“ABŞ-ın sanksiyaları qaldırılmadan iki ölkə arasında dialoq başlamayacaq”.

Bizimaz.az xəbər verir ki, bunu İranın Xarici işlər naziri Məhəmməd Cavad Zərif deyib.

Sanksiyaları “iqtisadi müharibə” adlandıran nazir bildirib ki, bu məhdudiyyətlərin İranın nüvə proqramı il heç bir əlaqəsi yoxdu.

Zərif tvitter hesabında “İrana qarşı iqtisadi terrorizm məsum insanları hədəf alır. Qəlbi qırılmış, böyüdükcə anasının ona protez ayaq ala bilmədiyi kiçik uşaq kimi” başlıqlı bir video paylaşıb. O, sanksiyalar səbəbilə bir ananın övladına protez ayaq ala bilmədiyini diqqətə çatdırıb.

Qeyd edək ki, ABŞ-ın dövlət katibi Mayk Pompeo ötən gün verdiyi açıqlamada İran ilə ön şərtsiz görüşlərin başlana biləcəyini açıqlamışdı.