Azərbaycan Prezidenti  İlham Əliyevin rəhbərliyi ilə həyata keçirilən uğurlu  iqtisadi siyasət tədbirləri və davamlı islahatlar milli iqtisadiyyatın bütün sahələrində dinamizm meyillərini gücləndirmişdir. Məhz belə uğurlu strategiya nəticəsində respublikamızda davam edən inkişaf dinamikası iqtisadiyyatın bütün sahələrinə müsbət təsir göstərir. Xüsusilə də qeyri-neft sektorunda müşahidə olunan artım tempi Azərbaycan iqtisadiyyatında davamlı inkişafın təmin olunması istiqamətində dövlət siyasətinin müvəffəqiyyətlə həyata keçirildiyini təsdiqləyir.

Prezident İlham Əliyev Ələt Azad İqtisadi Zonanın təməlini qoydu. Dövlət başçısı prezident İlham Əliyev 22 may tarixində  Ələt Azad Ticarət zonasının yaradılması ilə bağlı imzaladığı fərman bu istiqamətdə  işin daha da formalaşmasına zərurət yaratdı. Ələt Azad İqtisadi Zonanın yaradılmasında əsas məqsəd qabaqcıl idarəetmə təcrübəsinə uyğun yüksək əlavə dəyərli və ixrac yönümlü istehsalın təmin olunmasıdır. Bizdə kifayət qədər daxili investisiyalar, kifayət qədər xaricdən gələn neft sektoruna yönəldən investisiyalar var. Amma bizə maraqlı tərəfi qeyri-neft sektorunda güclü bir inkişaf olsun. Bu məqsədlə Azad İqtisadi Zona yaradılıb. Layihənin hazırlanması ölkəmizin reqional mövqeyini gücləndirməyə şərait yaradacaq.