İran Ukrayna Prezidenti Volodimir Zelenskinin ABŞ Konqresində çıxışından sonra onu hədələyib.

“Qafqazinfo” “New York Post”a istinadən xəbər verir ki, bu barədə İran XİN-in rəsmi nümayəndəsi Naser Kanaani danışıb.

Məlumata görə, Ukrayna lideri Konqresdə çıxışı zamanı İranı müharibədə istifadə olunması üçün Rusiyaya pilotsuz uçuş aparatları verməkdə ittiham edib.  

“Cənab Zelenski yaxşı bilir ki, İranın bu cür əsassız iddialara qarşı strateji səbri sonsuz deyil. Ukrayna lideri ABŞ-nin dəstəyi ilə kifayətlənən bəzi digər siyasi liderlərin taleyindən dərs almalıdır”, - deyə Kanaani qeyd edib.

Xatırladaq ki, cari ilin avqust ayında İranın Rusiyaya “Mohajer-6” və “Shahed” pilotsuz uçuş aparatları göndərdiyi məlum olub.

Vaşinqton Rusiya üçün bir sıra beynəlxalq təşkilatlarla əməkdaşlıqla bağlı maneələr yaratmağa çalışır.

Bu barədə Konqresin Nümayəndələr palatasının silahlı qüvvələrlə bağlı komitəsinin yaydığı büdcə layihəsinə dair izahat materiallarında qeyd olunub.

Sənəd Rusiyanın “İyirmilər qrupu”ndan (G20), Bank nəzarəti ilə bağlı Bazel Komitəsindən, Beynəlxalq Sığorta Nəzarəti Assosiasiyasından, Beynəlxalq Qiymətli Kağızlar Komissiyası Təşkilatından təcrid siyasətini nəzərdə tutur.

Sənəddə, həmçinin bu siyasətin davam etdirilməsi üçün zəruri addımların atılması ilə bağlı tələblər irəli sürülür.