 |
 |
ABŞ-ın Şimali Karolina ştatının Fayetvill, Darem və Apeks şəhər merləri 26 Fevral tarixini “Xocalının Anım Günü” kimi tanıyıb.
Diasporla İş üzrə Dövlət Komitəsindən “Qafqazinfo”ya verilən məlumata görə, Mitç Kolvin, Eleyn M. O'Nil və Jak Qilbertin imzaldıqları bəyannamələrdə bildirilib ki, Apeks, Darem və Fayetvill şəhərlərində və dünyada yaşayan Azərbaycan icması hər il 26 fevral tarixində Xocalı soyqırımı qurbanlarının xatirəsini dərin hüzn və kədər hissi ilə yad edir.
Sənədlərdə Azərbaycan dilinin, mədəniyyətinin, tarixinin və mədəni irsinin bu şəhərlərdəki təbliğinə Azərbaycan Dostluq Təşkilatının öz töhfəsini verdiyinə diqqət cəlb edilib.
Qeyd edək ki, bəyannamələr Azərbaycan Dostluq Təşkilatının rəhbəri Adika İqbalın təşəbbüsü ilə qəbul edilib.
“Xocalı qətliamının bütün bəşəriyyətə qarşı yönəlmiş ən ağır insanlıq əleyhinə cinayət əməli olduğunu bütün dünya dövlətləri birmənalı olaraq qəbul etməlidirlər. Yalnız bu halda bəşəriyyət oxşar hadisələrin gələcəkdə yenidən baş verməsi ehtimalını minimuma endirə bilər. Məhz buna görə də Erməni faşizminin ən amansız və qanlı təzahürlərindən biri olan Xocalı soyqırımı haqqında həqiqətləri olduğu kimi bütün dünya ictimaiyyətinə çatdırmaq hər birimizin borcudurdır və bu istiqamətdə bütün ictimai-siyasi birliklər, ictimai təşkilatlar, diaspor təşkilatları, elm adamları, siyasi xadimlər – bir sözlə hər kəs öz fəaliyyətini yorulmadan davam etdirməlidir. Ulu Öndər Heydər Əliyev Xocalı qətliamının ən düzgün tərifini verərək belə demişdir: “Bütövlükdə Azərbaycan xalqına qarşı yönəldilmiş Xocalı soyqırımı öz ağlasığmaz qəddarlığı və qeyri-insani cəza üsulları ilə bəşər tarixində bir vəhşilik aktıdır. Bu soyqırım, eyni zamanda, bütün bəşəriyyətə qarşı tarixi bir cinayətdir.” Bu gün Azərbaycanın şanlı Ordusu 44 günlük Vətən müharibəsində tarixi Qələbə qazanmaqla bütün şəhidlərimizin, o cümlədən Xocalıda qətlə yetirilmiş günahsız insanların qanını düşməndən döyüş meydanında almışdır. Lakin Ölkə Prezidenti, Silahlı Qüvvələrin Ali Baş Komandanı cənab İlham Əliyevin dediyi kimi, Azərbaycan xalqı erməni vəhşiliklərini heç zaman unutmamalıdır.” Bunu mətbuata verdiyi açıqlamasında Azərbaycan Respublikası Milli Məclisinin deputatı, professor Aqiyə Naxçıvanlı deyib. Milli Məclisin deputatı bildirib ki, hələ 1988-ci ildə Ermənistan SSR-nin ərazisində öz tarixi torpaqlarında yaşayan 250 min azərbaycanlının bu yerlərdən qovulması ilə Ermənistan monoetnik dövlətə çevrilib. Bundan sonra sovet dönəmində heç bir əsas və zərurət olmadan, süni şəkildə yaradılmış qondarma “Dağlıq Qarabağ” ətrafında başlanan hadisələr erməni ideoloqlarının xəstə təfəkkürünün məhsulu olan “dənizdən dənizə Ermənistan” adlı mifik bir ideyanın reallaşdırılmasına yönəldilib: “Bu hadisələrin faciəvi nəticəsi olaraq Azərbaycanın kənd və şəhərləri dağıdılıb, on minlərə günahsız insanımız ölüb, yüz minlərlə azərbaycanlı öz tarixi torpaqlarından didərgin düşüb. Ermənistan tarixi