Görkəmli dramaturq Cəfər Cabbarlının qızı, filoloq, uzun illər Cəfər Cabbarlının ev-muzeyinin direktoru olan Gülarə Cabbarlının bu gün vəfatından bir il ötür.
Bizimaz.az xəbər verir ki, sosial şəbəkədə Cəfər Cabbarlı adına açılan səhifə ildönümü ərəfəsində G.Cabbarlının piano ifa edərkən lentə alınmış görüntülərini paylaşıb.
Görüntülərin harada və nə zaman lentə alındığı məlum deyil.
G.Cabbarlı sözləri Ramiz Heydər, musiqisi Oqtay Kazımiyə məxsus “İnanmaram, inanmaram” adlı mahnını ifa edir.
Xatırladaq ki, 1930-cu ildə Bakıda Cəfər Cabbarlının ailəsində dünyaya gələn Gülarə Cabbarlı keçən il 88 yaşında dünyasını dəyişib.
