“Biz gündəlik yoluxmanın statistikasından asılı addımlar atırıq. Mərhələli şəkildə yaxşılaşmaya doğru gedirik. Xəstə sayı azaldığı üçün bizim bəzi pandemiya xəstəxanalarımız bağlanır”.

Bizimaz.az  Oxu.Az-a istinadən xəbər verir ki, bu sözləri TƏBİB-in Departament müdiri Yaqut Qarayeva deyib.

O bildirib ki, xalqı narahat edən bütün problemlər üzərində iş gedir:

“Hər bir yumşalma və sərtləşmə epidemioloji vəziyyətdən asılıdır. İnsanları düşündürən bəzi məsələlər istiqamətində artıq müzakirələr gedir. Lakin hər kəs başa düşməlidir ki, vaksinasiya prosesi vacib məsələdir”.