Azərbaycan ərazilərini özünə birləşdirmək naminə hər cür qanlı cinayətə və istənilən vəhşiliyə hazır olduğunu hər zaman nümayiş etdirib. XX əsrin ən qanlı faciələrindən olan Xocalı soyqırımı da bu vəhşiliyin bir təcəssümü olaraq baş verib. Hər kəs bilməlidir ki, bu qətliam təkcə Azərbaycan xalqına deyil, bütün insanlığa, bəşəriyyətə qarşı yönəlmiş ən ağır cinayətlərdən biridir. Ermənilərin Xocalı şəhərini hədəfə almaqda məqsədləri bir tərəfdən Qarabağın dağlıq hissəsində azərbaycanlılardan ibarət olan, strateji əhəmiyyətli maneəni aradan qaldırmaq idisə, digər tərəfdən ümumiyyətlə Xocalını yer üzündən birdəfəlik silmək idi. Çünki Xocalı elə bir yaşayış məskəni idi ki, o, Azərbaycan tarixinin qədim dövrlərindən müasir dövrə qədər tarix və mədəniyyət ənənələrini özündə əks etdirirdi. Bu xüsusi mədəniyyət tarixə Xocalı-Gədəbəy mədəniyyəti kimi düşmüşdür. Xocalının kromlexləri, dolmenləri, siklopları, kurqanları və digər abidələri, həmçinin müxtəlif növ məişət əşyaları insan cəmiyyətinin inkişaf dinamikasını özündə əks etdirən maddi mədəniyyət nümunələridir. Erməni işğalından sonra bütün bu maddi mədəniyyət abidələrinin məhv ediliməsi və dünyanın ən qədim məzarlıqlarından sayılan Xocalı qəbiristanlığının texnika vasitəsiylə darmadağın edilməsi erməni vandalizminin bariz nümunəsi olmaqla yanaşı dünya mədəniyyətinə qarşı zorakılıq aktıdır.”
Həmçinin Aqiyə Naxçıvanlı xüsusi olaraq vurğulayıb ki, bu gün Ermənistanın işğalçı və terroru dəstəkləyən bir dövlət olduğunu bütün dünyaya qəbul etdirmək heç də asan məsələ deyil və bu həqiqətlərin artıq bir çox xarici dövlətlər tərəfindən qəbul olunması bilavasitə Azərbaycan Respublikasının Prezidenti cənab İlham Əliyevin ciddi səyləri
nəticəsində baş vermişdir: “1992-ci il fevralın 26-da Ermənistan hərbi birləşmələrinin 7 min əhalisi olan Xocalı şəhərinə hücumu zamanı burada yalnız 3 minə yaxın insan qalmışdı. Çünki, mühasirədə qaldığı 4 aydan artıq zaman ərzində blokadada olduğu üçün əhalinin xeyli hissəsi şəhərdən çıxmaq məcburiyyətində qalmışdı. Xocalı soyqırımı zamanı 613 nəfər ödürüldü, 1000 nəfər müxtəlif yaşlı dinc sakin aldığı güllə yarasından əlil oldu. 106 nəfər qadın, 63 azyaşlı uşaq, 70 qoca öldürüldü. 8 ailə tamamilə məhv edildi, 25 uşaq hər iki valideynini, 130 nəfər valideyinlərindən birini itirdi. Faciə baş verən gecə 1275 nəfər dinc sakin girov götürüldü, onların 150-sinin taleyi indi də məlum deyil. Ermənilər sağ qalmış insanlar üzərində tamamilə təhqiredici hərəkətlər həyata keçirmişdilər. Onlarıın başının dərisini soymuş, başlarını və bədəninin digər orqanlarını kəsmiş, uşaqların gözlərini çıxarmış, hamilə qadınların qarnını yarmışdılar. Hücum zamanı Xocalıda istifadəsi qadağan olunmuş 5,45 kalibrli patronlardan və kimyəvi silahlardan istifadə edilmişdir. Bütün bunlar Ermənistanın Cenevrə konvesiyasının protokollarını pozaraq, müharibə qaydalarına zidd olaraq dinc sakinlərə qarşı həyata keçirilən soyqırım olduğunu təsdiqləyir.
