Qarabağda döyüşlər şiddətlənən günlərdən etibarən cəbhədən təxribat xarakterli məlumatlar yayan Semyon Vladimiroviç Peqovdan yeni xəbər var. 

Bizimaz.az BAKU.WS-ə istinadən  xəbər verir ki, "WarGonzo" layihəsi ilə tanınan hərbi jurnalist Qarabağda erməni tərəfdən çəkilişlər edərək ordumuza qarşı saxta iddialar irəli sürürdü.

Ancaq bir neçə gün idi ki, onun cəbhədən səsi-sorağı gəlmirdi. Yenicə məlumat paylaşan Peqov qəfil Xabarovsk şəhərində peyda olub. O, bunu yeni layihə üzərində işləməsi ilə əlaqələndirib. Ancaq görünən odur ki, ordumuzun genişmiqyaslı əməliyyat planını dərk etdikdən sonra aradan çıxıb. 

Erməni iş adamı Aram Qabrelyanov tərəfindən maliyyələşən Peqov qarşısına qoyulan missiyaları yerinə yetirməyə macal tapmadan Qarabağı tərk edib.