Katedralda saxlanılan qədim dini sənət əsərlərinin böyük bir hissəsi, o cümlədən İsa peyğəmbərə aid olan maddi irs nümunələri yanğından mühafizə edilib. 

Fransa Daxili İşlər Nazirliyinin məlumatında bildirilir ki, hazırda binada baş verən yanğını söndürmək mümkün deyil. Yanğın nəticəsində XII əsrə aid kilsənin ən hündür qülləsi və damı uçub.

Hadisədən sonra Fransa prezidenti Emmanuel Makron  keçirəcəyi mətbuat konfransını ləğv edib və hadisə yerinə gəlib.Qədim mədəniyyət abidəsinin yanması bütün dünyada böyük itki kimi qiymətləndirilib.

Yanğınsöndürənlərin ehtimallarına görə, Notr-Dam kilsəsinin şimal qülləsi hissəsinin tamamilə məhv olma ehtimalı var. Bir qədər əvvəl isə kilsənin bərpasının azı 10 il vaxt tələb edəcəyi açıqlanıb.

Qeyd edək ki,əsası1163-cü ildə qoyulmuş Notr-Dam kilsəsi Müqəddəs Məryəm Ana Kafedralının əsas tərkib hissəsi idi. İldə 13 milyon turist qəbul edən bu tarixi abidə UNESCO-nun Dünya İrsi Siyahısına daxil edilmiş nadir memarlıq incilərindən biridir.