Məlum olduğu kimi, Xocalı faciəsinə ilk dəfə məhz Ümummilli Lider Heydər Əliyev siyasi qiymət verib. 1994-cü ildə Ulu Öndərin təşəbbüsü ilə Azərbaycan Respublikasının Milli Məclisinin qəbul etdiyi Qərara əsasən 26 fevral “Xocalı soyqırımı və milli matəm günü” elan olunub, bu barədə bütün beynəlxalq təşkilatlara məlumat verilib. Azərbaycan Respublikası Prezidentinin 25 fevral 1997-ci il tarixli fərmanı ilə hər il fevral ayının 26-sı saat 17:00-da Azərbaycan Respublikasının ərazisində Xocalı soyqırımı qurbanlarının xatirəsinə ehtiram əlaməti olaraq sükut dəqiqəsi elan edilmişdir. Bu gün isə bu faciə ilə bağlı həqiqətlərin beynəlxalq aləmdə düzgün təbliği və günahkarların layiqli cəzalandırılması istiqamətində ölkə başçısı cənab İlham Əliyevin rəhbərliyi ilə bütün istiqamətlərdə məqsədyönlü addımlar atılır. Məhz bu səylərin nəticəsidir ki, artıq İslam Əməkdaşlıq Təşkilatı Parlament İttifaqının, Meksika, Pakistan, Çexiya, Peru, Kolumbiya, Panama, Honduras, Sudan, Qvatemala və Cibuti parlamentlərinin müvafiq sənədlərində Xocalıda törədilmiş kütləvi qətllərin soyqırımı aktı olması öz təsdiqini tapıb. Həmçinin Rumıniya, Bosniya və Herseqovina, Serbiya, İordaniya, Sloveniya, Şotlandiya parlamentləri, ABŞ-ın 22 ştatının icra və qanunvericilik orqanları Xocalı soyqırımını qətliam kimi qiymətləndirərək qətiyyətlə pisləyiblər. Bununla belə, erməni faşizminin ən amansız və qanlı təzahürlərindən biri olan Xocalı soyqırımı haqqında həqiqətlərin olduğu kimi bütün dünya ictimaiyyətinə çatdırmaq hər birimizin borcudurdır və bu istiqamətdə bütün ictimai-siyasi birliklər, ictimai təşkilatlar, diaspor təşkilatları, elm adamları, siyasi xadimlər – bir sözlə hər kəs öz fəaliyyətini yorulmadan, usanmadan davam etdirməlidir. Bu gün Azərbaycan bir qalib dövlət olaraq işğaldan azad olunmuş ərazilərində irimiqyaslı bərpa-quruculuq işləri ilə məşğuldur. Müharibə başa çatıb və regional sülhün möhkəm və davamlı olmasında ən çox maraqlı olan, bu istiqamətdə daha çox səy göstərən ölkə də məhz Azərbaycandır. Lakin cərəyan edən hadisələr belə deməyə əsas verir ki, bu gün Ermənistanda hələ də revanşizm xülyalarını bəsləyən, erməni faşizmini dirçəltməyə çalışan qüvvələr mövcuddur. Lakin onların bütün səyləri əbəsdir və ilk növbədə Ermənistanın özü üçün son dərəcə təhlükəlidir. Ölkə Prezidenti cənab İlham Əliyev öz müsahibələrinin birində bu məsələyə toxunaraq bir daha erməni faşizmini qidalandıran, onları dəstəkləyən qüvvələrə səslənərək qəti şəkildə bildirdi ki, Azərbaycan erməni faşizminin bundan sonra heç vaxt baş qaldırmasına yol verməyəcək. Bu bir reallıqdır və hər kəs bunu açıq-aydın dərk etməlidir.”
aia.az
Bu gün biz işğaldan azad edilmiş ərazilərdə aparılan işlərdə Rusiya şirkətlərinin iştirakı ilə bağlı məsələləri də müzakirə etdik, bu işə böyük maraq var.
