Azərbaycan Respublikasının Prezidenti İlham Əliyev Özbəkistan Respublikasının milli bayramı – Müstəqillik Günü münasibətilə bu ölkənin Prezidenti Şövkət Mirziyoyevə təbrik məktubu göndərib.

“Azərkosmos” ASC Azərbaycanın işğal olunmuş ərazilərində təcavüzkar Ermənistan tərəfindən Qubadlı rayonunun Xanlıq kəndində yeni salınmış qəsəbənin “Azersky” peyki vasitəsilə bu il avqustun 29-da əldə olunmuş təsvirini yayımlayıb.

Azərbaycan Respublikasının Prezidenti İlham Əliyevin tapşırığına əsasən, mərkəzi icra hakimiyyəti orqanları rəhbərlərinin şəhər və rayonlarda vətəndaşların qəbulu cədvəlinə uyğun olaraq, Daxili İşlər naziri, general-polkovnik Vilayət Eyvazov avqustun 31-də Şəki Şəhər-Rayon Polis Şöbəsində daxili işlər orqanlarının fəaliyyəti və səlahiyyəti ilə bağlı məsələlərlə əlaqədar növbəti qəbul keçirib.

Bakının Baş Planı ilə bağlı ilkin konsepsiya artıq hazırlanıb və Dövlət Şəhərsalma və Arxitektura Komitəsinə təqdim edilib.

Onun sözlərinə görə, bu, bütün işlərin ilkin fazasıdır: “Bakının 25 min və 10 min miqyasında xəritələri hazırlanmaqdadır. Burda nəqliyyat, mühəndis-kommunikasiya sistemləri və ətraf mühitin mühafizəsi məsələlərinə baxılır. İlin sonunadək 3-cü fazaya başlanılacaq. 2020-ci ilin oktyabr ayına qədər sonuncu faza, yəni, Baş Planın təsdiqləməsi gözlənilir”.

“Son zamanlar maraqlı bir tendensiya müşahidə edilməkdədir. Konkret cinayət əməlinə görə mühakimə edilən bəzi şəxslər çıxış yolunu ölkənin nüfuzlu şəxslərinə böhtan atmaqda görür, azadlıqda məşğul olduqları qanunazidd fəaliyyətləri həbsxanada da davam etdirirlər”.

O, rəhbəri olduğu təhsil mərkəzi ilə bağlı mediada gedən informasiyalara belə münasibət bildirib:

“Eyni tendensiyaya biz də məruz qalırıq, xüsusən, təsisçisi olduğum Kaspi təhsil şirkəti haqqında müxtəlif vaxtlarda əsassız iddialar dövriyəyə buraxılır, cinayət əməli törədən şəxslər bu və ya digər iddialarla cinayət məsuliyyətindən yayınmaq məqsədilə hakimiyyət nümayəndələrinə və məhkəmələrə bu üsulla təsir etməyə çalışırlar. Bu günlərdə bəzi informasiya vasitələrində indiyə qədər tanımadığım, müəssisəsinin və özünün adını ilk dəfə eşitdiyim, işgüzar müstəvidə heç bir zaman yollarımızın kəsişmədiyi Kərimzadə Rüstəm adlı bir nəfərin mənim və ailəmin haqqında böhtan xarekterli bir sıra iddialarının yer aldığı müraciətin yayımlanması da məhz bu qəbildən olan cəhdlərdən biridir. Əlbəttə, başa düşmək çətin deyil ki, həyat yoldaşım Əli Həsənovun Azərbaycan Prezidentinin köməkçisi olması, olduqca həssas bir sahəyə uğurla rəhbərlik etməsi, öz vəzifəsinin öhdəsindən vicdanla gəlməsi, bu kimi ucuz şantaj cəhdlərinə qətiyyən əhəmiyyət verməməsi müxtəlif qarayaxma kampaniyalarına rəvac vermişdir. Aydındır ki, mənim hədəf alındığım bu kimi kampaniyaları idarə edənlərin əsas məqsədi həyat yoldaşımın nümunəvi fəaliyyətinin üzərinə kölgə salmaq, onun timsalında hakimiyyət nümayəndələri haqqında mənfi rəy yaratmaqdır. Təəssüf ki, bu cür arzuolunmaz proseslərin genişlənməsində həqiqəti öyrənmədən, reallığı əks etdirməyən, ictimaiyyətə doğru olmayan məlumatlar çatdıran bəzi kütləvi informasiya vasitələrinin “müstəsna” rolu görünməkdədir.

