Rusiya Silahlı Qüvvələrinin Baş İdarəsinin (keçmiş adı Baş Kəşfiyyat İdarəsi, QRU – red.) rəhbəri general-polkovnik İqor Korobov 62 yaşında vəfat edib.
Bizimaz.az Axar.aza istinadən xəbər verir ki, bu barədə məlumatı Rusiya Müdafiə Nazirliyi yayıb. Onun uzun müddət davam edən ağır xəstəlikdən dünyasını dəyişdiyi bildirilib.
Qeyd edək ki, Korobov 2016-cı ildən hərbi kəşfiyyata rəhbərlik edib. O, bu vəzifəyə QRU-nun eks-rəhbəri İqor Serqunun müəmmalı ölümündən sonra gətirilib.
***
Rusiya Silahlı Qüvvələrinin Baş İdarəsinin (keçmiş adı Baş Kəşfiyyat İdarəsi, QRU – red.) rəhbəri general-polkovnik İqor Korobovun ölümündən sonra onun səlahiyyətlərini müvəqqəti olaraq birinci müavin İqor Kostyukov icra edəcək.
Məlumata görə, Kostyukov eyni zamanda QRU rəhbərliyinə ən real namizəd kimi ön plana çıxır və sədr təyin ediləcəyi halda qurumun tarixində ona rəhbərlik etmiş ilk dənizçi kimi tarixə düşəcək.
