Müğənni Nigar Camal görüntülərindən istifadə edərək öz məhsulunu reklam edən şirkətdən şikayətçi olub. Bizimaz.az “Qafqazinfo”ya istindən xəbər verir ki, sənətçinin sosial şəbəkədə yaydığı məlumata əsasən, o, dələduzluğa məruz qalıb: “Bir neçə gündür sosial şəbəkələrdə mənim videomdan istifadə edilərək qumar oyunu reklam olunur. Dələduzluqla məşğul olan bu “application” sahibləri insanları aldadaraq onların pullarını mənimsəyir. Hər kəsi diqqətli olmağa, belə oyunlara aldanmamağa çağırırıq. Sözügedən reklamın mənimlə heç bir əlaqəsi yoxdur. İcazəsiz formada görüntülərdən öz piarlarını aparmaq üçün istifadə ediblər. Məsələ ilə bağlı hüquq-mühafizə orqanlarına müraciət etmişik. Reklamı yerləşdirən şirkət cəzalandırılacaq”.