Dövlətimizin başçısı deyib ki, bu günə qədər artıq Rusiya şirkətlərindən 14 sifariş alınıb və həmin sifarişlər diqqətlə nəzərdən keçirilir: “Hesab edirəm ki, bu sahə bizim əməkdaşlığımızın yeni sahəsidir. O, həm praktiki baxımdan faydalı olacaq, həm də bizim qarşılıqlı fəaliyyətimizin səviyyəsini artıracaq”.
Rusiya Prezidenti ilə görüşündə regionda münaqişədən sonrakı vəziyyətin də ətraflı müzakirə olunduğunu qeyd edən Prezident İlham Əliyev deyib: “Azərbaycan ilə Ermənistan arasında müharibənin başa çatmasında və münaqişədən sonrakı dövrdə nizamlama səylərində roluna görə Rusiyaya və şəxsən Prezident Vladimir Vladimiroviç Putinə təşəkkür edirik. Hesab edirəm ki, belə çoxillik, - otuz ilə yaxın, - qarşıdurma, Azərbaycanın üzləşdiyi böyük itkilər şəraitində bir ildən bir qədər çox vaxt keçəndən sonra Azərbaycan və Ermənistan ən azı iki beynəlxalq formatda, məhz Rusiya, Azərbaycan və Ermənistanın Baş nazirlərinin müavinləri səviyyəsində işçi qrup, habelə Rusiya, Türkiyə, İran, Azərbaycan və Ermənistanın daxil olduğu “3+3” platformasında fəaliyyət göstərirsə, bu, artıq bizim niyyətlərimizin göstəricisidir”.
“Məlum olduğu kimi, Azərbaycanda Birinci vitse-prezidentlik institutu 2016-cı il sentyabrın 26-da Prezident İlham Əliyevin təşəbbüsü əsasında Konstitusiya islahatları ilə bağlı keçirilən ümumxalq referendumunun nəticələrinə görə yaradılmışdır. Qeyd etmək lazımdır ki, dövlət idarəçilik sistemində yeni təsisatın yaradılması Prezident İlham Əliyevin islahatlar kursunun təzahürüdür. Dövlət idarəçiliyində funksional vahid kimi Birinci vitse-prezidentlik institutunun yaradılması Azərbaycanın müasir demokratik simasının yeni və mütərəqqi əlamətidir. Prezident İlham Əliyevin 2017-ci il 21 fevral tarixində imzaladığı Sərəncama əsasən Mehriban xanım Əliyeva Azərbaycan Respublikasının Birinci vitse-prezidenti təyin olunub. Həmin keçirilən Təhlükəsizlik Şurasının iclasında Birinci vitse-prezidenti təqdim edərkən dövlətimizin başçısı demişdi: “Mehriban Əliyeva uzun illərdir ki, ölkəmizin ictimai-siyasi həyatında, mədəni həyatımızda mühüm və fəal rol oynayır”. Həqiqətən də Mehriban xanım Əliyevanın mütəmadi olaraq cəmiyyətin həssas təbəqələrinin problemlərinin həllinə, zəngin mədəniyyətimizin təbliğinə, müxtəlif istiqamətlərdə ölkəmiz üçün mühüm əhəmiyyət kəsb edən yeni layihələrin reallaşdırılmasına yönəldilmiş fəaliyyəti bu gün Azərbaycan cəmiyyətində yüksək dəyərləndirilir.”
Bu sözləri mətbuata açıqlamasında Azərbaycan Universal Döyüş Federasiyasının prezidenti, SSRİ İdman ustası, Əməkdar Məşqçi, Azərbaycan Respublikası Əməkdar Bədən Tərbiyəsi və İdman Xadimi, Beynəlxalq Universal Döyüş Federasiyasının prezidenti Azər Həsənov deyib.
