Kənd Təsərrüfatı Nazirliyi yanında Kənd Təsərrüfatı Layihələri və Kreditlərinin İdarə Edilməsi üzrə Dövlət Xidmətinə yeni rəis təyin edilib.

Bakının “Sovetski” adlanan ərazisində aparılan söküntülərə bundan sonra Baş nazirin müavini Hacıbala Abutalıbov nəzarət edəcək.

Bu gün Bakı Dövlət Universitetində Təhsil Nazirliyinin SABAH qrupları layihəsi çərçivəsində cari ilin mart - aprel ayları ərzində Azərbaycan Xalq Cümhuriyyətinin 100 illiyinə həsr olunmuş riyaziyyat, müəllimlik və informasiya texnologiyaları ixtisasları üzrə Bilik Yarışlarının yekun mükafatlandırma  mərasimi keçirilib.

Tədbiri giriş sözü ilə açan BDU-nun rektoru, akademik Abel Məhərrəmov  Prezident İlham Əliyevin 2018-ci ilin “Azərbaycan Xalq Cümhuriyyəti ili” elan etməsindən bəhs edib və bu münasibətlə keçirilən Bilik Yarışının əhəmiyyətini qeyd edib. SABAH qrupları layihəsi çərçivəsində həyata keçirilən layihələrdən danışan rektor “Azərbaycan Respublikasında təhsilin inkişafı üzrə Dövlət Strategiyası”nın icrası çərçivəsində yaradılmış  SABAH qruplarının fəaliyyətini yüksək qiymətləndirib. BDU-da bir çox böyükmiqyaslı layihələrin həyata keçirildiyini diqqətə çatdıran rektor Azərbaycan Xalq Cümhuriyyətinin 100 illiyinə həsr olunmuş riyaziyyat, müəllimlik və informasiya texnologiyaları ixtisasları üzrə Bilik Yarışının nəticələrinə əsasən, hər üç kateqoriyada BDU tələbələrinin qalib olmasından məmnunluğunu ifadə edərək onlara uğurlar arzulayıb.

Təhsil ­nazirinin müavini Fir­udin Qurbanov Bilik Yarışının tələbələrin  tədris dövründə inkişafında, təlim və peşə hazırlığı üzrə biliklərinin dərinləşdirilməsində və möhkəmləndirilməsində, peşəkar kadr kimi yetişdirilməsində, potensialı olan gənclərin gələcəkdə rəqabət mühitinə uyğunlaşmasında böyük addım kimi dəyərləndirib.

SABAH İcra Komitəsinin rəhbəri Şahin Seyidzadə, Azərbaycan Dövlət Pedaqoji Universitetinin rektoru, professor Cəfər Cəfərov və Azərbaycan Texniki Universitetinin rektor əvəzi Xaliq Yahudov belə layihələrin davamlı olmasınının müsbət təsirlərindən danışıblar.

Sonda mükafatlandırma mərasimi baş tutub. Riyaziyyat üzrə bilik yarışmasının nəticələrinə əsasən, BDU-nun Riyaziyyat müəllimliyi ixtisasının III kurs tələbələri Süleyman Bağırov, Aytac Nəbiyeva və Əfsanə Rzazadə müvafiq olaraq I, II və III yerləri tutublar. Müəllimlik üzrə keçirilən yarışın nəticələrinə əsasən, BDU-nun Kimya müəllimliyi ixtisasının II kurs tələbəsi Tamara Əliyeva I, ADPU-nun İbtidai sinif müəllimliyi ixtisasının III kurs tələbəsi Nərmin Mahmudova II, Azərbaycan Dillər Universitetinin Xarici dil müəllimliyi ixtisasının tələbəsi Nərmin Səfərova isə III yerə layiq görülüblər. İnformasiya Texnologiyaları üzrə BDU-nun Riyaziyyat müəllimliyi ixtisasının III kurs tələbəsi Süleyman Bağırov I, Azərbaycan Texniki Universitetinin Kompyuter mühəndisliyi ixtisasının IV kurs tələbəsi Cavid Əsədullayev II, BDU-nun Komyuter elmləri ixtisasının III kurs tələbəsi Şəfəq Aslanzadə III yerlərin sahibi olublar.

