Noyabrın 10-da imzalanmış üçtərəfli bəyanatla ermənilər noyabrın 15-dək Kəlbəcəri tərk etməli idi. Amma düşmənin ərazini tərk etməsi üçün daha 10 gün istəməsi, erməni vandallığının davam etdirildiyini göstərir. Kəlbəcərdən əli üzülən düşmən meşələri qıraraq Ermənistana daşıyır, qəbirləri eşir, evləri, daşınmaz olan istənilən maddiyyatı yandırır, məhv edir. Bu xüsusda düşmənin Azərbaycana daha çox itki yaşatması üçün Kəlbəcərin ərazisini minalaması istisna edilmir.

Tərəflər arasında imzalanmış sənədin 5-ci maddəsinə əsasən, bölgədə Rusiyanın sülhməramlıları yer alırdı. Razılaşma əsasında Azərbaycan bölgəyə türk hərbçisini də istəyib və türk əsgərləri də artıq bölgəyə gəlir.

Rusiyalı sülhməramlılar Qarabağda təmas xəttində vəziyyətə pilotsuz uçuş aparatları vasitəsilə də nəzarət edəcəklərini açıqlayıb.

Cəbhədə gedən döyüşlərdə Ermənistan silahlı qüvvələrinin 022-ci xüsusi təyinatlı hərbi hissəsinin şəxsi heyəti bölmələrimiz tərəfindən mühasirəyə alınaraq məhv edilib.

İrəvanın taktiki və strateji səhvlərinə görə erməni hərbçilərin indi Ağdam və Stepanakertdən (Xankəndi - red.) geri çəkilmək üçün yolları bağlanıb. Vəziyyət kritik həddə yaxındır. Bakı isə sərfəli mövqedədir. Azərbaycanın dronları erməniləri dalana dirəyib.