Federasiya rəhbəri ilk növbədə belə bir məqamı vurğulayıb ki, Mehriban xanım Əliyevanın fəaliyyəti beynəlxalq münasibətlər sistemində Azərbaycanın dostu olan ölkələrin sayının artmasında mühüm rol oynayır: “Mehriban xanım Əliyevanın rəhbərlik etdiyi Heydər Əliyev Fondu uzun illərdir ki, Azərbaycanın humanitar və mədəni diplomatiyasının səlahiyyətli nümayəndəsi funksiyasını uğurla həyata keçirir. Fondun xeyriyyəçilik tədbirləri bu gün artıq təkcə Azərbaycanı deyil, həmçinin bir çox xarici ölkələri əhatə edir. Əlbəttə ki, bu fəaliyyət hər şeydən öncə ölkəmizin dünyada tanınmasına və təbliğinə xidmət edir. Mehriban xanım Əliyevanın qlobal təşəbbüsləri sayəsində mədəniyyətlərarası dialoq Azərbaycanın beynəlxalq brendinə çevrilmişdir. Bilavasitə Azərbaycanın Birinci vitse-prezidentinin təşkilatçılığı ilə ölkəmizdə keçirilmiş beynəlxalq tədbirlər nəticəsində bu gün Azərbaycan dünyanın siyasi xəritəsində mədəniyyətlərarası dialoq ünvanlarından biri kimi tanınır. Mehriban xanım Əliyevanın Fransa, İtaliya, Rusiya, Türkiyə, Ukrayna və başqa ölkələrin Birinci xanımları və ya dövlət idarəetməsində yüksək vəzifə tutan xanımları ilə keçirdiyi çoxsaylı görüşlər, əməkdaşlıq etdiyi müxtəlif platformalar Azərbaycanın müsbət beynəlxalq imicinin formalaşmasında xüsusi əhəmiyyət kəsb edir.”
Azər Həsənov həmçinin qeyd edib ki, Birinci vitse-prezident Mehriban xanım Əliyevanın fəaliyyəti ölkəmizdə idman hərəkatının davamlılığına misilsiz töhfələr verir “Bu gün Azərbaycanda Ölkə Prezidenti cənab İlham Əliyev tərəfindən davamlı olaraq aparılan gənclər və idman siyasətinin əsas məqsədi respublikamızda idmanın inkişafı və bu zəmində formalaşmaqda olan gənc nəslin sağlam, vətənpərvər ruhda yetişdirilməsidir. Məhz bu məqsədlərə nail olmaq üçün hər il dövlətimiz tərəfindən bu sahəyə milyonlarla vəsait xərclənir. Xüsusi olaraq qeyd etmək lazımdır ki, bu gün Prezident İlham Əliyevin həyata keçirdiyi idman siyasətinin reallaşmasında Azərbaycanın Birinci vitse-prezidenti Mehriban xanım Əliyevanın əvəzsiz xidmətləri vardır. Son illər ərzində ölkəmizdə yeni istifadəyə verilən orta məktəb və məktəbəqədər müəssisələrin idman zalları ilə təchiz olunması, futbol meydançalarının, yeni salınan parklarda mini stadionların, idman qurğularının istifadəyə verilməsi, bölgələrdə və paytaxtda şahmat məktəblərinin, idman komplekslərinin tikilməsi Azərbaycanda idman hərəkatının genişlənməsinə səbəb olmuşdur. Azərbaycan Gimnastika Federasiyasının prezidenti Mehriban xanım Əliyevanın təşəbbüskarlığı və təşkilatçılığı ilə 2005-ci il oktyabrın 3-də Bakıda bədii gimnastika üzrə XXVII dünya çempionatı keçirildi. Beynəlxalq Gimnastika Federasiyasının prezidenti Bruno Qrandinin başçılığı ilə nümayəndə heyəti paytaxtımızın idman obyektlərinə baxdılar, ölkədə idmanın inkişaf səviyyəsini gördülər. Azərbaycan Milli Olimpiya Komitəsinin prezidenti İlham Əliyev nümayəndə heyətini qəbul etdi. Milli Olimpiya Komitəsindəki bu görüş zamanı nəinki Bakının dünya çempionatını keçirməyə namizədliyi təsdiqləndi, həm də ölkəmiz eyni dərəcədə