb:

“Bəzi kateqoriyalar üzrə müəllimlərin əməkhaqqı artımı daha yüksəkdir”.

Bakı şəhər İcra Hakimiyyəti (BŞİH) sökülən evlərin yerində tikinti işlərinin aparılması ilə bağlı yayılan məlumatlara münasibət bildirib.

Mətbuat Şurasında Azərbaycan İctimaiyyətlə Əlaqələr Mütəxəssisləri Assosiasiyası İctimai Birliyinin təmsilçiləri ilə (Azerbaijan Public Relations Association-APRA) görüş keçirilib.

Teleqraf.com-un məlumatına görə, MŞ sədri, Milli Məclisin deputatı Əflatun Amaşov bildirib ki, ictimaiyyətlə əlaqələrin düzgün qurulması son dərəcə vacibdir. O qeyd edib ki, Azərbaycan qanunvericiliyində bununla əlaqədar xüsusi müddəalar var:

“Bu müddəalara əməl edilməsi mütləqdir. Ancaq ictimaiyyətlə əlaqələrin düzgün qurulması eyni zamanda peşəkarlıq məsələsidir. Söhbət yalnız ondan getmir ki, cəmiyyət informasiya ilə təmin edilsin. Bu sahə elmi yanaşma da tələb edir. İnanıram ki, yeni təsis edilmiş Azərbaycan İctimaiyyətlə Əlaqələr Mütəxəssisləri Assosiasiyası İctimai Birliyi mövcud istiqamətdə faydalı işlər görəcək. Çünki qurumda öz sahəsinin biliciləri olan şəxslər toplaşıblar. Onların təşkilatlanması yenilikdir. Yeniliyin əməli iş müstəvisində özünü göstərməsi vacibdir. Buna görə də Mətbuat Şurası quruma hər cür dəstək göstərməyə hazırdır”.

Azərbaycan İctimaiyyətlə Əlaqələr Mütəxəssisləri Assosiasiyası İctimai Birliyinin sədri, “Veysəloğlu” şirkətinin ictimaiyyətlə əlaqələr şöbəsinin müdiri İlham Məmmədov rəhbərlik etdiyi birliyin məqsəd və vəzifələri barədə söz açıb. O bildirib ki, APRA ölkənin dövlət qurumlarının, tanınmış şirkətlərinin cəmiyyətə informasiya verilməsinə məsul strukturlarının rəhbərlərinin birləşərək yaratdıqları qurumdur. Təşkilatın yaranmasında məqsəd ictimaiyyətlə əlaqələr sahəsində tədrisin mükəmməlləşdirilməsi, kadr potensialının artımı üçün şəraitin yaradılması və bu sahənin hərtərəfli, keyfiyyət və kəmiyyət baxımdan inkişafına nail olmaq, mövcud istiqamətdəki proseslərə dəstək göstərməkdir.

Qarşılıqlı müzakirələr şəraitində keçən görüşdə eyni zamanda bildirilib ki, ölkəmizdə bu sahə yeni olduğundan PR menecerləri, PR agentliyi və biznesin PR strukturunu peşəkar səviyyədə birləşdirəcək və fəaliyyətini əlaqələndirəcək təşkilata ehtiyac var. Assosiasiya PR tətbiqi sahəsində yüksək peşəkarlığa və etik standartlara riayət edilməsinə kömək edəcək. Qurum habelə ictimaiyyətlə əlaqələr üzrə yerli mütəxəssislərin bilik və bacarıqlarının artırılmasına şərait yaradacaq.

Görüşdə həmçinin 2018-ci ilin aprel ayında Bakı birinci PR Forumunun keçiriləcəyi və prosesə APRA-nın da müvafiq dəstək göstərəcəyi vurğulanıb.

Bakının Babək prospektində aparılan yenidənqurma işləri ilə əlaqədar olaraq, bu gündən yolun Nəcəfqulu Rəfiyev küçəsi ilə kəsişməsindən Günəşli qəsəbəsi istiqaməti üzrə, təqribən, 1 km-lik hissəsində avtonəqliyyat vasitələrinin hərəkəti qısa müddətə məhdudlaşdırılır.