Bildiyimiz kimi koronavirusla mübarizə fonunda bir sıra məhdudiyyətlər tətbiq olunmağa başlanılıb. Cəmiyyət üçün aktual məsələlərdən biri də hərbi xidmətini başa vurmuş əsgərlərin ehtiyata buraxılması ilə bağlı hər hansı bir dəyişikliyin olub-olmamasıdır.

Bizimaz.az xəbər verir ki, məsələ ilə bağlı Müdafiə Nazirliyinin mətbuat katibi, polkovnik Vaqif Dərgahlı Konkret.az-a açıqlama verib.

“Azərbaycan Ordusunda xidmət edən müddətli həqiqi hərbi xidmət hərbi qulluqçularının ehtiyata buraxılmasında hazırda hər hansı bir dəyişiklik nəzərdə tutulmayıb. Müddətli həqiqi hərbi xidmət hərbi qulluqçularının aprelin 1-dən başlayaraq qanunvericilikdə nəzərdə tutulmuş qaydada ehtiyata buraxılması planlaşdırılır”, - Dərgahlı bildirib.

Azərbaycanda hərbi xidmətə çağırış müddəti mayın 31-nə qədər uzadılır.

Müdafiə Nazirliyi müddətli həqiqi hərbi xidmət hərbi qulluqçularının ehtiyata buraxılması ilə bağlı son günlər sosial şəbəkələrdə səslənən fikirlərə münasibət bildirib.

Müdafiə naziri general-polkovnik Zakir Həsənov düşmənin ehtimal olunan təxribatlarının qarşısının dərhal alınması məqsədilə əmr verib.

Azərbaycan Ordusunda valideyn görüşləri dayandırılıb.