Biz hər zaman təmkinli davranmağa, hər böhtan və iftiraya əhəmiyyət verməməyə çalışmışıq. Amma aydın olur ki , təmkinin də bir həddi, sərhəddi olmalıdır. Ona görə də, bu kimi halların davam edəcəyi təqdirdə haqqımda şantaj xarekterli iddialar səsləndirən, ictimai və işgüzar nüfuzuma xələl gətirməyə çalışan şəxs və şəxslər haqqında məhkəmə prosesi başladacağımı bildirmək istəyirəm”.

“Belə hallar baş verdiyi zaman dərhal 102-ə zəng edərək, şikayəti bildirmək vacibdir”.

Bu fikirləri Yenicag.az-a açıqlamasında sosial şəbəkələrdə şantaj hallarının artmasına və bu vəziyyətdə qanunvericiliyin nə dərəcədə təsirli olduğuna münasibət bildirən “Konstitusiya” Araşdırmalar Fondunun prezidenti Əliməmməd Nuriyev deyib.

Əliməmməd Nuriyevin sözlərinə görə, vəzifəli şəxslərin vətəndaşlara qarşı şantaj xarakterli əməlləri Cinayət Məcəlləsinin 310-cu maddəsinə (Vəzifəli şəxslərin öz vəzifə səlahiyyətlərini mənimsəməsi) uyğun şəkildə cəzalandırılır. Burada eyni zamanda, vətəndaşa vurulan mənəvi zərər də nəzərə alınır:

“Bu halda 1500 manatdan 3000 manata qədər cərimə, 240 saatdan 400 saata qədər müddətdə ictimai işlər, 2 ilə qədər müddətə islah işləri və ya 3 ilə qədər müddətə azadlıqdan məhrum etmə cəzası nəzərdə tutulub.

Bununla belə, şantaj və şəxsi məlumatların yayılması kimi əməllərə görə Cinayət Məcəlləsinə müəyyən dəyişikliklərin edilməsi, hətta xüsusi maddənin əlavə olunmasına ehtiyac var. Çünki bu hallar bir sıra hallarda ailələrin dağılmasına, qətillərin baş verməsinə gətirib çıxara bilər”.

Azərbaycan kimi spesifik ölkələrdə xüsusilə, qızların bəzən valideyinlərindən qorxaraq, şantaj hallarını gizlətmələrini mənfi hal kimi qiymətləndirən hüquqşünas praktikada belə halların tez-tez yaşandığını və nəticələrinin ağır olduğunu deyib:

“Belə hallar baş verdiyi zaman dərhal 102-ə zəng edərək, şikayəti bildirmək vacibdir. Bu tip hallar heç bir ailə üçün xoş deyil. Düşünürəm ki, bu sahədə profilaktik tədbirlər görülməli və genişmiqyaslı maarifçilik fəaliyyəti həyata keçirilməlidir”.

Samirə Əliyeva

www.yenicag.az

Şamaxı rayonunun Meysəri kəndində Azərbaycanda ilk dəfə Üzüm və Şərab Festivalı keçirilir. Tədbir “Şirvan şərabları” MMC-nin üzümçülük və şərabçılıq kompleksi ərazisində təşkil olunub.

Festival Heydər Əliyev Fondunun dəstəyi, Kənd Təsərrüfatı Nazirliyi, Şamaxı Rayon İcra Hakimiyyəti, “Regional İnkişaf” İctimai Birliyi, Dövlət Turizm Agentliyi və Azərbaycan Milli Xalça Muzeyinin birgə təşkilatçılığı ilə keçirilir. Layihənin məqsədi yerli üzüm və şərab istehsalının təşviqi, şərab məhsullarının ixrac potensialının artırılması, Azərbaycanda şərab istehsalı tarixinin geniş ictimaiyyətə çatdırılmasıdır.

