Bakı Şəhər İcra Hakimiyyətində (BŞİH) payız-qış mövsümünə hazırlığın vəziyyəti ilə bağlı geniş müşavirə keçirilib.

“Bunun həm psixoloji, həm sosioloji, həm də siyasi əhəmiyyəti var”

Azərbaycanın Türkiyə vətəndaşları üçün viza rejimini ləğv etməsi barədə qərarı sentyabrın birindən qüvvəyə mindi. Qərara əsasən, Azərbaycana 30 günədək müddətə səfər etmək istəyən Türkiyə Respublikasının ümumvətəndaş pasportuna malik vətəndaşları üçün viza tələbi ləğv olunur.

Bundan əlavə, Azərbaycan ərazisində 30 gündən artıq qalmaq istəyən Türkiyə vətəndaşlarının statusu Azərbaycanın müvafiq qanunları ilə tənzimlənir.

Qeyd edək ki, əvvəl bu addımı Türkiyə tərəfi atmışdı və illərdir Azərbaycanın nə üçün belə bir qərar qəbul etməməsi müzakirə edilirdi. Ekspertlər rəsmi Bakının bu addımını yüksək dəyərləndirir, siyasi, iqtisadi yöndə Azərbaycana bunun ciddi töhfələrinin olacağını vurğulayılar. Eyni zamanda türk iş adamları tərəfindən ölkəmizə investisiya yatırımlarının kəskin şəkildə artırılacağı bildirilir. Turistlərin sayında da ciddi artımların olacağı istisna edilmir.

Politoloq Tofiq Abbasov “Yeni Müsavat”a açıqlamasında Azərbaycan tərəfin qərarına bu cür şərh verdi: “Bunu gecikmiş qərar adlandırmaq olmaz. Subyektiv baxışıma əsasən bunu deyirəm. Azərbaycanla Türkiyə bilirik ki, bir-birinə çox yaxın ölkələrdir, doğma məmləkətlərdir. Amma hər bir dövlətin geosiyasi maraqları, təhlükəsizlik spektrində tələbləri və standartları var. Məsələn, Türkiyənin özünə məqbul saya bildiklərini Rusiya, İran və Suriya saya bilməz. Türkiyə ilə münasibətlərimizin yaxın olması heç də ona dəlalət etmir ki, kortəbii şəkildə hərəkət edək. Türkiyə viza məsələsini əvvəlcədən həll etdi. Çünki bilirdi ki, Azərbaycan ona doğma ölkədir, Azərbaycan vətəndaşları xoş niyyətlə qonşu ölkələrə gedirlər. Burada işgüzar da, şəxsi məsələlər də ola bilər. Amma Azərbaycan bu məsələdə tələskənliyə yol vermirdi, çünki əvvəlcədən riskləri, təhdidləri, ortaya çıxa biləcək problemləri nəzərə alırdı. Türkiyənin müstəqillik tarixi bir əsrə yaxındır. Amma Azərbaycan 30 ilə yaxındır müstəqildir. Bu baxımdan imkanlarımız, ölkənin daxilində, bölgədə olan vəziyyətlə bağlı götür-qoy etməkdə ciddi olmalı idi. Çünki biz müharibə dövründə yaşayan məmləkətik. Erməni təcavüzü hələ də davam edir. İstənilən ətrafdakı dövlətdən müxtəlif adamların hamısı heç də xoş niyyətlə Azərbaycana gəlmirlər. Təbii ki, beynəlxalq təcrübədə belə şeylər qəbul olunandır. Təhlükəsizlik orqanlarımız bu məsələlərin hamısını ciddi şəkildə nəzərdən keçirir, diqqətdə saxlayır. Bütün məsələləri nəzərdən keçirdikdən sonra belə qərara gəldik ki, biz də Türkiyəyə adekvat cavab verməliyik. Onu da deyim ki, ilk növbədə bu, iki tərəfin bir-birinə yüksək etimadının mövcudluğundan xəbər verir. Yenə deyirəm, bu məsələdə Türkiyə bizdən əvvəl hərəkət etdi, çünki imkanları, bu sahədəki təcrübəsi bizdən daha çox idi. Azərbaycan da söz vermişdi və sözünə indi əməl etdi. Bu qərarın işgüzar müstəvidə ölkəmizə çox böyük xeyri var. Avropa İttifaqı Azərbaycan üçün viza rejimini yüngülləşdirəcək. Belə qərarlar işgüzar adamlar üçün böyük əhəmiyyət kəsb edir. Bu baxımdan hesab edirəm ki, Türkiyə vətəndaşlarının Azərbaycana vizasız, maneəsiz, adi bir vəziyyətdə belə gedib-gəlməsi problemləri xeyli yüngülləşdirir. Həmçinin işgüzar ideyaların həyata keçməsi üçün də münasib bir şərait yaradır. Bu qərarın ancaq müsbət tərəflərindən danışmaq olar. Türkiyə bizim üçün olduqca yaxın dövlətdir. Bizim xeyli sayda şəxsi biznes, özəl sektor tərəfindən tətbiq edilmiş planlarımız, layihələrimiz, proqramlarımız var. Unutmaq olmaz ki, iri infrastruktur layihələrinin ətrafında xeyli sayda servis xidmətləri, şirkətləri var. Onlar üçün də gediş-gəlişin yüngülləşdirilməsi çox vacibdir”.

