Xəbər lenti

Kamaləddin Qafarov: “Azərbaycanla İtaliya arasında iqtisadi-siyasi dialoq olduqca fəaldır”

14:33 04.09.2022 | Baxış sayı: 8137

Kamaləddin Qafarov: “Azərbaycanla İtaliya arasında iqtisadi-siyasi dialoq olduqca fəaldır”

“Azərbaycan və İtaliya arasında iqtisadi-siyasi dialoq olduqca fəaldır və ikitərəfli gündəliyə daim yeni, vacib mövzular daxil edilir. 2020-ci ildə İtaliya və Azərbaycan arasında strateji tərəfdaşlığa dair sənəd imzalanmışdır. Ölkələrimiz arasında sıx əməkdaşlıq və strateji tərəfdaşlıq ilə bağlı geniş müzakirələr davamlı şəkildə aparılır”.

Bu sözləri Prezident İlham Əliyevin sentyabrın 2-də İtaliyada keçirilmiş 48-ci Beynəlxalq Çernobbio Forumunda “Enerji təhlükəsizliyinin təmin olunmasında Azərbaycanın rolu” mövzusunda çıxışına münasibət bildirən Milli Məclisin deputatı Kamaləddin Qafarov deyib.

Azərbaycanın İtaliyanı neft və qazla təchiz edən əsas ölkə olduğunu xatırladan K.Qafarov bildirib: “1994-cü ildə müstəqilliyimizin bərpasından üç il keçdikdən sonra Azərbaycan dünyanın aparıcı enerji şirkətlərini Xəzər dənizində çalışmağa dəvət edən ilk ölkə oldu. Tezliklə Avropa bazarına, əsasən də İtaliyaya neft ixrac edən ölkəyə çevrildik. İki strateji neft boru kəmərinin inşası ilə Azərbaycan Avrasiyanın enerji xəritəsinin dəyişdirilməsi prosesində təşəbbüsü öz üzərinə götürdü. Biri Türkiyənin Aralıq dənizi sahilindəki limana qədər uzanır, digəri isə Gürcüstanın Qara dəniz sahilindəki limana qədər. Bununla da Azərbaycan Qara dəniz bazarı və dünya bazarlarına təchizatı şaxələndirməyə nail oldu”.

Millət vəkili Azərbaycanın enerji strategiyasının önəmli mərhələsinin nəhəng qaz yataqlarının istismarı ilə bağlı olduğunu xüsusi olaraq qeyd edib: “Azərbaycanın təsdiq edilmiş qaz ehtiyatları 2,6 trilyon kubmetrə bərabərdir. Möhtərəm Prezident İlham Əliyevin Çernobbio Forumunda çıxışında xatırlatdığı kimi, Azərbaycan son 10 il ərzində qonşu ölkələr bazarında etibarlı təchizatçıdır. Azərbaycan böyük qaz təchizatı boru kəmərinə malikdir. Cənub Qaz Dəhlizi üç boru kəmərindən ibarət inteqrasiya edilmiş boru kəmərləri sistemidir – Cənubi Qafqaz boru kəməri, Trans-Anadolu (TANAP) boru kəməri və Trans-Adriatik (TAP) boru kəməridir ki, o, İtaliyaya qədər uzanır. Bu, 3500 kilometr uzunluğunda mürəkkəb texniki infrastrukturdur. Azərbaycanın təbii qaz ehtiyatlarına tələbat durmadan artır. Bir il yarım ərzində artıq Avropaya 13,5 milyard kubmetr qaz nəql edilib ki, onun da 11,7 milyard kubmetri İtaliyanın payına düşür. Cari ildə İtaliya bazarına 10 milyard kubmetr qaz nəql etmək planlaşdırılır. Ümumi ixrac 22 milyard kubmetrdən artıq olacaq və burada artım üçün çox böyük potensial var. Avropa İttifaqı ilə Azərbaycan arasında enerji sahəsində strateji tərəfdaşlığa dair Anlaşma Memorandumunun imzalanması bütün ölkələr üçün böyük perspektivlər vəd edir. Sözügedən Memorandum enerji resurslarımızdan gələcəkdə daha da səmərəli istifadə etdirilməsi istiqamətində atılmış çox vacib addımdır. Bu sənəd gələcək fəaliyyətimizin yol xəritəsidir”.