Festival günlərində üzüm istehsalı və şərabçılıq, ölkənin turizm potensialı ilə bağlı müxtəlif maarifləndirici və əyləncəli tədbirlər olacaq.

Avqustun 30-da festivalın açılış mərasimi keçiriləcək, qonaqlara musiqili proqram təqdim olunacaq. Rəqqas və nağaraçıların, həmçinin nəfəsli alətlər orkestri, eləcə də festivalın emblemi olan fiqur və kuklaların iştirakı ilə parad təşkil ediləcək.

Tədbirdə iştirak edən şərab istehsalçıları öz müəssisələri barədə təqdimatlarla çıxış edəcək, məhsullarının dequstasiyasını keçirəcəklər.

Ərazidə Azərbaycanın kənd təsərrüfatı məhsullarının yarmarkası da təşkil olunacaq.

Festival çərçivəsində ölkədə şərabçılıq sahəsində mövcud olan problemlər, inkişaf istiqamətləri və yerli şərab məhsullarının xarici bazarlara çıxışı mövzularında dəyirmi masa keçiriləcək. Tədbirdə yerli şərab istehsalçıları, müvafiq dövlət qurumlarının nümayəndələri və xarici ekspertlər iştirak edəcəklər.

Burada beynəlxalq və yerli ekspertlərin iştirakı ilə somalye kursları da təşkil olunacaq.

Kompleks ərazisindəki göldə işıq şousu nümayiş etdiriləcək.

Festival çərçivəsində Xalq artistləri Aygün Kazımova, Faiq Ağayev, Natiq Şirinov, Əməkdar artist Miri Yusif və digər tanınmış incəsənət ustaları və qruplarının iştirakı ilə konsert proqramları keçiriləcək. Həmçinin diskotekalar təşkil ediləcək, açıq havada şərabçılığa dair filmlər nümayiş olunacaq.

Avqustun 31-də festival tədbirləri başlayanadək həm də yoqa, karate və gimnastika məşqlərində iştirak etmək mümkün olacaq. Festival çərçivəsində Şamaxı Astrofizika Rəsədxanasına gecə turları, İsmayıllı rayonunun Lahıc kəndinə ekskursiyalar, Şamaxı, İsmayıllı, Ağsu rayonları ərazisində yerləşən şərab təsərrüfatlarına dequstasiya turları da təşkil ediləcək.

Ərazidə festival günlərindən xatirələri əbədiləşdirmək üçün foto zona da olacaq. (Trend)

Suriyanın şimalında, İraqda və Şərqi Aralıqda ölkəmizə qarşı qurulan tələləri pozmaqda qətiyyətliyik.

Axar.az xəbər verir ki, bu sözləri Türkiyə Prezidenti Rəcəb Tayyib Ərdoğan 30 avqust – Zəfər bayramı münasibətilə çıxışında deyib.

“Millətimizin və Kipr türklərinin haqlarının oğurlanmasına əsla göz yummayacağıq. Millətimiz dünən olduğu kimi, bu gün də istiqlalı və istiqbalı üçün canından əziz bildiyi vətəni uğrunda eyni fədakarlığı və cəsarəti göstərməyə hazırdır”, - deyə türk lider bildirib.

Bu gün Monakoda UEFA Avropa Liqasının qrup mərhələsinin püşkü atılıb. 

Püşatma zamanı Azərbaycan təmsilçisi "Qarabağ"ın da rəqibləri məlum olub.

Beləliklə, A qrupunda komandamızla yanaşı, "Sevilya" (İspaniya), APOEL (Kipr) və "Düdelanj" (Lüksemburq) mübarizə aparacaq.

Qeyd edək ki, qrup mərhələsinin oyunları 19 sentyabr, 3 oktyabr, 24 oktyabr, 7 noyabr, 28 noyabr və 12 dekabrda keçiriləcək.