İyulun 6-da Gəncə şəhərində “AQRO: Beynəlxalq Kənd Təsərrüfatı Konqresi” öz işinə başlayıb.

3 gün davam edəcək onlayn tədbirin təşkilatçıları AMEA-nın Biologiya və Tibb Elmləri Bölməsi, Türkiyə Respublikasının Mədəniyyət və Turizm Nazirliyinin tabeliyində fəaliyyət göstərən İqtisadi İnkişaf və Sosial Tədqiqatlar İnstitutu (İKSAD), Azərbaycan Dövlət Aqrar Universiteti, EGE Universitetinin Aqrar fakültəsidir.

Hibrid formada keçirilən konqresin fəxri sədrləri AMEA-nın vitse-prezidenti, akademik İradə Hüseynova və Egey Universitetinin rektoru, prof. Dr. Necdet Budak, elmi təşkilat komitəsinin sədri Azərbaycan Dövlət Aqrar Universitetinin rektoru, AMEA-nın müxbir üzvü, professor İbrahim Cəfərovdur. Konqresin işinə 11 ölkədən 130-dan çox məruzəçi qoşulub.

Konfransın onlayn formatda təşkil edilmiş açılış mərasimində ilk olaraq çıxış edən akademik İradə Hüseynova həm AMEA-nın prezidenti v.i.e. akademik Arif Həşimovun, həm də öz adından iştirakçıları salamlayıb. Natiq bildirib ki, son bir ildə IKSAD-la birgə 5 beynəlxalq konqres təşkil edilib. Tətbiqi elmlərə həsr edilmiş növbəti konqresin açılışı isə 8 iyunda Şuşada baş tutacaq.

Son illərdə COVID-19, regional münaqişələr və təbii fəlakətlərlə əlaqədar dünyada aclıqdan əziyyət çəkən insanların sayında sürətli artımın qeydə alındığına diqqət çəkən akademik İradə Hüseynova ərzaq və qida təhlükəsizliyinin təmin olunması üçün biologiya və aqrar elmlərin, eləcə də bu sahəyə yardım göstərən digər elm sahələrinin məqsədyönlü inkişafının ən vacib şərt olduğunu vurğulayıb. Azərbaycan Respublikasının Prezidenti İlham Əliyevin müxtəlif tədbirlərdə etdiyi çıxışlarda aqrar sahə ilə bağlı problemlərin elmi həllərinin axtarılmasının vacibliyi bütün kəskinliyi ilə qoyulub. Cənab Prezident Azərbaycanın ərzaqlıq buğda ilə daxili təminatını 25 faizdən 70-75 faizə çatdırmağı vəzifə olaraq qarşıya qoyub. Bu vəzifənin icrası üçün isə yüksək məhsuldar, keyfiyyətli, davamlı sortlar yaradılmalı, suvarma suyu, suvarma sistemləri, gübrələr və bu kimi digər məsələlərin həlli, torpaqlardan istifadənin 

səmərəliliyinin artırılması üzrə tədqiqatlar intensivləşdirilməlidir.

Çıxışının sonunda akademik İradə Hüseynova konqresin işinə bir daha uğurlar arzulayıb və növbəti çıxış üçün sözü AMEA-nın müxbir üzvü İbrahim Cəfərova verib.

Konqres iştirakçılarını və qonaqları salamlayan İbrahim Cəfərov isə iqlim dəyişmələri, regional silahlı münaqişələr və s. səbəblərdən ərzaq təhlükəsizliyi probleminin kəskinləşdiyi bir dövrdə aqrar tədqiqatlara, müvafiq kadr hazırlığına olan ehtiyaclardan danışıb. Natiq ekoloji təmiz məhsul istehsalının, inteqrir bitki mühafizəsi məsələlərinin ciddi tədqiq edilməsinin vacibliyinə diqqət çəkib.

