Kanadada "Qarabağ xalqının parlamentdəki dostları" qrupu yaradılıb.
Bizimaz.az xəbər verir ki, qrup martın 19-u yaradılıb. Qrup Kanada Nümayəndələr Palatasının üzvü Reyçel Harder tərəfindən formalaşdırılıb.
Qrupun formalaşdırılması işində Daşnaksütyunun əsas təsir dairələrindən biri olan Ay Data təşkilatı yaxından iştirak edib. əşkilatın Kanada ofisinin rəhbəri Sevak Belyan xüsusi aktivlik göstərib.
Artıq qondarma rejimin parlamentinin sədri Aşot Qulyan buna görə həm Harderə, həm də Belyana təşəkkür məktubu göndərib.
Qeyd edək ki, Harder 2017-ci il sentyabrın 2-də Azərbaycanın rəsmi icazəsi olmadan Qarabağa səfər edib. Həmin tarixdən etibarən onun adı Azərbaycan Xarici İşlər Nazirliyinin qara siyahısına əlavə olunub.
