“Bolt” və “Uber” taksi şirkətləri ilə bağlı daxil olan müraciətlərin sayı çoxalıb”.

Bunu “Report”a Daxili İşlər Nazirliyinin Mətbuat Xidmətinin KİV və ictimaiyyətlə əlaqələr şöbəsinin rəisi polis polkovnik-leytenantı Elşad Hacıyev jurnalistlərə açıqlamasında deyib.

Onun sözlərinə görə, 400-dən artıq taksi sürücüsünə neqativ fəaliyyəti ilə bağlı cinayət və inzibati xəta tərkibi yaradan əməllərə bağlı müvafiq tədbirlər görülüb:

“Bu istiqamətdə müvafiq tədbirlər davam etdirilir. Əsas diqqət ona yönəlib ki, nəqliyyat təsərrüfatında taksilərlə bağlı vətəndaş məmnunluğu təmin edilsin. Aidiyyəti dövlət qurumları ilə birgə kompleks işlər davam etdirilir”.

“Vətən müharibəsi zamanı Azərbaycanın şəhər və rayon ərazilərinə ümumilikdə təxminən 29 100 mərmi və 227 raket atılıb”.

Bunu Gəncədə səfərdə olan baş prokurorun birinci müavini Elçin Məmmədov deyib.

O bildirib ki, Ermənistan silahlı qüvvələri tərəfindən Gəncə şəhəri ilə yanaşı birbaşa mülki şəxslərin qətlə yetirilməsi, xüsusi ilə külli miqdarda əmlaklara ziyan vurulması məqsədi ilə Bərdə, Ağcabədi, Goranboy və s. rayonları da hədəfə alınıb.