Bizimaz.az: Metropolitenin mətbuat xidmətinin rəhbəri Bəxtiyar Məmmədov Publika.az-a bildirib ki, saat 10:35-də stansiyadakı qatarda texniki nasazlığın yaranması ilə bağlı Həzi Aslanov - Dernəgül istiqamətindəki qatarın vaqonlarındakı sərnişinlər boşaldılıb. Qatar depoya göndərilib və əvəzinə köməkçi qatar xəttə buraxılıb: "Nasaz qatar xətdən çıxarılarkən ehtiyat olaraq köməkçi qatar hazırlanıb və bu səbəbdən həmin qatardan sərnişinlər düşürülüb. Lakin köməkçi qatara ehtiyac yaranmadığından xətdə saxlanılaraq öz qrafiki və marşrutu ilə hərəkətini davam etdirib".
Qeyd edək ki, hadisə nəticəsində 2 qatar arasında 11 dəqiqəlik fərq yaranıb və qısa zamanda interval nizama salınıb.