İqtisadçı ekspert Natiq Cəfərli viza rejimi qərarının Azərbaycana gətirəcəyi üstünlükləri sadaladı: “Qardaş ölkə sayılan bu dövlətlə viza rejiminin qalması kifayət qədər suallar doğururdu. Türkiyədə səfərdə olarkən ən çox qarşılaşdığımız suallar bu idi. Gecikmiş olsa da, sonunda bu doğru qərar verildi. Bunun həm psixoloji, həm sosioloji, həm də siyasi əhəmiyyəti var. Təbii ki, bunun iqtisadi təsirləri də olacaq. Təxminən 10 il olar ki, Gürcüstan Türkiyəyə viza rejimini ləğv edib və artıq son iki ildə xarici pasport olmadan belə Gürcüstana türk vətəndaşları gələ bilirlər, şəxsiyyəti təsdiq edən sənəd kifayət edir. Bu ona gətirib çıxardı ki, Azərbaycana bu gün Türkiyədən gələn turistlərlə Gürcüstana gedənlər arasında iki dəfədən çox fərq var. Yəni Gürcüstana iki dəfə çox Azərbaycanla müqayisədə türk vətəndaşı gəlir. Vizaların ləğvi Azərbaycanla bağlı mühüm amilə çevriləcək. Turizm axınının artması nöqteyi-nəzərdən proseslərə kifayət qədər təsir göstərəcək. Türkiyə tərəfdə bu məsələ kifayət qədər mediada gündəm oldu. Türk vətəndaşlarına bu xəbər çatdırıldı ki, Azərbaycana azı bir ay müddətində vizasız getmək mümkündür.

Bu da turist axınına kifayət qədər imkan verəcək. Viza rejimi iş adamları üçün də müəyyən problemlər yaradırdı. Hər dəfə Azərbaycana gələndə viza məsələsi ilə məşğul olmaq, bunun müzakirəsini etmək, sənədləşmə işləri aparmaq çox vaxt bu fikirdən vaz keçməyə səbəb olurdu. Doğrudur, viza şərtləri xeyli asanlaşmışdı. Amma maneələri çox qalırdı. İndi isə çox asan vəziyyət yaranır. Ölkəmizdə türk vətəndaşlarının iş axtarma imkanları da xeyli çoxalır. Düşünürəm ki, bu, uğurlu nəticələr versə, bir müddətdən sonra müddətin artırılması məsələsi də gündəmə gələ bilər. Yəni bir neçə aydan sonra 30 günün 90 günə qədər artırılması məsələsi gündəmə gələ bilər. Əminəm ki, məlum qərarın kifayət qədər müsbət nəticələri olacaq. Bunu görən Azərbaycanın hökumət nümayəndələri, qərar verən şəxslər müddətin uzadılması barədə gələcəkdə qərar verə bilərlər. Bütün istiqamətlər üzrə kifayət qədər uğurlu, nəticə verə biləcək bir qərar oldu”. (“Yeni Müsavat”)

Sabunçu stansiyasının 14-cü kilometrin 3-cü piketində yeni inşa olunmuş yeraltı tuneldə dünən gecə və bu gün səhər saatlarında yağan yağış nəticəsində subasma hadisəsi baş verib.

"Azərbaycan Dəmir Yolları" QSC-nin Mətbuat katibliyi şöbəsinin rəisi Natəvan Bayramova məsələ ilə bağlı bildirib ki, yeraltı tunelin tikintisi zamanı Sabunçu rayon ərazisinin illik yağıntı normalarına uyğun olaraq nasosxana quraşdırılıb.

Lakin ərazidə işlər yekunlaşmadığından və yağış suyunun çox olması səbəbindən nasosxana suyun uzlaşmasını çatdıra bilməyib:

"Buna baxmayaraq, dəmir yolu tərəfindən tədbirlər görülüb, suyu tuneldən uzaqlaşdırmaq üçün əlavə güclü nasos quraşdırılıb və görülmüş tədbirlər nəticəsində yeraltı tuneldən avtomobillərin hərəkəti bərpa olunub".