K.Qafarov vurğulayıb ki, Rusiya-Ukrayna müharibəsi nəticəsində təbii qaz məsələsi avropalıların gündəliyində ən aktual məsələlərdən birinə çevrilib: “İonik-Adriatik boru kəməri layihəsi var ki, o, Azərbaycan qazını üç Balkan ölkəsinə çatdıracaq. Rusiya-Ukrayna müharibəsi başlayandan Azərbaycana qaz ixracının həcminin artırılması və ya ixraca başlanılması ilə bağlı 10-dan artıq ölkədən rəsmi müraciətlər olunub. Dünya fevraldan əvvəl olduğu vəziyyətdə heç vaxt olmayacaq. Dünya dəyişib və bu dəyişikliklərin hansı axınla gedəcəyi Ukraynada müharibə nə qədər müddət davam edəcək və bu savaşın sonu necə bitəcək, dünyadakı güclərin balansı hansı şəkildə olacaq kimi amillərdən asılıdır. Avropa İttifaqı və Azərbaycan arasında enerji ilə bağlı dialoqa start verilib. Buraya yalnız təbii qaz deyil, həmçinin enerji bazarının digər seqmentləri də daxil olacaq, xüsusilə elektrik enerjisi, hidrogen və yaşıl hidrogen daxildir. Bərpaolunan enerji sahələrinin Azərbaycandakı potensialı dəyərləndirilib. Xəzərin təkcə Azərbaycan sektorunda təsdiq olunmuş potensialı 157 qiqavatdır”.

AİA.Az
 
 

General-mayor Bəkir Orucov saxlanılıb

12:25 02.09.2022 | Baxış sayı: 6283
General-mayor Bəkir Orucov saxlanılıb
 

Müdafiə Nazirliyinin Şəxsi Heyət Baş İdarəsinin İdeoloji İş və Mənəvi-Psixoloji Təminat İdarəsinin rəisi vəzifəsini icra edən, general-mayor Bəkir Orucov hüquq mühafizə orqanları tərəfindən saxlanılıb.

Ardını oxu...

İlham Əliyev beynəlxalq forumda çıxış edir

12:00 02.09.2022 | Baxış sayı: 5665
İlham Əliyev beynəlxalq forumda çıxış edir
 

Sentyabrın 2-də İtaliyanın Çernobbio şəhərində “The European House – Ambrosetti” beyin mərkəzi tərəfindən “Dünya, Avropa və İtaliyaya baxış” və “Rəqabətli strategiyalar üçün bu günün və sabahın ssenarisi” mövzusunda 48-ci beynəlxalq Çernobbio Forumu başlayıb.

Ardını oxu...

Zakir Həsənov sabah Türkiyəyə gedir

13:27 29.08.2022 | Baxış sayı: 6180
Zakir Həsənov sabah Türkiyəyə gedir
 

Azərbaycan Prezidenti, Silahlı Qüvvələrin Ali Baş Komandanı İlham Əliyevin tapşırığına əsasən, müdafiə naziri general-polkovnik Zakir Həsənov Zəfər Bayramının 100-cü ildönümü münasibətilə keçiriləcək silsilə tədbirlərdə iştirak etmək üçün avqustun 30-da qardaş Türkiyəyə işgüzar səfər edəcək.

Ardını oxu...

NEMAN BAYRAMOV NƏ İSTƏYİR?

18:13 26.08.2022 | Baxış sayı: 7828
NEMAN BAYRAMOV NƏ İSTƏYİR?

Goranboy rayonundakı Qızılhacılı kəndinin sakini niyə narazıdır?

Son günlərdə kütləvi informasiya vasitələrində Goranboy rayonunun Qızılhacılı kənd bələdiyyəsinin sədri Səbinə Həsənovadan ölkə başçısına, Birinci vitse-prezidentə, müxtəlif nazirliklərə müraciət formasında şikayət məktubları dərc olunur. Qızılhacılı kənd sakini Neman Bayramov kimdir və nə istəyir?
Təbiidir ki, biz də media qurumu olaraq vətəndaşın şikayət və narazılıqlarına biganə qala bilmərik. Yazıları, müraciətləri oxuduqdan sonra digər tərəfi- Qızılhacılı kənd bələdiyyəsinin sədri Səbinə Həsənovanı dinləmək, yazıda göstərilən nüanslara aydınlıq gətirilməsini istədik.

Bəri başdan qeyd edək ki, Neman Bayramovun müraciətində elə də ciddi fakt yoxdur. Adam yaşayış evi tikmək üçün kənd bələdiyyəsinə müraciət etdiyini və bələdiyyənin də ona torpaq vermədiyini göstərir.

Müasir dövrdə kəndlərdə belə bir problemin olmadığını, vətəndaşa ev tikmək üçün torpaq sahəsinin müraciət etdiyi andan az müddət keçincə verildiyini bilməyən yoxdur. Çünki sovetlərdən qalma kolxoz mülkiyyəti anlayışı aradan qalxmış, bu hüquq bələdiyyələrə verilmişdir. Ona görə də Neman Bayramovun şikayət müraciətindəki nüansları araşdırmaq məqsədilə Qızılhacılı kənd bələdiyyəsinin sədri Səbinə Həsənova ilə əlaqə saxladıq.
Səbinə xanım bizi səbrlə dinlədikdən sonar verdiyimiz suallara belə aydınlıq gətirdi:

-Əvvala qeyd edim ki, kənd sakinlərinə ev tikmək, təsərrüfat yaratmaq üçün torpaqların verilməsində heç bir problem yoxdur. Bildiyiniz kimi, hər bir bələdiyyənin ərazisində bu məqsədlə torpaq sahələri var və vətəndaşın müraciətindən sonra müvafiq qərara əsasən sənədləşşmə işləri aparıldıqdan sonra vətəndaşa ev tikmək üçün torpaq sahəsi ayrılır.

