Paytaxtın Xətai rayonu Nobel prospekti ərazisində bir neçə gün əvvəl yol yenidən çöküb.
Bizimaz.az bildirir ki, Bu sözləri Axar.az-a açıqlamasında Azərbaycan Avtomobil Yolları Dövlət Agentliyinin mətbuat katibi Anar Nəcəfli deyib. O, hələlik yolun bərpa edilmədiyini söyləyib:
“Hazırda Azərsu Açıq Səhmdar Cəmiyyətinin mütəxəssisləri tərəfindən ərzidə araşdırma işləri aparılır. Həmin ərazidə yerin 2,4 metr dərinliyində yüksək təzyiqli kanalizasiya kollektoru keçir. Ehtimal olunur ki, qurunt suları kollektorda özünə yer taparaq sızır. Sözügedən ərazidə torpaq örtüyü qum kimi olduğuna görə su özü ilə bərabər topağı yuyub aparır. Nəticədə həmin ərazidə çökmə baş verir. Kollektorun içərisində sızıntılarının qarşısının alınması üçün izolyasiya işləri aparılır. Problem tam olaraq aradan qaldırıldıqdan sonra yolda bərpa işləri aparılacaq. Ərazidə təhlükəsizliyin təmin olunması üçün müvəqqəti yol nişanları qurulub və həmin zolaq üzrə hərəkət məhdudlaşdırılıb”.
Qeyd edək ki, Azərsu ASC-nin mətbuat xidmətinin rəhbəri Anar Cəbrayıllı Modern.az-a açıqlamasında Bakıdakı Nobel prospektindəki çökmənin qurumun su və kanalizasiya xətlərindəki sızmalarla bağlı olmadığını söyləyib