N.Bayramova bildirib ki, yeraltı tuneldə infrastrukturun qurulması tam başa çatmayıb və "Azərbaycan Dəmir Yolları" QSC tərəfindən podratçı təşkilatdan təhvil alınmayıb. "Lakin yerli sakinlərin xahişi nəzərə alınaraq, nəqliyyat sıxlığınin aradan qaldırılması, eləcə də yanğınsöndürmə və təcili yardım maşınlarının vaxtında mənzil başına çatması məqsədi ilə tunel maşınların hərəkəti üçün açılıb", - QSC-nin sözçüsü bildirib.

Qeyd edək ki, tuneli su basması nəticəsində avtomobillər suyun altında qalıb.

Rayonda bütün rəhbərlərin dosyesi hazlrdlr

Ölkə prezidentinin sərəncamı ilə Məhərrəm Quliyev  Goranboy rayon icra hakimiyyətinin başçısı təyin olunanda cətin dürüma düşüb. Redaksiyamıza daxil olan məlumata görə, hətta uzun illərin təcrübəsi də yeni başcının köməyinə catmayıb.

Belə ki, rayona yaxşı bələd olmayan Məhərrəm Quliyev ilk əvvəl kadr məsələsində cətinlik cəkib.Köhnə kadrlarla işləməyəcəyini bəyan edən icra hakimiyyətinin başcısının köməyinə bir vaxtlar bu rayonda elə həmin vəzifədə işləmiş həmyerlisi Novruz Novruzov çatıb və həmyerlisinin məsləhəti bu olub ki, vaxtı ilə mənimlə və məndən sonrakı başcı Elşənlə işləmiş kadrlardan, əsasən də kecmiş 1-ci müavin Ceyhunu Həsənovu tap, ondan yararlan.

 İcra başçısı dərhal çapar göndərib Ceyhunu tapdırır və uzun illərdən sonra yenidən qapılar onun üzünə acılır. Və təyin olduğu ilk vəzifə də onu qane edir,aparatda  şöbə müdiri. Lakin sonradan icra başçısı eşidir ki, Ceyhun müəllimin işlədiyi dövrdə rayonda çoxlu qanunsuzluqlar baş verib.Təkcə təhsil şöbəsində 20 çox vəzifəli şəxsə qarşı cinayət işi qardırılıb. Bəli, bu o vaxt baş verib ki, onda Ceyhun Həsənov rayon icra hakimiyyəti başçısının 1-ci müavini işləyirdi.

İcra başcısı Ceyhun Həsənovun  digər bir xoşa gəlməz faktını, dövlət qulluğundan əlil kimi təqaüdə cıxdığını eşidəndə dərhal telefonu götürüb rayon mərkəzi xəstəxanasının baş həkimi Rüstəm Budaqova zəng edib. Lakin aldığı cavab icra başçısını məyus edib. Belə ki, baş həkim Ceyhun Həsənovun məsələsini nazir Sahil Babayevlə müzakirə olunmasını məsləhət görüb.

Çətin vəziyyətə düşən icra başçısı məsələnin qapadılmasını və ictimayiləşmədiyi dövrə qədər Həsənovdan yararlanmağı tapşırıb. Axı Goranboyda hamı Ceyhun Həsənovu  və Ceyhun Həsənov da rayon əhalisini, xüsüsən də idarə,müəssisə və təşkilat rəhbərlərini hamıdan yaxşı tanıyır. Bu da hələ ki, Məhərrəm Quliyevin işinə yarıyır. Rayonda Ceyhun Həsənovun uzun illər sahibkarlıq fəaliyyəti ilə məşğul olması və 1-ci müavin işlədiyi dövrdə topladığı kapitaldan cox danışırlar.

Ceyhun Həsənovun qısa müddətdə ulduzunun parlamasının bir səbəbi də yuxarıda qeyd etdiyimiz kimi əlində kifayət qədər kapitalının olmasıdır. Düzdür, rayonda hamı danışır ki, cəbhə bölgəsi olan Göranboyda hərbi xidmətdə olmayan, biznesmen-əlil Ceyhun Həsənovun icra hakimiyyətdə işləməsi doğrü deyil. Amma buna baxmayaraq icra başcısı Məhərrəm Quliyev onu qısa müddətdə vəzifə pilləsində daha yuxarılara cəkməyi planlaşdırırdı. Bütün dedi-qodulara baxmayaraq  Məhərrəm Quliyev ölkənin idarəetmə tarixində bir ilkə imza atdı. Sələfi və həmyerlisi  Novruz Novruzovun məsləhətinə qulaq asıb təqaüdcü, əlil,biznesmen,sabiq  1-ci müavin Ceyhun Həsənovu özünə yenidən 1-ci müavin təyin etdi.Və icra başcısı  bu yolda ona maneə olacaq bütün sədləri tez bir zamanda təmizlədi ki, Ceyhun Həsənovdan bəhrələnə bilsin.

