Tanınmış aparıcı, Əməkdar artist Nailə İslamzadə İctimai Televiziyanın efirində veriliş aparacaq.

Bizimaz.az Publika.az-a istinadən  xəbər verir ki, bu barədə aparıcı Alidə Mustafayeva instaqramda məlumat verib.

Verilişi Nailə İslamzadə, Alidə Mustafayeva və Ceyhun Əli birlikdə aparacaq.

Alidə Mustafayeva həmkarı haqqında xoş duyğularını belə qələmə verib: “Onu bu gün qrim otağımızda gördüm. Qrim ustamızdan soruşdum ki, bizə təzə qız gəlib? Birdən mənə çatdı ki, bu odur. Gözəl və hətta çox gözəl Nailə İslamzadə. Xoş gəlmisiniz! Sizinlə eyni kanalda çalışacağımıza çox sevindim”.