nüfuzlu bir turniri – Dünya kubokunun mərhələ yarışını keçirmək təklifi də aldı və həmin yarış böyük müvəffəqiyyətlə baş tutdu. Dünya kuboku uğrunda yarış da yüksək səviyyədə keçdi və həm ölkə daxilində, həm də xaricdə müsbət qiymətləndirildi. Bu, Azərbaycanda keçirilən ilk dünya çempionatı oldu. Əminliklə demək olar ki, məhz həmin tarixdən etibarən bədii gimnastika respublikamızda öz intibah dövrünə qədəm qoydu. Demək lazımdır ki, Birinci Avropa Oyunlarının, IV İslam Həmrəyliyi Oyunlarının ölkəmizdə yüksək səviyyədə keçirilməsi də məhz Mehriban xanım Əliyevanın adı və yüksək təşkilatçılıq qabiliyyəti ilə bağlıdır. Bu beynəlxalq yarışlar ölkəmizin istər mədəniyyət, istərsə də idman nüfuzunu bütün dünyada yüksəltmiş, Azərbaycanı idman ölkəsi kimi tanıtmış və ölkəmizə böyük turist axınına səbəb olmuşdur. Danılmaz həqiqətdir ki, Azərbaycanın Birinci vitse-prezidenti Mehriban xanım Əliyevanın milli maraqlara, bəşəri dəyərlərə əsaslanan çoxşaxəli fəaliyyəti həm ölkəmizdə, həm də beynəlxalq səviyyədə çox yüksək qiymətləndirilir, dərin rəğbətlə qarşılanır. Mehriban xanım Əliyeva ötən müddət ərzində milli maraqları daim üstün tutaraq xalqa və dövlətə ləyaqətlə xidmət edib, vətəndaş məmnunluğunun artmasına, əhalinin rifahının daha da yaxşılaşmasına xidmət edən mühüm təşəbbüslərlə çıxış edib, xüsusilə də sosial məsələlərin həllinə yüksək diqqət göstərib. Bunlarla yanaşı, fəaliyyəti humanizm və vətənpərvərlik prinsiplərinə əsaslanan Mehriban xanım Əliyeva ölkəmizin müsbət beynəlxalq imicinin daha da möhkəmlənməsinə, Azərbaycan həqiqətlərinin dünya ictimaiyyətinin diqqətinə çatdırılmasına müstəsna töhfələr verib. Azərbaycanın Birinci vitse-prezidenti Mehriban xanım Əliyevanın təşəbbüsü ilə genişmiqyaslı və ictimai əhəmiyyətli layihələr bu gün də uğurla həyata keçirilir və ölkəmizin inkişafına, dövlətimizin getdikcə daha da qüdrətlənməsinə misilsiz töhfələr verməkdə davam edir.”
AİA.Az
Oğuzda olarkən hər dəfə ilk ziyarətini Oğuz ictimaiyyəti və Şəhid ailələri ilə birlikdə Şəhidlər xiyabanından başlayan deputat Aqiyə Naxçıvanlı bu dəfə abidəni onlarla bərabər həm də dairə üzrə onun seçiciləri olmayan, lakin öz seçiciləri qədər diqqət göstərdiyi Xocalılarla yad etməklə başladı. Öncə bütün şəhidlərin ruhuna dualar oxundu, sonra isə qəbirləri bir-bir ziyarət edildi, önlərinə gül dəstələri qoyuldu.
Bəlkə də sözlə ifadə zamanı bu bir qədər bədii səslənə bilər, ancaq Xocalıların üzlərindəki ifadəni canlı görmək bir insanın içini coşduran, məmnunluq hissi ilə qürurlandıran, minnətdarlıq hissi ilə “mənim də canım sizlərə fəda olsun, ey şəhidlər” deyərək hayqırmaq kimi hisslərin məcmusu idi. Xocalılar o soyuq məzarda yatan şəhidlərimizə nə qədər minnətdar idilər... Çünki onların 30 il bundan öncə Xocalıda yaşadıqları zülmün qısasını bu şəhidlər almışdılar. Sanki şəhidlər Xocalıları 30 ildir içində cabaladıqları “qaranlıq quyu”dan çıxarmışdılar. Onların duman çökmüş gözlərinə parlaqlıq, qəlblərinə qürur bəxş etmişdilər. Bu ziyarət şəhidləri yad etməklə bərabər, həm də minnətdarlıq ziyarəti idi.