Hələ Azərbaycanda idarəetməcilik tarixində görünməyib ki, işdən cıxarılan rayon icra başcısının 1-ci müavini bir necə ildən sonra yenidən həmin vəzifəyə təyinat ala. Özü də onun ilk dəfə işlədiyi dövrdə rayonda xeyli korrüpsiya faktları arkarlanmışdır.

Aldığımız son məlumata görə, Göranboy rayonunda icra başcısının güya göstərişi ilə bir necə idarə-müəssisə rəhbərlərinə xəbər göndərilib ki, hazırlaşın. Ya kreslonuzla əlvida, ya da ... Deyilənə görə bu işlərin də arxasında sevimli yerli kadrlar durur. İndi bəzi adamlara rayonda olan məmurların dosyesini hazırlamaq tapşırılıb. Axı rayonda hec kəsi tanımayan icra başcısının stolunun ustundəki dosyeləri kim hazırlaya bilər? Məsələn, rayonda danışırlar ki, icra başcısı Məhərrəm Quliyevin gələn kimi rayon subartezian quyularının istismarı idarəsinin rəisi Rauf  Teyyubovu qaralaması onun ücün xeyli başağrısına cevrilib. Prezident Administrasiyasından gələn zəng icra başcısını məyyus edib.Amma buna baxmayaraq Teyyubova qarşı qara piyar bu gündə davam edir. Iclaslarda onun haqqında mənfi obrazlar yaradan şəxslərin cıxışlarına daha cox yer verirlər.Rayonda gəzən söz-söhbətə görə bu dəfə onun haqqında Administrasiyada yaradılan mifi hec kəs dağıda bilməz.Hətta öz rəisi Əhməd Əhmədzadə də daha Teyyubovu müdafiə edə bilməyəcək.

 Cünki bu gün Goranboyda idarəetmə prinsipi belədir.Əvvəl hər hansı rəhbər haqqında iclaslarda, əsasəndə paytaxtdan gələn yuxarı instansiyaların nümayəndələrinin gözləri qarşısında kecirilən tədbirlərdə “şikayətcilər” tərəfindən mənfi obrazlar yaradılır, sonra dosyelər hazırlanır.Beləliklə rayonda hamı danışır ki, pambıq başa catdıqdan conra Teyyubov gedəcək.

 Bütün bu deyilənləri araşdırmaq ücün Göranboy rayonunda olduq. Rayon icra hakimiyyətində bildirdilər ki, Sizin suallara şöbə müdiri Sadıqov Sərdar İltifat oğlu cavablandracaq. Burada qeyd edim ki, şöbə müdirinin atası İltifat Sadıqov rayon üzrə maliyyə idarəsinin rəisidir və uzun illər bu vəzifədə calışır. Rayonda danışırlar ki, şobə müdiri ərizə yazıb işdən cıxmaq istəsə də buna razılıq verilməyib.Axı biznesmen-maliyyəcinin oğlu yeni icra başcısına hələ lazımdır...

Nəysə, şöbə müdiri bizim suallarımızı xeyli dinlədikdən sonra dedi ki, qoy müəllimə məruzə edim, suallarınıza cavab verərəm. Təxminən bir saata qədər gözlədik. Bu vaxt icra hakimiyyətinin ikinci mərtəbəsindən düşən bir nəfər bizi xeyli süzüb başqa otağa kecdi. Giriş qapısında duran polis əməkdaşından bu şəxsin kimliyi ilə maraqlandıq. Məlim oldu ki, bu şəxs rayonun yeni sahibi əlil Ceyhun Həsənovdur. Bundan sonra  icra hakimiyyətinin sözcüsü Sadıqov Sərdar İltifat oğlu gəldi və dedi ki, müəllim deyir gedib nə istəyirlər yazsınlar, mənim onlardan xoşum gəlmədi.Müəllimin kimliyi ilə maraqlananda bildirdi ki, aşağı düşmüşdü, nə sözünüz var özünüz deyərdiniz,mən dedim belə cavab verdi...

Ardı var

Zaur Vəliyev

Ədliyyə Nazirliyi Penitensiar Xidmətin Mühafizə Alayında həqiqi hərbi xidmətə çağırılmış 350 gənc əsgərin təntənəli hərbi andiçmə mərasimi keçirilib.

Təhsil işçilərinin sentyabr konfransları keçiriləcək.