Sonra Egey Universitetinin rektoru, prof. Dr. Necdet Budak və İKSAD-ın nümayəndəsi çıxış edərək konqres iştirakçılarına öz salamlarını çatdırmaqla, müzakirə ediləcək məsələlərə öz münasibətlərini bildiriblər.  

Qısa fasilədən sonra konqres öz işinə elmi seksiyalarda davam etdirib.

Həmçinin, ADAU-nun rektoru İbrahim Cəfərov və elmi işlər üzrə prorektor Azad İbrahimova Türkiyədə fəaliyyət göstərən İqtisadi İnkişaf və Sosial Araşdırmalar İnstitutunun (IKSAD) təşəkkür plaketləri IKSAD-ın ali komissiyasının üzvü, iqtisad üzrə fəlsəfə doktoru Raqif Hüseynov tərəfindən təqdim olunub

Azərbaycan Dövlət Aqrar Universitetində (ADAU) qarşıda duran məsələlərin müzakirəsi ilə bağlı tədbir baş tutub.

Tədbiri giriş sözü ilə açan ADAU-nun rektoru, AMEA-nın müxbir üzvü, professor İbrahim Cəfərov universitetin elmi innovasiya potensialının artırılması, beynəlxalq reytinqlərdə mövqeyinin gücləndirilməsi, elmmetrik bazalarda nəşr olunan məqalələrin sayının artırılması barədə qarşıda duran məsələləri diqqətə çatdırıb.



Elmi işlər üzrə prorektor, dosent Azad İbrahimov “Elmi nəşrlərlə bağlı beynəlxalq reytinq göstəricilərinin yaxşılaşdırılması ilə əlaqədar 2022-ci il üzrə Yol Xəritəsi” istiqamətində Universitetdə aparılan işlər barədə məlumat verib. Ayrıca fermerlər üçün bitkiçilik məhsullarının becərilməsinə dair texnoloji yol xəritələrinin hazırlanmasının önəmindən bəhs edib və bu istiqamətdə də işlər aparıldığını vurğulayıb.

Tədris şöbəsinin müdiri, iqtisad üzrə fəlsəfə doktoru Elay Zeynallı ADAU-da 2023-cü ildə baş tutacaq ali təhsil müəssisələrinin akkreditasiyadan keçməsi istiqamətində görülən işlər və qarşıda duran vəzifələr barədə geniş məlumatı professor-müəllim heyyətinin diqqətinə çatdırıb.

Elm şöbəsinin müdiri Elçin Nəsirov elmi, tədris və ədəbi əsərlərin mətnlərində plagiat hallarının olmasının mənfi tərəfləri və bu halların qarşısının alınması strategiyaları barədə tədbir iştirakçılarına məlumat verib.

Sonda İbrahim Cəfərov tərəfindən Zoomühəndislik fakültəsinin dekanı, professor Qənbər Abdullayevə Rusiya Elmlər Akademiyasının həqiqi üzvü adına layiq görülməsi ilə bağlı diplom təqdim edilib.

Dünyada 518 480 076 nəfərdə koronavirus aşkarlanıb.

Bu barədə Oxu.Az-ın onlayn statistikasında qeyd olunur.

Virusa yoluxma sayına görə ilk beşlikdə olan dövlətlər ABŞ (83 778 760 nəfər), Hindistan (43 110 586 nəfər), Braziliya (30 594 388 nəfər), Fransa (29 021 224 nəfər) və Almaniyadır (25 490 156 nəfər).

Sərhəd qonşularımız arasında Rusiyada 18 237 227, Türkiyədə 15 046 779, İranda 7 226 219, Gürcüstanda 1 655 221, Ermənistanda isə 422 896 nəfərdə koronavirus aşkar edilib.

Azərbaycanda koronavirusa yoluxan 792 638 nəfərin 9 709-u ölüb, 782 869 xəstə sağalıb.