Neman Bayramova kimin, hansı vədi verdiyini bilmirəm, lakin onun ərizəsinə bələdiyyənin 15.09.2021-ci il tarixli iclasında baxılmış, həyətyanı təsərrüfatın yaradılması üçün torpaq sahəsinin verilməsi üçün ilkiin sənədləşmə işlərinin başlanması barədə qərar qəbul olunmuşdur. Lakin Neman Bayramov ərizəbazlıq mərəzindən xilas ola bilmədiyindən həmin torpaq sahəsini bəyənməyərək başqa yerdən torpaq ayrılmasını tələb etmişdir. Ona izah olunmuşdur ki kəndin sosial-inkişaf planına əsasən həmin ərazidəki torpaqların paylanması üçün müvafiq sənədləşmə işləri aparılmalı, digər aidiyyati orqanların müvafiq qərarı ilə həmin məqsəd üçün bələdiyyənin sərəncamına torpaq sahəlkəri verilməlidir. Məlumdur ki bu proses necə gəldi baş vermir. Bununla bağlı müvafiq qurumlar qarşısında məsələ qaldırılmışdır. Əgər Neman Bayramov həmin ərazidən torpaq istəyirsə bu prosedur qaydaların başa çatmasını gözləməlidir. Lakin N.Bayramov “mən belə istəyirəmsə belə də olmalıdır” prinsipi ilə hərəkət edir, müxtəlif orqanlara, Prezidentə, nazirliklərə, Ombdusmana əsası olmayan ərizələrlə müraciət edir.

Bir sözlə, bu adam indiyə qədər, necə deyərlər, bu sahədə “ixtisaslaşıb”. Belə ərizələri, davranışları ilə kifayət qədər məşhurlaşmış Neman Bayramov Qazax rayon məhkəməsinin 28.08.2012-ci il tarixlıi qərarı ilə Cinayət Məcəlləsinin 178.2 ,178.2.4 (dələduzluq) maddəsinə əsasən təqsirli bilinərək 1000 manat cərimə olunmuş, Goranboy rayon məhkəməsinin 23.06.2014-cü il tarixli hökmü ilə CM-nin 178.2.2 178.2.4 (dələduzluq)maddələri ilə , yenə Goranboy rayon məhkəməsinin hökmü ilə CM-nin 178.2.2 ( dələduzluq, təkrar törədildikdə) 2 il 5 ay 28 gün həbs olunmuşdur.
Ona görə də Neman Bayramovun ərizələrini, müraciətlərini dərc etməzdən əvvəl qarşı tərəfin də dinlənilməsi məqsədəuyğundur.
Hər bir halda Neman Bayramov bu kəndin sakinidir. Torpaq almaq, ev tikmək, həyətyanı sahə yaratmaq onun konstitusion hüquqlarından biridir. Kimsə onun bu hüququnu pozmaq marağında və həvəsində deyildir. Lakin qanun tələb edən, qanunlara riayət edilməsini istəyən şəxs də addımlarını bu istiqamətdə atmalıdır. Bələdiyyə gözüyumulu qərar verə bilməz.Torpaqlar təyinatı üzrə istifadə edilir. Hər hansı torpağın təyinatını isə bələdiyyələr yox, müvafiq orqanlar müəyyən edir. Seçkili orqan olsa da, torpaq üzərində sərəncam və qərar versə də bu proseslər qanun çərçivəsində aparılır, nəinki kiminsə arzu və istəyi ilə yox.

AİA.Az
 
 
© 2017 www.bizimaz.az - Bütün hüquqlar qorunur.
Saytda yerləşdirilmiş hər bir materiala olan hüquqlar Azərbaycan Respublikasının qanunvericiliyinə, həmçinin müəlliflik hüququ qanunlarına əsasən qorunur.
Müəlliflərin mövqeyi redaksiyanın mövqeyi ilə uyğun gəlməyə bilər. Saytdakı materiallardan istifadə zamanı istinad zəruridir.
Ünvan: Bakı AZ 1073 Mətbuat prospekti, 529-cu məhəllə, "AZƏRBAYCAN" nəşriyyatı, 2-ci mərtəbə, 44-cü otaq
Tel:(+944 12) 510 24 66; Mob:(+994 50) 346 25 52;
Təsisçi: Z.Vəliyev
Baş redaktor: Asif (Talıboğlu) Şükürov