Qeyd edək ki, Azərbaycan Xalq Cümhuriyyətinin 100 illiyinə həsr olunmuş riyaziyyat, müəllimlik və informasiya texnologiyaları ixtisasları üzrə Bilik Yarışı  iki mərhələ və finaldan ibarət olmaqla 8 ali təhsil müəssisəsinin 520-dək SABAH tələbəsinin iştirakı ilə baş tutub. Yarışların I turu riyaziyyat üzrə Bakı Dövlət Universiteti, müəllimlik üzrə Azərbaycan Dövlət Pedaqoji Universiteti, informasiya texnologiyaları üzrə isə Azərbaycan Texniki Universitetində keçirilib.

Mətbuat və informasiya şöbəsi, 25 aprel 2018-ci il

Azərbaycan prezidentinin 23 aprel tarixli sərəncamı ilə ekologiya və təbii sərvətlər naziri təyin olunmuş Muxtar Bahadur oğlu Babayev nazirliyin kollektivinə təqdim olunub.

ETSN-in mətbuat xidmətindən Oxu.Az-a verilən məlumata görə, yeni naziri Prezidentin İqtisadi məsələlər üzrə köməkçisi Əli Əsədov kollektivə təqdim edərək, Muxtar Babayevin keçdiyi həyat yolu və iş təcrübəsi barədə məlumat verib.

Ə.Əsədov qeyd edib ki, ekologiya və ətraf mühitin sağlamlaşdırılması, təbii sərvətlərdən xalqımızın rifahının yaxşılaşdırılması naminə istifadə olunması Prezident İlham Əliyevin daim diqqət mərkəzindədir. Ölkəmizdə reallaşdırılan milli inkişaf strategiyasının prioritet istiqamətlərindən biri ətraf mühitin mühafizəsini, insanların sağlam təbii mühitdə yaşamasını ən yüksək səviyyədə təmin etməkdir.

Buna uyğun olaraq Azərbaycan Respublikasının Prezidentinin imzaladığı fərmanlarda, təsdiq etdiyi Milli və Dövlət Proqramlarında ekoloji mühitin sağlamlaşdırılması məqsədilə nəzərdə tutulan hədəflərin reallaşması üçün yerinə yetirilməsi zəruri olan vəzifələr müəyyənləşdirilib, müvafiq surətdə ətraf mühitin bütün sahələrində, o cümlədən aqromeşələrin salınmasında, yaşıllıqların artırılmasında, meşələrin inkişafında, biomüxtəlifliyin mühafizəsində, su ehtiyatlarının davamlı idarə olunmasında və digər sahələrdə nəzərəçarpacaq nailiyyətlər əldə edilib.

Ə.Əsədov dövlət başçısı tərəfindən ekologiya və ətraf mühit sahəsində qarşıya qoyulan vəzifələrin, verilən tapşırıqların icrası ilə bağlı nazirliyin kollektivinə müvafiq məsləhət və tövsiyələr verib.

Yeni ekologiya və təbii sərvətlər nazirinin təqdim edilməsində iştirak edən Hüseyn Bağırov nazir M.Babayevə gələcək fəaliyyətində uğurlar arzulayıb.

M.Babayev prezidenti İlham Əliyev tərəfindən ona göstərilən yüksək etimada görə minnətdarlığını bildirib.

O, dövlət başçısının ekologiya və ətraf mühit sahəsi ilə bağlı müəyyən etdiyi vəzifələrin  icrasının layiqincə təmin ediləcəyini vurğulayıb. M.Babayev bundan sonra da Nazirliyin fəaliyyətinin bütün istiqamətlərində şəffaflığın tam təmin ediləcəyini, sistemli yanaşma və sosial ədalət prinsiplərinin rəhbər tutulacağını qeyd edib.

Hökumət strukturunda, xüsusilə də Nazirlər Kabinetində gənclərin yer almaması tez-tez sosial şəbəkələrdə müzakirələrə səbəb olurdu.

Aprelin 11-də keçirilən  prezident seçkilərindən sonra iqtidarın öz komandasında ciddi dəyişliklərə getməsi, xüsusilə də,  Nazirlər Kabinetində gənclərə də yer verməsi təqdir edilən hal olub. Bununla yanaşı, hökumətin yüksək postlarına təyin olunan şəxslər arasında dünyanın bir çox tanınmış universitetlərinin tələbələri, eləcə də təcrübə proqramlarının iştirakçıları yer alır. 

