“Televiziyalardan muğam layihələri ilə bağlı yaxşı təkliflər olsa və ürəklə çağırsalar, iştirak etməyə hazıram”. 

 

Bizimaz.az: Bunu Moderator.az-a açıqlamasında dünya çapında tanınan ifaçı, Xalq artisti Alim Qasımov deyib.

O, açıqlamasında televiziya vasitəsilə  muğam sənətini birbaşa canlı efirdə ustad dərsləri (master klass)  keçmək fikrinə hər zaman açıq olduğunu bildirib:

 

“İnşallah, Allah qoysa hansısa böyük televiziya kanalı ürəklənib yeni muğam layihəsi üçün dəvət etsə və biraz da musiqiçilərin qəbulunu ciddi aparsa, məmnuniyyətlə gəlib çıxış edərəm. Yaxşı layihə təklifləri olsa və ona ürəklə çağırsalar, gələrəm”.

 

Xatırladaq ki, Alim Qasımov bir ara televiziyada –İctimai TV-nin efirində- muğam sənətini birbaşa canlı efirdə dərs vasitəsilə tələbələrinə öyrədirdi.