Bu münasibətlə sənət dostlarının Ramiz Novruz haqda fikirlərini öyrənməyə çalışdıq. 

 

Həmkarı, xalq artisti Bəsti Cəfərova Moderator.az-a açıqlamasında ona öz ürək sözlərini bu cür çatdırdı:

 

“Ramiz müəllimi doğum günü münasibətilə təbrik edirəm. O, çox gözəl dostdu, insandı. Bu gün onunla axşam tamaşada olacağıq və mən orda şəxsən onu doğum günü münasibəti ilə təbrik edəcəm. Ramiz Novruz böyük şəxsiyyətdir. Ona ailəsiylə, nəvələriylə birlikdə xoş, firavan həyat arzulayıram. Sizlərə də diqqətiniz üçün minnətdarlıq edirəm”.

 

Xalq artisti Rasim Balayev də saytımıza açıqlamasında bildirdi ki, Ramiz Novruz həm aktyor, həm də insan kimi zəhmətkeş adamdır:

 

“Ramiz Norvuzu təbrik edirəm. Ona cansağlığı və uğurlar arzu edirəm. Həm kinoda, həm də teatrda yaxşı rollar arzulayıram. Onunla “Aydın” tamaşasında bir yerdə oynamışıq. Onun ən böyük kino rolu General Həzi Aslanov filmidir. O, çox zəhmətkeş insandır. Teatrda da yaxşı rolları var”.