“Qafqazinfo” bu məqamda yeni dəyişikliklərdən sonra mühüm hökumət postlarında yer tutan şəxslərin təhsil xronikasını təqdim edir:

Kənd Təsərrüfatı naziri İnam Kərimov ilk təhsilini Bakı şəhərində Humanitar fənlər Gimnaziyasında alıb. ABŞ-ın İndiana ştatında Richmond High School-da təhsilini davam etdirən İnam Kərimov daha sonra Bakı Dövlət Universitetinin Beynəlxalq hüquq fakültəsinə qəbul olunub. O, 1998-2000-ci illərdə Fransanın Strasburq Universitetində Hüquq üzrə bakalavr, 2000-2002-ci illərdə isə Sorbonna Universitetində hüquq üzrə magistr təhsili alıb.

Əmək və Əhalinin Sosial Müdafiə naziri təyin edilən və Nazirlər Kabinetinin ən gənc nümayəndəsi Sahil Babayev Bakı Dövlət Universitetində "Beynəlxalq hüquq və beynəlxlaq münasibətlər" sahəsi üzrə bakalavr, 2002-ci ildə isə magistr dərəcəsi alıb. Hüquq üzrə fəlsəfə doktorudur.

Ekologiya və təbii sərvətlər naziri Muxtar Babayev orta məktəbi Bakı şəhərində bitirdikdən sonra M.V.Lomonosov adına Moskva Dövlət Universitetinin fəlsəfə fakültəsinə qəbul olub. O, həmçinin Azərbaycan Dövlət İqtisad İnstitutunun və Ümumrusiya Xarici Ticarət Akademiyasının məzunudur.

Təhsil naziri təyin Ceyhun Bayramov ilk təhsilini Bakı şəhərində gümüş medalla bitirib. Daha sonra, qəbul olduğu Azərbaycan Dövlət İqtisad Universitetini də fərqlənmə diplomu ilə tamamlayan  C. Bayramov, eyni zamanda  Azərbaycan Universitetində hüquqşünaslıq ixtisası üzrə təhsil alıb.

Dövlət Miqrasiya Xidmətinə rəis təyin olunmuş Vüsal Hüseynov Harvard məzunudur. Bakalavr dərəcəsini Azərbaycan Dövlət İqtisad Universitetininin iqtisadiyyat fakültəsində alan V. Hüseynov 1 il müddətində Bratislavada, Academia İstropolitana Novada intensiv ətraf mühit iqtisadiyyatı kursunda iştirak edib. Daha sonra, UNEC-də beynəlxalq iqtisadi münasibətlər üzrə ilk magistr təhsilini alıb.

O, 2008-ci ildə Bakı Dövlət Universitetinin hüquq fakültəsinə, iki il sonra isə Harvard Universitetinin John F. Kennedy adına idarəçilik məktəbinin inzibati idarəçilik üzrə magistr proqramına qəbul olub. Təhsili müddətində  Xaricdə təhsil üzrə Dövlət proqramı çərçivəsində təqaüd alan V. Hüseynov 2011-ci ildə Harvard Universitetinin inzibati idarəçilik üzrə magistr dərəcəsinə yiyələnib.

Yeni yaradılmış Dövlət Turizm Agentliyinə sədr təyin olunmuş Fuad Nağıyev bakalavr dərəcəsini Bakı Dövlət Universitetin Hüquq fakultəsində alıb. Təhsilini AR Elmlər Akademiyası Fəlsəfə və Hüquq İnstitutunun aspirantı kimi davam etdirən F. Nağıyev İngiltərənin Birminhem Universitetində Avropa Şurasının İnsan hüquqları üzrə hüquq və təcrübə proqramında təhsil alıb.

Daha sonra, o, Bakı Dövlət Universitetində "Beynəlxalq hüquq və beynəlxlaq münasibətlər" sahəsi üzrə bakalavr və magistr dərəcəsi alıb. Hüquq üzrə fəlsəfə doktorudur.

Diasporla İş üzrə Dövlət Komitəsinə sədr təyin olunmuş Fuad Muradov Azərbaycan Dövlət Neft Akademiyasının su təminatı və idarəetmə fakültəsini bitirib. 2000-2002-ci illərdə Azərbaycan Dövlət Neft Akademiyasında TEMPUS proqramı çərçivəsində "sənayesində ətraf mühitin qorunması" ixtisası üzrə magistr dərəcəsini alıb. 2002-ci ildən Azərbaycan Milli Elmlər Akademiyasının Radiasiya Problemləri İnstitutunun aspirantıdır.

Günel Hacı

Azərbaycanın yeni təyin olunmuş kənd təsərrüfatı naziri İnam Kərimov Nazirliyin kollektivinə təqdim olunarkən öz çıxışında 3 əsas fəaliyyət prinsipini açıqlayıb.

Hökumətin yeni tərkibdə formalaşması qaçılmaz idi.