Xiyabanın önündə deputat Aqiyə Naxçıvanlı Vətən müharibəsində Azərbaycan Ordusunun əldə etdiyi tarixi qələbədən, Müzəffər Ali Baş Komandan İlham Əliyevin rəhbərliyi ilə 30 il düşmən tapdağı altında olan Vətən torpaqlarının erməni işğalçılarından birdəfəlik azad olunmasından və 44 gün ərzində zəfərlə sona çatan Vətən müharibəsində Oğuzun qəhrəman oğullarının igidliklə vuruşmasından ətraflı danışmışdır. Onların rəşadətinin ölkə rəhbərliyi tərəfindən yüksək qiymətləndirilərək neçə-neçə orden, medal, fəxri adlarla təltif olunmasından, xatirələrinin əbədiləşdirilməsi məqsədi ilə adlarına məktəb, küçə, bulaq, abidə komplekslərinin tikilməsindən, “Zəfər tarixi”mizin yazılmasından geniş söhbət açmışdır. Həmçının şəhid ailələrinin mənzillə təminatı sahəsində ciddi işlərin aparıldığını diqqətə çatdırmışdır.
Tədbirdə olan şəhid valideynləri və Xocalı sakinləri onların ailə üzvlərinə xüsusi diqqət və qayğı ilə yanaşıldığını, Respublika rəhbərliyinin - xüsusilə cənab Prezidentimizin şəhid ailələri və qazilərin sosial problemləri ilə bilavasitə maraqlanmasını, həlli üçün konkret tapşırıqlar verməsini, hər rayonda şəhidlərimizin uyuduğu Xiyabanların, onların xatirəsinə ucaldılmış abidələrin, Bakı şəhərində Zəfər muzeyinin tikilməsini yüksək diqqətin bariz nümunəsi olduğunu söyləmişlər. Qeyd olunmuşdur ki, artıq şəhid ailələrinin elektron ev növbəsi layihəsi üzrə qeydiyyat işlərinə də başlanılmışdır.
Tədbirin sonda Şəhid ailələri, qazilər, doğma yurd yuvalarına qayıdacağı günü gözləyən Xocalı sakinləri və Oğuz ictimaiyyətinin nümayəndələri tərəfindən qeyd olunmuşdur ki, xalqımız Azərbaycan Respublikasının Prezidenti cənab İlham Əliyevə, Birinci vitse-prezident Mehriban xanım Əliyevaya milli-mənəvi dəyərlərimizə, şəhidlərimizə, qazilərimizə, onların ailə üzvlərinə göstərdikləri diqqət və qayğıya görə çox minnətdardırlar. Onların yaratdığı birlik sayəsində ölkəmiz dünya xalqları arasında özünəməxsus yer tutduğunu təsdiqləmişdir. Artıq Azərbaycan humanitar əməkdaşlıq üçün mühüm məkana çevrilib, Azərbaycan xalqı artıq dünyada müzəffər xalq kimi, Azərbaycan dövləti isə müzəffər ölkə kimin tanınır!
AİA.Az
Mərkəzi icra hakimiyyəti orqanlarının və digər idarəetmə qurumlarının rəhbərləri tərəfindən 2022-ci ilin mart ayında şəhər və rayonlarda keçiriləcək vətəndaşların qəbulu cədvəli açıqlanıb.