Azərbaycan Dövlət Aqrar Universitetinin (ADAU) Aqronomluq və Torpaqşünaslıq və aqrokimya fakültələri arasında ulu öndər Heydər Əliyevin anadan olmasının 99-cu ildönümünə həsr olunan bilik yarışı baş tutub.
Tədbirdə əvvəlcə ümumilli lider Heydər Əliyevin və torpaqlarımızın azadlığı uğrunda canından keçən şəhidlərimizin əziz xatirəsi yad olunub. Sonra Dövlət Himinin səsləndirilməsi ilə yarış başlanıb.
Yarışda ADAU-nun rektoru, AMEA-nın müxbir üzvü, professor İbrahim Cəfərov, elmi işlər üzrə prorektor, dosent Azad İbrahimov, EGE Universitetinin bir qrup alimi, fakültə dekanları, professor-müəllim heyəti, magistr və bakalavr tələbələr iştirak ediblər.
Ümumilikdə bilik yarışında "Zəfər" və "Uğur" komandası olmaqla 24 nəfər tələbə iştirak edib.
Yarışma Torpaqşünaslıq və aqrokimya fakültəsinin "Zəfər" komandasının qalibiyyəti ilə başa çatıb.
Sonda qaliblər təşəkkürnamə və hədiyyələrlə təltif olunublar.

 

Azərbaycan Respublikası Kənd Təsərrüfatı Nazirliyi və İsrailin Arava Beynəlxalq Kənd Təsərrüfatı Tədris Mərkəzi (AİCAT) aqrar sahədə fəaliyyət göstərən gənc mütəxəssislər üçün yeni təcrübə proqramı barədə Azərbaycan Dövlət Aqrar Universitetinin (ADAU) tələbələrinə məlumat verilib.

Aqronomluq fakültəsində keçirilən görüşdə çıxış edən Universitetin rektoru, AMEA-nın müxbir üzvü, professor İbrahim Cəfərov bildirib ki, qeyd olunan təcrübə proqramı aqronumluq, torpaqşünaslıq, aqrokimya, baytarlıq, zoomühəndislik, aqrobiznes, iqtisadiyyat, biologiya, qida təhlükəsizliyi və qida mühəndisliyi ixtisaslarında təhsil alan sonuncu kurs tələbələr, magistrantlar və məzunlar üçün böyük fürsətdir. Rektor, namizədləri bu fürsətdən yararlanmağa çağıraraq təlimin yarandığı dövrdən bəri 20 000-dən çox iştirakçıya yeni bilik və bacarıqlarını bir peşəkar kimi öz torpaqlarında uğurla tətbiq etməsi üçün böyük motivasiya və imkanlar yaratdığını diqqətə çatdırıb.

Tədbirdə qeyd olunub ki, 2022-ci ilin avqustundan 2023-cü ilin iyununa kimi davam edən təlimdə iştirakçılar Aravadakı fermaların ərazisində təşkil edilən şəhərcikdə yaşayacaq və fermerlərin mentorluğu ilə inovativ əkinçilik texnikası ilə tanış olacaq, tədqiqat layihələrində iştirak edəcəklər.

Sonda tədbir iştirakçılarının maraqlandıran suallar cavablandırılıb.

Təcrübə proqramı barədə məlumat xarakterli tədbirlər gün ərzində universitetin bütün fakültələrində davam edib.

Dünyada 495 413 360 nəfərdə koronavirus aşkarlanıb. 

Virusdan 6 191 495 xəstə ölüb, 430 996 569 nəfər sağalıb.

Virusa yoluxma sayına görə ilk beşlikdə olan dövlətlər ABŞ (81 950 247 nəfər), Hindistan (43 031 958 nəfər), Braziliya (30 067 249 nəfər), Fransa (26 390 471 nəfər) və Almaniyadır (22 164 060 nəfər).

Sərhəd qonşularımız arasında Rusiyada 17 940 765, Türkiyədə 14 929 905, İranda 7 180 008, Gürcüstanda 1 650 384, Ermənistanda isə 422 610 nəfərdə koronavirus aşkar edilib.

Azərbaycanda koronavirusa yoluxan 792 141 nəfərin 9 701-i ölüb, 782 143 xəstə sağalıb.