“Çoçuklar duymasın” serialının əslən azərbaycanlı ulduzu Tamer Qaradağlı daha bu layihədə rol almayacaq.

Bizimaz.az Türkiyə mətbuatına istinadən xəbər verir ki, bu barədə sənətçi özü qonaq olduğu radio verilişində deyib. Onun bu açıqlaması hər kəsi təəccübləndirib:

“Serialın davam etmək ehtimalı yoxdur. Davam etsə də, artıq bu layihədə yenidən oynamağı düşünmürəm”.

Amerikada dostları ilə motosiklet turuna çıxan imicinin dəyişməsi ilə bağlı bunları deyib:

“Bəli, saç-saqqalım ağdır. Bundan utanmıram. Çünki insanın saçının, saqqalının ağarması utanılacaq bir şey deyil. Hər bir bəyaz telin bir hekayəsi var. Yaş almaq gözəldir. Ağarmış saç-saqqalımla xoşbəxtəm. Odur ki, "qocalmısan" söhbətini bir kənara qoyaq”.