bizimaz.az həmin cədvəli təqdim edir:
|
S/n |
Qəbulun keçirildiyi şəhər, rayon |
Əhatə olunan şəhər, rayonlar |
Qəbulu keçirən mərkəzi icra hakimiyyəti orqanı və idarəetmə qurumu |
Qəbulun keçirildiyi gün |
|
1. |
Füzuli |
Füzuli, Beyləqan, Xocavənd |
ədliyyə naziri Fikrət Məmmədov |
02 |
|
2. |
İmişli
|
İmişli, Saatlı, Sabirabad |
Qida Təhlükəsizliyi Agentliyinin sədri Qoşqar Təhməzli |
02 |
|
3. |
Sumqayıt |
Sumqayıt, Qubadlı |
Dini Qurumlarla İş üzrə Dövlət Komitəsinin sədri Mübariz Qurbanlı |
04 |
|
4. |
Sabirabad |
Sabirabad, Saatlı, İmişli |
Səfərbərlik və Hərbi Xidmətə Çağırış üzrə Dövlət Xidmətinin rəisi Arzu Rəhimov |
04 |
|
5. |
Ağdaş |
Ağdaş, Göyçay
|
Dövlət Şəhərsalma və Arxitektura Komitəsinin sədri Anar Quliyev |
10 |
|
6. |
Ağsu
|
Ağsu, İsmayıllı, Şamaxı, Qobustan |
Azərbaycan Meliorasiya və Su Təsərrüfatı ASC-nin sədri Zaur Mikayılov |
10 |
|
7. |
Mingəçevir |
Mingəçevir, Yevlax |
“Azərişıq” ASC-nin sədri Vüqar Əhmədov |
10 |
|
8. |
Lənkəran |
Lənkəran, Astara, Lerik |
Baş prokuror Kamran Əliyev |
11 |
|
9. |
Siyəzən |
Siyəzən, Xızı |
ekologiya və təbii sərvətlər naziri Muxtar Babayev |
11 |
|
10. |
Tovuz |
Tovuz, Ağstafa, Qazax |
gənclər və idman naziri Fərid Qayıbov |
11 |
|
11. |
Quba |
Quba, Qusar |
iqtisadiyyat naziri Mikayıl Cabbarov |
11 |
|
12. |
Şəki
|
Şəki, Qax
|
kənd təsərrüfatı naziri İnam Kərimov |
11 |
|
13. |
Astara |
Astara, Lənkəran, Lerik |
mədəniyyət naziri Anar Kərimov |
11 |
|
14. |
Ağstafa |
Ağstafa, Qazax, Tovuz |
rəqəmsal inkişaf və nəqliyyat naziri Rəşad Nəbiyev |
11 |
|
15. |
Şamaxı |
Şamaxı, Qobustan |
Ailə, Qadın və Uşaq Problemləri üzrə Dövlət Komitəsinin sədri Bahar Muradova |
11 |
|
16. |
Mingəçevir |
Mingəçevir, Yevlax |
“Azəristiliktəchizat” ASC-nin sədrinin vəzifəsini müvəqqəti icra edən İlham Mirzəliyev |
11 |
|
17. |
Gəncə |
Gəncə, Samux, Kəlbəcər |
təhsil naziri Emin Əmrullayev |
12 |
|
18. |
Goranboy |
Goranboy, Xocalı, Naftalan |
Qaçqınların və Məcburi Köçkünlərin İşləri üzrə Dövlət Komitəsinin sədri Rövşən Rzayev |
14 |
|
19. |
Şirvan |
Şirvan, Hacıqabul |
İcbari Tibbi Sığorta üzrə Dövlət Agentliyinin sədri Zaur Əliyev |
14 |
|
20. |
Şamaxı |
Şamaxı, Qobustan |
“Azəriqaz” İstehsalat Birliyinin baş direktoru Ruslan Əliyev |
14 |
|
21. |
Saatlı |
Saatlı, Sabirabad, İmişli
|
“Azərsu” ASC-nin sədrinin səlahiyyətlərini icra edən Köçərli Həsənov |
16 |
|
22. |
Quba |
Quba, Qusar |
Ali Məhkəmənin sədri Ramiz Rzayev |
18 |
|
23. |
Şirvan |
Şirvan, Hacıqabul |
energetika naziri Pərviz Şahbazov |
18 |
|
24. |
Abşeron |
Abşeron, Zəngilan |
Dövlət Gömrük Komitəsinin sədri Səfər Mehdiyev |
29 |
|
25. |
Gəncə |
Gəncə, Samux, Kəlbəcər |
Azərbaycan Avtomobil Yolları Dövlət Agentliyinin sədri Saleh Məmmədov |
29 |
|
26. |
Lənkəran |
Lənkəran, Astara, Lerik, Masallı, Cəlilabad, Yardımlı |
daxili işlər naziri Vilayət Eyvazov |
30 |
|
27. |
Bərdə |
Bərdə, Tərtər |
fövqəladə hallar naziri Kəmaləddin Heydərov |
31 |
