Son iki həftədə İranın 25 əyalətinə yağan intensiv yağışlar nəticəsində yaranan sel, daşqınlar və torpaq sürüşmələrində 64 nəfər həyatını itirib.

SalamNews  İRNA-a istinadla xəbər verir ki, bu barədə İranın Tibbi Ekspertiza İdarəsi məlumat verib.

Bildirilib ki, ötən gün Qəzvin əyalətində şiddətli yağışlar və seldən sonra torpaq sürüşməsi və dağ uçqunu nəticəsində daha iki nəfər ölüb. Bu hesabla son iki həftədə İranda sel və ondan irəli gələn torpaq sürüşməsinə görə ölənlərin sayı 64-ə çatıb.

Bu təbii fəlakət daha çox İranın Şiraz şəhərində (19) can alıb. İranın Lorestan əyaləti və Qolestan əyaləti qurbanların sayına görə 2 və 3-cü yerdədirlər.

İranın aidiyyatı qurumları bu intensiv yağışların və ondan irəli gələn selin son 48 ildə ən şiddətli olduğunu bildirirlər.

Bu təbii fəlakət zamanı İranın şimalında Qolestan əyalətinin türkmənlər yaşayan Ağ Qala şəhəri və qərbində yerləşən Lorestan əyalətinin Pol-Doxtər (Qız Körpüsü) şəhəri daha çox maddi ziyana məruz qalan yaşayış massivləridir.

Yeni Zelandiyanın Kraystçerç şəhərində 15 mart tarixində məscidlərə silahlı hücum edən cinayətkar Brenton Tarrantın növbəti məhkəməsi baş tutacaq.

Səudiyyə Ərəbistanının Kralı Salman bin Əbdüləziz Al Səud İraqda müxtəlif layihələrin həyata keçirilməsi və Bağdadda Kral Salmanın adına idman şəhərciyinin inşa edilməsi üçün 1 milyard dollar ayırıb.

Bizimaz.az AZƏRTAC-a istinadən xəbər verir ki, bunu İraqda səfərdə olan Səudiyyə Ərəbistanının ticarət və sərmayə naziri Macid Abdulla əl-Kassabi Bağdadda keçirilən mətbuat konfransında bəyan edib.

Nazirin sözlərinə görə, səfər çərçivəsində İraq ilə Səudiyyə Ərəbistanının bütün sahələrdə ikitərəfli münasibətlərinin möhkəmləndirilməsi, iki ölkənin maraqlarına uyğun əməkdaşlığın genişləndirilməsi, strateji əməkdaşlığın inkişafı və bu ölkələr arasında sərmayələrin təşviqi məsələləri müzakirə ediləcək.

Qlobal iqtisadiyyatın 30 faizi 28 ölkəni özündə birləşdirən Avropa Birliyinin payına düşür.