Xəbər lenti

Monqolustanda bubon taunu yayılıb, karantin tətbiq olunub

Monqolustanın qərbində Xovd əyalətinin iki rayonunda taun xəstəliyinin bubon formasının yayılması səbəbi ilə karantin tətbiq edilib.

 

Bizimaz.az “Report”-a istinadən  xəbər verir ki, son sutka ərzində Xovd əyalətində iki tauna yoluxma hadisəsi qeydə alınıb.

Bir pasiyentdə xəstəliyin ağciyər forması müşahidə olunur. Əyalət tam karantinə alınıb, oraya giriş-çıxış dayandırılıb.

Epidemiologiya Xidməti taun xəstəliyi ilə bağlı başqa halın olub-olmadığını yoxlayır və onun yayılmasının qarşısını alır.

Milli Zoonozlar Mərkəzindən (MZM) verilən məlumata görə, Xovd əyalətinin Tsetseq mahalının 27 yaşlı sakini çiy marmot əti yedikdən sonra bazar günü yerli xəstəxanaya çatdırılıb.

Ət yemiş gənc qadın isə ağır vəziyyətdədir. Onun 60-dan çox insanla birbaşa, 400-dən çox insanla isə dolayı yolla əlaqədə olduğu söylənilir.

© 2017 www.bizimaz.az - Bütün hüquqlar qorunur.
Saytda yerləşdirilmiş hər bir materiala olan hüquqlar Azərbaycan Respublikasının qanunvericiliyinə, həmçinin müəlliflik hüququ qanunlarına əsasən qorunur.
Müəlliflərin mövqeyi redaksiyanın mövqeyi ilə uyğun gəlməyə bilər. Saytdakı materiallardan istifadə zamanı istinad zəruridir.
Ünvan: Bakı AZ 1073 Mətbuat prospekti, 529-cu məhəllə, "AZƏRBAYCAN" nəşriyyatı, 2-ci mərtəbə, 44-cü otaq
Tel:(+944 12) 510 24 66; Mob:(+994 50) 346 25 52;
Təsisçi: Z.Vəliyev
Baş redaktor: Asif (Talıboğlu) Şükürov